ߓߌ߬ ߞߐߝߍ߬߸ ߎߛߑߡߊߣߌ߲߫ ߛߐ߲ߞߏ߫ ߓߘߊ߫ ߞߍ߫ ߛߣߍ߬ߜ߭ߊߟߌ߫ ߞߏߕߌ߯ ߝߟߐ߫ ߞߘߐ ߘߌ߫، ߊ߬ ߜߍ߲߫ ߘߊ߫ ߟߊ߬ߕߍ߰ߦߊ ߟߋ߬ ߟߊ߫ ߓߌ߬ ߛߌ߬ߣߌ߲߬ߟߏ߲ ߣߌ߲߬ ߛߎ ߘߐ߫߸ ߂߀߂߆ ߘߓߊ߬ߕߊ ߕߋ߬ߟߋ߫ ߂߂ ߡߊ߬߸ ߞߊ߲ߕߌ߯ ߓߊ߬ߛߌߙߎ߬ ߖߏ߬ߡߊߦߌ߬ ߝߊߦߌ߬ ߓߟߏ߫، ߊ߬ ߓߐ ߦߋ߲߬ ߢߊ ߡߍ߲ ߌߞߘߐ߫߸ ߊ߬ ߞߊ߬ ߟߊ߬ߛߋ߬ߟߌ߬ ߞߟߊߒߞߋ߫ ߞߍ߫ ߊ߬ ߟߊ߫ ߖߊ߬ߕߋ߬ߘߊ ߟߊ߫ ߌߞߛ ߞߊ߲߬.

ߊ߬ ߟߊ߫ ߟߊ߬ߛߋ߬ߟߌ ߣߌ߲߬ ߘߐ߫ ߊ߬ ߟߊ߫ ߌߞߛ ߖߊ߬ߕߋ߬ߘߊ ߟߊ߫߸ ߞߏߕߌ߯ ߝߟߐ߫ ߞߘߐ ߣߌ߲߬ ߞߵߊ߬ ߛߓߍ߫ ߞߏ߫: <<ߊߟߊ߫ ߕߊ߲ߘߏ߫߸ ߒ ߛߣߐ߬ߡߍ ߘߐߝߎߟߋ߲ߣߍ߲ ߘߌ߫ ߛߌ߬ߣߐ߯ ߞߍ߳ߙ ߖ߭ߐߙߑߖ߭ߌ߫ ߓߌ߬ ߛߎ ߣߌ߲߬ ߘߐ߫.>> ߛߓߍߟߌ߫ ߞߎ߲ߞߎߘߎ߲ߣߍ߲߫߸ ߡߍ߲ ߞߊߟߌߦߊ߫ ߘߊ߫ ߛߊߙߌ߫ ߟߊ߫ ߝߊ߲߭ ߓߍ߯ ߟߊ߫ ߘߍ߬ߞߙߏߝߏ ߟߎ߫ ߞߊ߲߬.

ߞߊ߬ ߞߐ߲߰ ߏ߬ ߢߍ߫ ߕߎ߬ߡߊ߬ߣߍ߲߬ ߠߊ߫߸ ߛߣߍ߬ߜ߭ߊߟߌ߫ ߞߊ߲ߕߌ߯ߘߊ ߞߵߊ߬ ߟߊߛߋ߫ ߟߊ߬ߛߋ߬ߟߌ ߘߏ߫ ߟߋ߬ ߘߐ߫߸ ߡߍ߲ ߘߐߞߊ߬ߙߊ߲߬ ߘߊ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ߬ߓߊ ߟߊ߫߸ ߞߵߊ߬ ߦߌ߬ߘߊ߬ ߞߏ߫ߎߛߑߡߊߣߌ߲߫ ߛߐ߲ߞߏ߫ ߓߘߊ߫ ߜߍ߲߫ ߊ߬ ߟߊ߫ ߓߊ߯ߙߊ ߘߐ߫، ߞߎ߲߬ߠߊ߬ߛߌ߮ ߟߊ߫ ߟߊ߬ߛߋ߬ߟߌ ߣߌ߲߬ ߘߐ߫߸ ߝߘߏ߬ߓߊ߬ ߞߟߊ߬ߕߌ߮ ߎߡߊߙ ߛߊ߲ߓߊ߫ ߓߊ ߞߵߊ߬ ߔߘߋߔߘߋߟߊߕߍ߰ ߞߏ߫: <<ߞߊ߬ ߓߍ߲߬ ߂߀߂߆ ߘߓߊ߬ߕߊ ߂߂ ߟߊ߬ߕߍ߰ߦߊ ߝ. ߂߀߂߂߆-߁߁߂߈ ߡߊ߬߸ ߞߊ߲ߓߍ߲ ߞߊ߲ߕߌ߮ [...] ߓߘߊ߫ ߛߟߊߕߌ߯ ߎߛߑߡߊߣߌ߲߫ ߛߐ߲ߞߏ߫ ߓߟߏߓߐ߫ ߓߊ߯ߙߊ ߘߐ߫߸  ߞߏߕߌ߯ ߝߟߐ، ߏ߬ ߢߊ߫ ߞߋߟߋ߲ ߠߋ߬ ߡߊ߬߸ ߞߏߕߌ߮ ߟߎ߬ ߣߌ߫ ߞߊ߬ߝߏ ߞߟߊ߬ߕߌ߮ ߟߎ߬ ߝߣߊ߫ ߓߘߊ߫ ߟߊߓߋ߬.>>

