ߛߌ߯ߙߌ߲߫ ߡߙߊ߬ߓߊ߮ ߘߍ߲߬ߞߍ߲߬ߕߎ߲߬ߣߍ߲ ߸ ߝߊߦߑߡߌߓߊ߫ ߡߊ߰ߙߊ ߣߴߊ߬ ߣߐ߬ߟߊ ߟߎ߬ ߓߘߊ߫ ߞߎ߲߬ߠߊ߬ߛߌ߮ ߟߊ߫ ߓߊ߯ߙߊ ߘߊߡߌ߬ߣߊ߬

ߛߌ߯ߙߌ߲߫ ߡߙߊ߬ߓߊ߮ ߘߍ߲߬ߞߍ߲߬ߕߎ߲߬ߣߍ߲ ߸ ߝߊߦߑߡߌߓߊ߫ ߡߊ߰ߙߊ ߣߴߊ߬ ߣߐ߬ߟߊ ߟߎ߬ ߓߘߊ߫ ߞߎ߲߬ߠߊ߬ߛߌ߮ ߟߊ߫ ߓߊ߯ߙߊ ߘߊߡߌ߬ߣߊ߬

ߖߊ߲߬ߖߏ߲ ߣߌ߲߬ ߞߍߣߍ߲߫ ߞߟߍ߬ߕߌ߯ ߛߋߞߎߓߊ ߞߏ߬ߣߊ߬ߕߍ߫ ߜߙߊ߬ ߝߏ߮ ߟߋ߬ ߞߣߐ߫ ߛߌ߯ߙߌ߲߫ ߡߙߊ߬ߘߊ߬ߓߊ ߟߊ߫ ߸ ߏ߬ ߡߍ߲ ߞߏߢߊ ߢߍߡߌ߬ߘߊ߬ߣߍ߲ ߕߘߍ߬ ߞߎ߲߬ߠߊ߬ߛߌ߰ߟߊ߫ ߊ߬ߟߌ ߓߊߘߙߊ߫ ߞߐ߲ߘߍ߫ ߓߟߏ߫߸ ߏ߬ ߞߍߣߍ߲߫ ߕߊ߲ߓߊ߲ߓߐߟߌ ߣߌ߫ ߘߎ߰ߞߣߍ ߡߊ߬ߡߙߊ߬ߟߌ ߞߏߕߌ߮ ߣߊߟߌ߬ߡߎ߲߫ ߓߙߌ߬ߝߐߝߐ ߟߎ߬ ߟߊ߫ ߟߞߟߍ߬ߕߌ߮ ߌߓߙߊߤߌߡߊ߫ ߞߊߟߌߟ ߞߐ߲ߘߍ߫ ߟߊ߫ ߡߙߌߘߐ ߟߋ߬ ߞߣߐߡߊ߬. 

ߡߊ߬ߞߟߐ߫ ߛߊ߲ߘߐߕߊ ߟߎ߬ :

ߝߊߙߌ߲ ߝߊߦߑߡߌߓߊ߫ ߡߊ߰ߙߊ ، ߏ߬ ߦߋ߫ ߡߙߊ߬ߓߊ߮ ߘߌ߫. 

ߛߟߊߕߌ߯ ߊߟߑߝ߭ߐ߲ߛ ߤߓߊ߬ ߸ ߏ߬ ߦߋ߫ ߝߘߏ߬ߓߊ߬ ߞߟߊ߬ߕߌ߮ ߘߌ߫ 

ߡߊ߬ߡߊ߬ߘߌ߫ ( HDM) ߞߐ߲ߘߍ߫߸ ߏ߬ ߦߋ߫ ߞߎߓߋߘߐ ߞߎ߲߬ߕߌ߮ ߘߌ߫. 

