ߕߊ߯ߡߊߕߍߓߏ߬ߙߌ߬ߕߍ ߟߋ߬ ߛߌ߰ߣߍ߲߫ ߛߋ߲߬ߠߊ߫ ߦߦߌߖ߭ߎߥߊ߲ߜ߭ ߓߌ߬ ߞߊ߯ߙߌ ߣߌ߲߬ ߡߊ߬߸ ߡߐ߰ߡߐ߮ ߟߎ߬ ߛߋ߫ ߘߊ߫ ߛߋ߲߬ߠߊ߬ߞߊߟߌߦߊ߫ ߟߊ߫ ߡߐ߱ ߟߎ߬ ߘߌ߫، ߊ߬ ߛߋ߲߬ߢߊ߬ ߝߟߐߝߟߐ ߟߋ߬ ߕߋ߲߬߸ ߡߐ߰ߡߐ߮ ߟߎ߬ ߦߋ߫ ߛߋ߲߬ߠߊ߬ߞߊߟߌߦߊ߫ ߢߍߕߊ߮ ߘߐ߫ ߣߌ߲߬ ߢߊ߸ ߞߊ߬ ߕߊ߬ߡߌ߲߬ ߡߐ߱ ߟߎ߫ ߞߊ߲߬، ߏ߬ ߟߵߊ߬ ߦߌ߬ߘߊ߬ ߟߊ߫ ߞߏ߫ ߛߌ߯ߣߌ߲߬ ߓߘߊ߫ ߛߋ߲߬ߠߊ߬ߞߊߟߌߦߊ߫ ߡߐ߰ߡߐ߰ ߞߏ ߣߌ߲߬ ߘߐ߫߸ ߝߏ߫ ߡߐ߱ ߟߎ߬ ߟߊ߫ ߓߊ߯ߙߊ߫ ߞߏ ߤߊߡߌ߲ ߓߘߊ߫ ߛߌ߰ ߛߌߣߌ߲ߦߋߟߊ ߟߎ߬ ߟߊ߫، ߞߵߏ߬ ߞߎ߲߭ ߞߍ߫ ߛߋߒߞߏߟߊߘߐߦߊ ߟߊ߫ ߝߊ߲߬ߞߊ߬ ߛߐߘߐ߲ ߘߌ߫߸ ߡߍ߲ ߞߐߝߟߌ ߓߍߣߊ߬ ߟߊ߫ ߡߐ߱ ߟߎ߫ ߞߊ߲߬ ߕߎ߬ߡߊ߫ ߣߊ߬ߕߐ ߟߎ߬ ߘߐ߫.

ߞߊ߯ߙߌ ߣߌ߲߬ ߡߊ߬ ߂߀߂߆ ߞߏ߲ߞߏߘߓߌ ߕߟߋ߬ ߁߉߸ ߡߐ߰ߡߐ߮ ߟߎ߬ ߣߌ߫ ߡߐ߱ ߟߎ߫ ߟߋ߬ ߟߊߘߍ߬ ߘߊ߫ ߕߊ߯ߡߊߕߍߓߏ߬ߙߌ߬ߕߍ ߟߊ߫ ߦߌߖ߭ߎߥߊ߲ߜ߭ ߘߎ߱ ߞߣߐ߫߸ ߓߍ߯ ߣߴߊ߬ ߟߊ߫ ߛߌߟߊ߫ ߟߋ߬، ߊ߬ߟߎ߫ ߕߘߍ߬ ߥߊ߫ ߟߊ߫ ߞߎ߲߬ߕߋ߬ߟߋ߲߬ ߞߋߟߋ߲߫ ߠߋ߬ ߝߍ߬߸ ߓߊ߬ߙߵߊ߬ߟߎ߬ ߟߊ߫ ߛߌߟߊ ߓߐߣߍ߲߫ ߕߘߍ߬ ߢߐ߲߮ ߡߊ߬.

ߞߎߘߍ߫ ߂߁ ߠߋ߬ ߛߌ߰ ߘߊ߫߸ ߡߐ߰ߡߐ߮ ߟߎ߬ ߞߊߟߌߦߊ߫ ߘߊ߫ ߡߐ߱ ߟߎ߬ ߏ߬ ߕߍߕߊ߯ߡߊ ߘߐ߫، ߓߊߏ߬߸ ߊ߬ߟߎ߬ ߘߐ߫ ߝߟߐߡߊ ߛߋ߫ ߘߊ߫ ߡߌ߬ߛߍ߲߬ ߅߀ ߝߌߟߊ߲߫ ߂߀ ߠߋ߬ ߞߘߐ߫، ߊ߬ ߘߏ߲߬߸ ߡߐ߱ ߡߍ߲ ߢߐ߲߰ ߕߍ߫ ߘߎߢߊ߫ ߞߣߐ߫߸ ߏ߬ ߦߋ߫ ߎߜ߭ߊ߲ߘߞߊ ߘߏ߫ ߟߋ߬ ߘߌ߫߸ ߖ߭ߊ߬ߞߐߔ ߞߌߔߟߌߡߏ߫ ߟߋ߬ ߘߌ߫߸ ߏ߬ ߛߋ߫ ߘߴߊ߬ ߕߊ ߣߌ߲߬ ߢߐ߲߰ ߞߍ߫ ߟߊ߫ ߡߌ߬ߛߍ߲߬ ߅߇ ߝߌߟߊ߲߫ ߂߀ ߞߣߐ߫.