ߞߊ߬ ߓߍ߲߬ ߖߡߊ߬ߣߊ ߛߊ߬ߙߌ߬ߦߊ ߡߊ߬߸ ߞߎ߲߬ߠߊ߬ߛߌ߮ ߛߌ߲߬ߝߏ߲߬ ߓߐߓߊ߯ߕߐ ߟߎ߬ ߘߌ߫ ߛߋ߫ ߞߏ ߟߎ߬ ߞߍ߫ ߟߊ߫ ߡߎߣߎ߲߬߸ ߦߊ߬ߣߌ߫ ߞߎߘߊ߫ ߣߴߊ߬ ߟߊ߫ ߞߏߕߌ߮ ߟߎ߬ ߟߊߛߌ߰ߕߐ߫.

ߜߍ߲ߠߌ߲ ߢߌ߲߬ ߦߋ߫ ߞߍ߫ ߟߊ߫ ߕߎ߬ߡߊ ߡߍ߲ ߠߊ߫ ߣߌ߲߬߸ ߓߊ߬ߛߌߙߎ߬ ߖߏ߬ߡߊߦߌ߬ ߝߊߦߌ߬ ߣߌ߫ ߎߛߑߡߊߣߌ߲߫ ߛߐ߲ߞߏ߫ ߕߍ ߕߎ߲߬ ߓߘߊ߫ ߞߟߊ߫ ߞߏߛߓߍ߫، ߛߐ߲ߞߏ߫ ߡߍ߲ ߦߋ߫ ߣߌ߲߬߸ ߖߏ߬ߡߊߦߌ߬ ߞߣߐߝߐߢߐ߲߮ ߣߴߊ߬ ߟߊߟߌߓߊ߮ ߟߋ߬ ߕߎ߲߬ ߦߴߊ߬ ߘߌ߫، ߝߣߊ߫߸ ߡߊߞߌ߫ ߛߊߟ ߕߟߋ ߝߊ߲߬ߞߊߛߌ߬ߣߊ ߟߎ߬ ߘߐ߫ ߓߟߋ߬ߓߟߋ ߘߏ߫ ߟߋ߬߸ ߡߍ߲ ߞߊ߬ ߓߊ߬ߛߌߙߎ߬ ߞߍ߫ ߊ߬ ߟߊ߫ ߞߙߎߞߊ ߟߊ߫ ߡߊ߬ߡߌ߬ߣߊ߬ߟߌ߬ߟߊ ߘߌ߫߸ ߣߴߏ߬ ߟߊߓߊ߲߫ ߘߊ߫ ߛߎߘߊ߲ ߡߊ߬.

ߛߣߍ߬ߜ߭ߊߟߌ߫ ߦߋ߫ ߘߐ߬ߞߐߣߐ߲ ߛߌ߱ ߟߋ߬ ߘߐ߫ ߕߋ߲߬߸ ߣߊߟߌ߬ߡߎ߲߫ ߞߎ߲߬ߠߊ߬ߛߌ߰ ߞߎߘߊ ߛߏ߯ߙߏ ߘߐ߬ߞߐߣߐ߲ ߛߌ߱ ߘߌ߫، ߛߐ߲ߞߏ߫ ߕߘߍ߬ ߡߊߞߌ߫ ߕߟߋ ߘߐ߫ ߢߊ ߡߍ߲߸ ߊ߬ ߘߌ߫ ߣߊ߬ ߞߍ߫ ߕߋ߲߬ ߓߊ߬؟ ߣߌ߫ ߝߘߊߟߌ ߞߍߢߊ ߓߍ߲߬ߣߍ߲߬ ߡߊ߫ ߞߍ߫ ߡߙߌߦߊ ߟߎ߬ ߓߐߢߐ߲߯ߡߊ ߞߏߛߐ߲߬؟