ߞߊ߯ߙߌ ߣߌ߲߬ ߡߊ߬߸ ߂߀߂߆ ߞߏ߲ߞߏߘߓߌ ߕߟߋ߬ ߁߉߸ ߡߊ߲߬ߞߊ߲ ߠߋ߬ ߥߟߌ߬ߣߍ߲߫ ߜߋ߲ߞߐ߰ߖߌ߬ߘߊ ߘߎ߰ߣߍ߲ ߘߏ߫ ߣߌ߫ ߖߌ߬ߣߍ߫ ߘߎ߰ߣߍ߲ ߘߏ߫ ߕߍ߫ ߓߐߕߏ߲߫ ߝߊ߲ ߝߍ߬߸ ߡߍ߲ ߡߊߛߐ߬ߘߐ߲߬ߣߍ߲߫ ߘߊ߬ߟߊ ߘߏ߫ ߝߍ߬߸ ߣߴߊ߬ߟߎ߬ ߦߴߊ߬ߟߋ߬ ߘߊ߬ߟߊ ߞߟߌ߫ ߟߊ߫ ߞߏ߫ ߘߟߊ߬ߜߍ߬ߓߊ߫، ߘߎ߱ ߝߌ߬ߟߊ ߡߍ߲ ߞߏ߫ ߦߋ߫ ߣߌ߲߬߸ ߏ߬ ߟߎ߫ ߟߋ߬ ߞߟߊ߬ߝߟߌ߬ߟߊ߫ ߘߌ߫߸ ߏ߬ ߦߋ߫ ߓߎ߯ߟߊ߫ ߡߙߊ߬ߘߊ߬ߙߋ߲ ߠߋ߬ ߘߐ߫ (ߞߊ߲ߞߊ߲߫ ߡߙߊ߬ߘߊ߬ߓߊ ߘߐ߫ ߖߌ߬ߣߍ߬ ߞߣߐ߫)߸ ߊ߬ ߣߌ߫ ߝߊ߲߬ߜ߭ߊ߬ߟߊ߫߸ ߏ߬ ߦߋ߫ ߡߌ߬ߣߌߢߊ߲߬ ߡߙߊ߬ߘߊ߬ߙߋ߲ ߠߋ߬ ߘߐ߫ ߜߋ߲ߞߐ߰ߖߌ߬ߘߊ ߟߊ߫.

ߡߊ߲߬ߞߊ߲ ߣߌ߲߬ ߘߐ߫߸ ߖߊ߬ߕߋ߫ ߞߎ߲߬ߝߟߐ ߟߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߡߐ߰ ߁߁ ߠߋ߬ ߖߐߞߌߣߍ߲߫ ߖߌ߬ߣߍ߬ ߟߊ߫ ߞߎ߲߬ߠߊ߫ ߞߟߊ߬ߝߟߌ߬ߟߊ߬ߞߊ ߟߎ߬ ߘߐ߫߸ ߞߊ߬ ߡߐ߰ ߄ ߖߐߞߌ߫ ߝߊ߲߬ߜ߭ߟߊ߬ߞߊ ߟߎ߬ ߘߐ߫ ߜߋ߲ߞߐ߰ߖߌ߬ߘߊ ߟߊ߫ ߞߎ߲߬ߠߊ߫، ߖߌ߬ߣߍ߬ߞߊ߫ ߡߐ߰ ߁߁ ߏ߬ ߟߎ߬ ߓߍ߯ ߡߊߘߌߡߌ߲ߣߍ߲߫ ߡߊ߬ߙߌ߬ߝߊ߬ ߞߌߛߍ ߟߋ߬ ߟߊ߫߸ ߜߋ߲ߞߐ߰ߖߌ߬ߘߊ ߕߊ ߏ߬ ߟߎ߬ ߡߊ߫ ߞߍ߫ ߡߙߊ߬ߒ߬ߡߊ߬ߝߋ߲߬ ߠߊ߫߸ ߞߊ߬ ߓߍ߲߬ ߊ߲ ߠߊ߫ ߢߊߝߐߟߌ߫ ߛߐ߬ߘߐ߲߬ߣߍ߲ ߠߎ߫ ߡߊ߬.

