ߗߊߘߌ߬ ߞߕߌߘߊ ߓߘߊ߫ ߛߎ߳ߞߑߛߍ߫ ߡߊߛߑߙߊ߫ ߟߊ߫ ߖߊ߲߬ߞߌ߬ߟߌ ߕߏ߫ ߊ߬ ߡߊ߬ ߛߍߣߍ߲߬ ߝߋߎ߫߸ ߏ߬ ߞߎߡߊ ߝߐ߫ ߘߊ߫ ߓߌߟߏ߲ ߢߌ߲߬ ߠߋ߬ ߡߊ߬، ߞߕߌߖߌ߲ ߛߊ߲ߘߐߕߊ ߓߘߴߊ߬ ߦߌ߬ߘߊ߬߸ ߞߏ߫ ߛߊ߲߭ ߂߀ ߥߛߎ߫ ߞߏ ߡߍ߲ ߝߐ߫ ߘߊ߫ ߞߏߕߌ߯ ߝߟߐ߫ ߞߘߐ ߣߌ߲߬ ߝߍ߬ ߂߀߂߅ ߘߓߊ߬ߓߌߟߊ ߕߋ߬ߟߋ߫ ߉ ߡߊ߬߸ ߊ߬ߟߎ߬ ߓߘߴߏ߬ ߟߤߊߕߍߦߊ߫߸ ߞߵߏ߬ ߞߍ߫ ߓߊ߲ߝߟߍ߬ߟߍ ߘߌ߫߸ ߊ߬ߟߋ ߓߍߣߊ߬ ߛߊ߲߭ ߂߀ ߠߋ߬ ߞߍ߫ ߝߘߊ ߟߊ߫.

ߗߍ߭ ߢߌ߲߬ ߠߊ߫ ߞߙߎߞߊ ߕߐ߯ ߟߋ߬ ߞߏ߫ ߢߡߊߦߟߍߡߊ߲ߠߊ ߟߎ߬߸ ߏ߬ ߥߊ߬ߣߊ ߟߋ߬ ߦߴߊ߬ ߘߌ߫، ߊ߬ߟߋ ߣߌ߫ ߡߐ߰ ߇߀ ߟߋ߬ ߡߊߝߌ߲߬ߣߍ߲߫ ߣߌ߲߬ ߞߏ ߘߐ߫߸ ߡߍ߲ ߠߎ߬ ߦߋ߫ ߘߊ߫ ߛߐ߲߬ߡߊ߬ ߘߌ߫߸ ߛߎ߯ߦߊߥߟߏߡߊ߫ ߞߎߡߊ ߟߎ߬ ߟߊߖߍ߲ߛߍ߲ߘߐ߫߸ ߊ߬ ߣߌ߫ ߡߐ߰ߝߊ߰ߞߏ ߛߋ߲߬ߘߏ߲߬ߢߐ߲߰ߦߊ، ߏ߬ ߞߍ߫ ߘߊ߫ ߡߊ߲ߘߞߊߥߏ߫ ߡߐ߰ߝߊ߰ߓߊ ߟߋ߬ ߝߍ߬߸ ߡߍ߲ ߞߎߡߊ ߡߊ߫ ߘߏ߲߰ ߗߊߘߌ߬ ߞߣߐ߫.

ߟߊ߬ߝߛߊ߬ߟߌ߬ߟߊ߬ ߞߙߎ ߡߍ߲ ߠߎ߬ ߟߊߘߍ߬ߣߍ߲߫ ߢߌ߲߬ ߠߎ߬ ߡߊߞߊ߲ߞߊ߲߫ ߞߊ߲ߡߊ߬߸ ߣߴߊ߬ߟߎ߬ ߢߍߡߌ߬ߣߊ߬ߣߍ߲߫ ߞߊߖߌߟߋ߲ߓߊߦߌ߬ ߝߊ߬ߙߊ߲߬ߛߌߛ ߓߟߏ߫߸ ߏ߬ ߟߎ߬ ߡߊ߫ ߛߋ߫ ߡߙߌߘߐ ߣߌ߲߬ ߓߐ߫ ߟߴߊ߬ ߡߊ߬ ߢߊ߫ ߛߌ߫ ߡߊ߬، ߞߕߌߖߌ߲ ߛߊ߲ߘߐߕߊ ߞߵߊ߬ ߦߌ߬ߘߊ߬߸ ߞߏ߫ ߛߊ߲߭ ߂߀ ߡߍ߲ ߟߊߣߍ߲߫ ߛߎ߳ߞߑߛߍ߫ ߡߊߛߑߙߊ߫ ߞߎ߲߬ ߕߋ߲߬߸ ߏ߬ ߕߴߛߋ߫ ߓߐ߫ ߟߴߊ߬ ߡߊ߬ ߗߊߘߌ߬ ߡߎ߰ߡߍ ߟߋ߬ ߞߣߐ߫ ߡߎ߬ߕߎ߲߬ ߝߋߎ߫.

