ߘߎ߰ ߜߊߟߊ߲ߞߌ ߖߍ߬ߘߍߖߍ߬ߘߍ ߟߋ߬ ߞߍߣߍ߲߫ ߤߌ߲ߘߍ߬ ߓߌ߬ ߞߐ߬ߟߏ߲ ߣߌ߲߬ ߡߊ߬ ߂߀߂߆ ߞߊ߬ߙߌ߬ߝߐ ߕߟߋ߬ ߇ ߡߊ߬߸ ߛߌߟߊ߫ ߓߊ߫ߙߊ ߡߍ߲ ߕߎ߲߬ ߦߴߌߘߐ߫ ߥߦߊߣߊߘ ߘߎ߱ ߞߣߐ߫߸ ߊ߬ ߞߍߣߍ߲߫ ߦߋ߲߬ ߠߋ߬߸ ߞߋߙߟߊ߫ ߡߊ߬ߙߊ ߘߐ߫߸ ߤߌ߲ߘߌ߬ ߥߙߏ߬ߘߎ߮ ߘߐ߫، ߡߊ߬ߛߎߓߊ ߣߌ߲߬ ߞߍߣߍ߲߫ ߡߋ߯ߣߊߞߑߛ߭ߌ߫ ߛߍ߲ ߘߊߝߍ߬ ߟߋ߬ ߜߐߞߎ߫߸ ߞߵߊ߬ ߛߐ߬ߘߐ߲߬ ߛߊ߲ߖߌ߫ ߘߍ߬ߜߍ ߦߋ߫ ߣߊ߭ ߞߊ߲߬.

ߖߊ߬ߕߋ ߡߍ߲ ߠߎ߬ ߟߐ߲ߣߍ߲߫ ߥߎ߬ߙߊ ߢߌ߲߬ ߠߊ߫ ߡߎߣߎ߲߬߸ ߏ߬ ߟߋ ߡߐ߰ ߟߏ߯ߟߎ߫ ߛߊ߬ ߞߏ ߘߌ߫߸ ߡߍ߲ ߠߎ߬ ߝߊ߲߬ߓߊ ߦߋ߫ ߓߊ߯ߙߊߞߍߟߊ ߟߎ߬ ߘߌ߫߸ ߏ߬ ߟߎ߫ ߟߋ߬ ߓߣߐ߬ߣߴߊ߬ߟߎ߬ ߣߌ ߘߐ߫، ߡߐ߰ ߛߓߊ߬ ߕߎߣߎ߲ߣߍ߲߫ ߡߎߣߎ߲߬߸ ߏ߬ ߟߎ߬ ߦߋߣߍ߲߫ ߕߍ߫ ߝߟߐ߫، ߖߐߞߌߓߌ߯ߕߐ߫ ߛߌߦߊߡߊ߲߫ ߕߊ߬ ߞߊ߬ ߥߴߊ߬ߟߎ߬ ߘߌ߫ ߘߊ߲ߘߊߛߏ ߟߊ߫، ߊ߬ߟߎ߬ ߦߋ߫ ߡߐ߱ ߕߐ߭ ߟߎ߬ ߢߌߣߌ߲ ߞߊ߲߬ ߝߎ߯ߘߌ߫ ߡߎ߮ ߞߘߐ߫.