ߓߐ߬ߟߐ߲߬ߞߊ ߖߊ߰ߞߊ ߛߌ߬ߛߋ߬ ، ߏ߬ ߦߋ߫ ߛߌ߯ߙߌ߲߫ ߡߙߊ߬ߘߊ߬ߓߊ ߕߊ߲ߓߊ߲ߓߐߟߌ ߣߌ߫ ߘߎ߰ߞߣߍ ߡߊ߬ߡߙߊ߬ߟߌ ߗߋߕߌ߮ ߘߌ߫. 

ߛߟߊߕߌ߯ ߊߓߎߓߞߊߙ ߦߊߦߌ߬ ߞߡߊ߬ߙߊ ، ߏ߬ ߦߋ߫ ߖߊ߬ߕߋ߬ߘߐ߬ߛߌ߰ ߡߊ߲ߞߊ߲ ߠߎ߬ ߟߊߥߙߎߞߌ ߗߋߕߌ߮ ߘߌ߫ 

ߛߟߊߕߌ߯ ߛߙߌߡߊ߲߫ ߞߋߕߊ߬ ߸ ߏ߬ ߟߋ߬ ߘߐ߱ߘߏ߲߬ߣߍ߲߫ ߖߡߊ߬ߞߏ ߟߎ߬ ߛߌ߲߬ߝߏ߲߬ߧߊ߬ߟߌ ߟߊ߫.  

ߏ߬ ߟߎ߫ ߞߵߊ߬ߟߎ߬ ߟߊ߫ ߓߊ߯ߙߊ ߘߊߡߌ߬ߣߊ߬ ߓߌ߬ ߕߋ߬ߟߋ ߣߌ߲߬ ߘߐ߫. 

ߞߏߢߊ ߣߌ߲߬ ߢߍߟߐ߮ ߕߍ߬ߘߍ߫ ߊ߬ߟߌ ߓߊߘߙߊ߫ ߞߐ߲ߘߍ߫ ߡߍ߲ ߘߌ߫߸ ߏ߬ ߞߊ߬ ߡߐ߰ ߛߎߥߊ߲ߘߌߣߍ߲ ߠߎ߬ ߟߊ߫ ߟߊ߬ߛߌ߰ߟߌ ߞߊ߬ߙߌ߬ߝߊ߫ ߡߐ߰ߓߊ ߟߎ߬ ߟߋ߬ ߟߊ߫ ،ߞߏ߫ ߏ߬ ߟߎ߬ ߦߴߊ߬ߟߎ߬ ߟߊߛߌ߰ ߛߌ߬ߝߋ߲ ߠߎ߬ ߘߐ߫. 

<< ߝߏ߫  ߊ߲ ߧߴߊ߲ ߘߍ߬ߙߌ߬ߣߊ߬ߒߞߏ ߟߎ߬ ߡߊߝߊ߬ߟߋ߲߫ ߠߋ߬ ߸ ߊ߲ ߞߊߣߊ߬ ߛߐ߲߬ ߞߊ߬ ߛߐ߲߬ ߞߏߙߏ߲ ߠߎ߬ ߘߏ߲߬ ߸ ߒ ߟߊߣߍ߲߫ ߊ߬ ߟߊ߫ ߡߐ߰ ߞߎ߬ߘߊ߬ ߛߎߥߊ߲ߘߌߣߍ߲ ߞߵߊ߬ ߟߐ߲߫ ߊ߬ߟߎ߬ ߕߐ߯ߦߊߣߍ߲ ߡߍ߲ ߘߐ߫ ߸ ߊ߲ ߓߘߴߊ߬ߟߎ߫ ߞߊ߬ߙߌ߬ߝߊ߫ ߡߐ߰ߓߊ ߟߎ߬ ߟߊ߫ ߸ ߏ߬ ߘߐ߫ ߞߎ߬ߢߐ߲߮ ߣߊ߬ߕߐ ߣߌ߲߬ ߌߞߘߐ߫ ߸ ߊ߲ ߘߌ߫ ߣߊ߬ ߝߣߊ߫ ߞߊ߬ ߡߙߊ߬ߓߊ߰ ߘߎ߯ߟߊ ߟߎ߬ ߝߣߊ߫ ߟߊߛߌ߰ >>.

