ߛߎߘߊ߲߫ ߡߞߊ߬ߘߊ߲߬ߠߌ߲߬ ߞߙߎ ߡߍ߲ ߕߐ߯ ߞߏ߫ ߘߊߙ ߤߊ߬ߡߊߙ߸ ߏ߬ ߣߐ߬ ߊ߬ ߟߊߛߋ߫ ߟߊ߫ ߟߋ߬ ߞߊ߯ߙߌ ߣߌ߲߬ ߡߊ߬߸ ߞߏ߫ ߡߐ߰ ߃߀ ߓߘߊ߫ ߝߊ߰ ߕߏ߬ߒ߬ߞߊ߲߬ ߖߊ߲ߞߊߙߏ ߓߟߏ߫߸ ߣߌ߫ ߘߏ߫ ߟߎ߫ ߞߊ߲߫ ߊ߬ ߡߊ߬ ߞߏ߫ ߞߐ߬ߓߊ، ߏ߬ ߞߍ߫ ߘߊ߫ ߞߐߙߑߘߏߝߊ߲߫ ߞߊ߬ߝߏ ߟߋ߬ ߞߣߐ߫ ߕߟߋ߬ߓߋ߬ ߝߊ߲ ߝߍ߬߸ ߞߵߊ߬ ߕߊ߬ ߥߊ߬ߛߌ߬ߥߙߊ ߂߀ ߡߊ߬ ߞߵߊ߬ ߛߌ߰ ߛߌߛߍ߲߬ ߠߊ߫߸ ߏ߬ ߞߍߣߍ߲߫ ߏ߬ ߟߋ ߞߎ߲߬ߕߊ߮ ߞߣߐ߫.
ߟߊ߬ߛߋ߬ߟߌ߫ ߟߋ߬ ߞߍ߫ ߘߊ߫ ߛߌ߲߬ߝߏ߲߬ߘߊ ߣߌ߲߬ ߓߟߏ߫߸ ߊ߬ߟߎ߬ ߦߴߊ߬ ߦߌ߬ߘߊ߬ ߟߊ߫ ߡߍ߲ ߞߣߐ߫߸ ߞߏ߫ ߖߊ߲߬ߞߊߙߏ ߣߌ߲߬ ߓߘߊ߫ ߡߐ߰ ߈߀߀ ߠߋ߬ ߡߌ߬ߣߊ߬ ߥߊ߯ߕߌ߫ ߛߎߘߎ߲ߣߍ߲ ߏ߬ ߞߣߐ߫ ߌߞߘߐ߫.
ߊ߬ߟߋ߬ ߘߌ߲߬ߞߌ߬ߙߊ߬ ߞߋߟߋ߲ ߞߊ߲߫ ߌߞߐ߫߸ ߞߏ߫ ߦߙߐ߫ ߝߌ߬ߟߊ߬ ߜߘߍ߫ ߝߣߊ߫ ߓߍ߫߸ ߥߊߘ ߓߊ߲ߘߊ߫߸ ߊ߬ ߣߌ߫ ߊ߬ߟ ߣߊ߬ߤߎߘ߸ ߏ߬ ߟߎ߬ ߣߴߊ߬ߟߎ߫ ߛߌ߰ߢߐ߲߰ ߛߏ ߛߌߦߊߡߊ߲߫ ߠߋ߬ ߦߋ߲߬߸ ߖߊ߲߬ߞߊߙߏ ߣߌ߲߬ ߓߘߊ߫ ߘߏ߲߬ ߡߍ߲ ߠߎ߬ ߘߐ߫.
ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫: <<ߖߊ߬ߕߋ ߡߍ߲ ߠߎ߬ ߟߐ߲ߣߍ߲߫ ߊ߲ ߓߟߏ߫ ߕߋ߲߬߸ ߡߐ߰ ߃߀ ߓߘߊ߫ ߛߊ߬ߦߊ ߡߊߛߐ߬ߘߐ߲߫ ߞߐ߬ߓߊ ߛߊߓߎ߫ ߟߊ߫، ߊ߬ ߦߋ߫ ߡߐ߰ ߈߀߀ ߠߊ߫ ߕߋ߲߬ ߛߏ߫ ߂߅ ߖߊ߬ߕߋ߬ ߞߣߐ߫.>> ߏ߬ ߟߋ ߝߐ߫ ߘߊ߫ ߛߌ߲߬ߝߏ߲߬ߘߊ ߣߌ߲߬ ߓߟߏ߫ ߊ߬ ߟߊ߫ ߟߊ߬ߛߋ߬ߟߌ ߘߐ߫. ߏ߬ ߝߐ ߌߞߘߐ߫߸ ߡߐ߰ߦߊ ߡߊߘߍ߬ߡߍ߲߬ ߕߐ߲ ߘߏ߫ ߟߎ߫ ߓߘߊ߫ ߣߊ߬ ߞߊߟߌߦߊ߫ ߘߐ߫߸ ߞߊ߬ ߡߊ߬ߜߍ߲߬ ߞߍ߫ ߓߊߛߌ ߣߌ߫ ߡߎ߬ߙߊ߲ ߘߏ߫ ߟߎ߫ ߟߊ߫߸ ߖߊ߲߬ߞߊߙߏ ߣߌ߲߬ ߞߍ߬ߟߍ ߘߐ߫.
