߂߀߂߆ ߘߓߊ߬ߕߊ ߕߟߋ߬ ߃߁ ߥߛߊ߬ߘߋ߲߬ ߢߣߊߕߊߟߌ ߞߐߝߟߌ߫ ߘߍ߲߬ߞߍ߬ߕߎ߬ߣߍ߲ ߓߘߊ߫ ߟߊߓߐ߫، ߛߌ߰ߟߊ߲߬ ߄߉ ߡߍ߲ ߦߋ߫ ߝߊ߬ߛߏ߬ ߛߙߍߘߍ ߘߌ߫߸ ߏ߬ ߘߐߕߟߊ߫ ߢߊ ߓߘߊ߫ ߟߐ߲߫ ߞߙߎߞߊ߫ ߛߎߘߊ߲ߓߊ߯ߕߐ ߟߎ߬ ߣߌ߫ ߢߐ߲߯ ߕߍ߫، ߖߊ߬ߕߋ߬ ߟߊߖߍ߲ߛߍ߲ߣߍ߲ ߠߎ߬ ߘߐ߫߸ ߛߎߥߊ߲ߘߟߌ ߣߌ߲߬ ߕߘߍ߬ߒ߬ߘߐ߬ߟߌ ߗߡߍ߬ߘߐ߬ߦߊ ߦߋ߫ %߅߂،߈߇ ߟߋ߬ ߘߌ߫.

ߎ߳ߍߡߑߔߋ ߓߘߊ߫ ߦߟߍ߬ ߛߊ߲ߝߍ߬ ߝߊ߬ߛߏ߬ ߛߙߍߘߍ ߞߊ߲߬ ߞߊ߲ߢߊ߫ ߆߃߆ ߉߀߀ ߟߊ߫߸ ߞߊ߬ ߛߌ߰ߟߊ߲߫ ߉ ߛߐ߬ߘߐ߲߬߸ ߊ߬ߟߋ ߡߍ߲ ߢߍߦߊ ߦߋ߫ ߓߎߓߞߊߙ ߛߘߌߜ߭ߌ߬ ߖߊߟߏ߫ ߓߟߏ߫، ߛߋ߲߬ߕߊ߬ ߞߎߘߊ߫ (ߛߞ) ߟߋ߬ ߕߎ߲߰ߣߍ߲߫ ߊ߬ߟߋ߬ ߟߊ߫߸ ߊ߬ߟߋ ߡߍ߲ ߝߣߊ߫ ߞߎ߲߬ߧߊ ߦߋ߫ ߕߏ߬ߜߊ߫ ߗ߭ߊ߲߭ ߞߏߟߌߦߋ߫ ߓߟߏ߫߸ ߏ߬ ߞߊ߬ ߞߊ߲ߢߊ߫ ߄߉߄ ߇߁߄ ߟߋ߬ ߛߐ߬ߘߐ߲߬߸ ߏ߬ ߞߊ߬ ߛߌ߰ߟߊ߲߬ ߇  ߘߴߊ߬ ߡߊ߬، ߡߍ߲ ߝߣߊ߫ ߕߎ߲߰ߣߍ߲߫ ߏ߬ ߟߊ߫ ߛߊ߫߸ ߏ߬ ߟߋ ߎߛߑߡߊߣߌ߲߫ ߘߊ߯ߘߌ߬ ߞߡߊ߬ߙߊ߬ ߟߊ߫ߞߙߎߞߊ ߘߌ߫߸ ߖߌ߬ߣߍ߬ ߓߊ߯ߙߊ ߟߊ߬ߘߍ ߘߌ߫ (ߖߓߟ)߸ ߏ߬ ߞߊ߬ ߞߊ߲ߢߊ߫ ߄߉߃ ߇߁߄ ߠߋ߬ ߛߐ߬ߘߐ߲߬߸ ߊ߬ߟߋ ߝߣߊ߫ ߞߊ߬ ߛߌ߰ߟߊ߲߬ ߇ ߟߋ߬ ߛߐ߬ߘߐ߲߬.

