ߝ߭ߣߋߖ߭ߎߥߋߟߊ߫ ߘߎ߰ߦߙߍߦߙߍ߫ ߝߌ߬ߟߊ߬ߣߍ߲ ߡߍ߲ ߞߍ߫ ߘߊ߫ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߄ ߡߊ߬߸ ߏ߬ ߝߊ߰ߓߊ߰ߕߐ ߦߙߌߌߞߊ ߦߋ߫ ߕߊ߬ߡߌ߲߬ ߠߊ߫ ߥߙߊ߬ ߟߊ߫ ߟߋ߬ ߕߎ߲߫، ߞߊ߬ߕߎ߲߯߸ ߊ߬ߟߎ߬ ߦߙߌߞߊ ߓߘߊ߫ ߛߋ߫ ߁ ߄߅߀ ߟߋ߬ ߘߐ߫ ߕߋ߲߬߸ ߡߍ߲ ߠߎ߬ ߟߊ߫ ߛߊ߬ߦߊ ߓߘߊ߫ ߔߘߋߔߘߋߟߊߕߍ߰ ߝߋߎ߫߸ ߣߴߊ߬ߟߎ߫ ߛߎ߭ ߟߊߓߐߣߍ߲߫ ߜߊ߲ߜߘߊ ߞߘߐ߫߸ ߥߟߊ߫ ߡߍ߲ ߠߎ߬ ߖߐߞߌߣߍ߲ ߝߊ߰ߣߍ߲߫ ߘߊ߲ߘߊߛߏ ߟߊ߫، ߤߊ߲߯ ߕߋ߲߬߸ ߡߐ߰ ߥߊ߯ ߦߙߌߞߊ߫ ߦߋߣߍ߲߫ ߕߍ߫ ߡߎߣߎ߲߬، ߊߟߎ߫ ߦߴߊ߬ ߟߐ߲߫߸ ߦߙߍߦߙߍ߫ ߝߌ߬ߟߊ ߡߍ߲ ߦߋ߫ ߕߋ߲߬߸ ߝߟߐߡߊ ߞߛߊߞߊ ߕߎ߲߬ ߦߋ߫ ߇،߂ ߟߋ߬ ߘߌ߫߸ ߡߍ߲ ߕߎ߲߰ ߘߊ߫ ߏ߬ ߟߊ߫߸ ߇،߅߸ ߏ߬ ߟߎ߫ ߟߋ߬ ߞߊ߬ ߜ߭ߎߥߙߊ ߘߎ߱ ߟߊߛߐ߬ߘߐ߲߬ ߞߎߓߋߘߊ ߞߊ߯ߙߞߊߛ ߞߐ߰ߘߎ߮ ߘߐ߫.

ߞߎ߲߬ߠߊ߬ߛߌ߮ ߟߊ߫ ߝߐߟߌ߫ ߘߐ߫߸ ߓߏ߲ߓߊ߫ ߁߈߉ ߟߋ߬ ߞߍߣߍ߲߫ ߞߎߜߋ߫߸ ߊ߬ ߝߊ߲߬ߓߊ ߞߍߣߍ߲߫ ߞߊ߯ߙߞߊߛ ߟߋ߬߸ ߊ߬ ߣߌ߫ ߜ߭ߎߥߙߊ߫، ߗߡߍ߬ ߣߌ߫ ߞߐ߫ ߖߊ߲߫ ߝߣߊ߫ ߓߍ߫߸ ߏ߬ ߟߎ߬ ߛߍ߲ߞߍߣߍ߲߫ ߠߋ߬ ߝߛߊߦߌ߫.

ߘߎ߰ ߡߐ߮ ߘߏ߫ ߟߎ߫ ߟߊ߫ ߝߐߟߌ߫ ߘߐ߫߸ ߞߏ߫ ߘߎ߰ߦߙߍߦߙߍ ߞߍ ߡߍ߲ ߞߍ߫ ߘߊ߫߸ ߥߊߦߌ߲߫ ߘߎ߲ ߘߏ߫ ߟߎ߫ ߝߏߘߏ߲߫ ߘߊ߫ ߟߋ߬، ߏ߬ ߟߋ ߖߍ߬ߘߍ ߞߏߛߐ߲߬߸ ߦߋ߲߬ ߛߌ߬ߓߊ߮ ߘߏ߫ ߞߵߊ߬ ߝߐ߫ ߞߏ߫ <<ߘߏ߲߬ ߕߴߛߋ߫ ߞߍ߫ ߟߴߊ߬ ߓߏ߲ ߛߌߦߊߡߊ߲߫ ߠߊ߫ ߡߎߣߎ߲߬ ߝߋߎ߫.>> ߞߵߏ߬ ߞߎ߲߭ ߞߍ߫ ߥߊߦߌ߲߫ ߞߏ ߘߌ߫، ߏ߬ ߟߋ ߞߏߛߐ߲߬߸ ߗߋ߬ߥߎ߬ߣߍ߲߬ߗߋߥߎ ߟߎ߬ ߓߘߊ߫ ߟߊߟߐ߲ߠߌ߲߫߸ ߛߴߊ߬ߟߎ߬ ߘߌ߫ ߥߊ߫ ߓߏ߲ ߢߌ߲߬ ߠߎ߬ ߟߊ߫ ߞߏ ߢߊߢߌߣߌ߲߫، ߓߊߏ߬߸ ߘߏ߫ ߟߎ߫ ߓߍ߫߸ ߕߋ߬ ߘߊ ߦߴߏ߬ ߟߎ߬ ߟߊ߫ ߞߊ߬ ߛߌߦߊߦߊ߫߸ ߘߏ߫ ߓߘߊ߫ ߘߐߕߌߢߍ߫߸ ߘߏ߫ ߟߎ߫ ߖߍ߬ߘߍ ߓߍ߫߸ ߏ߬ ߟߎ߬ ߞߣߐߞߏ߫ ߟߐ߲ߣߍ߲߫ ߕߍ߫ ߡߎߣߎ߲߬، ߏ߬ ߘߐ߫߸ ߝߏ߫ ߞߵߊ߬ ߞߏ ߢߊߢߌߣߌ߲߫ ߠߋ߬.