ߡߞߊ߬ߘߊ߲߬ߠߌ߲߬ߠߊ߫ ߡߐ߰ ߗߡߍ߬ ߦߙߌߞߊ߫ ߟߋ߬ ߓߘߊ߫ ߟߊߓߐ߫ ߊ߬ߟߎ߬ ߓߟߏ߫ ߕߋ߲߬߸ ߡߐ߱ ߟߎ߬ ߢߌߣߌ߲߫ ߞߊ߲ߡߊ߬߸ ߖߡߊ߬ߣߊ ߣߊ߲߬ߕߌ߮ ߟߎ߬ ߝߣߊ߫ ߓߘߊ߫ ߝߊ߬ߙߴߊ߬ߟߎ߫ ߞߊ߲߬߸ ߣߴߊ߬ ߓߍ߲߬ ߘߴߊ߬ ߞߏ ߖߎ߯ߦߊ ߡߊ߬، ߞߊ߬ߕߎ߲߯߸ ߣߊ߲߬ߒ߬ߕߊ߲ ߠߎ߬ ߡߊߞߊ߲ߞߊ߲ ߕߐ߲ߓߟߏߡߊ ߟߎ߬ ߛߌߦߊߡߊ߲߫ ߠߋ߬ ߦߋ߲߬߸ ߞߵߏ߬ ߟߊ߫ ߛߋ߲߬ߠߌ߲߬ ߕߙߏߞߏ ߥߙߍߓߊߓߊ ߞߊ߲߬. ߛߎ ߣߌ߲߬ ߡߎ߰ߡߍ ߓߊ߲ߕߐ߫ ߟߋ߬ ߛߌߛߍ߲߬߸ ߊ߬ߟߎ߬ ߦߋ߫ ߢߌߣߌ߲ߠߌ߲ ߞߊ߲߬.

ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ߟߎ߬ ߓߘߊ߫ ߦߋ߲߬ ߛߌ߰ߓߊ߰ ߈߀ ߠߊߓߐ߫ ߦߋ߲߬ ߡߞߊ߬ߘߊ߲߬ߠߌ߲߬ ߓߟߏ ߡߊ߬߸ ߏ߬ ߟߎ߬ ߓߐߣߍ߲߫ ߟߎ߫ ߂߅ ߖߊ߬ߕߋ߫ ߟߋ߬ ߞߣߐ߫߸ ߏ߬ ߟߎ߬ ߓߘߊ߫ ߟߊߕߊ߯ ߦߙߐ߫ ߘߐ߫ ߡߎߣߎ߲߬߸ ߊ߬ߟߎ߬ ߘߌ߫ ߛߴߊ߬ߟߎ߬ ߡߝߊ߫ ߟߊ߫ ߦߙߐ ߡߍ߲ ߘߐ߫، ߓߊߏ߬߸ ߛߌߞߊ߫ ߞߍߣߍ߲߫ ߞߏ߫ ߘߎ߰ ߜߊߟߊ߲ߞߌ ߡߊ߫ ߓߊ߲߫ ߡߎߣߎ߲߬߸ ߘߏ߫ ߜߘߍ߫ ߘߌ߫ ߛߋ߫ ߞߍ߫ ߟߊ߫، ߞߎ߲߬ߠߊ߬ߛߌ߮ ߞߊ߲߫ ߞߏ߫ ߥߊߟߌߘߊ ߡߍ߲ ߦߋ߫ ߛߌߟߊ߫ ߓߊ߯ߙߊ ߞߊ߲߬ ߦߋ߲߬߸ ߞߏ߫ ߘߎ߱ ߦߙߐ ߡߍ߲ ߠߎ߬ ߟߓߏ߬ߟߓߊ߬ߣߍ߲߫ߟ ߞߏ߫ ߞߵߏ߬ ߟߎ߬ ߟߝߊ߫ ߓߘߍߞߍ߭ ߞߵߊ߬ߟߎ߬ ߖߛߐ߫، ߕߐ߲ߓߟߏߡߊ ߟߎ߬ ߝߣߊ߫ ߓߘߊ߫ ߟߐ߬ ߢߊߢߌߣߌ߲ߠߌ߲ ߠߊ߫߸ ߞߵߊ߬ ߟߐ߲߫߸ ߘߎ߰ ߜߊߟߊ߲ߞߌ ߣߌ߲߬ ߕߐ߮ ߟߊߕߐ߫ ߖߐ߲߫ ߞߎ߲߬، ߡߍ߲ ߣߐ߬ ߓߊ߯ ߞߍ߫ ߊ߬ ߛߓߊߓߎߦߊ߫ ߟߊ߫߸ ߞߵߏ߬ ߟߐ߲߫.