ߣߴߌ ߘߏ߲߬ ߞߊ߬ ߡߏ߬ߤߊ߬ߡߍ߬ߘ ߟߊ߬ߡߌߣ ߞߊ߬ߓߊ ߟߊ߫ ߞߙߎߞߊ ߕߊ߬߸ ߟߊ߬ߛߐ߲߬ߓߊ߰ߕߐ ߟߎ߬ ߟߊ߫ ߞߊ߲ߠߊߓߌߟߊ ߣߌ߫ ߓߍ߯ߦߊ ߘߍ߭ (ߟߞߓߘ)߸ ߏ߬ ߞߊ߬ ߛߌ߰ߟߊ߲߬ ߆ ߟߋ߬ ߛߐ߬ߘߐ߲߬߸ ߞߊ߲ߢߊ߫ ߄߂߂ ߈߂߆ ߘߌ߫، ߗ߭ߊ߲߭ ߓߋߦߊߣߍߡߋ߫ ߤߓߊ߬ ߟߊ߫ ߞߙߎߞߊ ߥߙߎߞߌ ߣߌ߫ ߓߍߦߊ ߘߍ߭ (ߥߓߘ) ߞߊ߬ ߛߌ߰ߟߊ߲߬ ߅ ߟߋ߬ ߛߐ߬ߘߐ߲߬߸ ߞߊ߲ߢߊ߫ ߃߅߂ ߄߃߉ ߛߐ߬ߘߐ߲ ߞߐߝߍ߬ ߊ߬ ߓߟߏ߫، ߤߊߖߊ߬ ߡߊ߰ߞߊߟߋ߫ ߞߡߊ߬ߙߊ߬ ߟߊ߫ ߞߙߎߞߊ ߝߊ߬ߛߏ ߢߌ߲߬ߢߊ ߞߟߊߘߊ (ߝߢߞ) ߞߊ߬ ߛߌ߰ߟߊ߲߫ ߂ ߘߐߙߐ߲߫ ߠߋ߬ ߛߐ߬ߘߐ߲߬߸ ߞߊ߲ߢߊ߫ ߁߄߁ ߀߇߆ ߛߐ߬ߘߐ߲ ߞߏߛߐ߲߬ ߊ߬ ߓߟߏ߫.

ߓߘߍ߬ߓߘߍ߬ߟߌ߬ ߞߙߎߞߊ߫ ߛߌߦߊߡߊ߲߫ ߝߣߊ߫ ߓߍ߫߸ ߏ߬ ߟߎ߬ ߓߍ߯ ߞߊ߬ ߛߌ߰ߟߊ߲߬ ߞߋߟߋ߲ߞߋߟߋ߲߫ ߠߋ߬ ߛߐ߬ߘߐ߲߬߸ ߦߏ߫ ߔߊߞߕ߸ ߍߙߑߖ߭ߋߊ߸ ߓߑߟߐߞ ߟߌߓߋߙߊߟ߸ ߔߊߘߍߛ߸ ߍߙߑߘߋߑߍߣ߸ ߊߍߙߑߔߋ߸ ߊߖ߭ߋߍߣ߸ ߍߣߑߖ߭ߋߍߙ߸ ߎ߳ߘߋߖ߭ߋ߸ ߍߙߑߖ߭ߋߔߋ߸ ߊߘߋߛߋ߸ ߎ߳ߍߝߑߛߋ߸ ߍߙߑߍߙߑߘߋ.

ߡߊ߬ߡߌ߬ߘߊ߬ߟߌ߬ߟߊ ߡߍ߲ ߠߎ߬ ߛߎߘߊ߲ߣߍ߲߫߸ ߎ߳ߍߡߑߔߋ ߟߊ߫ ߡߐ߱ ߡߍ߲ ߠߎ߬ ߦߴߊ߬ ߘߐ߫߸ ߏ߬ ߟߎ߬ ߝߟߍ߫: ߓߎߓߞߊߙ ߛߘߌߜ߭ߌ߬ ߖߊߟߏ߫߸ ߛߊߙߊ߲߬ ߕߙߊߥߟߋ߫߸ ߞߏ߲߬ߓߏ߫ ߘߊ߲߬ߛߊ߫ ߞߙߎ߬ߡߊ߬߸ ߊߦߌߛߊߕߎ߬ ߖߊߟߏ߫߸ ߛߎ߬ߟߋ߬ߡߊߣ ߞߋߕߊ߬߸ ߝߎ߬ߟߋ߬ߡߊߕߎ߬ ߝߏߝߣߊ߫߸ ߡߏ߬ߙߌ߬ߓߊ߫ ߖߊ߬ߞߌ߬ߕߋ߫߸ ߤߊߖߊ߬ ߌߘߙߌߛߊ߬ ߓߊ߸ ߊ߬ ߣߌ߫ ߗ߭ߊ߲߭ ߔߏߟ ߛߋߘߌ߫.