ߒ߬ߓߊ߬߸ ߕߊ߯ߡߊ߫ ߖߊ߲ ߣߌ߲߬ ߞߣߐ߫߸ ߞߏߘߐߜߍߟߊ ߟߎ߫ ߞߵߊ߬ ߦߋ߫ ߟߋ߬ ߕߋ߲߬߸ ߡߐ߰ߡߐ߮ ߟߎ߫ ߛߋ߲߬ߠߊ߬ߞߊߟߌߡߊ߲߫߸ ߊ߬ߟߎ߬ ߓߊߛߌ߰ߣߍ߲߬، ߡߍ߲ ߠߎ߬ ߝߟߐ߫ ߟߊߓߐ߫ ߘߊ߫ ߂߀߂߅ ߟߊ߫߸ ߡߐ߰ߡߐ߮ ߏ߬ ߟߎ߬ ߛߎߡߊߡߊ߲߫ ߕߘߍ߬߸ ߊ߬ߟߎ߫ ߕߍ߬ߘߍ߫ ߓߋ߬ ߟߊ߫ ߟߋ߬ ߝߣߊ߫ ߛߋ߲߬ߢߊ߬ ߦߙߌߞߊ߫، ߒ߬ߞߊ߬ ߢߌ߬ߣߊ߲߬ ߕߊ ߡߍ߲ ߦߋ߫ ߣߌ߲߬߸ ߊ߬ߟߎ߬ ߞߙߎ߫ ߗߡߍ߬ ߣߌ߫ ߞߐ߫ ߟߋ߬ ߕߘߍ߬ ߞߣߍ ߞߊ߲߬، ߞߵߊ߬ ߛߐ߬ߘߐ߲߬ ߡߎ߬ߥߊ߲߫ ߖߊ߬ߕߋ߫ ߟߋ߬ ߕߘߍ߬ ߟߊߓߐ߫ ߟߊ߫ ߝߟߐ߫.

ߞߊ߬ߙߊ߲߬ߠߊ߬ߘߋ߲ ߘߏ߫ ߕߘߍ߬ ߞߏߘߐߜߍߟߊ ߟߎ߬ ߘߐ߫ ߦߋ߲߬߸ ߏ߬ ߞߵߊ߬ ߦߌ߬ߘߊ߬ ߞߏ߫ ߞߓߊߞߏ ߟߋ߬ ߣߌ߲߬ ߘߌ߫߸ ߡߍ߲ ߘߌ߫ ߡߐ߰ ߢߊߞߘߐߛߋ߫، ߘߏ߫ ߝߣߊ߫ ߖߘߐ߬ߣߴߊ߬ ߞߏ ߞߐߝߟߌ ߟߊ߫، <<ߊ߬ ߞߊ߫ ߢߌ߲߬ ߝߋߎ߫߸ ߓߊ߬ߙߵߊ߬ ߦߋ߫ ߖߐ߬ߘߐ ߟߋ߬ ߘߌ߫ ߓߊ߯ߙߊ߫ ߞߏ ߘߐ߫.>>

ߛߌ߯ߣߌ߲߬ ߦߋ߫ ߣߊ߲߬ߝߟߏ߬ߓߊ߫ ߟߋ߬ ߘߏ߲߬ ߠߊ߫ ߡߐ߰ߡߐ߰ ߞߏ ߣߌ߲߬ ߘߟߊ߫، ߞߊ߬ߕߎ߲߯߸ ߂߀߂߅ ߟߊߓߊ߲ ߠߊ߫߸ ߊ߬ߟߎ߫ ߞߊ߬ ߦߎߥߊ߲ ߥߟߎ߬ߡߊ߬ ߇߃ ߟߋ߬ ߘߏ߲߬ ߊ߬ ߘߟߊ߫߸ ߥߟߊ߫ ߋߙߏ ߥߟߎ߬ߡߊ߫ ߉،߁߅߇ ߢߐ߲߰، ߊ߬ߟߎ߬ ߦߴߊ߬ ߝߍ߬ ߟߋ߬ ߕߋ߲߬߸ ߡߐ߰ߡߐ߮ ߟߎ߬ ߦߋ߫ ߛߋ߫ ߓߊ߯ߙߊ߫ ߟߊ߫ ߟߎ ߟߎ߬ ߞߣߐ߫߸ ߡߐ߰ߓߊ߬ߞߘߐ ߟߎ߬ ߓߟߏߞߘߐ߫߸ ߊ߬ ߣߌ߫ ߓߊ߯ߙߊ߫ ߖߘߐ߬ߡߊ ߘߏ߫ ߟߎ߫.