ߟߌ߬ߤߟߊ߬ ߝߟߐ ߡߍ߲ ߠߎ߬ ߛߐ߬ߘߐ߲߬ ߘߴߊ߲ ߓߟߏ߫߸ ߡߊ߲߬ߞߊ߲ ߣߌ߲߬ ߘߊߡߌ߬ߣߊ߬ ߘߊ߫ ߁߁ߕߎ ߡߊ ߟߋ߬ ߟߊ߫߸ ߞߵߊ߬ ߛߐ߬ߘߐ߲߬ ߞߟߊ߬ߝߟߌ߬ߟߊ߬ߞߊ ߟߎ߬ ߓߘߊ߫ ߥߌ߬ߟߌ߫ ߞߊ߬ ߥߊ߫ ߘߟߊ߬ߡߐ߲߬ ߦߌߟߊ ߘߐ߫ ߘߟߊ߬ߜߍ߬ߓߊ߫، ߘߟߊ߬ߜߍ߬ߓߊ߫ ߣߌ߲߬ ߦߋ߫ ߓߊ߫ ߞߐߡߊ߬ ߟߋ߬ ߖߌ߬ߣߍ߬ ߣߌ߫ ߜߋ߲ߞߐ߰ߖߌ߬ߘߊ ߓߐߕߏ߲ ߠߊ߫߸ ߡߊ߲߬ߞߊ߲ ߥߟߌ߬ ߞߏ߬ ߝߟߐ߫ ߕߍ߫ ߦߋ߲߬ ߣߌ߲߬ ߘߌ߫.

ߊ߲ ߛߋ߫ ߘߊ߫ ߓߎ߯ߟߊ߫ ߡߙߊ߬ߓߊ߰ߘߎ߯ߟߊ ߡߊߛߐ߬ߘߐ߲߬ ߠߊ߫ ߜߋߟߋ߲ߜߋߟߋ߲ ߠߊ߫߸ ߊ߬ߟߋ ߡߍ߲ ߕߐ߯ ߞߏ߫ ߘߊ߯ߕߌ߯ ߡߌ߬ߛߍߟ ߟߎ߬ߥߊ߬߸ ߏ߬ ߞߊ߬ ߣߌ߲߬ ߞߏ ߕߊ߬ߡߌ߲߬ ߢߊ ߢߊߝߐ߫ ߊ߲ ߧߋ߫ ߊ߬ ߕߊ߫ ߟߐ߲ߕߊ߫ ߘߐ߫߸ ߞߊ߬ ߓߍ߲߬ ߡߊ߲߬ߞߊ߲ ߕߊ߬ߡߌ߲߬ ߢߊ ߡߊ߬ ߝߊ߲߬ߜߵߟߊ߬ߞߊ ߟߎ߬ ߣߌ߫ ߞߟߊ߬ߝߟߌ߬ߟߊ߬ߞߊ ߟߎ߬ ߕߍ߫، <<ߊ߲ ߠߊ߫ ߡߐ߱ ߟߎ߫ ߟߋ߬ ߥߟߌ߬ ߘߊ߫ ߞߊ߬ ߥߊ߫ ߘߟߊ߬ߡߐ߲߬ ߞߊ߲ߡߊ߬ ߓߊ߫ ߞߐߝߍ߬߸ ߒ ߡߊ߫ ߓߊ ߏ߬ ߕߐ߯ ߟߐ߲߫ ߕߋ߲߬، ߊ߬ ߞߏ߬ߣߌ߲߸ ߊ߬ߟߋ߬ ߓߊ ߦߋ߫ ߖߌ߬ߣߍ߬ ߣߌ߫ ߜߋ߲ߞߐ߰ߖߌ߬ߘߊ ߓߐߕߏ߲ ߠߋ߬ ߟߊ߫.>> ߊ߬ ߞߵߏ߬ ߦߌ߬ߘߊ߬.

