ߓߊ߯ߟ ߞߊ߲ߔߊߢ ߞߕߌ߫ ߡߛߊߦߌ߲ߘߊ ߞߊ߬ ߞߕߌ߫ ߕߍ߮ ߟߋ߬ ߞߍ߫߸ ߞߊ߬ ߗߍ߬ ߛߊ߲߬ ߄߃ ߘߏ߫ ߓߌ߬ߟߴߊ߬ ߛߌ߭ ߡߎ߰ߡߍ ߥߛߎ ߟߊ߫߸ ߡߐ߰ ߝߊ߮ ߞߏߛߐ߲߬߸ ߊ߬ ߣߌ߫ ߛߎ߭ ߟߊ߫ ߡߊ߬ߝߐ ߕߣߊ߬ߕߌߢߍ ߞߏߛߐ߲߬، ߗߍ߭ ߣߌ߲߬ ߦߋ߫ ߞߟߌ߫ ߟߊ߫ ߟߋ߬ ߞߏ߫ ߕߏߡߊߛ، ߞߊ߬ߕߎ߲߯߸ ߊ߬ߟߋ߫ ߞߵߊ߬ ߡߏ߬ߛߏ߫ ߛߊ߲߬ ߃߈ ߠߋ߬ ߝߊ߰߸ ߏ߬ ߡߍ߲ ߦߋ߫ ߛߑߥߌߛ ߖߡߊ߬ߣߊ ߦߙߐߕߐߕߐߦߊ ߟߊߞߎߙߊ߲ߓߊ߯ ߞߘߐ ߘߏ߫ ߘߌ߫. ߊ߬ ߡߏ߬ߛߏ ߕߐ߯ ߞߏ߫ ߞߙߌߛߑߕߌߣߊ߫.

ߞߏߢߊ ߣߌ߲߬ ߞߍ߫ ߘߊ߫ ߂߀߂߄ ߞߏ߲ߞߏߜߍ ߟߋ߬ ߟߊ߫߸ ߓߌ߲ߣߌ߲ߖ߭ߍ߲߫ ߞߊ߬ߝߏ߬ߙߋ߲ ߞߣߐ߫، ߞߕߌ ߣߌ߲߬ ߘߐ߫߸ ߊ߬ ߦߌ߬ߘߊ߬ߣߍ߲߫ ߞߏ߫ ߡߊ߬ߝߌ߲߬ߓߊ߰ߕߐ ߛߐ߰ ߘߴߊ߬ ߡߏ߬ߛߏ ߜߊ߬ߛߌ ߟߋ߬ ߡߊ߬ ߡߎߣߎ߲߬߸ ߞߊ߬ ߓߊ߲߫ ߞߵߊ߬ ߓߟߏ ߖߵߊ߬ ߞߊ߲ ߘߐ߫߸ ߏ߬ ߞߍ߫ ߘߴߊ߬ߟߎ߬ ߟߊ߫ ߟߎ ߟߋ߬ ߡߊ߬، ߊ߬ ߓߊ߲ ߡߏ߬ߛߏ ߝߊ߰ ߟߊ߫߸ ߊ߬ ߞߵߊ߬ ߡߊߝߟߍ߫ ߛߎ߭ ߟߊߕߎߣߎ߲߫ ߞߏ ߘߐ߫ ߞߵߊ߬ ߢߡߊߘߏ߲߰، ߏ߬ ߞߍߢߊ ߘߐ߫ ߏ߬ ߘߐ߫߸ ߊ߬ ߞߊ߬ ߡߏ߬ߛߏ ߝߊ߬ߘߌ ߝߊ߲߭ ߠߎ߬ ߕߍ߰ߕߍ߰ ߊ߬ ߟߊ߫ ߞߵߊ߬ ߘߐߞߎߘߎ߲ߞߎߘߎ߲߫߸ ߝߏ߫ ߞߵߊ߬ ߝߊ߬ߘߌ ߝߊ߲߭ ߘߏ߫ ߟߎ߫ ߘߐߞߊߘߌ߫߸ ߞߊ߬ ߘߏ߫ ߟߎ߫ ߓߎ߲߬ߘߋ߲߫߸ ߞߊ߬ ߘߏ߫ ߟߎ߫ ߦߋ߬ߟߋ߲߬.

