ߡߛߏ߬ߡߊ߲߬ߣߍ߫ ߟߏ߯ߟߎ߫߸ ߡߍ߲ ߠߎ߬ ߛߌ߬ߞߛߊ߬ߓߌ ߦߋ߫ ߘߊߡߌ߬ߣߊ߬ ߟߊ߫ ߛߊ߲߬ ߛߊ߬ߓߊ߫ ߡߊ߬ ߞߣߵߊ߬ ߛߌ߰ ߛߊ߲߬ ߞߐ߬ߣߐ߲߬ߘߐ ߟߊ߫، ߏ߬ ߟߎ߫ ߟߋ߬ ߟߊߖߌ߰ ߘߊ߫ ߞߐ߰ ߘߐ߫߸ ߏ߬ ߞߍ߫ ߘߊ߫ ߛߊߓߎ߫ ߘߌ߫ ߞߊ߬ ߡߊ߲߬ߕߙߐ ߖߍ߬ߘߍߖߍ߬ߘߍ߫ ߟߋ߬ ߟߊߛߋ߫ ߊ߬ߟߎ߫ ߡߊ߬، ߞߏߢߊ߫ ߣߌ߲߬ ߞߍ߫ ߘߊ߫ ߥߊ߬ߛߌߥߙߊ߫ ߕߊ߬ߡߌ߲߬ߣߍ߲ ߃߀ ߟߋ ߡߊ߬، ߓߏ߲ߜ߭ߎߥߊߣߎ߫ ߘߎ߱ ߟߊ߫߸ ߘߊ߲ߘߊߟߌ߫ ߛߍ߯ߛߍ߯ߟߌ ߟߎ߬ ߞߐߝߍ߬߸ <<ߡߛߏ߬ߡߊ߲߬ߣߍ߲߫ ߡߍ߲߬ ߠߎ߬ ߟߊ߫ ߡߛߏ߬ߦߊ ߡߎ߰ߡߍ>> ߟߋ߬ ߕߍ߰ ߘߊ߫ ߞߊ߬ ߓߐ߫ ߊ߬ ߟߊ߫߸ ߞߵߏ߬ ߞߍ߫ ߖߋ߬ߟߌ߬ߓߐ ߝߊ߲߬ߞߊ߬ߡߊ ߘߌ߫ ߓߎ߬ߕߎ߲߫.

ߖߋ߬ߟߌ߬ߟߊ߬ߓߐ߸ ߘߌߡߌ߲߫ ߘߣߊ߬ߕߊ߬ߡߌ߲߬ߣߍ߲߸ ߢߍ߲߯ߠߊ ߕߴߛߋ߫ ߞߍ߫ ߟߊ߫߸ ߤߊߞߟߌ߫ ߢߊ߯ߡߌ߲، ߒ߬ߓߊ߬߸ ߞߐ߰ߟߊ߬ߖߌ߮ ߣߌ߲߬ ߞߊ߬ ߡߊ߲߬ߕߙߐ ߣߌ߲߬ ߠߋ߬ ߟߊߛߋ߫ ߓߏ߲ߜ߭ߎߥߊߣߎ߫ ߡߛߏ߬ߡߊ߲߬ߣߍ߲߫ ߞߋ߬ߟߋ߲߬ߞߋ߬ߟߋ߲߬ߠߊ ߢߌ߲߬ ߠߎ߫ ߡߊ߬߸ ߞߏߢߊ߫ ߣߌ߲߬ ߞߊ߬ ߡߛߏ߬ ߟߎ߬ ߤߊߞߍ߫ ߡߞߊߘߊ߲߫ ߞߙߎ ߛߌߦߊߡߊ߲߫ ߠߋ߬ ߓߌ߬ߟߊ߫ ߛߎ߬ߣߎ߲ ߕߍߡߊ߬، ߏ߬ ߟߎ߬ ߡߍ߲ ߕߍߛߘߌ߬ߣߍ߲߫ ߞߏߢߊ ߣߌ߲߬ ߞߍ߬ߟߍ ߟߊ߫ ߖߡߊ߬ߣߊ ߢߌ߲߬ ߞߣߐ߫ ߞߊ߬ߦߌ߯ ߕߎ߬ߡߊ߫ ߖߊ߲߫߸ ߞߙߎ ߢߍߡߐ߮ ߘߏ߫ ߟߊ߫ ߞߎߡߊ߫ ߘߐ߫ <<ߣߴߊ߬ ߞߵߊ߬ ߛߐ߬ߘߐ߲߬ ߞߏ߫ ߞߘߐ߬ߓߌߟߊ ߣߌ߲߬ ߕߣߐ߬ ߕߍ߫ ߛߋ߫ ߟߊ߫ ߡߏ߬ߛߏ ߟߊ߫ ߡߛߏ߬ߦߊ ߡߊ߬߸ ߊ߲ ߧߴߊ߬ ߘߊߓߌ߬ߟߊ߬>>

ߤߊߟߌ߬ ߣߴߊ߬ ߦߴߊ߬ ߛߐ߬ߘߐ߲߬ ߞߏ߫ ߣߌ߲߬ ߕߍ߫ ߖߡߊ߬ߣߊ ߣߌ߲߬ ߞߣߐ߫߸ ߓߊ߬ߙߌ߫߸ ߘߏ߫ ߟߎ߫ ߦߴߊ߬ߟߎ߫ ߘߋ߲ ߠߎ߬ ߟߊߖߌ߰ ߟߊ߫ ߟߋ߬ ߞߐ߰ ߘߐ߫ ߘߏ߲߰ ߓߟߏߡߊ߬߸ ߘߏ߫ ߟߎ߫ ߖߍ߬ߘߍ ߝߣߊ߫ ߦߴߊ߬ߟߎ߬ ߓߊ߲ߓߊ߲߫ ߠߊ߫ ߘߌ߯ߣߊ߫ ߞߏ ߟߋ߬ ߞߊ߲߬߸ ߢߊ߯ߡߌ߲ ߏ߬ ߟߋ߬ ߦߋ߫ ߞߏߢߊ ߣߌ߲߬ ߘߐ߫߸ ߊ߬ ߘߏ߲߬ ߓߘߊ߫ ߛߊ߲߬ ߃߀ ߣߌ߫ ߘߏ߫ ߓߐ߫߸ ߌ߬ߡߊ߯ߡߎ߲߫ ߊߓߑߘߎߟ ߘߊߟߊ߬ ߛߌ߬ߛߋ ߦߋ߫ ߛߍ߬ߘߏ߲ ߠߊ߫ ߞߊ߬ ߡߐ߱ ߟߎ߬ ߟߊߛߐ߲߬ ߞߏߢߊ ߣߌ߲߬ ߞߊ߲߬ <<ߞߏ߫ ߟߋ߬ ߦߴߊ߬ ߘߌ߫߸ ߡߍ߲ ߦߋ߫ ߟߊ߬ߝߙߍ ߟߊߛߋ߫ ߟߊ߫ ߡߏ߬ߛߏ ߡߊ߬߸ ߓߊ߬ߙߌ߫߸ ߕߎ߬ߡߊ ߘߏ߫ ߟߎ߫ ߦߋ߫ ߞߍ߫ ߟߴߊ߬ ߘߐ߫߸ ߊ߬ ߡߊ߲߬ߕߙߐ ߦߋ߫ ߛߋ߫ ߟߴߊ߬ߟߎ߫ ߡߊ߬، ߏ߬ ߦߋ߫ ߓߐ߫ ߟߊ߫ ߡߏ߬ߛߏ ߝߊ߬ߘߌ߬ߞߟߏ ߟߊ߫ ߞߍ߲ߘߍߦߊ ߟߋ߬ ߘߐ߫߸ ߘߌ߯ߣߊ ߣߴߛߋ߫ ߏ߬ ߛߐ߬ߛߐ߬ ߟߊ߫>>

