ߙߎ߬ߛߌ߬ ߞߊ߲ߕߌ߮ ߝߑߟߊߘߡߌߙ ߔߎߕߌߣ ߡߊߞߐ߬ߣߐ߲߬ߣߍ߲߬ ߛߌ߯ߣߌ߲߬ ߖߡߊ߬߬ߣߊ ߞߊ߲߬ ߞߎ߲߬ߢߐ߲߯ ߣߊ߬ߕߐ ߣߌ߲߬ ߡߊ߬߸ ߕߟߋ߬ ߞߋ߬ߟߋ߲߬ ߓߐߒߡߊߟߌ߫ ߞߊ߲ߡߊ߬߸ ߞߊ߬ ߓߍ߲߬ ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߞߣߐ߫ ߞߎߡߊ ߡߊ߬ ߞߊ߬ ߝߘߊ߫ ߛߌ߯ߣߌ߲߬ ߝߐ߰ߓߍ߬ߘߊ ߘߏ߫ ߟߊ߫. ߓߐߒߡߊߟߌ ߡߍ߲ ߟߐ߯ߟߊߣߍ߲߫ ߣߌ߲߬ ߞߊ߬ ߓߍ߲߬ ߞߊߙߏ ߕߋ߬ߟߋ߫ ߂߀ ߡߊ߬ ߣߌ߫ ߝߐ߰ߓߍ߬ߘߊ ߣߌ߲߬ ߞߵߏ߬ ߕߎ߬ߡߊ߬ߘߊ ߝߐ߫߸ ߊߡߙߌߞߌ߬ ߞߊ߲ߕߌ߮ ߘߏߣߊߟ ߕߑߙߐ߲ߔ ߓߐ ߔߋߞߍ߲߫߸ ߏ߬ ߡߊ߫ ߡߍ߲߫ ߡߎߣߎ߲߬.

ߟߌ߬ߤߟߊ ߡߍ߲ ߞߏ߬ߣߌ߲ ߦߋ߫ ߕߋ߲߬߸ ߛߌ߯ߣߌ߲߬ ߞߎ߲߬ߠߊ߬ߛߌ߮ ߓߊ߬߸ ߙߎ߬ߛߌ߫ ߞߎ߲߬ߠߊ߬ߛߌ߮ ߓߊ߬߸ ߊ߬ߟߎ߬ ߛߌ߫ ߡߊ߫ ߣߌ߲߬ ߔߘߋߔߘߋߟߊߕߍ߰ ߡߎߣߎ߲߬߸ ߊ߬ߟߎ߬ ߡߴߊ߬ ߕߎ߬ߡߘߊ߬ ߞߋߟߋ߲߫ ߝߐ߫ ߜߍ ߘߐ߫ ߡߎߣߎ߲߬ ߥߛߊߞߙߊ߫، ߊ߬ ߞߏ߬ߣߌ߲߸ ߙߎ߬ߛߌ߬ ߓߋߟߋ߲ߕߌ߮ ߘߡߌߕߙߌ ߔߍߛߑߞߏߝ߭ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߔߎߕߌߣ ߠߊ߫ ߛߌ߯ߣߌ߲߫ ߕߊ߯ߟߌ ߓߟߏߘߐߓߍ߲ ߠߎ߬ ߞߊ߲߬ <<ߊ߬ ߓߊ߲ߕߐߟߊ ߟߋ߬ ߝߊߦߌߘߊ߫>>߸ ߞߏ߫ ߊ߬ߟߎ߬ ߓߍߣߊ߬ ߢߊߝߐߟߌ߫ ߞߍ߫ ߊ߬ ߞߊ߲߬ ߕߎ߬ߡߊ߫ ߣߊ߬ߕߐ ߟߎ߬ ߘߐ߫.

