ߛߌ߬ߣߌ߲߬ߟߏ߲ ߛߎ ߖߊ߲߬ߝߊ߬ߣߍ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߂߸ ߡߙߌߘߐ ߘߏ߫ ߘߐߞߊ߬ߙߊ߲߬ ߘߊ߫ ߖߌ߬ߣߍ߬ ߥߎߢߊ߲ߛߏ ߣߴߊ߬ ߖߌ߬ߦߊ߬ߞߊ߲߬ߛߏ߬ߓߊ (ߍߙߑߕߋߖ߭ߋ) ߟߊ߫߸ ߕߊ߲ߓߊ߲ߓߐߟߌ ߣߌ߫ ߘߎ߰ߞߣߍ ߡߊ߬ߡߙߊ߬ߟߌ ߞߏߕߌ߮ ߌߓߙߊߤߌߡߊ߫ ߞߊߟߌߟ ߞߐ߲ߘߍ߫ ߞߵߊ߬ ߦߌ߬ߘߊ߬ ߡߍ߲ ߘߐ߫߸ ߞߏ߫ ߊ߬ ߓߘߊ߫ ߛߌ߯ߙߌ߲߫ ߡߙߊ߬ߘߊ߬ߓߊ ߞߏߟߊߕߍ߯ ߛߊ߲ߘߐ߫ ߡߐ߰ ߣߊ߯ߣߌ߲߫ ߠߊ߫ ߓߊ߯ߙߊ ߟߊߘߎ߲߫.

ߡߐ߰ ߣߊ߯ߣߌ߲ ߏ߬ ߟߎ߫ ߟߋ߬:

·       ߝߊߙߌ߲ ߛߋߣߌ߬ ߛߌߟߑߝ߭ߍߙ ߞߡߊ߬ߙߊ߬߸ ߛߌ߯ߙߌ߲߫ ߡߙߊ߬ߓߊ߮.

·       ߊߡߙߊ߫ ߞߓߊ߬߸ ߝߘߏ߬ߓߊ߬ ߞߟߊ߬ߕߌ߮.

·       ߡߊ߬ߡߎߘߎ߬ ߞߎߦߊߕߍ߫߸ ߡߙߊ߬ߘߊ߬ߓߊ ߞߎߓߋߘߐ ߞߎ߲߬ߕߌ߮.

·       ߝߊߕߎߡߕߊ߫ ߓߌ߲ߕߊ߬ ߛߏ߸ ߕߊ߲ߓߊ߲ߓߐߟߌ ߣߌ߫ ߘߎ߰ߞߣߍ ߡߊ߬ߡߙߊ߬ߟߌ ߡߙߊ߬ߘߊ߬ߓߊ ߗߋߕߌ߮.

ߊ߬ߟߋ߬ ߡߙߌߘߐ߫ ߞߋߟߋ߲ ߢߌ߲߬ ߘߐ߫߸ ߞߏߕߌ߮ ߞߊ߬ ߟߊ߬ߘߎ߲߬ߓߊ߰ߕߐ ߢߌ߲߬ ߠߎ߬ ߟߊ߫ ߓߊ߯ߙߊ ߞߊ߬ߙߌ߬ߝߊ߫ ߡߐ߰ ߜߘߍ߫ ߟߎ߫ ߟߊ߫ ߘߍ߲߬ߞߍ߬ߕߎ߲߬ ߓߟߏ ߡߊ߬:

·       ߝߊߙߌ߲ ߝߊ߬ߦߌ߲߬ߓߊ߫ ߡߊ߰ߙߊ߸ ߡߙߊ߬ߓߊ߯ ߘߍ߲߬ߞߍ߬ߕߎ߬ߣߍ߲.

·       ߊߟߑߝߐ߲ߛ ߤߓߊ߬߸ ߝߘߏ߬ߓߊ߬ ߞߟߊ߬ߕߌ߮.

·       ߡߊ߬ߡߊ߬ߘߌ߬ ߤߊߛ.ߛߋ.ߍߡ ߞߐ߲ߘߍ߫߸ ߞߎߓߋߘߐ ߞߎ߲߬ߕߌ߮.

·       ߖߊ߰ߞߊ ߛߌ߬ߛߋ߸ ߕߊ߲ߓߊ߲ߓߐߟߌ ߣߌ߫ ߘߎ߰ߞߣߍ ߡߊ߬ߡߙߊ߬ߟߌ ߡߙߊ߬ߘߊ߬ߓߊ ߗߋߕߌ߮.