ߞߎ߲߬ߠߊ߬ߛߌ߰ߟߊ ߟߋ߬ ߞߊ߲߫ ߕߋ߲߬. 

ߡߙߊ߬ߓߊ߰ ߞߎߘߊ ߘߍ߲߬ߞߍ߲߬ߕߎ߲߬ߣߍ߲߬ ߞߵߊ߬ ߓߌ߬ߟߊ߫ ߡߌ߬ߙߌ߲߬ߘߌ ߛߊ߬ߥߏ ߘߐ߫. 

<< ߒ ߛߋߥߊߣߍ߲߫ ߓߊߟߋ߬ ߓߌ߬ ߸ ߓߊߏ߬ ߒ ߣߊ߬ߣߍ߲߫ ߦߙߐ ߡߍ߲ ߘߐ߫ ߣߌ߲߬ ߘߎ߰ߘߋ߲ ߠߎ߬ ߞߊ߬ ߒ ߠߊߛߣߍ߫ ߸ ߏ߬ ߘߐ߫ ߒ ߣߊ߬ߣߍ߲߫ ߓߊ߯ߙߊ߫ ߞߊ߲߫ ߠߋ߬ ߡߊ߬ ߸ ߒ߬ߞߊ߬ ߥߊߦߌߞߊ߫، ߒ ߞߋߟߋ߲߫ ߕߍߣߊ߬ ߛߋ߫ ߟߊ߫ ߓߊ߯ߙߊ߫ ߟߊ߫ ߘߋ߬ ߸ ߒ ߡߊ߬ߞߏ ߦߋ߫ ߓߍ߯ ߟߊߘߍ߬ߣߍ߲ ߠߊ߫ ߡߊ߬ߟߐ߬ߟߌ ߟߊ߫ ߸ ߊ߲ ߖߊ߬ߡߊ ߟߋ߫ ߓߴߛߋ߫ ߞߊ߬ ߞߍ߬ߟߍ ߣߌ߲߬ ߞߍ߫ ߟߊ߫ >>. 

ߡߙߊ߬ߓߊ߰ ߞߎߘߊ ߘߍ߲߬ߞߍ߲߬ߕߎ߲߬ߣߍ߲ ߠߋ߬ ߞߊ߲߫ ߕߋ߲߬. 

ߛߌ߯ߙߌ߲߫ ߛߏߕߌ߮ ߍߟߑߤߊߖ߭ ߘߙߊ߬ߡߊߣ ߡߊ߰ߛߎߓߊ߫ ߞߊ߬ ߛߙߊ߬ߣߎ߲ ߕߊ߬ ߸ ߞߊ߬ ߛߐ߰ ߖߡߊ߬ߣߊ ߞߊ߲ߕߌ߮ ߝߏ߭ ߡߵߊ߬ ߞߍ߫ ߘߐ߫ ߞߵߌ ߥߟߍߡߊߟߐ߬ ߡߌ߬ߙߌ߲߬ߘߌ ߟߊ߫ ߛߊߣߌ߲߬ ߊ߬ ߞߍߕߐ߫ ߡߐ߰ ߞߎ߬ߘߊ߬ ߛߎߥߊ߲ߘߌߣߍ߲ ߢߌ߲߬ ߠߎ߬ ߞߟߌ߫ ߟߊ߫. 

