ߡߊߞߌ߫ ߛߊߟ ߦߋ߫ ߓߙߊߡߊߖߊ߲ߓߊ߲ ߠߋ߬ ߞߊ߲߬ ߕߋ߲߬߸ ߞߊ߬ ߓߍ߲߬ ߊ߬ ߟߊ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߝߘߏ߬ߓߊ߬ ߞߟߊ߬ߕߌ߰ߦߊ߬ ߢߌߣߌ߲ ߡߊ߬، ߒ߬ߓߊ߬߸ ߛߣߍ߬ߜ߭ߊߟߌ߫ ߞߊ߲ߕߌ߯ ߞߘߐ ߟߊߓߍ߲߬ ߘߴߊ߬ ߣߘߐ߬ߓߌߟߊ߫ ߓߊߛ߭ߌߙߎ߬ ߖߏ߬ߡߊߦߌ߬ ߝߊߦߌ߬ ߓߟߏ߫ ߘߊ߬ߞߊ߯ߙ ߛߏ ߞߣߐ߫.
ߖߏ߬ߡߊߦߌ߬ ߝߊߦߌ߬ ߞߵߊ߬ߟߎ߫ ߝߌ߬ߟߊ ߖߌ߬ߦߊ߬ߓߍ ߘߏ߫ ߟߋ߬ ߟߊߖߍ߲ߛߍ߲߫ ߊ߬ ߟߊ߫ ߌߞߛ ߖߊ߬ߕߋ߬ߘߊ ߟߊ߫߸ ߞߵߊ߬ ߛߐ߬ߘߐ߲߬ ߊ߬ ߡߴߊ߬ߟߎ߬ ߟߊ߫ ߢߐ߲߯ߦߋ ߞߣߐ߫ ߞߏ߫ ߢߊߝߐ߫.
ߡߊߞߌ߫ ߛߊߟ ߛߋ߲߬ߞߘߐ߬ߡߊ߬ߕߍ߰ߟߊ߬ ߛߌߦߊߡߊ߲߫ ߠߋ߬ ߣߐ߬ ߊ߬ ߟߊ߫ ߓߐߒߡߊߟߌ ߣߌ߲߬ ߡߊߓߎ߬ߙߎ߲߬ߕߌ߬ ߟߊ߫، ߓߊߏ߬߸ ߊ߬ߟߎ߬ ߦߴߊ߬ ߝߍ߬ ߟߋ߬ ߸ߡߐ߰ ߝߊ߰ ߦߙߌߞߊ ߡߍ߲ ߠߎ߬ ߞߍ߫ ߘߴߊ߬ ߕߋ߬ߟߋ ߘߐ߫߸ ߞߏ߫ ߝߏ߫ ߏ߬ ߞߏ ߦߋ߫ ߟߛߊߣߌ߲ߧߊ߫ ߟߋ߬.
ߊߟߎ߫ ߦߴߊ߬ ߟߐ߲߫߸ ߡߊߞߌ߫ ߛߊߟ ߞߊ߬ ߛߣߍ߬ߜ߭ߊߟߌ߫ ߡߙߊ߬ ߂߀߁߂ ߣߌ߫ ߂߀߂߄ ߕߍߟߊ ߟߋ߬ ߘߐ߫، ߒ߬ߓߊ߬߸ ߞߊ߬ߦߌ߯ ߊ߬ ߓߐ߫ ߘߊ߫ ߞߊ߲ߕߌ߯ߦߊ ߟߊ߫ ߂߀߂߄ ߞߏ߲ߞߏߘߓߌ ߟߊ߫ ߏ߬ ߘߐ߫߸ ߊ߬ ߣߊ߬ ߞߏ߬ ߝߟߐ ߟߋ߬ ߛߣߍ߬ߜ߭ߊߟߌ߫ ߞߣߐ߫ ߣߌ߲߬.