ߊ߬ ߞߵߊ߬ ߦߌ߬ߘߊ߬ ߞߏ߫ ߡߊ߲߬ߞߊ߲ ߕߎ߲߬ ߥߟߌ߬ ߘߊ߫ ߦߋ߲߬ ߂߀߂߃ ߟߊ߫߸ ߝߏ߫ ߖߌ߬ߣߍ߫ ߝߊ߰ߡߊ ߟߎ߬ ߣߌ߫ ߜߋ߲ߞߐ߰ߖߌ߬ߘߊ ߕߊ ߟߎ߬ ߞߵߊ߬ߟߎ߫ ߛߌ߰ ߞߊ߬ ߞߎߡߴߊ߬ ߞߏߢߊ ߞߊ߲߬߸ ߓߊ߬ߙߵߊ߬ ߡߊ߫ ߛߋ߫ ߘߊ߲ߘߊ߫ ߟߊ߫ ߤߊߟߌ߬ߛߊ߫، <<ߞߊ߬ߦߌ߯ ߕߎ߬ߡߊ ߏ߬ ߟߋ ߟߊ߫߸ ߊ߬ ߡߙߌߘߐߕߊ߬ ߘߊ߫ ߞߏ߫ ߞߊ߬ ߓߊ߯ߙߊ ߓߍ߯ ߟߊߟߐ߬ ߝߊ߲߬ߞߣߐ ߏ߬ ߘߐ߫ ߦߋ߲߬߸ ߞߊ߬ ߘߟߊ߬ߡߐ߲ ߓߟߏߞߊ߬ ߝߋߎ߫، ߓߊ߬ߙߌ߬ ߛߊ߲߭ ߺ ߊ ߺ ߛߊ߲߬ ߞߏ߬ߣߌ߲߸ ߜߋ߲ߞߐ߰ߖߌ߬ߘߊ ߡߐ߱ ߏ߬ ߟߎ߫ ߕߍ߬ߘߍ߫ ߘߊ߬ߟߊ ߣߌ߲߬ ߡߐ߲߫ ߠߊ߫.>> ߊ߬ ߞߵߏ߬ ߝߙߊ߬ ߞߎߡߊ ߞߊ߲߬.

ߓߌ߬ ߕߊ߫ ߡߊ߲߬ߞߊ߲ ߣߌ߲߬ ߥߟߌ߬ ߘߊ߫ ߘߊߘߐߝߙߊߢߐ߲߯ߦߊ ߘߏ߫ ߟߋ߬ ߞߐ ߘߐ߫، ߞߊ߬ߕߎ߲߯߸ ߊ߲ ߠߊ߫ ߢߊߝߐߟߌ߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߞߟߊ߬ߝߟߌ߬ߟߊ߬ߞߊ ߟߎ߬ ߕߏߣߍ߲߫ ߘߟߊ߬ߡߐ߲ ߠߋ߬ ߟߊ߫߸ ߝߊ߲߬ߜ߭ߟߊ߬ߞߊ ߟߎ߫ ߣߊ߬ ߘߊ߫ ߞߵߊ߬ ߦߌ߬ߘߊ߬ ߞߏ߫ ߘߊ߬ߟߊ ߏ߬ ߡߊ߲߫ ߞߊ߲߫ ߞߊ߬ ߡߐ߲߫ ߣߴߊ߬ߟߎ߬ ߟߊ߫ ߖߊ߬ߡߊߙߌ ߕߍ߫، ߏ߬ ߟߋ ߞߎߡߊ ߛߌߦߊߦߊߣߍ߲߫߸ ߊ߬ߟߎ߬ ߥߊ߫ ߘߊ߫ ߛߏ߫߸ ߞߊ߬ ߓߊ߲߫ ߞߵߊ߬ߟߎ߬ ߞߐߛߊ߬ߦߌ߲߫ ߖߡߊ߬ ߜߘߍ߫ ߘߌ߫߸ ߊ߬ߟߎ߬ ߣߌ߫ ߡߙߊ߬ߒ߬ߡߊ߬ߝߋ߲. ߡߙߊ߬ߓߊ߰ߘߎ߯ߟߊ ߟߊ߫ ߝߐߟߌ߫ ߘߐ߫ <<ߊ߬ߟߎ߬ ߣߌ߫ ߡߊ߬ߙߌ߬ߝߊ ߟߋ߬ ߣߊ߬ ߘߊ߫߸ ߞߊ߬ ߣߊ߬ ߡߎ߮ ߟߊߥߌ߬ߟߌ߫ ߊ߲ ߠߊ߫ ߡߐ߱ ߟߎ߫ ߞߊ߲߬߸ ߏ߬ ߟߎ߬ ߣߴߊ߬ߟߎ߬ ߟߊ߫ ߖߐ߭߸ ߞߵߊ߬ ߛߐ߬ߘߐ߲߬ ߡߙߊ߬ߒ߬ߡߊ߬ߝߋ߲߬ ߝߏߦߌ߬ ߕߴߊ߬ߟߎ߬ ߓߟߏ߫.>> ߣߊ߲߬ߕߌ߰ߗߍ ߣߌ߲߬ ߞߵߏ߬ ߦߌ߬ߘߊ߬.

