ߝߊ߬ߛߏ߬ ߜߙߊ ߞߊ߲ߕߌ߮ ߘߌ߫، ߞߏߕߌ߯ ߝߟߐ߫ ߞߘߐ ߣߌ߲߬ ߞߊ߬ ߞߊ߲ߢߊ߫ ߁߃߂ ߟߋ߬ ߛߐ߬ߘߐ߲߬.

ߛߣߍ߬ߜ߭ߊ߬ߟߌ߬ ߞߏߕߌ߯ ߝߟߐ߫ ߞߘߐ ߎߛߑߡߊߣߌ߲߫ ߛߐ߲ߞߏ߫ ߓߘߊ߫ ߛߎߥߊ߲ߘߌ߫ ߞߐ߬ߟߏ߲ ߣߌ߲߬ ߡߊ߬߸ ߞߊ߬ ߞߍ߫ ߝߊ߬ߛߏ߬ ߜߙߊ ߞߊ߲ߕߌ߮ ߘߌ߫߸ ߏ߬ ߡߍ߲ ߛߎߥߊ߲ߘߟߌ ߛߌ߲߬ߝߏ߲߬ߧߊ߬ ߘߊ߫ ߥߛߊ߬ߘߋ߲ ߠߎ߬ ߟߊ߫ ߕߝߊ ߞߘߐ߫ (ߊ߬ߟߎ߬ ߡߊߞߍ߫ ߦߌߟߊ).

ߔߊߛߑߕߍߝ ߞߙߎߞߊ ߥߊ߬ߣߊ ߣߌ߲߬ ߛߋ߫ ߘߊ߫ ߞߊ߲ߢߊ߫ ߁߃߂ ߟߊߘߍ߬ ߟߊ߫߸ ߖߘߍ߬ߘߐ߬ߡߌ߬ߣߊ߬ ߞߋߟߋ߲߫߸ ߕߍ߯ߟߍ߲߫ ߘߐߞߏߟߏ߲߫ ߡߊ߫ ߛߐ߬ߘߐ߲߬߸ ߡߍ߲ ߞߵߊ߬ ߦߌ߬ߘߊ߬ ߞߏ߫ ߖߌߘߊ߲ ߖߍ߬ߘߍߖߍ߬ߘߍ ߟߋ߬ ߦߴߊ߬ߟߎ߬ ߟߊ߫ ߞߎߎߡߊߞߍߓߏ߲ ߞߣߐ߫.

ߢߣߊߕߊߟߌ ߡߍ߲ ߦߋ߫ ߣߌ߲߬߸ ߏ߬ ߞߍߣߍ߲߫ ߠߋ߬ ߞߵߊ߬ ߛߐ߬ߘߐ߲߬ ߛߣߍ߬ߜ߭ߊߟߌ߫ ߓߘߍ߬ߓߘߍ߬ߟߌ ߦߋ߫ ߞߊ߲߬ߘߏ߬ ߞߊ߲߬ ߓߐ ߞߊ߲߬߸ ߛߐ߲ߞߏ߫ ߜߍ ߞߐߝߍ߬ ߞߏߕߌ߯ ߝߟߐߦߊ ߟߊ߫߸ ߞߊ߬ ߣߊ߬ ߞߍ߫ ߥߛߊ߬ߘߋ߲ ߘߌ߫ ߝߊ߬ߛߏ߬ ߜߙߊ ߟߊ߫، ߝߊ߲߬ߞߊߛߌ߬ߣߊ ߡߍ߲ ߠߎ߬ ߦߋ߫ ߦߋ߲߬߸ ߦߏ߫ ߕߊߞߎ߬ ߥߊ߯ߟߎ߬߸ ߏ߬ ߣߌ߫ ߡߐ߰ ߛߌߦߊߡߊ߲߫ ߜߘߍ߫ ߟߎ߫ ߓߐ߫ ߘߊ߫ ߟߋ߬ ߝߏߏ߮ ߞߣߐ߫ ߕߐ߯ ߞߟߌ߫ ߕߎߡߊ ߟߊ߫߸ ߞߏ߫ ߊ߬ ߞߏ ߦߋ߫ ߓߘߍ߬ߓߘߍ߬ߟߌ߬ ߞߏ ߟߋ߬ ߘߌ߫.

ߎߛߑߡߊߣߌ߲߫ ߛߐ߲ߞߏ߫ ߣߊ߬ߣߍ߲߫ ߡߊߟߌߞߌ߬ ߒߖߊߦߌ߬ ߟߋ߬ ߣߐ߭ ߘߐ߫߸ ߏ߬ ߡߍ߲ ߞߵߊ߬ ߦߌ߬ߘߊ߫ ߞߊ߬ߦߌ߯ ߛߐ߲ߞߏ߫ ߜߍ߲߫ ߕߎߡߊ ߞߏߕߌ߯ ߝߟߐߦߊ ߟߊ߫߸ ߞߏ߫ ߛߐ߲ߞߏ߫ ߟߊ߫ ߛߌ߰ߟߊ߲ ߦߴߊ߬ ߦߋ߫ ߝߛߊߦߌ߫.

ߛߐ߲ߞߐ߫ ߣߊ߭ ߝߊ߬ߛߏ߬ ߜߙߊ ߞߎ߲߬ߠߊ߫ ߣߌ߲߬ ߢߊ߸ ߏ߬ ߓߘߊ߫ ߞߍ߫ ߞߏ߫ ߞߎߘߊ߫ ߟߋ߬ ߘߌ߫ ߛߣߍ߬ߜ߭ߊߟߌ߫ ߓߘߍ߬ߓߘߍ߬ߟߌ ߘߐ߫ ߕߋ߲߬߸ ߖߡߊ߬ߣߊ ߛߋߓߊ߯ߦߊ ߞߏ ߟߎ߬ ߟߊߕߊ߯ߡߊ߫ ߢߊ ߞߎ߬ߘߎ ߦߋ߫ ߡߐ߰ ߛߌߦߊߡߊ߲߫ ߞߊ߲ߠߊ߫ ߕߎ߬ߡߊ߫ ߣߊ߬ߕߐ ߟߎ߬ ߘߐ߫.