ߊ߬ߟߎ߬ ߟߊ߫ ߞߊ߲ߕߌ߯ ߘߍ߲߬ߞߍ߬ߕߎ߬ߣߍ߲߸ ߘߍߟߑߛߌ ߙߏߘߙߌߖߋ߫ ߞߵߊ߬ ߟߊߛߋ߫߸ ߞߏ߫ ߊ߬ߟߎ߬ ߟߊ߫ ߕߎ߬ߡߟߊ߬ߕߊ߬ߡߌ߲߬ ߘߊ߯ ߦߙߐ ߘߏ߫ ߟߊߘߊ߲߫߸ ߛߊ߫ ߦߋ߲߬ ߘߌ߫ ߞߍ߫ ߡߐ߱ ߟߎ߬ ߡߊߞߍ߫ ߦߌߟߊ ߘߌ߫ <<ߥߛߎ߬ߣߍ߲߬ ߞߘߐ߫ ߡߎߣߎ߲߬>> ߞߏ߬ߣߌ߲߬߸ ߦߙߐ߫ ߕߌ߮ ߓߍ߯ ߛߐ߲߬ߣߍ߲߬ ߕߴߏ߬ ߡߊ߬ ߡߎߣߎ߲߬، ߓߊߏ߬߸ ߊ߬ ߛߌߦߊߡߊ߲ ߞߊ߲߫ ߠߋ߬ ߞߏ߫ ߊ߬ ߘߌߡߊ߲߫ ߊ߬ߟߎ߬ ߦߋ߫߸ ߦߙߐ߫ ߦߋ߫ ߢߌߣߌ߲߫ ߊ߬ߟߎ߬ ߦߋ߫ ߤߊߟߌ߬ ߣߴߏ߬ ߖߊ߲߰ߧߊ߬ ߘߴߊ߬ߟߎ߬ ߡߊߞߍ߫ ߦߌߟߊ ߟߊ߫߸ ߞߊ߬ ߕߊ߬ߡߌ߲߫ ߊ߬ ߝߐߣߍ߲ ߞߊ߲߬ ߞߏ߫ ߞߊ߬ ߥߴߊ߬ߟߎ߬ ߓߍ߯ ߖߐ߬ ߢߐ߲߮ ߞߊ߲߬ ߦߙߐߓߊ߫ ߞߋߟߋ߲߫ ߘߐ߫߸ ߤߊߟߌ߬ ߡߐ߰ ߕߴߛߋ߫ ߌ ߘߐߝߎߟߋ߲߫ ߠߊ߫ ߦߙߐ ߡߍ߲ ߘߐ߫.

ߞߊ߬ߛߙߊ ߞߊ߬ ߕߏ߬ߟߊ߲߬ߕߊ߲߬ߠߊ ߟߎ߬ ߝߣߊ߫ ߡߊߛߐ߬ߘߐ߲߬، ߓߊߏ߬߸ ߊߙߑߖ߭ߊ߲ߕߌߞߊ ߟߎߞߊߛ ߕߙߋߖ߭ߏ߫߸ ߊ߬ߟߋ ߦߋ߫ ߡߊߙߕߌߡߏ߫ ߕߏ߬ߟߊ߲߬ߕߊ߲߬ߠߊ ߟߋ߬ ߘߌ߫߸ ߏ߬ ߟߊ߫ ߓߐ߬ߟߐ߲߬ߞߊ ߦߊ߬ߣߌߣߊ߬ ߡߙߊߣߋߟߊ߫ ߞߎ߲߭ ߕߏ߫ ߘߴߊ߬ ߘߐ߫ ߟߋ߬߸ ߊ߬ ߣߴߊ߬ߟߎ߬ ߘߋ߲ߣߍ߲߫ ߝߌ߬ߟߊ ߊ߯ߙߐ߲߫߸ ߊ߬ ߣߌ߫ ߊߦߌߣߏߥߊ߫߸ ߏ߬ ߟߎ߬ ߓߍ߯ ߛߎ߭ ߟߋ߬ ߦߋ߫ ߘߊ߫ ߜߊ߲ߜߘߊ ߞߘߐ߫ ߔߑߟߊߦߊ߫ ߜ߭ߑߙߊ߲ߘ.