ߘߍ߬ߡߍ߲߬ߠߌ߲߬ ߞߙߎ <<ߡߌߞߛ>> ߟߊ߫ ߛߍ߯ߛߍ߯ߟߌ ߟߎ߬ ߞߵߊ߬ ߦߌ߬ߘߊ߫ ߟߋ߬߸ ߞߏ߫ ߜߋ߲ߞߐ߰ߖߌ߬ߘߊ ߟߊ߫ <<ߡߏ߬ߛߏ ߡߍ߲ ߠߎ߬ ߛߌ߬ߞߛߊ߬ߓߌ ߦߋ߫ ߛߊ߲߬ ߁߅ ߞߊ߬ ߕߊ߯ ߊ߬ ߛߌ߰ ߛߊ߲߬ ߄߉>> ߟߊ߫، ߏ߬ ߟߎ߫ ߘߋ߬ߙߌ߫ ߘߊ߫ ߞߊ߬ ߓߌ߬ߟߊ߬ ߞߐ߰ ߘߐ߫߸ ߡߍ߲ ߓߍ߲߬ߕߐ߫ ߡߛߏ߬ߡߊ߲߬ߣߍ߲ ߠߎ߬ ߕߊ ߡߊ߬߸ ߡߍ߲ ߠߎ߬ ߛߌ߬ߞߛߊ߬ߓߌ ߦߋ߫ ߘߊߡߌ߬ߣߊ߬ ߟߴߊ߬ ߘߊߕߐߡߊ ߞߣߊ߬ ߛߌ߰ ߁߄ ߡߊ߬߸ ߏ߬ %߁߀߀ ߘߐ߫، %߁߀ ߢߐ߲߰ ߠߋ߬ ߦߋ߫ ߓߌ߬ߟߊ߬ ߟߊ߫ ߞߐ߰ߘߐ߫߸ ߢߊߢߌߣߌ߲ߣߌ߲ ߠߎ߬ ߓߘߴߊ߬ ߦߌ߬ߘߊ߬ ߞߏ߫ ߜߋ߲ߞߐ߰ߖߌ߬ߘߊ߫ ߡߏ߬ߛߏ߫ ߛߓߊ߬ ߦߴߊ߬ ߘߐ߫߸ ߕߍ߯ ߞߍ߫ ߘߊ߫ ߡߐ߰ ߝߌ߬ߟߊ߬ ߟߋ߬ ߘߐ߫ ߊ߬ ߘߊߞߎ߲߫ ߘߐ߫ ߦߋ߲߬ ߌߞߘߐ߫߸ ߣߌ߲߬ ߦߋ߫ ߞߏߕߌ߯ߘߊ ߟߊ߫ ߟߊ߬ߛߋ߬ߟߌ ߟߋ߬ ߘߌ߫߸ ߛߙߎߓߊ߲ߣߍ߲ ߠߎ߬ ߦߋ߫ ߞߏߕߌ߯ߘߊ ߟߊ߫ ߓߌ߬ߟߊ ߟߋ߬ ߘߐ߫ ߥߊ߯ߕߌ߫ ߢߌ߲߬ ߠߊ߫߸ ߢߊߢߌߣߌ߲ߠߌ߲ ߦߴߌߘߐ߫߸ ߞߵߊ߬ ߟߐ߲߫ ߊ߬ ߕߌ߱ ߟߎ߬ ߣߌ߫ ߖߐ߲߫ ߠߎ߬ ߦߋ߫ ߞߏ߫ ߞߋߟߋ߲߫ ߡߊ߬، ߓߊߏ߬߸ ߞߏߢߊ߫ ߣߌ߲߬ ߟߊߕߐ߲ߣߍ߲߫ ߠߋ߬ ߜߋ߲ߞߐ߰ߖߌ߬ߘߊ ߟߊ߫.