<< ߊ߲ ߠߊ߫ ߞߎߟߎ߲ߖߋߟߌ ߞߙߍߞߙߍߣߍ߲ ߦߋ߫ ߛߋ߫ ߟߊ߫ ߖߡߊ߬ߣߊ ߞߊ߲ߕߌ߮ ߡߵߊ߬ ߞߍ߫ ߘߐ߫ ߞߊ߬ ߛߌ߯ߙߌ߲߫ ߓߐ߫ ߖߐ߲߬ߧߊ ߣߌ߲߬ ߘߐ߫ ߸ ߣߴߌ ߘߏ߲߬ ߠߊ߫ ߛߌ߯ߙߌ߲߫ ߥߊ߭ ߟߎ߬ ߘߐ߫ ߓߌ߬ ߢߐ߲߰ ߟߏ߲߫ ، ߌ ߘߌ߫ ߞߊ߬ߛߌ߬ ߌ ߢߊߖߌ ߟߊ߫ ߥߙߊߕߊߕߊ߫ ߸ ߤߊߞߍߕߏ߫ ߟߊ߬ߡߌߣߌ߲ ߓߘߊ߫ ߛߌߟߊߛߊ߬ ߸ ߊ߲ ߠߊ߫ ߞߐ߬ ߡߌ߬ߛߍ߲߬ߣߍ߲ ߠߎ߬ ߓߍ߯ ߓߘߊ߫ ߟߢߊߙߊ߲߫ ߸ ߦߙߌ߫ ߖߎ߮ ߟߎ߬ ߓߘߊ߫ ߓߎߙߎ߲ߞߐ߫ ߕߙߏ߬ߞߏ߬ ߜߌߟߌ߲ ߠߊ߫ ߓߊ߯ߙߊ߫ ߟߎ߬ ߛߊߓߎ߫ ߟߊ߫ ߸ ߏ߬ ߟߋ߬ ߞߏߛߐ߲߬ ߕߙߊ ߡߍ߲ ߦߋ߫ ߓߐ߫ ߟߊ߫ ߢߌ߬ߣߊ߲߬ ߛߊ߲ ߢߌ߲߬ ߠߊ߫ ߸ ߏ߬ ߕߘߍ߬ ߕߴߦߋ߲߬ ߝߟߐ߫. 

ߊ߲ ߧߋ߫ ߘߋ߲ߡߌߛߍ߲߫ ߝߊ߬ߛߏ߬ߟߊ߲߬ߘߌ߫ ߟߎ߬ ߝߣߊ߫ ߝߏ߬ ߟߊ߫ ߸ ߏ߬ ߟߎ߬ ߡߍ߲ ߡߊ߫ ߛߍ߰ߘߏ߲ ߣߌ߲߬ ߠߊߟߐ߬ ߟߏ߲߫ ߞߋߟߋ߲߫ ߸ ߊ߬ߟߎ ߟߊߘߏ߲߬ ߠߊ߫ ߥߛߎ ߟߊ߫ ߸ߞߵߊ߬ߟߎ߫ ߜߊ߬ߛߌ߬ ߛߍ߰ߘߏ߲ ߣߌ߲߬ ߞߏߛߐ߲߬߸ ߏ߬ ߓߟߏߡߊ߬ ߣߌ߫ ߖߡߊ߬ߣߊ ߞߊ߲ߕߌ߮ ߓߘߊ߫ ߊ߲ ߠߊ߫ ߥߟߋߟߌߞߊ߲ ߠߊߡߌ߬ߘߊ߬ ߏ߬ ߘߐ߫ ߸ ߏ߬ ߓߘߴߊ߲ ߖߎ߬ߛߎ ߟߊߖߌ߰ ߝߋߎ߫ ߸ߣߴߏ߬ ߕߍ߫ ߊ߲ ߕߘߍ߬ ߓߘߊ߫ ߖߘߐ߬ ߸ߓߊߏ߬ ߒ ߕߙߏ߬ߞߏ ߖߊ߬ߕߋ ߡߍ߲ ߦߋ߫ ߛߌ߯ߙߌ߲߫ ߕߋ߲߬ ، ߏ߬  ߘߌ߫ ߛߋ߫ ߞߊ߬ ߞߋ߲߬ߥߎ߬ ߞߋߟߋ߲߫ ߓߐ߫ ߸ߏ߬ ߓߍ߯ ߟߊߥߟߌ߬ߣߍ߲߫ ߠߋ߬ ߖߐ߲߰ߛߊ߫ ߞߊ߬ ߣߵߊ߲ ߓߘߊ ߘߐߕߌߢߍ߫ ߸ ߦߏ߫ ߓߊ߬ߣߊ߲߬ߞߘߐ߫ ߞߍߣߍ߲߫ ߊ߬ߟߎ߬ ߓߟߏ߫ ߢߊ߫ ߡߍ߲ ߡߊ߬ >>

