ߞߏߟߊߕߍ߮ ߡߍ߲ ߠߎ߬ ߛߎߥߊ߲ߘߌ߫ ߘߊ߫ ߖߡߊ߬ߣߊ߬ߘߋ߲ ߠߎ߬ ߓߟߏ߫ ߂߀߂߆ ߘߓߊ߬߬ߕߊ ߕߟߋ߬ ߃߁ ߡߊ߬߸ ߒ߬ߓߊ߬߸ ߞߏߟߊߕߍ߮ ߏ߬ ߟߎ߫ ߟߋ߬ ߝߣߊ߫ ߡߊߞߟߌ߫ ߘߊ߫ ߞߊ߬ߙߌ߬ߝߐ ߕߋ߬ߟߋ߫ ߂ ߣߌ߲߬ ߡߊ߬߸ ߞߏ߫ ߊ߬ߟߎ߬ ߦߋ߫ ߣߊ߬߸ ߞߵߊ߬ߟߎ߬ ߟߊ߫ ߟߥߊ߬ߟߌ߬ߟߌ߬ ߛߓߍߘߊ ߛߏ߯ߙߏ߫، ߏ߬ ߛߋ߲߭ߝߍ߬߸ ߛߌ߯ߙߌ߲߫ ߞߵߊ߬ ߟߊ߫ ߞߊ߬ߝߏ߬ߙߋ߲߬ߕߌ߰ ߞߎߘߊ ߟߐ߲߫.

ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߖ߭ߋߍߡߑߘߋ ߟߋ߬ ߛߎߘߊ߲ߣߍ߲߫߸ ߊ߬ߟߎ ߟߋ߬ ߝߣߊ߫ ߞߊ߬ ߟߐ߬ߘߎ߮ ߓߍ߯ ߟߊߘߍ߬ߣߍ߲ ߞߏ߬ߙߏ߲߬ߘߏ߬߸ ߞߵߊ߬ ߕߊ߬ ߞߊ߬ߝߏ߬ߙߋ߲߬ߕߌ߰ߦߊ ߡߊ߬߸ ߞߵߊ߬ ߛߌ߰ ߤߊ߲߯ ߛߙߍߞߍ߫ ߇߲ ߠߊ߫.

ߞߏ߲߬ߓߏ ߊ߬ߓߎ ߞߋߕߊ߬ ߓߊ߲ ߞߐ ߛߎߥߊ߲ߘߌ߫ ߟߊ߫ ߞߵߊ߬ ߞߍ߫ ߞߊ߬ߝߏ߬ߙߋ߲߬ߕߌ߮ ߘߌ߫߸ ߊ߬ ߞߵߊ߬ ߕߡߊ߬ߖߌ ߓߐ߫ ߛߏ ߘߋ߲ ߠߎ߬ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߘߌ߫ ߓߊ߯ߙߊ߫ ߦߏ߫ ߓߍ߯ ߦߟߌ߫ ߦߴߊ߬ ߟߊ߫ ߢߊ ߡߍ߲ ߡߊ߬.

<<ߣߌ߲߬ ߞߐߝߍ߬߸ ߒ ߕߍ߫ ߓߘߍ߬ߓߘߍ߬ߟߌ߬ ߞߙߎߞߊ ߝߋ߲߫ ߠߊ߫ ߞߊ߬ߝߏ߬ߙߋ߲߬ߕߌ߯ ߘߌ߫ ߡߎ߬ߕߎ߲߬߸ ߒ ߧߋ߫ ߛߌ߯ߙߌ߲ߞߊ ߟߎ߬ ߟߊ߫ ߞߊ߬ߝߏ߬ߙߋ߲߬ߕߌ߮ ߟߋ߬ ߘߌ߫، ߒ ߢߊ߯ ߊ߬ ߟߊ߫ ߊߟߎ߫ ߟߊ߫ ߟߊߒߠߦߊ ߡߍ߲ ߦߴߊ߲ ߘߐ߫߸ ߊ߲ ߡߊ߲߫ ߞߊ߲߫ ߞߊ߬ ߗߌߙߏ߲߫߸ ߏ߬ ߟߋ ߞߏߛߐ߲߬ ߞߏߟߊߕߍ߯ ߄߅ ߓߍ߯߸ ߒ ߧߋ߫ ߒ ߞߊ߲ߠߊߘߌ߫ ߟߴߊ߬ߟߎ߫ ߡߊ߬߸ ߓߍ߯ ߦߋ߫ ߓߊ߯ߙߊ߫߸ ߞߊ߬ ߛߌ߯ߙߌ߲߫ ߠߊߕߊ߯ ߢߍߝߍ߬.>> ߛߟߊߕߌ߯ ߞߋߕߊ߬ ߞߵߏ߬ ߦߌ߬ߘߊ߬.

