ߞߊ߯ߙߌ ߣߌ߲߬ ߡߊ߬ ߂߀߂߆ ߘߓߊ߬ߕߊ ߕߟߋ߬ ߃߁ ߞߍ߫ ߘߊ߫ ߢߣߊߕߊߟߌ߫ ߝߌ߬ߟߊ߬ߣߍ߲ ߠߋ߬ ߘߌ߫ ߖߌ߬ߣߍ߬ ߞߣߐ߫: ߥߛߊ߬ߘߋ߲߬ ߛߎߥߊ߲ߘߟߌ ߣߌ߫ ߞߊ߬ߝߏ߬ߙߋ߲߬ ߛߎߥߊ߲ߘߟߌ߸ ߖߡߊ߬ߣߊ ߘߎ߰ߞߣߍ ߡߎ߰ߡߍ ߞߊ߲߬، ߊ߲ ߠߊ߫ ߡߙߊ߬ߓߊ߰ߘߊ ߞߐߦߌߘߊߓߊ߮ ߛߋ߫ ߘߴߊ߬ ߛߋ߲߬ߠߊ߬ߓߐ߫ ߟߊ߫ ߞߊ߬ ߛߋ߫ ߛߌ߯ߙߌ߲߫ ߛߏ߫ ߞߣߐߟߊ ߢߣߊߕߊߟߌ߫ ߛߓߍߘߊ ߘߏ߫ ߟߎ߫ ߘߐ߫߸ ߦߙߐ ߏ߬ ߟߎ߬ ߘߐ߫߸ ߊ߬ ߟߊߞߙߐ߬ߛߌ߬ ߘߊ߫ ߞߏ߫ ߢߣߊߕߊߟߌߟߊ ߟߎ߬ ߕߜߋ߫ ߟߋ߬ ߕߘߍ߬ ߝߛߊߦߌ߫߸ ߞߵߊ߬ ߟߴߊ߬ ߞߊ߲߬߸ ߢߣߊߕߊߟߌ߫ ߖߐ߯ߙߊ߲߫ ߞߏ߫ ߘߛߍ ߕߍ߬ߘߍ߫ ߝߊ߲߬ ߛߌߦߊߡߊ߲߫ ߘߐ߫.

ߓߊ߲߬ߓߊ߬ ߕߙߊߥߟߋ߫ ߛߋ߫ ߘߊ߫ ߓߊ߬ߘߏ߬ߢߐ߲߰ߦߊ߬ ߟߴߊ߲ ߓߟߏ߫ ߢߣߊߕߊߟߌ߫ ߛߓߍߘߊ ߘߏ߫ ߟߊ߫߸ ߊ߬ ߞߵߊ߬ ߦߌ߬ߘߊ߬ ߞߏ߫: <<ߢߣߊߕߊߟߌ߫ ߛߓߍߘߊ߫ ߅ ߟߋ߬ ߦߊ߲߬߸ ߓߊ߬ߙߌ߬ ߡߐ߱ ߟߎ߬ ߕߍ߫ ߣߊ߬ ߟߊ߫، ߞߊ߬ߦߌ߯ ߛߐ߱ߡߊ߬ ߤߊ߲߯ ߕߋ߲߬߸ ߡߐ߰ ߘߊ߲ߘߐ߫ ߘߐߙߐ߲߫ ߠߋ߬ ߣߊ߬ߣߍ߲߬߸ ߖߡߊ߬ߣߊ߬ߘߋ߲ ߠߎ߬ ߡߊ߫ ߕߣߐ߬ ߛߌ߫ ߘߌ߫ ߢߣߊߕߊߟߌ ߣߌ߲߬ ߡߊ߬߸ ߥߊ߯ߕߌ ߘߏ߲߬ ߝߣߊ߫ ߡߊ߫ ߛߎߥߊ߲ߘߌ߫ ߊ߬ ߢߌ߬ߡߊ ߟߊ߫، ߞߊ߬ߕߎ߲߯߸ ߡߐ߱ ߟߎ߬ ߦߋ߫ ߛߊߟߌ ߘߐ߫߸ ߊ߬ߟߎ߫ ߡߊ߬ߞߏ߬ ߛߌ߫ ߡߊ߫ ߞߍ߫ ߢߣߊߕߊߟߌ ߢߌ߲߬ ߠߊ߫، ߊ߬ ߖߍ߬ߘߍ ߦߴߊ߬ߟߎ߬ ߓߟߏ߫ ߕߎ߬ߡߊ߬ ߘߐ߬ߖߊ߯ߛߌ ߟߋ߬ ߘߌ߫.>> ߛߎߥߊ߲ߘߟߌߟߊ ߣߌ߲߬ ߞߵߏ߬ ߦߌ߬ߘߊ߬.

ߒߓߋ߲ߓߊ߬ ߕߎ߬ߙߋ ߝߣߊ߫ ߦߋ߫ ߓߘߍ߬ߓߘߍ߬ߟߌ߬ ߕߏ߯ߝߏ ߘߏ߫ ߟߋ߬ ߟߊ߫ ߗߋߘߋ߲߫ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߢߣߊߕߊߟߌ߫ ߖߐ߯ߙߊ߲߫ ߞߏ߫ ߘߛߍ ߦߴߊ߬ߟߎ߫ ߞߊ߲߬ ߢߣߊߕߊߟߌ߫ ߛߓߍߘߊ ߟߎ߬ ߞߣߐ߫.

<<ߢߣߊߕߊߟߌ߫ ߖߐ߯ߙߊ߲߫ ߛߌߦߊߡߊ߲߫ ߠߋ߬ ߘߛߍߣߍ߲߫ ߢߣߊߕߊߟߌ߫ ߖߛߊ߫ ߛߌߦߊߡߊ߲߫ ߞߣߐ߫، ߏ߬ ߘߊ߬ߟߎ ߦߋ߫ ߡߍ߲ ߘߌ߫: ߞߐߝߟߌ߫ ߛߓߍ߸ ߛߓߍߝߙߏߞߏ߸ ߘߎߓߊߖߌ߸ ߘߊߘߐߛߓߍ߸ ߘߓߌ߬ߛߐ߮߸ ߊ߬ ߣߌ߫ ߕߊߘߎ߲.>> ߊ߬ߟߋ߫ ߞߵߏ߬ ߦߌ߬ߘߊ߬.