ߜߋ߲ߞߐ߰ߖߌ߬ߘߊ ߖߡߊ߬ߣߊ ߞߣߐ߫߸ ߞߕߌߘߊ ߣߐ߬ ߦߋ߫ ߕߏ߬ߟߊ߲ߕߊ߲߬ߠߊ߬ ߞߘߐ ߊߓߑߘߎߟߊ߯ߦߌ߬ ߕߙߊߥߟߋ߫߸ ߣߴߊ߬ ߡߊ߬ߟߐ߲߬ ߕߐ߮ ߦߋ߫ ߓߍ߲߫ ߓߊߘߌ߫ ߘߌ߫، ߊ߬ ߖߊ߲߬ߞߌ߫ ߘߊ߫ ߞߕߌߘߊ ߓߟߏ߫ ߛߊ߲߬ ߃ ߥߛߎߟߊߘߏ߲ ߠߋ߬ ߟߊ߫ ߞߎߣߎ߲ߟߏ߲ ߕߊ߬ߡߌ߲߬ߣߍ߲߫ ߣߌ߲߬ ߡߊ߬߸ ߊ߬ ߖߊ߲ߞߌ߫ ߘߊ߫ ߗߍ߬ߣߌ߬ߡߛߏ߬ߦߊ ߓߋ߬ߒ߬ߞߊ߲߬ߠߌ߲ ߠߋ߬ ߘߐ߫߸ ߔߏ߰ߕߌ߰ߣߍ߲߫ ߛߊ߲߬ ߁߉ ߘߏ߫ ߞߊ߲߬߸ ߏ߬ ߡߍ߲ ߦߋ߫ ߂߀߂߁ ߞߊ߬ߙߊ߲ ߛߊ߲ߘߐߕߊ ߞߊ߬ߙߊ߲߬ߘߋ߲ ߘߏ߫ ߘߌ߫، ߒ߬ߓߊ߬߸ ߏ߬ ߞߊ߬ ߣߐ߬ߡߌ߬ߣߊ߬ߟߌ߬ ߛߓߍ ߟߋ߬ ߟߊߘߏ߲߬ ߓߍ߲߫ ߓߊߘߌ߫ ߞߊ߲߬، ߞߕߌ ߣߌ߲߬ ߞߍ ߞߍ߫ ߘߊ߫ ߡߏ߬ߛߏ ߟߎ߫ ߤߊߞߍ߫ ߡߞߊߘߊ߲ߠߊ ߟߎ߬ ߟߊ߫ ߛߌ߲߬ߝߏ߲ ߓߟߏ߫ ߛߍߥߊ ߟߋ߬ ߘߌ߫ ߞߏߛߓߍ߫.

ߒ߬ߓߊ߬߸ ߞߊ߬ ߝߙߊ߬ ߛߊ߲߬ ߛߊ߬ߓߊ߫ ߖߊ߲߬ߞߌ߬ߟߌ ߞߊ߲߬߸ ߊߓߑߘߎߟߊ߯ߦߌ߬ ߕߙߊߥߟߋ߫ ߕߍߣߊ߬ ߛߋ߫ ߞߊ߬ ߢߣߊߕߊߟߌ߫ ߞߍ߫ ߛߊ߲߬ ߁߀ ߞߎ߲߬ߕߊ߯ ߞߣߐ߫߸ ߞߊ߬ ߛߋ߫ ߞߊ߬ ߞߍ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫߸ ߏ߬ ߞߐ߫ ߊ߬ ߞߊ߫ ߞߊ߲߫ ߝߣߊ߫ ߞߊ߬ ߛߍߝߊ߫ ߥߊߘߌ ߞߋ߲߬ߥߎ߬ߟߎ߫ ߁߅ ߟߋ߬ ߘߌ߫ ߔߏ߰ߕߌ߰ߣߍ߲ ߣߌ߲߬ ߡߊ߬ ߊߟߊߡߊ߲ߘߌ߫ ߛߙߊ߬ߟߌ ߘߌ߫߸ ߞߕߌߘߊ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬.

ߞߏ ߣߌ߲߬ ߘߊߡߌ߬ߣߊ߬ ߘߊ߫ ߂߀߂߁ ߠߋ߬ ߟߊ߫߸ ߘߋ߲ߡߛߏߣߍ߲߫ ߣߌ߲߬ ߞߊ߬ ߛߓߍ ߟߊߘߏ߲߬ ߓߍ߲߫ ߓߊߘߌ߫ ߞߊ߲߬ ߕߎ߬ߡߊ ߡߍ߲߸ ߊ߬ ߕߎ߲߫ ߡߌ߬ߣߊ߬ ߘߊ߫ ߟߋ߬ ߞߕߌ ߘߊ߫ ߝߍ߬ ߞߵߊ߬ ߟߊߘߏ߲߬ ߕߎ߬ߡߊ߬ߟߊ߬ߕߊߡߌ߲ ߥߛߎ ߟߊ߫، ߞߵߏ߬ ߞߎ߲߭ ߞߍ߫ ߛߌߞߊ ߟߊߘߏ߲߭ ߘߌ߫ ߞߏ ߟߎ߬ ߘߐ߫ ߞߕߌߘߊ ߞߍ߫.