ߡߊ߬ߘߌ߬ߡߌ߲߬ߠߌ߲ ߞߍߣߍ߲߫ ߡߊ߬ߙߌ߬ߝߊ߬ߕߋ ߏ߬ ߟߋ ߘߐ߫ ߛߊ߫߸ ߞߊ߬ ߡߐ߰ ߁߁ ߖߐߞߌ߫ ߖߌ߬ߣߍ߬ߞߊ ߟߎ߬ ߘߐ߫، ߊ߬ ߖߍ߬ߘߍ߸ ߞߟߊ߬ߝߟߌ߬ߟߊ߫ ߘߎ߰ߕߌ߮ ߦߋ߫ ߖߐߞߌߓߊ߯ߕߐ ߏ߬ ߟߎ߬ ߘߐ߫߸ ߞߌ߬ߛߍ ߞߵߏ߬ ߡߌ߬ߣߴߊ߬ ߛߋ߲߭ ߠߋ߬ ߟߊ߫߸ ߏ߬ ߟߊߕߊ߯ ߘߊ߫ ߣߎ߬ߡߎ߲߬ߖߌ߬ߟߊ߫ ߟߋ߬߸ ߞߵߊ߬ ߕߐ߬ ߡߐ߰ ߕߊ߲ (߁߀) ߕߊ߬ ߞߊ߬ ߣߵߏ߬ ߟߎ߬ ߘߌ߫ ߞߊ߲ߞߊ߲߫ ߘߊ߲ߘߊߛߏߓߊ ߟߊ߫߸ ߘߊ߲ߘߊߟߌ߫ ߝߢߊߝߢߊ ߘߊߞߘߐ߫، ߟߌ߬ߤߟߊ ߣߌ߲߬ ߛߓߍ߫ ߕߎߡߊ ߞߵߊ߬ ߛߐ߬ߘߐ߲߬ ߘߊ߲ߘߊߟߌߟߊ ߟߎ߬ ߡߊ߫ ߢߊߝߐߟߌ߫ ߞߍ߫ ߊ߬ߟߎ߫ ߟߌ߬ߤߟߊ ߞߊ߲߬ ߡߎߣߎ߲߬.

ߜߋ߲ߞߐ߰ߖߌ߬ߘߊ ߟߊ߫ ߞߎ߲߬ߠߊ߫߸ ߡߐ߰ ߣߊ߯ߣߌ߲߫ ߠߋ߬ ߖߐߞߌ߫ ߘߊ߫߸ ߊ߲ ߞߏ߬ߣߌ߲߲ ߡߴߊ߬ ߟߐ߲߫ ߣߴߏ߬ ߖߎ߯ߦߊ߫ ߘߊ߫ ߥߟߴߊ߬ ߡߊ߫ ߖߎ߯ߦߊ߫، ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߕߍ߮ ߞߍ߫ ߘߊ߫ ߖߌ߬ߣߍ߬ߞߊ߫ ߡߐ߰ ߣߊ߯ߣߌ߲߫ ߘߐ߫ ߜߋ߲ߞߐ߯ߖߌߘߟߊߞߊ ߟߎ߬ ߓߟߏ߫߸ ߡߏ߬ߛߏ߫ ߡߐ߰ ߛߓߊ߬ ߣߌ߫ ߗߍ߬ ߡߐ߰ ߞߋߟߋ߲߫، ߓߊ߬ߙߌ߬߸ ߓߎ߯ߟߊ߫ ߡߙߊ߬ߓߊ߰ߘߎ߯ߟߊ ߣߌ߫ ߡߌ߬ߣߌߢߊ߲߬ ߡߙߊ߬ߓߊ߰ߘߎ߯ߟߊ ߟߊ߫ ߞߎߡߊߢߐ߲߯ߦߊ ߞߏߛߐ߲߬߸ ߢߐ߲߯ ߝߊ߯ߡߎ߲ ߛߋ߫ ߘߊ߫ ߞߍ߫ ߟߊ߫߸ ߏ߬ ߟߎ߫ ߕߊ߬ ߘߊ߫ ߞߵߊ߬ߟߎ߬ ߘߌ߫ ߣߎ߬ߡߎ߲߬ߖߌ߬ߟߊ߫ ߡߊ߬߸ߞߵߊ߬ߟߎ߫ ߓߌ߬ߟߊ߬ ߖߌ߬ߣߍ߬ ߕߊ߫ ߓߟߏ߫ ߞߊ߲߬.

