ߓߌ߬ߟߊ߬ߒ߬ߘߐ߬ߖߎ߰ߓߊ߫ ߟߋ߬ ߞߍߣߍ߲߫ ߛߌ߯ߙߌ߲ߞߎߘߊ߫ ߁߭ ߞߌ߲߬ߘߊ ߟߊ߫߸ ߊ߬ ߕߌ߯ߕߌ߯ ߡߊ߲߬ߘߋ߲߫ ߓߎ߲߬ߕߍ ߘߐ߫ (ߞߊߙߋߝߎߙ ߡߊ߲߬ߘߋ߲߬)، ߞߊ߲ߓߋ߲߫ ߘߊ߲߬ߞߊ߬ߞߎߟߎ߲ ߠߋ߬ ߞߵߊ߬ ߓߏ߬ߙߌ߬ߟߊ ߓߟߏߡߊߓߊ߬ߟߌ߬߸ ߞߊ߬ ߥߊ߫ ߕߊ߬ߡߌ߲߫ ߞߕߊ߬ߞߕߊ߬ߣߍ߲߬ ߕߌ߮ ߘߐ߫߸ ߞߊ߬ ߓߊ߲߫ ߞߊ߬ ߘߏ߲߬ ߡߐ߱ ߟߎ߬ ߟߊ߫ ߡߣߐ߬ߓߏ߲ ߘߐ߫،  ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߏ߬ߣߌ߲ ߞߎ߲߬ ߖߐ߲ߖߐ߲߫ ߡߊ߫ ߟߐ߲߫ ߡߎߣߎ߲߬.

ߞߏ߲߬ߓߏ ߊߓߘߎߟߊߦߌ߫ ߓߊߛߌߙߎ߬ ߞߐ߲ߘߍ߫ ߟߊ߫ ߝߐߟߌ߫ ߘߐ߫߸ ߊ߬ߟߋ ߡߍ߲ ߦߋ߫ ߞߟߍ߬ߡߐ߰ ߘߊ߲ߘߊߟߌߟߊ߫ ߘߌ߫ ߛߌ߯ߙߌ߲߫ ߘߊ߲ߘߊߛߏߓߊ ߟߊ߫߸ ߏ߬ ߞߵߊ߬ ߟߤߊߕߍߦߊ߫߸ ߞߏ߫ ߡߊ߲߬ߕߙߐ ߞߊ߬ ߡߐ߰ ߣߊ߯ߣߌ߲߫ ߠߋ߬ ߛߐ߬ߘߐ߲߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߘߐ߫.

<<ߓߌ߬ߟߊ߬ߒ߬ߘߐ߬ߖߎ߮ ߟߋ߬ ߞߍߣߍ߲߫ ߞߊߙߋߝߎߙ ߡߊ߲߬ߘߋ߲߬߸ ߞߊ߬ ߡߊ߲߬ߕߙߐ ߟߊߛߋ߫ ߡߐ߰ ߣߊ߯ߣߌ߲߫ ߡߊ߬، ߞߋߟߋ߲߫ ߞߊ߬ ߛߊ߬ߦߊ ߡߊߛߐ߬ߘߐ߲߬ ߦߙߐ ߏ߬ ߘߐ߫ ߦߋ߲߬ ߌߞߘߐ߫߸ ߡߐ߰ ߛߊ߬ߓߊ ߟߊߕߊ߯ ߘߊ߫ ߘߊ߲ߘߊߛߏ ߟߊ߫ ߖߏߣߊߖߏߣߦߊ߫ ߓߟߏ ߡߊ߬، ߊ߬ߟߎ߬ ߛߋ ߞߐ ߘߐ߫ ߘߊ߲ߘߊߛߏ ߟߊ߫߸ ߡߐ߰ ߞߋߟߋ߲߫ ߡߊ߫ ߛߴߊ߬ ߟߊ߫ ߖߐߞߟߌ ߞߘߐ߫߸ ߏ߬ ߞߊ߬ ߛߊ߬ߦߊ ߡߊߛߐ߬ߘߐ߲߬، ߊ߬ ߕߐ߬ ߡߐ߰ ߝߌ߬ߟߊ ߦߋ߫ ߘߊ߲ߘߊߟߌ߫ ߤߏߞߌ ߞߘߐ߫.