ߊ߬ ߟߊ߫ ߞߕߌ ߕߍ߰ ߘߊ߫ ߞߕߌߞߊ߲ߘߊ߫ ߡߛߏ ߡߍ߲ ߓߟߏ߫߸ ߏ߬ ߞߵߊ߬ ߝߐ߫ ߞߏ߫ <<ߣߌ߲߬ ߢߐ߲߰ ߞߘߊ߬ߜߟߍ߬ߦߊ߬ ߛߎ߯ ߡߊ߫ ߞߍ߫ ߡߛߏ߬ ߝߊ߯ ߘߐ߫ ߛߑߥߌߛ ߦߊ߲߬ ߡߎߣߎ߲߬.>> ߞߵߊ߬ ߦߌ߬ߘߊ߬ ߞߏߏ߫ ߊ߬ ߞߏߢߊ ߦߋ߫ ߡߊ߬ߛߎߓߊ ߘߝߊߣߍ߲ ߠߋ߬ ߘߌ߫، ߞߕߌߘߊ ߕߎ߲߰ ߘߊ߫ ߝߘߏ߬ߓߊ߬ ߞߏߕߌ߯ߘߊ ߟߊ߫ ߡߌ߬ߣߊ߬ߞߊ߲ ߠߎ߫ ߟߋ߬ ߞߐ߫߸ ߞߊ߬ ߓߌ߲߬ߓߊߥߏ ߛߊ߲ߘߐߕߊ ߟߴߊ߬ ߞߎ߲߬.

ߗߍ߭ ߟߊ߫ ߟߊ߬ߝߛߊ߬ߟߌ߬ߟߊ ߟߎ߫ ߞߵߊ߬ ߝߐ߫ ߞߏ߫ ߊ߫߸ ߊ߬ ߣߐ߬ ߊ߬ ߖߍ߬ߘߍ߫ ߟߋ߬ ߡߞߊߘߊ߲߫ ߠߊ߫߸ ߡߏ߬ߛߏ ߝߣߊ߫ ߞߊ߬ ߡߎ߬ߙߎ ߟߋ߬ ߕߵߊ߬ ߞߊ߲ߡߊ߬ ߞߏ߫ ߊ߬ ߦߴߊ߬ ߝߊ߰ ߟߊ߫، ߓߊ߬ߙߌ߬߸ ߞߕߌߖߌ߲ ߡߊ߫ ߛߐ߲߬ ߞߎߡߊ ߏ߬ ߕߊ߬ ߟߊ߫߸ ߞߵߏ߬ ߞߎ߲߭ ߞߍ߫ ߗߍ߲߭ ߖߍ߬ߘߍ ߟߊ߫ ߞߎߡߊ ߟߎ߬ ߝߏ߬ߘߏ ߘߌ߫ ߢߐ߲߮ ߡߊ߬ ߦߙߐ߫ ߛߌߦߊߡߊ߲߫ ߘߐ߫.

