ߡߊ߬ߛߎ߬ߓߊ߬ߞߏ߫ ߘߏ߫ ߞߍߣߍ߲߫ ߛߌ߯ߙߌ߲߫ ߛߐ߱ ߢߌ߲߬ ߡߊ߬߸ ߘߋ߲ߣߍ߲߫ ߛߊ߲߬ ߁ ߣߌ߫ ߞߊߙߏ߫ ߥߐ߯ߙߐ ߘߏ߫ ߟߋ߬ ߛߋߣߍ߲߫ ߛߌ߯ߙߌ߲߫ ߘߊ߲ߘߊߛߏߓߊ ߟߊ߫߸ ߞߊ߬ ߓߐ߫ ߖߘߍ߬ߟߊ ߘߐ߫، ߞߵߊ߬ ߛߐ߬ߘߐ߲߬ ߊ߬ ߘߊߜߟߏ߫ ߕߍ߰ߣߍ߲߫ ߊ߬ ߟߊ߫߸ ߓߊ߬ߙߌ߫߸ ߢߊߢߌߣߌ߲ߠߌ߲ ߠߎ߬ ߞߵߊ߬ ߦߌ߬ߘߊ߫ ߞߏ߫ <<ߘߋ߲ߣߍ߲ ߖߍ߬ߘߍ ߥߟߏߝߊ ߟߋ߬ ߣߐ߬ ߦߴߊ߬ ߞߊ߲߬ ߣߌ߲߬>> ߢߊߢߌߣߌ߲ߠߌ߲ ߠߎ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߕߎ߲߬ ߓߘߊ߫ ߡߍ߲߫߸ ߤߊ߬ߞߟߌ߬ ߟߊ߬ߝߌ߬ߙߌ߲߬ߝߌ߬ߙߌ߲߬ ߖߊ߲ߞߊߙߏ ߘߏ߫ ߦߋ߫ ߗߍ߭ ߟߊ߫߸ ߘߋ߲ߣߊ ߟߊ߫ ߝߐߟߌ߫ ߘߐ߫߸ ߏ߬ ߕߎ߲߬ ߓߘߊ߫ ߓߘߊ߫ ߛߊ߲߬ ߞߋߟߋ߲߫ ߞߍ߫ ߊ߬ ߦߋ߫ ߗߍ߭ ߟߊ߫، ߒ߬ߓߊ߬߸ ߞߎߣߎ߲߬ ߞߍ߲ߘߍߟߏ߲ ߠߋ߬ ߡߊ߬ ߂߀߂߆ ߞߊ߬ߙߌ߬ߝߐ ߕߟߋ߬ ߁߆ ߟߋ߬ ߡߊ߬߸ ߊ߬ߟߋ ߣߊ߬ ߘߊ߫ ߓߐߒߡߊߟߌ ߟߴߊ߬ ߗߍ߭ ߡߊ߬߸ ߏ߬ ߞߍ߫ ߘߊ߫ ߀ ߕߎߡߊ ߟߋ߬، ߒ߬ߓߊ߬߸ ߊ߬ ߛߋ ߦߋ߲߬ ߓߎ߬ߕߎ߲߫.
ߊ߬ ߞߵߊ߬ ߦߋ߫߸ ߊ߬ ߗߍ߭ ߘߋ߬ߙߌ߬ߣߍ߲߫ ߟߊ߬ߡߊ߰ߢߊ ߡߍ߲ ߠߎ߬ ߞߍ߫ ߟߊ߫߸ ߣߴߊ߬ ߦߋ߫ ߖߊ߲߬ߞߊߙߏ߫ ߕߐ߰ߡߊ߬ߛߙߋ ߏ߬ ߟߎ߬ ߘߌ߫߸ ߊ߬ ߞߵߊ߬ ߗߍ߬ ߦߋ߫ ߏ߬ ߟߎ߫ ߟߋ߬ ߞߍ ߟߊ߫، ߒ߬ߓߊ߬߸ ߗߍ߭ ߕߏ߫ ߘߊ߫ ߕߏ߰ߝߏ ߏ߬ ߟߎ߫ ߟߋ߬ ߟߊ߫߸ ߞߵߏ߬ ߞߍ߫ ߊ߬ ߓߐߢߊ ߘߌ߫ ߓߏ߲ ߠߊ߫߸ ߡߐ߱ ߟߎ߬ ߟߋ߬ ߕߏ߫ ߘߊ߫߸ ߊ߬ ߡߊߓߘߍ߬ߓߘߍ߫ ߟߊ߫ ߓߎ߬ߕߎ߲߫ ߞߵߊ߬ ߟߊߘߏ߲߬ ߓߏ߲ ߠߊ߫، ߅ ߕߎߡߊ ߝߊ߲߭ ߠߋ߬ ߝߍ߬ ߓߎ߬ߕߎ߲߫߸ ߖߊ߲߬ߞߊߙߏ ߥߟߌ߬ ߘߴߊ߬ ߟߊ߫ ߝߣߊ߫߸ ߒ߬ߓߊ߬߸ ߊ߬ ߓߏ߬ߛߌ߫ ߢߊ ߟߋ߬ ߞߍߣߍ߲߫ ߡߐ߱ ߟߎ߬ ߓߟߴߏ߬ ߘߌ߫߸ ߞߊ߬ ߓߏ߲ ߡߊߜߍ߲߫ ߓߏ߬ߙߌ ߘߌ߫߸ ߞߊ߬ ߥߊ߫ ߘߊ ߕߎ߲߯ ߊ߬ ߣߌ߫ ߘߋ߲ ߡߊ߬ ߦߋ߲߬ ߜߙߏ߫، ߞߵߊ߬ ߛߐ߬ߘߐ߲߬ ߘߋ߲ ߟߊߣߍ߲߫ ߓߏ߲ ߞߣߐ߫ ߦߋ߲߬߸ ߝߏ߫ ߡߐ߰ ߟߎ߬ ߟߋ߬ ߕߟߏ ߘߏ߲߬ ߘߊ߫ ߘߋ߲ ߞߊ߬ߛߌ߬ ߞߊ߲ ߘߐ߫߸ ߞߵߏ߬ ߞߍ߫ ߘߊ ߞߊߘߌ߫ ߘߌ߫߸ ߞߊ߬ ߘߏ߲߬ ߊ߬ ߞߊ߲߬، ߞߊ߬ ߥߴߊ߬ ߦߋ߫ ߏ߬ ߘߐ߫߸ ߊ߬ ߓߘߊ߫ ߘߋ߲ߣߍ߲ ߘߊߜߟߏ߫ ߡߊߗߌ߲ߗߌ߲߫߸ ߝߏ߫ ߞߊ߬ ߘߋ߲ߣߍ߲ ߘߊߜߟߏ߫ ߟߎ߬ ߕߍ߰ߕߍ߰ ߊ߬ ߟߊ߫߸ ߝߊߦߌߘߊ߫ ߘߏ߫ ߓߐ߫ ߘߊ߫ ߟߋ߬ ߛߊ߲ߝߍߕߊ ߣߌ߫ ߘߎ߰ߡߊ߬ߕߊ ߓߍ߯ ߟߊ߫، ߘߋ߲ߣߍ߲ ߡߍ߲ ߞߏ߫ ߦߋ߫ ߕߋ߲߬.
ߊ߬ߟߋ ߕߐ߯ ߟߋ߬ ߦߋ߫ <<ߝߕߊ߫ ߞߊ߬ߡߙߊ߬>> ߘߌ߫߸ ߣߴߊ߬ ߛߌ߬ߞߛߊ߬ߓߌ߬ߦߊ ߦߋ߫ ߛߊ߲߬ ߞߋߟߋ߲߫ ߣߌ߫ ߞߊߙߏ߫ ߥߐ߯ߙߐ߫ ߖߊ߬ߕߋ߬ ߘߐ߫، ߘߋ߲ߣߊ ߕߐ߯ ߦߋ߫ <<ߝߊߕߎߡߊߕߊ߬ ߞߊ߬ߡߙߊ߬>> ߘߌ߫، ߘߋ߲ߝߊ ߡߍ߲ ߦߋ߫ ߤߊ߬ߞߟߌ߬ ߟߊ߬ߝߌ߬ߙߌ߲߬ߝߌ߬ߙߌ߲߬ߓߊ߰ߕߐ߫ ߘߌ߫߸ ߏ߬ ߕߐ߮ ߦߋ߫ <<ߊ߲߬ߛߎ߬ߡߊ߯ߣ>> ߘߌ߫، ߟߊ߬ߞߍ߲߬ߘߍ߬ߦߊ߬ߟߌ߫ ߘߌߦߊ ߡߍ߲ ߓߍ߲߬ߣߍ߲߫ ߘߋ߲ߣߍ߲ ߠߎ߬ ߟߊ߫ ߞߏߢߊ ߡߊ߬߸ ߘߋ߲ߣߍ߲ ߓߘߊ߫ ߛߋ߫ ߦߋ߲߬ ߕߋ߲߬.
Aucun commentaire pour le moment.