ߛߌ߬ߣߌ߲߬ߟߏ߲߫ ߕߊ߬ߡߌ߲߬ߣߍ߲ ߠߋ߬ ߡߊ߬߸ ߛߏߡߊߟߌ߫ ߞߊ߲ߕߌ߮ ߤߊߛߊ߲ ߛ߭ߍߞ ߡߏߤߊߡߎߘ ߟߊ߫ ߟߐ߬ߒ߬ߞߋ߬ߟߊ ߛߕߊ ߓߊ߲߫ ߘߊ߫߸ ߞߵߊ߬ ߛߐ߬ߘߐ߲߬ ߢߣߊߕߊߟߌ߫ ߞߏ߫ ߕߍ߫ ߢߍߥߟߊ ߘߐ߫ ߞߵߊ߬ ߣߘߐ߬ߓߌߟߊ ߟߊߛߌ߰، ߏ߬ ߟߋ ߣߐ߬ ߖߡߊ߬ߣߊ ߘߏ߲߬ ߠߊ߫ ߓߘߍ߬ߓߘߍ߬ߟߌ ߖߌ߲߬ߓߊ߲߬ߖߌ߲ߓߊ߲ ߘߐ߫.

ߞߙߎߝߊ ߞߎ߲߬ߠߊ߬ߛߌ߮ ߣߌ߫ ߝߊ߲߬ߞߊߛߌ߬ߣߊ ߟߎ߬ ߟߊ߫ ߕߟߋ߬ ߦߙߌߞߊ߫ ߛߌ߰ߞߊ߬ߝߐ ߞߐ ߘߐ߫߸ ߊ߬ߟߎ߬ ߡߊ߫ ߛߋ߫ ߓߍ߲߬ ߠߊ߫ ߞߋߟߋ߲߫ ߘߐ߫، ߏ߬ ߟߋ ߘߐ߫߸ ߞߎ߲߬ߠߊ߬ߛߌ߮ ߞߊ߬ ߡߙߌߦߊ߫ ߝߊ߲߬ߞߋ߬ߟߋ߲߬ߡߊ ߘߏ߫ ߕߊ߬߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߘߏ߲߬ߕߐ߫ "ߘߐ߬ߕߊߡߌ߲" ߥߎ߬ߛߎ ߟߋ߬ ߘߐ߫ ߣߌ߲߬، ߡߎ߲߬ ߝߣߊ߫ ߖߎ߯ߡߊ߲߫ ߣߌ߲߬ ߓߍ߯ ߘߌ߫߸ ߞߊ߬ߦߌ߯ ߕߙߊߓߊ ߟߋ߬ ߟߊ߫߸ ߞߎߡߊߞߍߓߏ߲ ߓߏ߲ߘߋ߲߫ ߝߌ߬ߟߊ ߝߣߊ߫ ߕߊ߫ ߟߐ߬ߒ߬ߞߋ߬ߟߊ ߛߕߊ ߓߊ߲߫ ߘߊ߫߸ ߏ߬ ߟߎ߫ ߟߋ߬ ߘߏ߲߬ ߜߎ ߞߊ߫ ߞߊ߲߫ ߞߊ߬ ߞߊ߲ߕߌ߮ ߛߎߥߊ߲ߘߌ߫.

ߢߣߊߕߊߟߌ ߓߘߊ߫ ߞߕߐߙߐ߲ߘߓߐ߫ ߛߋ߲߬ߢߊ߬ ߛߌߦߊߡߊ߲߫ ߠߋ߬ ߛߏߡߊߟߌ߫ ߞߣߐ߫، ߓߊ߬ߙߌ߬߸ ߝߊ߲߬ߞߊߛߌ߬ߣߊ ߟߎ߬ ߣߌ߫ ߞߎ߲߬ߠߊ߬ߛߌ߮ ߦߋ߫ ߛߌ߰ߞߊ߬ߝߐ ߟߋ߬ ߞߍ߫ ߟߊ߫، ߓߊ߬ߙߌ߬߸ ߏ߬ ߟߋ ߡߊ߫ ߛߐ߬ߘߐ߲߫ ߢߌ߬ߣߊ߲߬ ߕߊ ߣߌ߲߬ ߘߐ߫.