ߖߐߞߌߓߊ߯ߕߐ ߡߍ߲ ߠߎ߬ ߘߊ߲ߘߊߟߌ߫ ߝߢߊߝߢߊ ߘߊߞߘߐ߫ ߘߊ߲ߘߊߛߏ ߟߊ߫ ߕߋ߲߬߸ ߏ߬ ߝߟߐߡߊ ߕߐ߯ ߟߋ߬ ߞߏ߫ ߝߏߘߋ߫ ߓߙߋߕߋ߫߸ ߏ߬ ߛߌ߬ߞߛߊߓߌ ߦߋ߫ ߛߊ߲߬ ߈ ߖߊ߬ߕߋ߫ ߟߋ߬ ߘߐ߫߸ ߞߊ߬ ߓߐ߫ ߕߟߋ߬ߟߊ߬ߖߌ߰، ߝߌߟߊߣߊ߲ ߕߐ߯ ߞߏ߫ ߎߡߊߙ ߞߊ߲ߕߍ߫߸ ߏ߬ ߛߌ߬ߞߛߊߓߌ ߦߋ߫ ߛߊ߲߭ ߂߄߸ ߞߊ߬ߙߊ߲߬ߘߋ߲ ߠߋ߬ ߦߴߏ߬ ߘߌ߫߸ ߊ߬ ߝߣߊ߫ ߦߋ߫ ߓߐ߫ ߟߊ߫ ߕߟߋ߬ߟߊ߬ߖߌ߯ ߟߋ߬.

ߛߊ߬ߓߊ߰ߕߐ ߝߟߐߡߊ ߛߊ߫߸ ߏ߬ ߟߋ ߡߊ߬ߡߊ߬ߘߌ߫ ߡߊ߰ߛߎߓߊ߫ ߘߌ߫߸ ߏ߬ ߛߌ߬ߞߛߊߓߌ ߦߋ߫ ߛߊ߲߭ ߉ ߖߊ߬ߕߋ߬߸ ߞߊ߬ߙߊ߲߬ߘߋ߲ ߠߋ߬ ߦߴߏ߬ ߘߌ߫ ߕߟߋ߬ߟߊ߬ߖߌ߯، ߛߊ߬ߓߊ߰ߕߐ ߝߌߟߊߣߊ߲ ߠߋ߬ ߎߛߑߡߊߣߌ߲߬ ߡߊ߰ߛߎߓߊ߫ ߘߌ߫߸ ߏ߬ ߛߌ߬ߞߛߊߓߌ ߦߋ߫ ߛߊ߲߬ ߁߅ ߘߐ߫߸ ߏ߬ ߝߣߊ߫ ߕߎ߲߬ ߦߋ߫ ߞߊ߬ߙߊ߲߬ߘߋ߲ ߠߋ߬ ߘߌ߫ ߡߊ߬ߖߌ߮ ߘߐ߫ ߕߟߋ߬ߟߊ߬ߖߌ߯، ߏ߬ ߘߐ߫߸ ߡߐ߰ ߝߌ߬ߟߊ ߏ߬ ߟߎ߫ ߟߋ߬ ߞߊ߬ ߛߊ߬ߦߊ ߡߊߛߐ߬ߘߐ߲߬.>> ߊ߬ ߞߵߏ߬ ߦߌ߬ߘߊ߬.

ߡߐ߰ ߝߌ߬ߟߊ ߡߍ߲ ߠߎ߬ ߞߏ߬ߣߌ߲ ߡߊߘߌߡߌ߲ߣߍ߲߫߸ ߏ߬ ߟߎ߬ ߦߋ߫ ߘߊ߲ߘߊߟߌ߫ ߤߏߞߌ ߞߘߐ߫ ߛߌ߯ߙߌ߲߫ ߘߊ߲ߘߊߛߏߓߊ ߟߊ߫.