ߌ ߓߊ߯ ߓߟߐߟߐ߫ ߞߊ߲ߠߊ ߟߎ߬ ߡߊߝߟߍ߫ ߕߋ߲߬߸ ߝߊ߰ߣߌ߲߬ ߕߌ߮ ߟߎ߫ ߝߍ߲߬ߛߍ߲߬ߣߍ߲߫ ߠߵߊ߬ ߟߊ߫ ߝߊ߲߬ ߛߌߦߊߡߊ߲߫ ߝߍ߬، ߒ߬ߓߊ߬߸ ߘߎ߰ߡߊ߬ ߣߊ߲ߕߌ߮ ߟߎ߬ ߟߊ߫ ߘߊ߯ߘߐ ߞߎ߲߬ߕߌ߮ ߓߘߴߊ߬ ߓߟߏ ߟߋ߯ߟߋ߯ ߣߊ߲߬ߕߌ߮ ߟߎ߬ ߢߊߞߘߐ߫߸ ߞߏ߫ ߊ߬ߟߎ߬ ߦߴߊ߬ ߟߐ߲߫ ߞߏ߫ ߊ߬ߟߎ߬ ߣߌ߫ ߡߊ߬ߝߊ ߟߋ߬ ߦߊ߫ ߞߊ߲߫߸ ߊ߬ ߣߌ߫ ߖߊ߲߬ߕߏ߬ߒ߬ߘߐ.

ߣߊ߲߬ߕߌ߰ߦߊ ߞߣߐ߫߸ ߘߍ߬ߞߙߏߝߏ ߟߎ߬ ߡߊ߲߫ ߞߊ߲߫ ߞߊ߬ ߞߍ߫ ߊ߬ߟߎ߬ ߟߊߢߌ߬ߣߊ߬ ߝߋ߲ ߘߌ߫ ߊ߬ߟߎ߬ ߟߊ߫ ߓߊ߯ߙߊ ߥߊ߫ ߢߊ ߞߐ߫، ߞߎߡߊ ߏ߬ ߟߋ ߝߘߊ߫ ߘߊ߫ ߘߎ߰ߡߊ߬ߟߊ ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߟߊ߫߸ ߞߟߍ߬ߕߌ߰ ߊߓߘߎߟߊߦߌ߬ ߞߋߕߊ߬، ߏ߬ ߞߍ߫ ߘߴߊ߬ ߓߟߏ߫ ߟߊ߬ߟߌ߬ߟߌ߫ ߟߋ߬ ߘߌ߫߸ ߣߊ߲߬ߕߌ߮ ߟߎ߫ ߛߏ߬ߓߌ߬ߟߊ߬ߞߎߣߎ߲ ߘߐ߫ ߓߟߐߟߐ ߞߏߢߊ ߡߊ߬.

ߣߊ߲߬ߕߌ߮ ߟߎ߬ ߟߊ߫ ߝߘߏ߬ߓߊ߬ ߟߌߤߟߊ ߟߎ߬ ߟߊߛߐ߬ߘߐ߲ ߗߋߕߌ߯ߘߊ ߞߊ߬ ߞߊ߲ ߡߍ߲ ߝߐ߫߸ ߞߊ߬ ߝߘߊ߫ ߣߊ߲߬ߕߌ߰ ߞߎ߲ߕߌ߮ ߟߎ߬ ߟߊ߫߸ ߞߏ߫ ߘߍ߬ߞߙߏߝߏ ߟߊߓߊ߯ߙߊ ߕߍ߫ ߕߣߊ߬ ߘߌ߫߸ ߓߊ߬ߙߌ߬߸ ߊ߬ ߦߋ߫ ߞߍ߫ ߊ߬ ߞߍߢߊ ߟߋ߬ ߡߊ߬، ߟߌ߬ߤߟߊ ߡߍ߲ ߟߐ߬ߣߍ߲߫ ߟߊ߬ߞߊ߲߬ߘߊ߬ߟߌ ߡߊ߬߸ ߏ߬ ߡߊ߲߫ ߞߊ߲߫ ߞߊ߬ ߟߊߛߋ߫، ߣߊ߲߬ߕߌ߰ ߞߙߎ ߖߍ߬ߘߍ ߛߌ߰ߝߊߘߌ߸ ߏ߬ ߡߊ߲߫ ߞߊ߲߫ ߞߊ߬ ߓߌ߬ߟߊ߬ ߓߟߐߟߐ ߞߊ߲߬߸ ߤߊߟߌ߬ ߓߊ߯ߙߊ߫ ߦߙߐ ߖߍ߬ߘߍ.