ߝߙߋߞߋ ߡߍ߲ ߦߋ߲߬߸ ߏ߬ ߛߎ߲ ߓߐߣߍ߲߫ ߞߊ߲ߕߌ߮ ߟߊ߫ ߡߙߌߘߐ߫ ߕߊ߬ߣߍ߲ ߠߋ߬ ߘߐ߫ ߕߙߊߓߊ߫ ߕߊ߬ߡߌ߲߬ߣߍ߲ ߠߊ߫߸ ߞߊ߬ ߢߊߞߎߘߦߊߟߌ߫ ߘߏ߲߬ ߛߌ߰ߞߊ߲ ߘߐ߫ ߞߊ߲ߕߌ߮ ߓߟߏ߫، ߊ߬ ߞߵߊ߬ ߦߌ߬ߘߊ߬ ߦߙߐ ߘߏ߫ ߟߋ߬ ߘߐ߫ ߦߋ߲߬߸ ߞߏ߫ ߞߊ߬ ߖߡߊ߬ߣߊ ߟߊߘߏ߲߬ ߞߊ߲ߞߋ߫ ߘߐ߫߸ ߊ߰ ߝߐ߫ ߟߊ߫ ߡߍ߲ ߡߊ߬ ߛߎߥߊ߲ߘߟߌ߫ ߖߊ߯ߓߟߊߞߊ߸ ߞߊ߬ ߘߋ߬ߙߌ߬ߣߊ߲߬ߞߏ߬ ߞߘߐ ߓߌ߬ߟߊ߬ ߝߋߎ߫، ߓߊ߸ ߘߋ߬ߙߌ߬ ߞߍߣߍ߲߫ ߡߍ߲ ߠߊ߫߸ ߞߊ߲ߕߌ߮ ߦߋ߫ ߛߎߥߊ߲ߘߌ߫ ߟߊ߫ ߞߎߡߊߞߍߓߏ߲ ߠߋ߬ ߓߟߏ߫.

ߡߙߌߦߊ߫ ߞߎߘߊ ߏ߬ ߡߊ߫ ߓߍ߲߬ ߝߊ߲߬ߞߊߛߌ߬ߣߊ ߟߎ߫ ߡߊ߬ ߝߋߎ߫߸ ߏ߬ ߟߎ߬ ߞߊ߲߫ ߞߏ߫ ߜߟߍ߬ߦߊ߬ ߛߌߦߊߡߊ߲߫ ߠߋ߬ ߢߣߊߕߊߟߌ߫ ߛߎ߮ ߏ߬ ߝߍ߬ ߛߏߡߊߟߌ߫ ߞߣߐ߫ ߕߋ߲߬߸ ߦߏ߫ ߡߎ߬ߙߊ߲߬ ߞߏ߸ ߟߊ߬ߞߊ߲߬ߘߊ߬ߟߌ ߜߟߍ߬ߦߊ ߟߎ߬߸ ߣߴߊ߬ ߕߏ߫ ߘߊ߫ ߢߣߊߕߊߟߌ ߛߌ߲߬ߝߏ߲߬ߧߊ ߡߊ߬ ߖߡߊ߬ߣߊ ߡߎ߰ߡߍ ߞߣߐ߫߸ ߊ߬ ߘߏ߲߬߸ ߊ߬ߟߎ߬ ߟߊ߫ ߖߡߊ߬ߣߊ ߛߌ߰ߝߊߘߌ ߓߍ߲߬ߣߍ߲߬ ߕߍ߫.

ߞߵߊ߬ ߕߊ߬ ߁߉߆߉ ߡߊ߬ ߤߊ߲߯ ߕߋ߲߬߸ ߢߣߊߕߊߟߌ߫ ߖߊ߯ߓߊߟߞߊ ߣߌ߲߬ ߝߋ߲߫ ߡߊ߫ ߞߍ߫ ߛߏߡߊߟߌ߫ ߞߣߐ߫ ߡߎߣߎ߲߬، ߣߴߊ߬ ߕߏ߫ ߘߊ߫ ߣߌ߲߬ ߞߍߟߌ ߡߊ߬߸ ߏ߬ ߘߌ߫ ߞߍ߫ ߊ߬ߟߎ߫ ߞߊ߬ߙߊ߲߬ߡߐ߰ ߘߌ߫߸ ߊ߬ ߞߏ߬ߣߌ߲ ߞߍߢߊ߫ ߞߏ ߟߋ߬ ߓߊ߬ߟߌ ߦߋ߫ ߝߊ߲߬ߞߊߛߌ߬ߣߊ ߟߎ߬ ߟߊ߫ ߖߡߊ߬ߣߊ ߝߊ߲߭ ߓߍ߯ ߘߐ߫ ߛߍߣߍ߲߬.

