ߛߌ߯ߙߌ߲߫ ߛߏ ߞߣߐ߫߸ ߕߊ ߟߋ߬ ߥߟߌ߬ߣߍ߲߫ ߞߊ߲ߓߋ߲ߓߊ ߘߏ߫ ߟߊ߫ ߓߌ߬ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߄ ߣߌ߲߬ ߡߊ߬߸ ߞߊ߬ ߓߟߏߝߋ߲߫ ߛߌߦߊߡߊ߲߫ ߖߋ߬ߣߌ߲߬ ߊ߬ ߣߌ߫ ߟߎ ߘߏ߫ ߟߎ߫߸ ߞߊ߲ߓߋ߲ߓߊ ߘߏ߫ ߟߋ߬ ߡߙߎߕߐߟߊ ߓߋ߬ ߘߊ߫ ߝߙߊ߬ߣߌ߲ ߺ ߞߐ߫ ߞߌ߲߬ߘߊ ߟߊ߫߸ ߞߊ߲߭ߞߊߙߌߝߎ߯ߙ ߟߊ߫߸ ߞߊ߬ ߕߊ ߥߌ߬ߟߌ߫ ߊ߬ ߟߊ߫߸ ߞߵߊ߬ ߕߘߍ߬ ߊ߬ ߝߊߣߍ߲߫ ߥߊߦߌ߲߫ ߓߘߊ ߟߎ߬ ߣߌ߫ ߡߌ߲߬ߕߊ ߟߎ߬ ߟߊ߫، ߏ߬ ߟߎ߬ ߖߍ߲ߛߍ߲ ߠߋ߬ ߞߍ߫ ߘߊ߫ ߛߊߓߎ߫ ߘߌ߫߸ ߞߵߊ߬ ߘߊߝߍ߫ ߡߣߐߓߏ߲ ߣߴߊ߬ ߘߊߝߍ߫ ߟߎ ߟߎ߬ ߡߌ߬ߣߊ߬߸ ߞߵߏ߬ ߘߏ߫ ߟߎ߫ ߖߋ߬ߣߌ߲߫ ߞߵߊ߬ ߞߍ߫ ߞߎߙߍ߫߸ ߡߐ߰ ߞߏ߬ߣߌ߲ ߡߊ߫ ߓߣߐ߬ ߊ߬ ߣߌ ߘߐ߫ ߕߊߓߐ ߣߌ߲߬ ߘߐ߫߸ ߓߟߏߝߋ߲߫ ߛߌߦߊߡߊ߲߫ ߞߏ߬ߣߌ߲ ߕߏߣߴߊ߬ ߘߐ߫ ߟߋ߬ ߕߋߜߊ߫߸ ߊ߲ ߡߴߏ߬ ߟߎ߬ ߦߙߌߞߊ߫ ߟߐ߲߫ ߡߎߣߎ߲߬߸ ߊ߲ ߡߴߊ߬ߟߎ߫ ߕߌ߰ ߟߐ߲߫ ߝߣߊ߫.
ߊ߲ ߞߵߊ߬ ߡߊߘߏ߲߬ ߛߌ߯ߙߌ߲߫ ߘߎ߰ߘߋ߲ ߘߏ߫ ߟߊ߫߸ ߊ߬ߟߋ ߡߍ߲ ߕߐ߯ ߞߏ߫ ߛߏ߬ߙߌ߫ ߘߙߊ߬ߓߊ߸ ߊ߬ ߦߋ߫ ߞߏߡߌߣߌ߲ߞߊ߲ ߠߋ߬ ߘߌ߫،
ߊ߬ ߞߎߡߊ߫ ߘߴߊ߲ ߧߋ߫ ߕߊߓߐ ߣߌ߲߬ ߟߌ߬ߤߟߊ ߞߊ߲߬߸ ߞߏ߫ <<ߕߋ߬ߟߋ ߣߌ߲߬ ߘߐ߫߸ ߁߆ ߕߎߡߊ ߟߊ߫߸ ߞߊ߲ߓߋ߲ߓߊ ߘߏ߫ ߟߋ߬ ߞߊ߲߫ ߞߏ߫ ߊ߬ ߦߋ߫ ߡߙߎ߫ ߟߊ߫߸ ߊ߬ ߓߋ߬ ߘߊ߫، ߊ߬ ߞߣߐ߫ ߝߋ߲ ߠߎ߬ ߕߘߍ߬ ߥߊߦߌ߲߫ ߓߘߊ ߟߎ߬ ߟߋ߬ ߘߌ߫߸ ߏ߬ ߟߋ ߞߍ߫ ߘߊ߫ ߕߊ ߥߟߌ߬ ߘߴߌߞߘߐ߫ ߞߊ߬ ߡߣߐ߬ߓߏ߲߬ ߛߌߦߊߡߊ߲߫ ߡߌ߬ߣߊ߬߸ ߊ߬ ߣߌ߫ ߟߎ ߘߏ߫ ߟߎ߫.>>
ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ <<ߕߎ߬ߡߊ߬ߘߐ߫߸ ߊ߬ߟߎ߬ ߥߊߕߐ߫ ߕߌ߲߬ ߦߋ߫ ߡߊ߬ߟߌ ߟߋ߬ ߟߊ߫.>>
ߞߌ߲߬ߘߊ ߡߐ߱ ߟߎ߬ ߞߵߊ߬ߟߎ߬ ߘߐߖߊ߬ ߕߊ ߣߌ߲߬ ߠߊߛߊ߭ ߘߐ߫ ߝߋߎ߫߸ ߘߋ߲ߡߌߛߍ߲ ߠߎ߬ ߣߌ߫ ߡߏ߬ߛߏ ߟߎ߬߸ ߊ߬ ߣߌ߫ ߞߊ߬ߣߌ߲߬ߦߋ߬ ߘߊ߲߬ߞߊ߬ߞߎ߬ߟߎ߲߬ ߕߌ߮ ߘߏ߫߸ ߞߵߏ߬ ߟߊ߫ ߕߊߛߟߊ ߞߊ߲߬.