ߞߊ߲ߕߌ߯ ߞߘߐ ߣߌ߲߬ ߡߊߝߌ߲߬ߣߍ߲߫ ߖߡߊ߬ߣߊ ߕߌ߰ ߞߎߘߊ ߟߎ߬ ߓߟߏ߫ ߟߋ߬߸ ߞߏ߫ ߜߊ߰ߢߊ߬ߜߊ߯ߢߊ ߟߋ߬ ߟߊ߫ ߘߊ߫ ߝߊ߲߬ߞߊߛߌ߬ߣߊ ߟߎ߬ ߟߊ߫ ߔߊߞߌߛߦߊ ߘߐ߫ ߂߀߂߁ ߣߌ߫ ߂߀߂߄ ߕߍߟߊ ߘߐ߫߸ ߝߏ߫ ߡߐ߰ ߓߌ߫ ߦߙߌߞߊ߫ ߓߣߐ߬ ߘߴߊ߬ ߣߌ ߘߐ߫ ߖߡߊ߬ߣߊ ߞߣߐ߫.
ߝߣߊ߫߸ ߊ߬ ߡߊߝߌ߲߬ߣߍ߲߫ ߛߋߓߊ߯ߦߊ ߞߎߘߊ ߘߏ߲߬ߞߏ ߟߎ߬ ߓߟߏ߫ ߌߞߐ߫߸ ߞߏ߫ ߊ߬ ߞߊ߬ ߖߟߎ߬ߓߊ ߟߎ߫ ߕߊ߬ ߞߵߊ߬ ߟߊ߫ ߖߡߊ߬ߣߊ ߞߎ߲߬߸ ߞߊ߬ ߖߎ߬ߟߎ ߏ߬ ߟߎ߬ ߝߣߊ߫ ߢߡߊߘߏ߲߰ ߗߙߎ߫، ߏ߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߛߣߍ߬ߜ߭ߊߟߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߛߋ߲߭ ߓߌ߬ߟߴߊ߬ ߞߊ߲ߠߊߞߐߣߐ߲߫ ߘߐ߫.
ߡߊߞߌ߫ ߛߊߟ ߟߊߓߍ߲߬ ߘߊ߫ ߖߌ߲ߘߊ߲ߓߊ߫ ߟߋ߬ ߘߐ߫ ߛߣߍ߬ߜ߭ߊ߬ߟߌ߫ ߣߊ߲߬ߕߌ߰ ߛߊ߲ߡߊߘߊ߲ ߠߊ߫ ߁߅ ߕߎߡߊ ߖߋߞߎ ߟߊ߫ ߘߊ߬ߞߊ߯ߙߎ߫߸ ߊ߬ ߞߊ߬ߣߌ߲߬ߓߊ߯ ߡߐ߰ ߦߙߌߞߊ߫ ߟߋ߬ ߞߵߊ߬ ߟߊߓߍ߲߬߸ ߊ߬ ߞߵߊ߬ ߟߐ߬ ߞߐ߲߬ߛߏ ߞߎ߲߬ߘߐ߫ ߞߵߏ߬ ߟߎ߬ ߡߍ߲ ߠߎ߬ ߝߏ߬، ߏ߬ ߟߊߞߙߐ߬ߛߌ߬ ߘߊ߫ ߝߐ߰ߓߍ߬ߦߊ߬ߟߊ ߟߎ߬ ߓߟߏ߫.
ߛߌߦߊߡߊ߲߫ ߦߴߊ߬ߟߎ߬ ߘߐ߫߸ ߡߍ߲ ߠߎ߬ ߕߘߍ߬ ߔߏߔߏ ߔߊߚߊߕߊߕߊ߫ ߞߊ߲ ߠߊߓߐ߫ ߟߊ߫߸ ߊ߬ߟߎ߫ ߞߵߊ߬ ߕߍ߲߬ߕߍ߲߬ ߢߐ߲߮ ߞߐ߫ ߦߋ߲߬ ߠߋ߬ ߡߎ߬ߕߎ߲߬ ߞߵߊ߬ߟߎ߫ ߞߎ߲߬ߛߌ߲߫ ߞߊ߲ߕߌ߯ ߞߎߓߋ ߟߊ߫߸ ߘߊ߬ߞߊ߯ߙߎ߫ ߛߏ߫ ߕߍߡߊ߬ ߔߊ߫߸ ߊ߬ ߣߌ߫ ߞߊ߬ߕߌ߯ ߓߊ߬ߛߌߙߎ߬ ߞߊ߬ ߢߐ߲߯ߦߋ߫ ߦߋ߲߬ ߠߋ߬ ߛߊ߫.