ߛߋ߲߬ߕߊ߬ ߞߎߘߊ߫ ߟߊ߫ ߞߎ߲߬ߠߊ߫߸ ߕߏ߬ߜߊ ߗ߭ߊ߲߭ ߞߏߟߌߦߋ߫߸ ߝߊߕߎߡߊߕߊ߬ ߖߊߟߏ߫߸ ߞߟߍ߬ߕߌ߮ ߘߎ߲ߓߎߦߊ߫߸ ߝߊ߲ߕߊ߬ ߞߐ߲ߕߋ߬߸ ߗ߭ߊ߲߭ ߛߊ߭ ߞߡߊ߬ߣߏ߫߸ ߡߊߙߞ ߟߋ߬ߔߎ߫ ߟߡߊ߬߸ ߊ߬ ߣߌ߫ ߡߊߡߊߘߎ߫ ߛߊ߯ߖߐ߬ ߓߊ. ߣߴߌ ߘߏ߲߬ ߞߊ߬ ߍߙߑߖ߭ߋߕߋ ߡߊߝߟߍ߫߸ ߛߙߍߘߍ߫ ߘߍ߲߬ߞߍ߬ߕߎ߬ߣߍ߲ ߡߍ߲ ߦߋ߲߬߸ ߏ߬ ߟߎ߫ ߟߋ߬ : ߎߛߑߡߊߣߌ߲߫ ߘߊ߯ߘߌ߬ ߞߡߊ߬ߙߊ߬߸ ߓߐ߬ߟߐ߲߬ߞߊ߫ ߕߋ߬ߙߍߛ ߕߐ߬ߟߑߣߏ߬߸ ߊߟߑߤߎߛߋߦߌߣߌ߲߬ ߡߞߊ߬ߣߋߙߊ߬ ߞߊ߬ߞߋ߸ ߝߊߕߎߡߊߕߊ߬ ߞߡߊ߬ߙߊ߬߸ ߡߊߡߊߘߎ߫ ߕߋ߬ߙߋ߸ ߟߊߡߙߊߣߊ߫ ߊߦߌߛߊߕߎ߬ ߖߊߟߏ߫߸ ߊ߬ ߣߌ߫ ߛߋߞߎ߬ ߛߊ߬ߡߎߙߊ߬.

ߣߴߌ ߘߏ߲߬ ߞߊ߬ ߝߌߘߍߟ ߞߙߎߞߊ ߕߊ߬߸ ߏ߬ ߟߊ߫ ߛߌ߰ߟߊ߲߬ ߆ ߏ߬ ߟߎ߫ ߟߋ߬: ߡߏ߬ߤߊ߬ߡߍ߬ߘ ߟߊ߬ߡߌߣ ߞߊ߬ߓߊ߸ ߝߊߕߎߡߊߕߊ߬ ߞߐ߲ߘߍ߫߸ ߗ߭ߊ߲߭ ߔߏߟ ߞߏ߬ߕߋ߬ߓߊ߬ߘߎߣߏ߫߸ ߛ߭ߊߙߑߟߐߕ ߘߊ߬ߝߋ߸ ߡߊߡߊߘߎ߬ ߞߡߊ߬ߙߊ߬߸ ߊ߬ ߣߌ߫ ߡߊ߬ߦߌ߬ߡߎߣߊ߬ ߓߊߙߌ߫، ߎ߳ߘߋߘߋ ߞߙߎߞߊ ߞߊ߬ ߛߌ߰ߟߊ߲߬ ߅ ߡߍ߲ ߛߐ߬ߘߐ߲߬߸ ߏ߬ ߟߎ߫ ߟߋ߬: ߗ߭ߊ߲߭ ߓߌߦߍ߲ߣߍߡߋ߫ ߤߓߊ߬߸ ߊߦߌߛߊߕߎ߫ ߡߊߙߌߦߊߡߊ߬ ߛߎߡߊ߬߸ ߖߍ߬ߣߍ ߞߎߦߊߕߍ߫߸ ߥߊ߬ߕߊ߫ ߞߡߊ߬ߙߊ߬߸ ߊ߬ ߣߌ߫ ߞߏ߲߬ߓߏ ߊߟߑߝߊ߫ ߊߓߘߎߟߊߦߌ߬ ߖߊߟߏ߫.

