ߖߏߣߊߖߏߣߊ߫: ߖߌߥߎ߫ ߞߏߖߊ ߓߘߊ߫ ߘߏ߲߬ ߞߊ߲ߞߊ߲߫

ߓߌ߬ ߞߐ߬ߟߏ߲ ߂߀߂߆ ߘߓߊ߬ߓߌߟߊ ߕߋ߬ߟߋ߫ ߄ ߡߊ߬߸ ߓߙߊ߬ߒ߬ߘߐ߬ߞߏ߬ߖߊ ߘߏ߫ ߟߋ߬ ߣߊ߬ߣߍ߲߫ ߞߊ߲ߞߊ߲߫ ߛߐ߱ ߣߌ߲߬ ߡߊ߬، ߣߴߏ߬ ߦߋ߫ ߖߌߥߎ߫ ߞߏߖߊ ߘߌ߫߸ߊ߲ ߠߊ߫ ߟߊ߬ߞߙߐ߬ߛߌ߬ߟߌ߫ ߘߐ߫ ߛߏ ߞߣߐ߫߸ ߖߊ߬ߡߊ߫ ߝߌ߬ߙߌ߲ߞߐ߬ߞߐ߲ ߠߋ߬ ߞߍߣߍ߲߫ ߞߊ߬ ߖߌߥߎߘߊ ߟߎ߬ ߝߊ߫߸ ߔߏߔߏ߫ ߕߌ߮ ߟߎ߬ ߣߌ߫ ߞߐ߲߬ߛߏ߬ ߕߌ߮ ߟߎ߬، ߓߍ߯ ߟߋ߬ ߝߍ߲߬ߝߍ߲߬ߣߍ߲߫  ߦߋ߫ ߢߐ߲߯ ߞߐ ߝߍ߬، ߘߎ߰ߘߋ߲ ߘߏ߫ ߟߎ߫ ߦߴߊ߬ߟߎ߬ ߟߊ߫ ߔߏߔߏ ߡߊߞߘߎߞߘߎ ߟߊ߫، ߊ߲ ߛߋ߫ ߘߊ߫ ߘߏ߫ ߘߊߞߐߢߌ߬ߣߌ߲߬ߞߊ߬ ߟߊ߫߸ ߏ߬ ߟߊ߫ ߞߎߡߊ߫ ߘߐ߫ <<ߖߌߥߎ ߦߋ߫ ߡߐ߱ ߟߎ߬ ߓߟߏ߫ ߓߏ߲߫ ߞߣߐ߫ ߝߛߊߦߌ߫߸ ߊ߬ߟߎ߫ ߞߵߊ߬ ߟߊߘߏ߲߬ ߠߋ߬>> ߊ߬ ߞߵߊ߬ ߦߌ߬ߘߊ߬ ߞߏ߫ ߸ ߊ߬ߟߋ ߞߊ߬ ߖߌߥߎ߫ ߞߏߖߊ ߣߌ߲߬ ߦߋ߫ ߓߙߊ߬ߒ߬ߘߐ߬ ߞߏ ߟߋ߬ ߘߌ߫߸ ߊ߬ ߕߴߛߋ߫ ߢߊߝߐߟߌ߫ ߖߐ߲ߖߐ߲߫ ߞߍ߫ ߟߊ߫ ߡߍ߲ ߞߊ߲߬. 

ߊ߲ ߠߊ߫ ߟߊ߬ߞߙߐ߬ߛߌ߬ߟߌ߬ ߘߐ߫߸ ߞߏߖߊ ߣߌ߲߬ ߞߍ߫ ߘߊ߫ ߓߙߊ߬ߒ߬ߘߐ߬ ߞߏ ߟߋ߬ ߘߌ߫ ߡߐ߱ ߟߎ߬ ߓߟߏ߫߸ ߡߍ߲ ߞߍߣߍ߲߫ ߥߙߊ߬ߒ߬ߘߊ߬ߡߊ ߘߌ߫، ߞߊ߬ߕߎ߲߯߸ ߖߌߥߎ ߕߘߍ߬ ߦߋ߫ ߟߐ߯ߝߌ߲ ߠߎ߬ ߘߐ߫ ߞߎߣߎ߲߬ ߞߐ߬ߓߊ߬ߟߏ߲ ߡߊ߬ ߝߊ߲߬ ߛߌߦߊߡߊ߲߫ ߘߐ߫، ߊ߬ ߘߏ߲߬ ߕߘߍ߬ ߦߋ߫ ߝߙߋ߬ ߟߴߊ߬ ߛߐ߲߬ߞߐ߬ ߞߋߟߋ߲ ߠߋ߬ ߟߊ߫߸ ߣߴߊ߬ ߦߋ߫ ߖߕ ߁߃ ߀߀߀ ߘߌ߫߸ ߕߏ߲ߜߊ߫ ߞߋߟߋ߲ ߞߊ߬ߣߌ߲߬، ߓߊ߬ߙߌ߬ ߸ ߖߌߥߎ ߛߐ߬ߘߐ߲ ߓߘߊ߫ ߞߍ߫ ߓߊ߲߬ߓߊ߬ ߓߏ߬ ߟߊ߬ߦߟߍ ߘߌ߫ ߛߐ߱ ߢߌ߲߬ ߡߊ߬ ߝߊ߲߬ ߛߌߦߊߡߊ߲߫ ߘߐ߫߸ ߝߏ߫ ߊ߬ ߓߘߊ߫ ߕߎߣߎ߲߫ ߟߐ߯ߝߌ߲ ߠߎ߬ ߘߐ߫߸ ߌ ߓߴߊ߬ ߦߋ߫ ߟߐ߯ߝߌ߲߫ ߘߐ߫ ߡߐ߮ ߡߍ߲ ߞߎ߲߬ ߕߋ߲߬߸ ߊ߬ ߦߋ߫ ߝߙߋ߬ ߟߴߏ߬ ߓߟߏ߫ ߖߕ ߁߅ ߀߀߀ ߟߋ߬ ߟߊ߫، ߕߏ߲ߜߊ߫ ߞߋߟߋ߲.