ߊߟߑߝߐ߲ߛ ߤߓߊ߬ ߡߍ߲ ߦߋ߫ ߡߙߊ߬ߘߊ߬ߓߊ ߝߘߏ߬ߓߊ߬ ߞߟߊ߬ߕߌ߮ ߘߌ߫߸ ߊ߲ ߞߵߏ߬ ߢߌ߬ߣߌ߲߬ߞߊ߫ ߞߊ߬ ߓߍ߲߬ ߛߊߛߊߓߐߟߌ ߞߍߢߊ ߡߊ߬߸ ߏ߬ ߞߵߊ߬ ߦߌ߬ߘߊ߬ ߞߏ߫ ߢߣߊߕߊߟߌ ߞߍ߫ ߘߊ߫ ߜߍߦߊ ߟߋ߬ ߞߊ߲߬߸ ߊ߬ ߕߊ߬ߡߌ߲߬ ߘߴߊ߬ ߢߌ߬ߡߊ ߟߊ߫.

<<ߊ߲ ߕߍ߬ߘߍ߫ ߞߊ߬ߝߏ߬ߙߋ߲ ߟߥߊ߬ߟߌ߬ߟߌ߬ ߛߓߍߘߊ ߟߋ߬ ߟߊߛߌ߱ ߞߊ߲߬ ߕߋ߲߬߸ ߊ߲ߠߎ߬ ߟߊ߫ ߓߊ߯ߙߊ ߕߎ߲߬ ߦߋ߫ ߘߏ߲߬ߖߟߎ߬ߡߊ߬ߟߌ ߟߋ߬ ߘߌ߫ ߦߋ߲߬߸ ߞߊ߬ ߢߣߊߕߊߟߌ ߞߍߢߊ ߟߎ߬ ߢߊߝߐ߫߸ ߞߊ߬ ߞߊ߲ߕߌ߮ ߟߊߛߌ߰ ߢߣߊߕߊߟߌ ߟߊ߫߸ ߊ߬ ߣߴߊ߬ ߣߐ߬ߞߊ߲߬ߛߌ߯ ߝߌ߬ߟߊ߸ ߞߊ߬ ߓߍ߲߬ ߊ߲ ߛߊ߲ߘߐ߫ ߡߐ߮ ߟߎ߬ ߟߊ߫ ߖߡߊ߬ߙߌ߬ߟߌ ߡߊ߬، ߢߣߊߕߊߟߌ ߣߌ߲߬ ߘߐ߫ ߏ߬ ߘߐ߫߸ ߞߏ߲߬ߓߏ ߊ߬ߓߎ ߓߌߟߌ߬ ߞߋߕߊ߬ ߟߋ߬ ߛߎߘߊ߲߫ ߞߊ߲߫ ߞߊ߬ ߞߍ߫ ߞߊ߬ߝߏ߬ߙߋ߲߬ߕߌ߮ ߘߌ߫ ߞߊ߲ߢߊ߫ ߃߁ ߠߊ߫ ߄߅ ߘߐ߫، ߛߟߊߕߌ߯ ߊߓߘߎߟߊߦߌ߬ ߓߊ߬ߦߐ ߛߎߘߊ߲߫ ߘߊ߫ ߞߊ߬ ߞߍ߫ ߛߙߍߞߍ߫ ߝߟߐ ߘߌ߫ ߞߊ߲ߢߊ߫ ߂߉ ߟߊ߫ ߄߅ ߘߐ߫، [.....] ߢߣߊߕߊߟߌ ߕߊ߬ߡߌ߲߬ ߘߴߊ߬ ߢߌ߬ߡߊ ߟߊ߫߸ ߜߟߍ߬ߦߊ߬ ߡߊ߫ ߘߏ߲߬ ߊ߬ ߘߐ߫߸ ߊ߲ ߓߊ߲߫ ߘߊ߫ ߞߊ߬ ߞߊ߬ߝߏ߬ߙߋ߲߬ߕߌ߰ ߞߎߘߊ ߟߊߛߌ߰.>>

ߢߣߊߕߊߟߌ ߓߘߊ߫ ߞߍ߫߸ ߞߊ߬ ߞߏߟߊߕߍ߮ ߟߎ߬ ߓߌ߬ߟߴߊ߬ߟߎ߫ ߓߌ߬ߟߊ߬ ߦߙߐ߸ ߡߙߌߦߊ߫ ߞߋߟߋ߲߫ ߔߋ߫߸ ߞߊ߬ ߓߊ߯ߙߊ߫߸ ߞߊ߬ ߛߌ߯ߙߌ߲߫ ߠߊߥߙߎߞߌ߫.