ߛߌ߯ߙߌ߲߫ ߘߊ߲߬ߘߊ ߞߊ߬ ߡߐ߰ ߞߎߘߊ ߢߌ߲߬ ߠߎ߬ ߟߊߟߌ߫ ߡߊ߲߰ߘߋ߲߫ ߛߊ߲߬ߘߊ ߘߏ߫ ߟߋ߬ ߟߊ߫ ߕߊ߲߬ ߘߐ߫ :

<< ߊߟߎ߫ ߡߐ߰ ߞߎߘߊ ߡߍ߲ ߠߎ߬ ߟߊߛߌ߰ߣߍ߲߫ ߣߌ߲߬ ߸ ߊߟߎ߫ ߟߋ߬ ߞߵߊ߬ ߟߐ߲߫ ߊߟߎ߫ ߥߊߕߐ߫ ߊߟߎ߫ ߟߊ߫ ߞߏ ߟߎ߬ ߟߊߓߊ߯ߙߊ߫ ߢߊ ߡߍ߲ ߠߎ߬ ߡߊ߬ ߸ ߝߐߦߌ߬ ߕߴߊ߲ ߝߍ߬ ߞߵߊ߬ ߝߐ߫ ߊߟߎ߫ ߦߋ߫ ߸ ߊߟߎ߫ ߞߵߊ߬ ߟߐ߲߫ ߘߏ ߏ߬ ߟߎ߬ ߥߊߣߍ߲߫ ߢߊ߫ ߡߍ߲ ߠߎ߬ ߡߊ߬ ߸ ߓߊߏ߬ ߊ߲ߠߎ߬ ߝߍ߬ ߦߊ߲߬ ߸ ߢߊ ߝߎߦߋ߲ ߠߎ߬ ߕߍ߫ ߓߋ߬ ߟߊ߫ ߘߋ߲߬ߞߊ ߟߎ߬ ߞߣߐ߫ ߝߏ߫ ߢߊ ߕߌ߮ ߟߎ߬ ߸ߒ ߧߋ߫ ߛߊ߲߬ߘߊ ߏ߬ ߟߊ߫ ߟߴߊߟߎ߫ ߦߋ߫ ߟߋ߬ ߞߵߏ߬ ߞߍ߫ ߟߊ߬ߟߌ߬ߟߌ ߘߌ߫ ߸ ߒ ߧߴߊߟߎ߫ ߝߏ߬ ߟߊ߫ >>

ߛߌ߯ߙߌ߲ߞߊ ߟߎ߬ ߓߟߋ߬ߓߟߋ، ߍߟߑߤߊߖ߭ ߘߙߊ߬ߡߊߣ ߡߊ߰ߛߎߓߊ߫

 ߞߵߏ߬ ߟߋ߬ ߞߍ߫ ߟߊ߬ߟߌ߬ߟߌ߬ߞߊ߲ ߘߌ߫ ߡߐ߰ ߞߎ߬ߘߊ߬ ߛߎߥߊ߲ߘߌߣߍ߲ ߠߎ߬ ߦߋ߫ ߸ ߞߊ߬ ߛߙߊ߬ߣߎ߲ ߞߎ߲߭ߝߊ߰.