ߞߐ߬ߟߏ߲߫ ߕߊ߬ߡߌ߲߬ߣߍ߲߸ ߛߎߘߊ߲߫ ߜߋߙߋ߲ߜߋߙߋ߲ߧߊ ߞߏߕߌ߮ ߞߵߊ߬ ߦߌ߬ߘߊ߬ ߞߏ߫ ߞߐ߬ߓߊ ߦߋ߫ ߡߐ߰ ߉߁߁ ߠߋ߬ ߟߊ߫߸ ߊ߬ ߣߌ߫ ߡߐ߰ ߁߂߇ ߓߘߊ߫ ߛߊ߬ߦߊ ߡߊߛߐ߬ߘߐ߲߫ ߊ߬ ߛߊߓߎ߫ ߟߊ߫߸ ߏ߬ ߟߎ߫ ߟߋ߬ ߖߊ߬ߕߋ ߛߋ߫ ߘߊ߫ ߓߐ߫ ߟߊ߫ ߞߐߙߑߘߏߝߊ߲߫ ߞߐ߬ߘߎ߮ ߘߐ߫.
ߊߟߎ߫ ߦߴߊ߬ ߟߐ߲߫߸ ߞߊ߬ߦߌ߯ ߂߀߂߃ ߟߋ߬ ߟߊ߫߸ ߞߍ߬ߟߍ ߘߏ߲߬ ߘߊ߫ ߛߎߘߊ߲߫ ߞߣߐ߫߸ ߊ߬ߟߎ߫ ߜߊ߲߰ߛߊ߲ ߣߌ߫ ߢߐ߲߯ ߕߍ߫، ߞߊ߬ߕߎ߲߯߸ ߣߊ߲߬ߕߌ߰ߡߎߣߎ߲ ߘߏ߫ ߟߎ߫ ߟߋ߬ ߣߌ߫ ߖߡߊ߬ߣߊ ߣߊ߲߬ߕߌ߮ ߟߎ߬ ߦߋ߫ ߢߐ߲߯ ߠߊ߫߸ ߊ߬ߟߎ߬ ߦߋ߫ ߢߐ߲߯ ߡߊߓߏ߲߫ ߠߊ߫ ߦߋ߲߬ ߕߎ߬ߡߊ߬ ߛߌߦߊߡߊ߲߫، ߏ߬ ߜߟߍ߬ߦߊ ߣߴߊ߬ ߞߣߐ߬ߘߐ߬ߝߟߌ ߟߎ߫ ߟߋ߬ ߓߘߊ߫ ߣߊ߬ ߖߊ߲߬ߞߊߙߏ ߟߎ߬ ߘߌ߫߸ ߓߟߏߞߏߟߏ߲ߧߊ߫ ߖߎ߮ ߟߎ߬ ߘߌ߫߸ ߘߐ߱ ߣߌ߫ ߢߊߣߌ߲ ߘߌ߫߸ ߞߊ߬ ߝߋߝߋ ߟߊߘߏ߲߬، ߊ߬ߟߎ߬ ߞߍ߬ߟߍ ߞߏߛߐ߲߲߬߸ ߛߎߘߊ߲߫ ߢߐ߲߰ ߕߍ߫ ߘߎߢߊ߫ ߘߐ߫ ߕߋ߲߬߸ ߕߙߐߦߊ ߦߋ߫ ߡߐ߱ ߟߎ߫ ߞߊ߲߬ ߞߊ߬ ߛߋ߫ ߦߙߐ ߡߍ߲ ߘߐ߫ ߞߐ߲ߞߐ ߣߌ߫ ߓߊߟߏ߫ ߞߏߖߊ ߓߟߏ߫߸ ߞߍ߬ߟߍ ߞߏߛߐ߲߬، ߊ߬ ߦߌ߬ߘߊ߬ߣߍ߲߫ ߖߊ߬ߕߋ ߟߎ߬ ߘߐ߫߸ ߞߏ߫ ߡߐ߱ ߥߊ߯ ߕߊ߲߫ ߣߌ߫ ߞߐ߫ ߓߘߊ߫ ߝߊ߰߸ ߡߐ߱ ߞߋ߲߬ߥߟߎ߬ ߁߃ ߓߘߊ߫ ߓߐ߫ ߊ߬ߟߎ߫ ߣߐ߭ ߘߐ߫.
Aucun commentaire pour le moment.