ߢߣߊߕߊߟߌ ߓߘߊ߫ ߓߊ߲߫߸ ߞߊ߬ߦߌ߯ ߘߓߊ߬ߕߊ ߕߟߋ߬ ߃߁ ߡߊ߬، ߒ߬ߓߊ߬߸  ߊ߬ ߕߏ߫ ߘߊ߫ ߞߏߟߊߕߍ߯ ߛߎߥߊ߲ߘߌߣߍ߲ ߠߎ߬ ߟߊߛߌ߱ ߡߍ߲ ߡߊ߬߸ ߣߴߏ߬ ߟߎ߬ ߝߊ߫ ߣߌ߫ ߞߊ߬ߝߏ߬ߙߋ߲߬ߕߌ߮ ߟߊߛߌ߱ ߦߊ߫ ߞߊ߲߫߸ ߏ߬ ߝߣߊ߫ ߓߊ߯ߙߊ ߘߊߡߌ߬ߣߊ߬ ߘߊ߫ ߞߊ߬ߙߌ߬ߝߐ ߕߋ߬ߟߋ߫ ߂ ߡߊ߬߸ ߊ߬ ߓߊ߲߫ ߘߊ߫ ߕߟߋ߬ ߄ ߡߊ߬ ߖߌ߬ߣߍ߫ ߞߊ߬ߝߏ߬ߙߋ߲߫ ߃߇߅ ߓߍ߯ ߞߣߐ߫߸ ߏ߬ ߞߎߡߊ ߝߐ߫ ߘߊ߫ ߘߎ߬ߞߣߍ ߡߊ߬ߡߙߊ߬ߟߌ ߣߌ߫ ߕߊ߲ߓߊ߲ߓߐߟߌ ߞߏߕߌ߯ߘߊ ߟߋ߬ ߓߟߏ߫ ߊ߬ߟߎ߬ ߟߊ߫ ߟߊ߬ߛߋ߬ߟߌ ߘߏ߫ ߘߐ߫߸ ߡߍ߲ ߟߐ߬ ߘߊ߫ <<ߖߡߊ߬ߣߊ ߞߣߐ߫ ߡߐ߮ ߟߎ߬ ߣߴߊ߬ ߞߐߞߊ߲߫ ߡߐ߮ ߟߎ߬>> ߡߊ߬.

ߖߌ߬ߣߍ߬ ߞߣߐ߫߸ ߞߊ߬ߝߏ߬ߙߋ߲߬ ߞߏߟߊߕߍ߮ ߡߎ߰ߡߍ ߦߙߌߞߊ ߦߋ߫ ߡߐ߰ ߈ ߇߅߃ ߟߋ߬ ߘߌ߫߸ ߞߏߕߌ߯ߘߊ ߞߊ߲߫ ߞߏ߫ ߡߍ߲ ߠߎ߬ <<ߝߊ߲߬ߓߊ ߦߋ߫ ߘߋ߲ߡߌߛߍ߲ ߠߎ߬ ߣߌ߫ ߡߏ߬ߛߏ ߟߎ߬>> ߘߌ߫߸ ߏ߬ ߟߎ߬ ߓߘߊ߫ ߟߊߛߌ߰ ߊ߬ߟߎ߬ ߟߊ߫ ߓߊ߯ߙߊ ߞߊ߲ߡߊ߬، ߖߊ߬ߡߊ ߏ߬ ߘߐ߫߸ ߞߊ߬ߝߏ߬ߙߋ߬ߕߌ߯ ߃߇߅ ߣߌ߫ ߞߊ߬ߝߏ߬ߙߋ߲߬ߕߌ߰ ߛߙߍߞߍ߫ ߁ ߁߄߉ ߟߋ߬ ߟߊߛߌ߰ߣߍ߲߫ ߖߡߊ߬ߣߊ ߡߎ߰ߡߍ ߞߣߐ߫.

ߗߋߦߊߟߌ ߡߍ߲ ߘߏ߲߬ ߘߊ߫ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߓߟߏ߫߸ ߟߊ߬ߛߌ߰ߟߌ ߢߌ߲߬ ߠߋ߬ ߣߊ߬ߣߍ߲߫ ߘߊ߲߭ߛߌ߰ ߟߴߏ߬ ߟߊ߫، ߞߏߕߌ߯ߘߊ ߞߵߊ߬ ߦߌ߬ߘߊ߬ ߤߊߟߌ߬ߛߊ߫߸ ߞߏ߫ ߘߌ߲߬ߞߌߙߊ ߟߎ߫ ߛߊ߬ߙߌ߬ߦߊ߬ߛߎ߲ ߞߊ߬ ߡߍ߲ ߝߐߐ߫߸ ߏ߬ ߟߋ ߟߊߓߊ߬ߕߏ߬ߕߐ߫، ߞߊ߬ߕߎ߲߯߸ ߊ߬ ߝߐߣߍ߲߫ ߠߋ߬ ߞߏ߫ ߞߊ߬ ߓߊ߯ߙߊ߫ <<ߞߏ ߞߍߢߊ߫ ߓߘߍ ߟߊ߫߸ ߛߊ߬ߙߌ߬ߦߊ߫ ߞߵߊ߬ ߝߐ߫ ߢߊ ߡߍ߲ ߡߊ߬، ߊ߬  ߣߌ߫ ߞߊ߬ ߖߊ߬ߡߊ ߟߊ߫ ߝߘߏ߬ߓߊ߬ ߣߝߊ ߝߣߊ߫ ߕߏ߫ ߊ߬ ߢߊ ߡߊ߬.>>