ߛߌ߬ߣߌ߲߬ߟߏ߲ ߥߎ߬ߙߊ ߝߍ߬߸ ߞߊ߲ߕߌ߮ ߞߵߊ߬ ߦߌ߬ߘߊ߬ ߞߏ߫ ߢߊߞߎߘߦߊߟߌ ߡߍ߲ ߘߏ߲߬ߣߍ߲߫ ߊ߬ߟߎ߬ ߟߊ߫ ߛߌ߰ߞߊ߲ ߘߐ߫߸ ߞߊ߲ߕߌ߮ ߟߊ߫ ߟߐ߬ߒ߬ߞߋ߬ߟߊ ߓߊ߬߸ ߞߎߡߊߞߍߓߏ߲ ߕߊ ߓߊ߬߸ ߏ߬ ߟߎ߬ ߓߍ߯ ߓߘߊ߫ ߓߐ߫ ߛߊ߲߬ ߣߊ߯ߣߌ߲ ߘߐ߫߸ ߞߵߊ߬ߟߎ߬ ߟߊߣߊ߬ ߛߊ߲߬ ߟߏ߯ߟߎ ߘߐ߫، ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ߟߎ߬ ߘߴߊ߬ ߕߊ߬ ߟߐ߬ߘߎ߮ ߢߌ߲߬ ߠߎ߬ ߟߊ߫ ߡߎߣߎ߲߬ ߤߊ߲߯ ߂߀߂߇ ߘߓߊ߬ߕߊ ߕߟߋ߬ ߁߅.

ߢߊߝߐߟߌ ߏ߬ ߡߊ߫ ߘߏ߲߬ ߝߊ߲߬ߞߊߛߌ߬ߣߊ ߟߎ߫ ߡߊ߬ ߢߊ߫ ߛߌ߫ ߡߊ߬߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߞߊ߲ߕߌ߮ ߦߴߊ߬ ߝߍ߬ ߞߵߊ߬ ߣߊߡߙߊ߫ ߛߋߓߊ߯ߦߊ ߡߊ߬ ߟߋ߬ ߘߐߙߐ߲߫߸ ߞߵߊ߬ ߛߐ߬ߘߐ߲߬ ߊ߬ ߡߊ߫ ߛߊ߬ߙߌ߬ߦߊ߫ ߓߏ߲߬ߧߊ߫߸ ߢߣߊߕߊߟߌ߫ ߡߊ߫ ߞߍ߫.

ߞߊ߲ߕߌ߯ ߞߘߐ ߛ߭ߊ߬ߙߌߝ ߛ߭ߍߞ ߊߤߑߡߍߘ ߞߵߊ߬ ߘߊߣߐ ߕߏ߫ ߞߎߡߊ ߘߏ߫ ߡߊ߬߸ ߞߵߊ߬ ߝߐ߫ ߞߏ߫ "ߥߊ߯ߕߌ߫ ߜߍߟߍ߲ߓߊ߫" ߟߋ߬ ߣߊ߬ߕߐ߫ ߖߡߊ߬ߣߊ ߞߣߐ߫ ߣߌ߲߬، ߓߊߏ߬߸ ߓߘߍ߬ߓߘߍ߬ߟߌ ߘߏ߲߬ߞߏ ߟߎ߬ ߞߊ߲߫ ߞߏ߫ ߣߌ߫ ߓߍ߲߬ ߡߊ߫ ߞߍ߫ ߞߋߟߋ߲߫ ߘߐ߫߸ ߊ߬ ߟߊߓߊ߲ߕߐ߫ ߡߎ߯ ߕߊ ߟߋ߬ ߡߊ߬ ߢߐ߲߮ ߞߊ߲ߡߊ߬.

ߓߘߍ߬ߓߘߍ߬ߟߌ߬ ߞߏ߬ߖߊ ߣߌ߲߬ ߘߏ߲߬ ߣߊ߬ߕߐ߫ ߞߏ߫ ߜߘߍ߫ ߟߋ߬ ߝߣߊ߫ ߛߐ߬ߘߐ߲߬ ߠߊ߫ ߖߡߊ߬ߣߊ ߞߣߐ߫߸ ߡߍ߲ ߓߘߊ߫ ߛߏߡߊߟߌ߫ ߛߍ߰، ߊߟߑߞߊߦߌߘߊ ߓߏߟߏ߲ ߘߏ߫ ߣߌ߫ ߡߊ߬ߙߌ߬ߝߊ ߦߴߊ߬ߟߎ߬ ߞߊ߲ߞߊ߲߬ ߦߋ߲߬߸ ߞߏ߫ ߛ߭ߋߓߊߓ߸ ߝߊߦߌߘߊ߫ ߖߡߊ߬ߣߊ ߞߏ߲ߞߏ߫ ߞߣߐߟߊ ߓߍ߯ ߏ߬ ߟߎ߫ ߟߋ߬ ߕߊ߫ ߓߟߏ߫ ߡߊ߬.

ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߞߙߎߝߊ ߞߎ߲߬ߠߊ߬ߛߌ߮ ߣߌ߫ ߖߡߊ߬ߣߊ ߞߣߐߟߊ ߞߊ߬ߝߏ߬ ߛߌߦߊߡߊ߲߫߸ ߦߏ߫ ߔߎ߲ߕߑߟߊ߲ߘ߸ ߊ߬ ߣߌ߫ ߖߎߓߓߊߟߊ߲ߘ߸ ߏ߬ ߟߎ߬ ߟߊ߫ ߞߏ ߤߊߡߌ߲ ߦߋ߫ ߡߐ߱ ߟߎ߬ ߟߊ߫ ߞߏߛߓߍ߫، ߏ߬ ߟߎ߬ ߦߋ߫ ߖߡߊ߬ߣߊ ߞߊ߲ߕߌ߮ ߟߋ߬ ߡߊߝߌ߲߬ ߠߊ߫߸ ߞߏ߫ ߊ߬ߟߎ߬ ߟߊ߫ ߞߎ߲߬ߠߊ߬ߛߌ߮ ߡߍ߲ ߦߋ߲߬߸ ߏ߬ ߓߘߊ߫ ߞߏ ߓߍ߯ ߓߍ߲߬ ߊ߬ߟߎ߬ ߞߋߟߋ߲߫ ߡߊ߬.

ߞߏߘߐߡߙߌߟߊ ߟߎ߫ ߞߏ߬ߣߌ߲ ߓߘߊ߫ ߛߌߞߊ߫߸ ߞߏ߫ ߊ߬ߝߐ߫ ߣߌ߫ ߞߌ߬ߦߊ߬ ߡߊ߫ ߞߍ߫߸ ߖߡߊ߬ߣߊ ߝߊ߲߬ߞߊߛߌ߬ߣߊ ߟߎ߬ ߣߌ߫ ߕߌ߲߬ߞߎߘߎ߲ ߘߏ߫ ߟߎ߫ ߕߍߣߊ߬ ߓߍ߲߬ ߊ߬ ߘߐ߫ ߓߊ߬߸ ߞߵߊ߬ߟߎ߬ ߕߊ߫ ߞߎ߲߬ߠߊ߬ߛߌ߰ ߟߊߛߌ߰ ߖߡߊ߬ߣߊ ߝߊ߲߬ ߜߘߍ߫ ߟߎ߫ ߘߐ߫؟

ߓߘߍ߬ߓߘߍ߬ߟߌ߬ ߟߊߛߏ߬ߘߏ߲߬ߜߋ߬ߣߍ߲ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߟߊ߬ߞߙߐ߬ߛߟߌ߬ߟߊ߬ ߛߌߦߊߡߊ߲߫ ߞߊ߲߫ ߠߋ߬ ߞߏ߫ ߞߙߎ ߟߎ߬ ߟߊ߫ ߢߐ߲߯ ߡߊߞߘߎ ߝߊ߲߬ߞߊ ߓߘߊ߫ ߥߙߊ߬߸ ߛߏߡߊߟߌ߫ ߞߟߍ ߘߏ߲߬ ߝߊ߲߬ߓߊ ߛߎ߲ ߦߴߏ߬ ߟߋ ߘߌ߫ ߘߐ߬ߝߐ ߞߣߐ߫.

ߖߡߊ߬ߣߊ ߡߍ߲ ߛߌ߰ߣߴߊ߬ ߛߋ߲߬ߣߎ߲ ߞߊ߲߬߸ ߣߌ߫ ߓߍ߲߬ ߡߊ߫ ߞߍ߫ ߞߋߟߋ߲߫ ߘߐ߫ ߦߋ߲߬߸ ߊ߬ ߘߌ߫ ߖߡߊ߬ߣߊ ߟߊߟߏ߲߬ߓߏ߲߬ߟߊ߲ߓߊ߲߫߸ ߞߊ߬ ߝߊ߲߬ߞߊ߬ ߘߌ߫ ߞߟߍ߬ߞߍ߬ߟߊ߬ ߞߘߐ ߟߎ߫ ߡߊ߬ ߝߣߊ߫.