ߔߎߕߌߣ ߠߊ߫ ߓߐߒߡߊߟߌ ߣߌ߲߬ ߞߍߕߐ߫ ߘߋ߬ߙߌ߬ߣߊ߲߬ ߓߐߒߡߊߟߌ ߟߋ߬ ߘߌ߫߸ ߦߏ߫ ߡߍ߲ ߦߋ߫ ߞߍ߫ ߟߊ߫ ߡߐߛߑߞߎ߫ ߣߌ߫ ߔߋߞߍ߲߫ ߕߍ߫ ߞߘߐ߬ߡߊ߬߸ ߓߊ߬ߙߌ߬ ߖߊ߲߬ߖߏ߲߬ߓߊ߫ ߕߍߣߊ߬ ߞߍ߫ ߟߴߊ߬ ߘߐ߫، ߊ߬ ߞߏ߬ߣߌ߲߸ ߞߏ߫ ߞߋߟߋ߲߫ ߘߌ߫ ߞߍ߫ ߊ߬ ߘߐ߫: ߛߌ߯ߣߌ߲߬ ߓߘߊ߫ ߘߎߢߊ߫ ߝߊ߲߬ߞߊ߬ߡߊ߫ ߛߌߦߊߡߊ߲߫ ߠߊߞߢߐ߬ߡߊ߫ ߞߎ߲߬ߢߐ߲߰ ߘߊ߲ߘߐ߫ ߢߐ߲߰ ߞߘߐ߫ ߊ߬ߟߎ߬ ߟߊ߫ ߖߡߊ߬ߣߊ ߞߊ߲߬.

ߊ߬ ߕߟߋ߬ ߘߊ߲ߘߐ ߟߋ߬ ߕߋ߲߬߸ ߘߏߣߊߟ ߕߑߙߐ߲ߔ ߞߵߊ߬ ߟߊ߫ ߕߟߋ߬ ߛߓߊ߬ ߓߐߡߊߟߌ ߞߎ߲߭ߝߊ߰ ߛߌ߯ߣߌ߲߬߸ ߏ߬ ߡߍ߲ ߘߐ߫߸ ߊ߬ ߣߌ߫ ߛߌ߯ߣߌ߲߬ ߞߊ߲ߕߌ߮ ߖ߭ߌ ߖ߭ߌ߲ߔߌ߲߫ ߓߊ߬ߘߏ߬ ߘߊ߫، ߊ߬ߟߎ߬ ߟߊ߫ ߞߎߡߊ ߟߏ߫ ߓߏ߬ߙߌ߬ ߘߊ߫ ߞߏߓߊ߫ ߛߌߦߊߡߊ߲߫ ߞߊ߲߬߸ ߖߎ߬ߟߊ߬ߦߊ ߘߊߞߎ߲ ߘߐ߫߸ ߕߊߦߌߥߊ߲߫ ߞߏ߫ ߞߎߡߊ ߕߍ߬ߘߍ߫ ߊ߬ ߘߐ߫߸ ߊ߬ ߣߌ߫ ߕߟߋ߬ߓߐ ߕߍߡߟߊ ߝߣߊ߫.