ߓߊ߬ߙߌ߫߸ ߛߊ߲߬ ߟߏ߯ߟߎ߫ ߞߎ߲߬ߕߊ߯ ߞߣߐ߫ ߞߕߌߘߊ ߓߘߊ ߖߏ ߘߌ߫ ߖߏߕߌ߯ ߡߊ߬߸ ߞߊ߬ ߘߋ߲ߡߛߏ ߟߊ߫ ߖߏ ߟߊߛߊ߬ߦߌ߲߫ ߊ߬ ߡߊ߬، ߏ߬ ߟߋ߬ ߛߋ߲߭ߝߍ߬ ߞߕߌߘߊ ߞߏ ߣߌ߲߬ ߘߐߢߌߣߌ߲߫ ߞߎ߬ߣߎ߲߬ߟߏ߲ ߕߊ߬ߡߌ߬ߣߍ߲ ߡߊ߬߸ ߞߊ߬ ߓߍ߲߫ ߓߊߘߌ߫ ߖߊ߲ߞߌ߲߫ ߛߊ߲߬ ߛߊ߬ߓߊ߫ ߥߛߎߟߊߘߏ߲ ߠߊ߫.

ߞߕߌ ߣߌ߲߬ ߞߍ߫ ߘߊ߫ ߛߍߥߊ ߟߋ߬ ߘߌ߫ ߡߏ߬ߛߏ ߟߎ߬ ߤߊߞߍ߫ ߡߞߊߘߊ߲ߠߊ ߛߌ߲߬ߝߏ߲ ߓߟߏ߫߸ ߝߏ߫ ߊ߬ߟߎ߫ ߞߊ߬ ߟߊ߬ߕߍ߰ߦߊ ߘߏ߫ ߟߊߓߐ߫߸ ߞߏ߫ ߣߌ߲߬ ߦߋ߫ ߢߍߕߊ߮ ߟߋ߬ ߘߌ߫ ߞߊ߬ ߟߐ߬ ߓߋ߬ߒ߬ߞߊ߲߬ߠߌ߲ ߠߎ߫ ߡߊ߬، ߞߕߌ ߣߌ߲߬ ߘߏ߲߬ ߓߍ߲߬ ߘߊ߫ ߥߊ߯ߕߌ߫ ߟߋ߬ ߝߣߊ߫ ߡߊ߬߸ ߡߐ߰ ߘߌ߫ ߛߋ߫ ߘߏ߲߬ ߠߊ߫ ߡߏ߬ߛߏ ߟߎ߫ ߟߊ߫ ߝߐߕߊ ߟߎ߬ ߞߣߐ߫ ߡߍ߲ ߘߐ߫.

ߞߏ߫ ߓߋ߬ߒ߬ߞߊ߲߬ߠߌ߲ ߡߏ߬ߛߏ ߟߎ߬ ߞߊ߲߬ ߣߌ߲߬ ߢߊ߸ ߏ߬ ߡߊ߲߫ ߞߊ߲߫ ߞߊ߬ ߖߊ߬ߕߋ߫ ߞߏߣߍ߲߫ ߘߌ߫ ߦߋ߲߬ ߕߋ߲߬߸ ߞߵߊ߬ ߞߍ߫ ߦߏ߫ ߞߏ߫ ߡߊ߫ ߞߍ߫، ߏ߬ ߦߋ߫ ߞߏߖߎ߯ߓߊ ߟߋ߬ ߘߌ߫߸ ߣߌ߲߬ ߦߋ߫ ߞߏ߫ ߟߋ߬ ߘߌ߫ ߢߊ ߞߊߡߊ߲߫ ߞߊ߬ ߡߊߖߌ߰ ߡߍ߲ ߝߍ߬.

ߏ߬ ߓߟߏߡߊ߬߸ ߡߏ߬ߛߏ ߟߎ߬ ߤߊߞߍ߫ ߡߞߊߘߊ߲ߠߊ ߞߊ߬ ߔߏ߰ߕߌ߰ߣߍ߲ ߣߌ߲߬ ߝߏ߬ ߊ߬ ߟߊ߫ ߞߍߣߍ߲ ߠߊ߫߸ ߤߊߟߌ߬ ߣߴߊ߬ ߦߴߊ߬ ߛߐ߬ߘߐ߲߬ ߞߏ߫ ߊ߬ ߡߊ߫ ߞߍ߫ ߣߐ߰ߦߊ ߓߟߏߡߊ߬.