ߞߟߍ߬ߕߌ߰ ߊߓߘߎߟߊߦߌ߬ ߞߋߕߊ߬ ߞߵߊ߬ ߝߐ߫ ߏ߬ ߟߋ ߘߐ߫߸ ߞߏ߫ <<ߣߊ߲߬ߕߌ߮ ߓߍ߯ ߣߌ߫ ߓߊ߯ߙߊ ߜߎ߲߬ߘߎ߬ߢߐ߲߰ߦߊ ߣߌ߫ ߖߘߍ߬ߘߐ߬ߡߌߘߊ ߟߋ߬ ߞߊ߫ ߞߊ߲߫ ߊ߬ ߢߊ ߖߍ߬ߘߍߖߍ߬ߘߍ ߡߊ߬.>>

ߊ߬ ߞߵߊ߬ ߦߌ߬ߘߊ߬ ߞߏ߫ ߡߙߌ߫߫ ߘߐߞߍ ߞߎߡߊ ߟߎ߫ ߞߟߍ߬ߕߊ ߟߋ߬߸ ߣߊ߲߬ߕߌ߮ ߓߍ߯ ߦߴߊ߬ ߞߏߟߊߕߊ߯ߡߢߊ ߟߊߞߙߐ߬ߛߌ߬ ߛߊ߲ߡߊ߬ ߝߣߊ߫ ߜߘߋߜߘߋ߫.

ߣߊ߲߬ߕߌ߰ ߝߊ߲ߞߊ ߜߋ߬ߟߎ߲߬ߠߌ߲߬ߠߊ߸ ߞߟߍ߬ߕߌ߰ ߛߋߣߊ߬ ߞߡߊ߬ߙߊ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߓߟߏߘߐߓߍ߲ ߘߏ߫ ߟߎ߫ ߞߍ߫߸ ߞߊ߬ ߓߍ߲߬ ߣߊ߲߬ߕߌ߰ ߝߊ߯ߣߌ߲ ߠߎ߬ ߟߊߕߐ߲ ߡߊ߫ ߓߟߐߟߐ߫ ߞߊ߲ߠߊ ߦߙߐ ߘߏ߫ ߟߎ߫ ߘߐ߫߸ ߣߊ߲߬ߕߌ߮ ߟߎ߬ ߣߴߊ߬ߟߎ߬ ߟߊ߫ ߡߊ߬ߛߘߌ ߞߊ߬ߣߌ߲߬.

ߖߌ߬ߣߍ߬ ߞߣߐ߫ ߕߋ߲߬߸ ߓߟߐߟߐ ߓߘߊ߫ ߞߍ߫ ߝߘߏ߬ߓߊ ߘߌ߫߸ ߘߎ߰ߘߋ߲ ߕߐ߭ ߟߎ߬ ߦߴߊ߬ߟߎ߫ ߞߎ߬ߘߋ߲ߜߊ߬ߛߌ߬ ߟߴߊ߬ ߘߐ߫ ߢߊ ߡߍ߲߸ ߛߏ߬ߙߌ߬ߡߊ߬ߘߋ߲ ߠߎ߬ ߝߣߊ߫ ߦߴߏ߬ ߢߊ߫ ߞߋߟߋ߲ ߠߋ߬ ߡߊ߬ ߝߛߊߦߌ߫.