ߡߊߞߌ߫ ߛߊߟ ߞߊ߬ߣߌ߲߬ߓߊ ߘߏ߫ ߞߊ߲߫ ߞߏ߫ :<<ߊ߲ ߣߊ߬ ߞߎ߲ ߠߋ߬ ߓߌ߬߸ ߞߊ߬ (ߡߊߞߌ߫ ߛߊߟ) ߞߐߡߊߓߌ߲ߓߌ߲߫߸ ߞߵߊ߬ ߦߌ߬ߘߴߊ߬ ߟߊ߫ ߞߏ߫ ߊ߬ ߦߋ߫ ߡߐ߰ ߟߋ߬ ߘߌ߫߸ ߡߐ߰ ߞߊ߫ ߞߊ߲߫ ߞߵߊ߬ ߢߊߡߟߊ߫ ߡߍ߲ ߡߊ߬ ߖߡߊ߬ߣߊ ߣߌ߲߬ ߞߣߐ߫ ߦߊ߲߬. >> ߍ߬ߟߑߤߊߖߌ߬ ߡߎ߬ߤߊ߬ߡߍ߬ߘ ߛ߭ߋ߬ߙߌߝ ߖߊߟߏ߫ ߟߋ߬ ߞߵߏ߬ ߝߐ߫.
ߖߏ߬ߡߊߦߌ߬ ߝߊߦߌ߬ ߛߐ߲߬ ߘߊ߫߸ ߊ߬ ߣߌ߫ ߡߊߞߌ߫ ߛߊߟ ߞߊ߬ ߘߡߊߝߊߟߋ߲ ߞߍ߫، ߒ߬ߓߊ߬߸ ߏ߬ ߟߋ ߡߊ߫ ߦߋ߫ ߡߐ߱ ߟߎ߬ ߓߟߏ߫ ߦߋ߫ ߢߊ߫ ߢߌߡߊ߫ ߡߊ߬߸ ߊ߬ ߖߍ߬ߘߍ ߟߊߡߌߣߌ߲ ߘߐ߫، ߞߊ߬ߕߎ߲߯߸ ߊ߬ߟߎ ߖߍ߬ߘߍ ߝߘߊߝߘߊߣߍ߲߫ ߠߋ߬ ߕߋ߲߬߸ ߞߊ߬ߦߌ߯ ߊ߬ ߞߊ߬ ߛߐ߲ߞߏ߫ ߜߍ߲߫ ߕߎ߬ߡߊ ߡߍ߲ ߠߊ߫߸ ߊ߬ ߟߊ߫ ߞߏߕߌ߯ ߝߟߐ߫ ߞߘߐ، ߏ߬ ߡߍ߲ ߦߋ߫ ߔߊߛߑߕߍߝ ߞߙߎߞߊ ߞߎ߲߬ߠߊ߫߸ ߝߊ߬ߛߏ߬ ߜߙߊ ߖߡߊ߬ ߞߏ ߝߊ߲߬ߓߊ ߦߴߏ߬ ߡߍ߲ ߕߊ߫ ߓߟߏ ߡߊ߬.
ߛߌߞߊ߫ ߞߍߣߍ߲߫ ߏ߬ ߟߋ ߘߐ߫߸ ߞߏ߫ ߖߏ߬ߡߊߦߌ߬ ߣߌ߫ ߛߐ߲ߞߏ߫ ߡߍ߲ ߦߋ߫ ߡߙߌߦߊ߫ ߞߋߟߋ߲߫ ߞߊ߲߬ ߓߘߍ߬ߓߘߍ߬ߟߌ ߘߐ߫߸ ߣߴߊ߬ ߣߴߏ߬ ߓߘߊ߫ ߝߘߊ߫، ߊ߬ߝߐ߫ ߊ߬ ߕߴߊ߬ ߝߍ߬ ߞߵߊ߬ ߛߌ߬ߣߊ߬ ߞߘߐ߫ ߞߊ߲ߕߌ߯ ߞߘߐ߫ ߡߊߞߌ߫ ߛߊߟ ߟߋ߬ ߞߍ߫ ߊ߬ ߞߐߡߊߓߌ߲ߓߌ߲ߓߊ߮ ߘߌ߫ ߓߘߍ߬ߓߘߍ߬ߟߌ ߘߐ߫ ߣߌ߲߬ ߓߊ߬.