ߖߊ߲߬ߖߏ߲ ߣߌ߲߬ ߕߊ߬ߡߌ߲߬ ߘߊ߫ ߛߙߋ ߡߍ߲ ߘߏ߫ ߢߣߊ߫߸ ߏ߬ ߞߊ߬ ߘߏ߫ ߝߐ߫ ߊ߬ ߞߏ ߕߊ߬ߡߌ߲߬ ߢߊ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫: <<ߊ߲ ߥߊ߫ ߘߊ߫ ߟߋ߬߸ ߡߙߊ߬ߒ߬ߡߊ߬ߝߋ߲߬ ߝߏߦߌ߬ ߕߴߊ߲ ߓߟߏ߫߸ ߝߏ߫ ߊ߲ ߠߊ߫ ߖߍ߯ ߡߌߣߊ߫ ߖߐ ߘߐߙߐ߲߫، ߌߞߘߐ߫ ߕߋ߲߬߸ ߊ߲ ߞߊ߬ ߡߊ߬ߙߌ߬ߝߊ߬ ߡߊ߲ߞߊ߲ ߡߍ߲߫، ߡߐ߰ ߛߌߦߊߡߊ߲߫ ߦߋ߫ ߞߎߟߋ ߞߊ߲߬߸ ߞߏ߫ ߞߌ߬ߛߍ ߓߘߊ߫ ߛߴߊ߬ߟߎ߫ ߡߊ߬߸ ߡߏ߬ߛߏ ߟߎ߫ ߕߘߍ߬ ߖߐߞߌߓߊ߯ߕߐ ߢߌ߲߬ ߠߎ߬ ߘߐ߫.>> ߊ߬ ߞߵߏ߬ ߦߌ߬ߘߊ߬.

ߒ߬ߓߊ߬߸ ߡߊ߲߬ߞߊ߲ ߣߌ߲߬ ߦߋ߫ ߘߟߊ߬ߜߍ߬ߓߊ߫ ߟߋ߬ ߝߍ߬߸ ߥߐ߬ߦߐ ߦߋ߫ ߛߏ߫ ߝߌ߬ߟߊ ߢߌ߲߬ ߠߎ߬ ߕߍ߫ ߊ߬ ߞߏߢߊ ߘߐ߫ ߞߘߐ߬ߡߊ߲߬߸ ߏ߬ ߘߌ߫ ߛߊ߲߬ ߦߙߌߞߊ߫ ߓߐ߫.

ߏ߬ ߟߋ ߘߐ߫߸ ߖߡߊ߬ߣߊ߫ ߝߌ߬ߟߊ ߣߌ߲߬ ߓߍ߯ ߝߊ߰ߡߊ ߟߎ߬ ߞߊ߫ ߞߊ߲߫ ߞߊ߬ ߓߟߏߘߐߓߍ߲߫ ߖߐ߲ߖߐ߲ ߠߎ߬ ߞߍ߫߸ ߖߐ߲߰ߛߊ߫ ߢߊ߫ ߘߌ߫ ߛߐ߬ߘߐ߲߫ ߊ߬ ߞߏߢߊ ߡߊ߬߸ ߞߵߊ߬ ߘߐߛߎߡߊ߫ ߛߌߟߊ߫ ߜߍߣߍ߲߫ ߣߌ߫ ߛߌߟߊ߫ ߕߋߟߋ߲ߣߍ߲߫ ߞߊ߲߬߸ ߛߊ߫ ߕߊ߲߬ߞߊ߬ ߘߌ߫ ߞߍ߫ ߡߊ߲߬ߞߊ߲߬ ߜߘߍ߫ ߟߎ߫ ߡߊ߬.