·       ߊߓߎߓߞߊߙ ߦߊ߬ߦߌ߫ ߞߡߊ߬ߙߊ߬߸ ߓߐߢߟߊ߫ ߡߌߛߍ߲ ߠߎ߬ ߗߋߕߌ߮.

·       ߛߙߌ߬ߡߊ߲߬ ߞߋߕߊ߬߸ ߘߌ߲߬ߞߌߙߊ ߟߎ߬ ߛߌ߲߬ߝߏ߲߬ߧߊ߬ߟߌ߬ߟߊ.

ߞߎ߲߬ ߖߐ߲ߖߐ߲߫ ߞߋߟߋ߲߫ ߞߏ߬ߣߌ߲߬ ߡߊ߫ ߝߐ߫ ߞߏߕߌ߯ߘߊ ߓߟߏ߫ ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫߸ ߞߊ߬ ߓߍ߲߬ ߡߐ߰ ߣߊ߯ߣߌ߲ ߢߌ߲߬ ߠߎ߬ ߟߊߘߎ߲߫ ߞߎ߲ ߡߊ߬، ߊ߬ ߞߏ߬ߣߌ߲߸ ߡߙߌߘߐ ߣߌ߲߬ ߕߊ߬ ߕߎߡߊ ߣߌ߫ ߞߏ ߘߏ߫ ߟߎ߫ ߓߍ߲߬ߣߍ߲߬ ߢߐ߲߮ ߡߊ߬߸  ߡߍ߲ ߠߎ߬ ߘߌ߫ ߡߐ߰ ߟߊߛߌߞߊ߫، ߓߊߏ߬߸ ߊ߬ ߕߟߋ߬ ߘߊ߲ߘߐ ߟߋ߬ ߕߋ߲߬߸ ߞߊ߲ߕߌ߯ߘߊ ߟߊ߫ ߡߐ߰ ߟߊ߫ ߡߐ߰ ߟߊߣߊ߬ߣߍ߲ ߘߏ߫ ߟߎ߫ ߦߋ߫ ߛߌ߯ߙߌ߲߫ ߛߏ ߞߣߐ߫.

ߊ߬ ߞߍߣߍ߲߫ ߗߋߦߊߟߌ ߏ߬ ߟߎ߫ ߟߋ߬ ߘߐ߱ߘߏ߲߬ߣߍ߲߫ <<ߔߏߞߑߟߍ߲>> ߠߎ߬ ߦߙߐ߫ ߢߌߣߌ߲ ߠߊ߫ ߞߵߊ߬ߟߎ߬ ߦߙߐ߫ ߟߐ߲߫߸ ߞߵߊ߬ߟߎ߫ ߡߌ߬ߣߊ߬، ߏ߬ ߟߎ߬ ߡߍ߲ ߠߎ߬ ߦߋ߫ ߛߌ߯ߙߌ߲߫ ߓߐ߰ߝߍ ߘߐߖߊߛߌ ߕߏ߬ߕߍ߬ߡߊ߬ ߕߏ ߘߏ߫ ߘߌ߫߸ ߣߴߊ߬ߟߎ߬ ߡߊߝߌ߲߬ߣߍ߲߫ ߏ߬ ߞߏߛߐ߲߬ ߝߣߊ߫.

ߒ߬ߓߊ߬߸ ߡߐ߱ ߝߊ߲߬ߓߊ ߟߊ߫ ߢߌ߬ߣߌ߲߬ߞߊ߬ߟߌ ߦߋ߫ ߦߙߐ ߡߍ߲ ߘߐ߫ ߛߊ߫߸ ߊ߬ߝߐ߫ ߡߙߊ߬ߓߊ߮ ߣߴߊ߬ ߞߐ ߟߊ߫ ߓߊ߯ߙߊ ߟߊߘߎ߲߫ ߢߊ ߡߍ߲ ߦߋ߫ ߣߌ߲߬߸ ߊ߬ ߣߌ߫ ߔߏߞߑߟߍ߲߫ ߞߏ ߟߋ߬ ߘߌ߫ ߣߙߊ߫ ߢߐ߲߮ ߠߊ߫ ߓߊ߬߸ ߥߟߊ߫ ߡߎ߲߬ ߞߋߟߋ߲߫ ߦߋ߫߸ ߏ߬ ߞߏ߬ߣߌ߲߬ ߟߐ߲ߣߍ߲߫ ߕߍ߫ ߝߟߐ߫.