ߛߏ߬ߙߌ߫ ߘߙߊ߬ߓߊ ߞߵߊ߬ ߦߌ߬ߘߊ߬ ߞߏ߫ <<ߞߌ߲߬ߘߊ ߘߋ߲ߡߌߛߍ߲ ߠߎ߬ ߓߘߊ߫ ߓߊ߯ߙߊ߫ ߞߵߊ߬ߟߎ߬ ߛߋߞߏ ߞߍ߫ ߕߊ ߟߊߛߊ߭ ߘߐ߫߸ ߕߊߟߛߊߟߊ ߝߣߊ߫ ߣߊ߬ ߘߊ߫ ߞߎ߲߬ߝߟߐ ߘߐ߫߸ ߞߊ߬ ߛߌߦߊߡߊ߲߫ ߠߊߛߊ߬ ߞߊ߲ߓߋ߲ ߕߊ ߘߐ߫߸ ߊ߬ ߣߌ߫ ߕߊ ߞߊ߬ ߡߐ߱ ߟߎ߬ ߟߊ߫ ߟߎߡߟߊ ߡߍ߲ ߠߎ߬ ߡߌ߬ߣߊ߬، ߞߏ߬ߣߌ߲߬߸ ߏ߬ ߞߊ߬ ߓߏ߲߬ߓߊ߬ߓߊ߫ ߟߋ߬ ߓߐ߫ ߕߊߓߐ ߟߊ߫߸ ߓߊ߬ߙߌ߬߸ ߊ߬ ߡߊ߫ ߛߋ߫ ߘߊ߲߬ ߛߌ߰ ߟߊ߫ ߕߊ ߟߊ߫߸ ߓߊߏ߬ ߊ߬ ߞߊ߬ ߟߎߡߟߊ߫ ߜߘߍ߫ ߡߌ߬ߣߊ߬ ߏ߬ ߞߐ ߘߐ߫.>>
ߊ߬ ߞߊ߬ ߝߏ߬ߟߌ ߟߊߛߋ߫ ߛߌ߰ߢߐ߲߮ ߠߎ߫ ߡߊ߬߸ ߊ߬ߟߎ߬ ߟߊ߫ ߛߌ߰ߢߐ߲߰ ߓߘߍ߬ߦߊ ߞߏߛߐ߲߬، ߊ߬ ߣߌ߫ ߘߊ߲߬ߞߊ߬ߞߎ߬ߟߎ߲߬ ߕߌ߮ ߡߍ߲ ߣߊ߬ ߘߊ߫ ߞߌ߬ߢߍ ߡߊߟߐ߬ ߕߊ ߟߊߛߊ߬ ߞߊ߲ ߡߊ߬ ߡߐ߱ ߟߎ߬ ߟߊ߫߸ ߞߵߏ߬ ߝߣߊ߫ ߞߵߊ߬ <<ߢߊ߬ ߞߏ߫ ߢߊ߬ ߕߊ ߣߌ߲߬ ߠߊߛߊ߭ ߘߐ߫>> ߞߏߛߓߍ߫، ߞߏ߫ ߊ߬ ߗߍ߭ ߝߏ߬ߕߊ ߟߋ߬ ߊ߬ ߟߊ߫ ߓߊ߯ߙߊ߫ ߢߌߡߊ ߏ߬ ߟߊ߫߸ ߏ߬ ߟߋ ߞߍ߫ ߘߊ߫ ߛߊߓߎ߫ ߘߌ߫߸ ߕߊ ߡߊ߫ ߛߋ߫ ߝߊ߲߬ߞߊ߫ ߛߐ߬ߘߐ߲߬ ߠߊ߫ ߟߎߡߟߊ ߞߐߟߕߊ ߟߎ߫ ߡߊ߬߸ ߏ߬ ߘߐ߫ <<ߊ߬ ߣߌ߫ ߗߋ߫ ߡߌ߬ߙߌ߲߬ߘߌ ߦߋ߫߸ ߊ߬ ߜߋ߲ߜߋ߲߫ ߛߌ߯ߙߌ߲ߞߊ ߟߎ߬.>> ߛߏ߬ߙߌ߫ ߘߙߊ߬ߓߊ߫ ߟߋ߬ ߞߊ߲߫ ߕߋ߲߬.
ߛߌ߯ߙߌ߲߫ ߞߎ߲߬ߠߊ߬ߛߌ߰ ߛߌ߲ߝߏ߲ ߘߏ߫ ߟߎ߫ ߕߎ߲߬ ߦߋ߫ ߞߣߍ ߞߊ߲߬ ߕߊ߫ ߟߛߊ߫ ߘߊߞߎ߲ ߘߐ߫߸ ߊ߲ ߞߏ߬ߣߌ߲ ߡߴߊ߬ߟߎ߬ ߟߊ߫ ߟߊ߬ߛߋ߬ߟߌ߫ ߦߋ߫ ߕߊߓߐ ߣߌ߲߬ ߞߊ߲߬ ߡߎߣߎ߲߬߸ ߞߏ ߡߍ߲ ߓߊ߯ ߓߐ߫ ߊ߬ ߘߐ߫߸ ߊ߲ ߘߴߏ߬ ߞߌ߬ߦߊ߬ ߊߟߎ߫ ߡߊ߬ ߕߎ߬ߡߊ߫ ߣߊ߬ߕߐ ߟߎ߬ ߘߐ߫.
Aucun commentaire pour le moment.