ߥߛߎ߫ ߞߏ ߣߌ߲߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߖߊ߲߬ߞߌ߲߬ߓߊ߰ߕߐ ߞߊ߫ ߞߊ߲߫ ߞߊ߬ ߓߟߏߢߐ߲߯ߠߛߊߦߌ߲ ߘߏ߫ ߟߎ߫ ߞߍ߫: ߞߊ߬ ߛߑߥߌߛ ߥߊߘߌ ߁߀߀ ߀߀߀ ߘߌ߫ ߊ߬ߟߎ߬ ߘߋ߲߫ ߡߐ߰ ߝߌ߬ߟߊ ߞߋ߬ߟߋ߲߬ߞߋ߬ߟߋ߲߬ߠߊ ߡߊ߬ (ߏ߬ ߡߍ߲ ߦߋ߫ ߓߍ߲߬ ߠߊ߫ ߖߕ ߁ ߁߂߂ ߄߀߈ ߀߀߀ ߡߊ߬)، ߊ߬ ߘߌ߫ ߛߑߥߌߛ ߕߊߡߊ߲߫ ߁߂߀ ߀߀߀ ߘߌ߫ ߘߋ߲ߡߛߏ ߝߊ߬ ߡߊ߬ (ߥߟߊ߫ ߖߌ߬ߣߍ߬ ߕߊߡߊ߲ ߁ ߃߄߆ ߈߈߉ ߆߀߀ ߢߐ߲߰)، ߊ߬ ߘߌ߫ ߓߊ߲߫ ߞߊ߬ ߛߑߥߌߛ ߥߊߘߌ ߁߀߀ ߀߀߀ ߘߌ߫ ߘߋ߲ߡߛߏ ߣߊ߫ ߡߊ߬߸ (ߏ߬ ߡߍ߲ ߦߋ߫ ߓߍ߲߬ ߠߊ߫ ߖߕ ߁ ߁߂߂ ߄߀߈ ߀߀߀ ߡߊ߬)، ߘߋ߲ߡߛߏ ߘߐ߯ߡߛߏ ߡߍ߲ ߝߣߊ߫ ߦߋ߫ ߦߋ߲߬߸ ߊ߬ ߘߌ߫ ߛߑߥߌߛ ߕߊߡߊ߲ ߆߀ ߀߀߀ ߘߴߏ߬ ߡߊ߬߸ ߏ߬ ߡߍ߲ ߦߋ߫ ߓߍ߲߬ ߠߊ߫ ߖߌ߬ߣߍ߬ ߕߊߡߊ߲ ߆߇߃ ߄߄߄ ߈߀߀ ߡߊ߬ ߞߊ߬ߣߌ߲߬.

ߛߑߥߌߛ ߛߊ߬ߙߌ߬ߦߊ ߘߐ߫߸ ߘߊ ߕߍ߫ ߛߎ߫ ߟߴߊ߬ ߓߌ߬ߟߊ߬ ߞߏ ߘߐ߫߸ ߝߏ߫ ߊ߬ ߓߊ߯ ߛߊ߲߬ ߁߅ ߞߍ߫ ߥߛߎ ߟߊ߫ ߕߎ߬ߡߊ ߡߍ߲ ߠߊ߫.

ߘߋ߲ߡߛߏ ߟߊ߫  ߞߐߙߍ ߕߊ ߘߐ߫߸ ߏ߬ ߟߎ߬ ߛߍߥߊ߫ ߘߊ߫ ߞߕߌ ߕߍ߰߰ ߢߊ ߟߊ߫߸ ߞߵߊ߬ ߦߌ߬ߘߊ߬ ߞߏ߫ ߛߊ߬ߙߌ߬ߦߊ߫ ߞߵߊ߬ ߟߐ߲߫ ߝߋߎ߫ ߞߏ߫ ߞߏ߫ ߖߎ߯ߓߊ߫ ߟߋ߬ ߞߍߣߍ߲߫، ߞߕߌ ߡߙߌߘߐ ߘߌ߫ ߥߊ߯ߕߌ ߟߊ߫߸ ߗߍ߭ ߡߊ߫ ߟߊ߬ߡߊ߰ ߛߌ߫ ߞߍ߫߸ ߡߍ߲ ߘߴߊ߬ ߦߌ߬ߘߊ߬ ߞߏ߫ ߡߊ߬ߤߌߣߊ ߦߴߊ߬ ߢߊߘߎ߮ ߘߐ߫߸ ߥߟߴߊ߬ ߛߎ߬ߣߎ߲߬ߣߍ߲߬.