ߤߊߖߊ߬ ߡߊ߰ߞߊߟߋ߫ ߞߡߊ߬ߙߊ߬ ߟߊ߫ ߞߙߎߞߊ ߘߐ߫߸ ߊ߬ߟߋ ߊߓߘߎߟߊߦߌ߬ ߖߍ߲ߜ߭ ߝߌ߬ߟߊ ߟߋ߬ ߣߐ߬ ߛߌ߰ߟߊ߲ ߛߐ߬ߘߐ߲߬ ߠߊ߫، ߞߙߎߞߊ ߕߐ߭ ߡߍ߲ ߠߎ߬ ߞߊ߬ ߛߌ߰ߟߊ߲߬ ߞߋߟߋ߲ߞߋߟߋ߲߫ ߛߐ߬ߘߐ߲߬߸ ߏ߬ ߡߐ߱ ߟߎ߬ ߕߐ߮ ߝߟߍ߫: ߞߏ߲߬ߓߏ߫ ߡߊ߰ߞߊߟߋ߫ ߕߙߊߥߟߋ߫߸ ߊ߲߬ߛߎ߬ߡߊߣ ߝߏߝߣߊ߫߸ ߞߏ߲߬ߓߏ߫ ߝߊ߭ߦߊ߬ ߟߊ߲߭ߛߊ߬ߣߊ߫ ߡߟߌ߬ߡߣߏ߫߸ ߞߏ߲߬ߓߏ ߎߛߑߡߊߣߌ߲߬ ߞߊ߬ߓߊ߸ ߓߐ߬ߟߐ߲߬ߞߊ߫ ߤߊߥߊ߬ ߞߏߣߋ ߖߊߙߋ߫߸ ߡߏ߬ߤߊ߬ߡߍߘ ߣߊ߰ߓߋ߸ ߡߏߙߌ߬ ߞߊ߬ߓߊ߸ ߌߓߙߊߤߌߡߊ߫ ߊߓߋ߬ ߛߌ߬ߟߊ߸ ߟߊ߱ߖߌ߬ ߘߋ߲ߓߏ߬ ߛߌ߬ߟߊ߸ ߟߊ߲ߖߌ߬ ߓߎߣߊ߬ ߞߋߕߊ߬߸ ߞߏ߲߬ߓߏ ߌߓߙߊߤߌߡߊ߫ ߛߏߙߌ߬ ߖߊߟߏ߫߸ ߊߓߎߓߞߊߙ ߛߌ߬ߟߊ߸ ߊ߬ ߣߌ߫ ߊߓߘߎߟߊߦߌ߬ ߞߙߎ߬ߡߊ߬.

ߊߟߎ߫ ߞߏ߬ߣߌ߲ ߦߴߊ߬ ߟߐ߲߫߸ ߞߐߝߟߌ ߢߌ߲߬ ߠߎ߬ ߦߋ߫ ߘߍ߲߬ߞߍ߬ߕߎ߬ߣߍ߲ ߠߎ߫ ߟߋ߬ ߘߌ߫ ߡߎߣߎ߲߬߸ ߊ߬ߟߎ߬ ߞߊ߫ ߞߊ߲߫ ߞߊ߬ ߟߊߕߍ߰ ߞߕߌߘߊ ߟߎ߫ ߟߋ߬ ߓߟߏ߫ ߞߵߊ߬ߟߎ߬ ߞߍ߫ ߓߊ߲ߝߟߍ߬ߟߍ ߘߌ߫.