ߙߎ߬ߛߌ߬ ߟߊ߫ ߝߊ߲߭ ߝߍ߬߸ ߝ߭ߑߟߊߘߡߌߙ ߔߎߕߌߣ ߞߊ߫ ߞߊ߲߫ ߞߊ߬ ߞߎߡߊ߫ ߞߏ ߡߍ߲ ߠߎ߬ ߞߊ߲߬ ߊ߬ ߟߊ߫ ߛߌ߯ߣߌ߲߫ ߕߊ߯ߟߌ ߣߌ߲߬ ߘߐ߫߸ ߏ߬ ߟߋ ߊ߬ߟߎ߬ ߣߌ߫ ߢߐ߲߯ ߕߍߟߊ ߘߌ߫߸ ߊ߬ߟߎ߬ ߓߍߣߊ߬ ߞߎߡߊ߫ ߞߏ߫ ߟߎ߫ ߞߊ߲߬߸ ߡߍ߲ ߦߴߊ߬ߟߎ߫ ߝߌ߬ߟߊ ߓߍ߯ ߣߌߘߐߕߊ ߘߌ߫߸ ߣߴߊ߬ ߦߴߊ߬ߟߎ߬ ߓߟߏ߫ ߞߏ ߓߍ߯ ߢߍߝߍ߬ ߝߣߊ߫، ߙߎ߬ߛߌ߬ ߟߊ߫ ߝߐߟߌ߫ ߘߐ߫߸ ߊ߬ߟߎ߬ ߟߊ߫ ߖߡߊ߬ߣߊ ߣߌ߫ ߛߌ߯ߣߌ߲߬ ߠߊ߫ ߓߊ߯ߙߊߢߐ߲߯ߦߊ ߛߐ߬ߘߐ߲ ߛߌߟߊ ߝߍ߬߸ ߊ߬ ߦߋ߫ ߕߊ߬ߡߌ߲߬ ߠߊ߫ ߟߋ߬ ߘߟߊ ߥߟߎ߬ߡߊ߫ ߂߀߀ ߞߊ߲߬.

ߊ߬ߟߎ߬ ߟߊ߫ ߢߐ߲߯ߦߋ߫ ߞߋߟߋ߲ ߣߌ߲߬ ߘߐ߫߸ ߊ߬ߟߎ߬ ߓߍߣߊ߬ ߞߎߡߊ߫ ߘߎߢߊ߫ ߛߌ߰ߝߊߘߌ ߝߣߊ߫ ߞߊ߲߬߸ ߞߊ߬ ߓߍ߲߬ ߘߎߢߊ߫ ߝߊ߲߬ߞߊ߬ߡߊ߫ ߜߊ߲߰ߛߊ߲ ߠߊ߫ ߢߐ߲߯ ߖߌ߯ߖߌ߮ ߡߊ߬.

ߣߌ߫ ߔߎߕߌߣ ߠߊ߫ ߕߊ߯ߟߌ߫ ߞߏ ߟߊߕߍ߰ ߘߊ߫߸ ߛߌ߯ߣߌ߲߬ ߘߌ߫ ߞߍ߫ ߖߡߊ߬ߣߊ߬ ߘߌ߫ ߘߎߢߊ߫ ߞߣߐ߫ ߏ߬ ߘߐ߫ ߕߋ߲߬߸ ߡߍ߲ ߓߘߊ߫ ߡߊ߲߬ߕߏ߲߬ ߠߊߘߍ߬ߣߍ߲ ߟߊ߬ߞߊ߲߬ߘߊ߬ߟߌ ߞߏߟߊߕߍ߯ߘߊ ߛߌ߲߬ߝߏ߲߬ ߣߊ߯ߣߌ߲߫ ߠߊߞߢߐ߬ߡߊ߫ ߞߊߙߏ߫ ߘߊ߲ߘߐ ߞߣߐ߫: ߋߡߊߣߎ߳ߍߟ ߡߊߞߐߙߐ߲߫ ߓߘߊ߫ ߓߐ߫ ߦߋ߲߬ ߞߊ߬ߦߌ߯ ߞߏߟߌ߲ߞߏߟߌ߲ ߠߊ߫߸ ߓߙߌߕߊ߲ߓߊ߫ ߞߏߕߌ߯ ߝߟߐ ߞߋߦߌߙ ߛߑߕߊߙߡߍߙ ߝߣߊ߫ ߓߐ߫ ߘߊ߫ ߦߋ߲߬ ߓߌ߲ߠߊߥߎߟߋ߲ ߠߊ߫߸ ߕߑߙߐ߲ߔ ߓߘߊ߫ ߓߐ߫ ߦߋ߲߬ ߘߓߊ߬ߕߊ ߢߌ߲߬ ߠߊ߫߸ ߔߎߕߌߣ ߠߋ߬ ߝߣߊ߫ ߕߊ ߞߎߡߊ ߦߴߌߘߐ߫ ߣߌ߲߬.