ߊ߬ ߘߏ߲߬߸ ߛߌ߬ߣߌ߲߬ߟߏ߲߫ ߕߊ߬ߡߌ߲߬ߣߍ߲߸ ߞߊ߲ߕߌ߯ߘߊ ߟߊ߬ߟߌ߬ߟߌ߬ߟߊ߬ ߞߋߟߋ߲߫ ߓߙߐߕߐ߫ ߘߊ߫߸ ߊߟߌߥߎߣ ߊ߬ߓߌ߬ߕߊߟߌߓ ߛߏ، ߏ߬ ߟߊ߫ ߓߙߐߕߐߟߌ ߞߎ߲߭ ߠߋ߬߸ ߓߊߏ߬ ߞߏ߫ ߡߊߞߌ߫ ߛߊߟ ߓߘߊ߫ ߥߊ߫ ߓߐ߫ ߞߊ߲ߕߌ߮ ߡߊ߬ ߦߋ߲߬، ߏ߬ ߖߍ߬ߘߍ ߞߵߊ߬ ߝߐ߫ ߊ߬ ߟߊ߫ ߌߞߛ ߖߊ߬ߕߋ߬ߘߊ ߟߊ߫߸ ߞߏ߫: <<ߖߡߊ߬ߣߊ ߦߋ߫ ߜߟߍ߬ߦߊ ߡߍ߲ ߠߎ߬ ߕߍߡߊ߬ ߓߌ߬߸ ߏ߬ ߝߊ߲߬ߓߊ ߦߋ߫ ߊ߬ߟߋ߬ (ߡߊߞߌ߫ ߛߊߟ) ߟߋ߬ ߣߐ߬ ߘߌ߫، ߛߣߍ߬ߜ߭ߊ߬ߟߌ߬ߞߊ ߘߏ߫ ߟߎ߫ ߞߊ߬ ߛߊ߬ߦߊ ߡߊߛߐ߬ߘߐ߲߬߸ ߏ߬ ߟߎ߬ ߟߊ߫ ߡߐ߱ ߟߎ߬ ߦߋ߫ ߕߎ߬ߢߊ ߡߊߞߐ߬ߣߐ߲ ߞߊ߲߬.>> ߛߟߊߕߌ߯ ߛߏ ߟߋ߬ ߞߊ߲߫ ߕߋ߲߬.
ߘߍ߬ߞߙߎ ߘߏ߫ ߟߎ߫ ߞߊ߲߫ ߞߏ߫ ߝߏ߫ ߞߕߌ ߦߋ߫ ߟߊ߫ ߞߵߊ߬ ߟߐ߲߫ ߡߐ߰ ߦߙߌߞߊ ߡߍ߲ ߠߎ߬ ߝߊ߰ ߘߴߊ߬ ߕߋ߬ߟߋ ߘߐ߫ ߡߍ߲ ߣߐ߬ ߏ߬ ߘߌ߫.
ߡߊߞߌ߫ ߛߊߟ ߓߐ߫ ߘߊ߫ ߛߣߍ߬ߜ߭ߊ߬ߟߌ߫ ߂߀ ߕߎߡߊ ߟߋ߬ ߟߊ߫߸ ߊ߬ߟߎ߫ ߞߏ߬ߣߌ߲ ߡߊ߫ ߛߐ߲߬ ߊ߬ ߞߐߡߊߓߌ߲ߓߌ߲߫ ߠߊ߫ ߎߣߎ߳ ߝߘߏ߬ߓߊ߬ ߞߟߊ߬ߕߌ߰ߦߊ ߡߊ߬ߡߌ߬ߣߊ߬ߟߌ ߣߌ߲߬ ߘߐ߫ ߸ߝߐ߫ ߓߎߙߎ߲ߘߌ߫ ߡߍ߲ ߓߘߴߊ߬ ߟߊ߫ ߡߊ߬ߡߌ߬ߣߊ߬ߟߌ ߞߐߡߊߓߌ߲ߓߌ߲߫.
Aucun commentaire pour le moment.