ߣߌ߫ ߞߊ߲ߕߌ߮ ߟߊ߫ ߘߐ߬ߞߏ߬ߦߊ߬ߕߏ߬ߟߌ ߕߍ߫ ߡߎ߬ߕߎ߲߬߸ ߓߐߘߊ߫ ߜߘߍ߫ ߝߏߦߌ߬ ߕߍ߫ ߛߎ߳ߞߑߛߍ߫ ߡߊߛߑߙߊ߫ ߟߊ߫ ߣߌ߲߬ ߞߏ ߘߐ߫߸ ߝߏ߫ ߊ߬ ߦߋ߫ ߛߊ߲߭ ߂߀ ߣߌ߲߬ ߞߐߟߌߞߐߟߌ ߞߍ߫ ߟߋ߬ ߝߘߊ ߟߊ߫، ߣߌ߲߬ ߞߏ߬ߣߌ߲ ߕߍ߫ ߞߏߣߍ߲߫ ߘߌ߫ ߗߊߘߌ߬ ߞߣߐ߫߸ ߓߊߏ߬ ߊ߬ߟߎ߬ ߟߊ߫ ߖߡߊ߬ߣߊ ߓߘߍ߬ߓߘߍ߬ߟߌ߬ߟߊ߬ߓߊ ߟߋ߬ ߥߛߎ ߟߊ߫ ߣߌ߲߬.

ߣߴߌ ߥߊ߫ ߘߊ߫ ߓߘߍ߬ߓߘߍ߬ߟߌ ߞߊߡߊ߲ ߞߣߐ߫߸ ߛߎ߳ߞߑߛߍ߫ ߡߊߛߑߙߊ߫ ߟߊ߫ ߞߙߎߞߊ ߞߏߟߊߕߍ߮ ߟߎ߬ ߞߊ߬ ߣߌ߲߬ ߘߐߜߏߦߊ߫ ߟߋ߬ ߔߐ߫߸ ߞߵߊ߬ ߦߌ߬ߘߊ߬ ߣߌ߲߬ ߦߋ߫ ߞߏ߫ <<ߡߊߡߊ߬ߟߏ߬ߦߊ߬ߣߍ߲>> ߠߋ߬ ߘߌ߫߸ ߊ߬ ߘߏ߲߬ ߡߊ߫ ߞߍ߫ ߕߋߟߋ߲߫ ߠߊ߫.

ߞߕߌ ߞߟߊ߬ߡߊ߬ߓߊ߰ ߛߌߦߊߡߊ߲߫ ߠߊ߫ ߝߐߟߌ߫ ߘߐ߫߸ ߓߐߘߊ߫ ߞߋߟߋ߲ ߡߍ߲ ߦߋ߫ ߛߎ߳ߞߑߛߍ߫ ߡߊߛߑߙߊ߫ ߦߋ߫ ߡߎ߬ߕߎ߲߬߸ ߏ߬ ߟߋ ߊ߬ ߡߊߞߊ߬ߛߌ ߘߌ߫ ߕߟߋ߬ߓߋ߬ ߊߝߙߌߞߌ߬ ߞߕߌߘߊ ߟߊ߫، ߓߊ߬ߙߵߊ߬ ߕߴߛߋ߫ ߞߍ߫ ߟߊ߫ ߗߊߘߌ߬ ߞߣߐ߫ ߡߎ߬ߕߎ߲߫ ߡߎ߰ߡߍ߫.