ߘߎ߰ߦߙߍߦߙߍ ߡߍ߲ ߞߍ߫ ߘߊ߫ ߝ߭ߣߋߖ߭ߎߥߋߟߊ߫ ߞߎ߲߬ߢߐ߲߯ ߕߊ߬ߡߌ߲߬ߣߍ߲ ߡߊ߬߸ ߊ߬ ߞߊ߬ߛߙߊ ߦߋ߫ ߕߊ߬ߡߌ߲߬ ߠߊ߫ ߥߙߊ߬ ߟߊ߫ ߟߋ߬ ߕߎ߲߫، ߞߊ߬ߕߎ߲߯߸ ߖ߭ߐߙߗ߭ ߙߏߘߙߌߖߍߖ߭ ߡߍ߲ ߦߋ߫ ߝߊ߬ߛߏ߬ ߜߙߊ ߞߊ߲ߕߌ߮ ߘߌ߫߸ ߏ߬ ߓߘߴߊ߬ ߟߊߛߋ߫ ߞߏ߫ ߡߐ߰ ߁ ߇߁߉ ߟߋ߬ ߓߘߊ߫ ߓߐ߬ߣߐ߫ ߊ߬ ߣߌ ߘߐ߫߸ ߞߵߊ߬ ߛߐ߬ߘߐ߲߬ ߡߐ߰ ߅ ߀߃߄ ߠߋ߬ ߡߊߘߌߡߌ߲ߣߍ߲߫، ߕߙߐߦߊ ߛߋߣߍ߲߫ ߘߋ߲ߓߦߊ ߡߍ߲ ߡߊ߬߸ ߏ߬ ߟߋ ߞߐߙߍ߫ ߁߅ ߈߆߆ ߘߌ߫߸ ߥߊ߬ߥߎߟߋ ߣߌ߲߬ ߣߐ߬ ߏ߬ ߟߎ߫ ߟߋ߬ ߛߐ߬ߘߐ߲߬ ߠߊ߫، ߊ߬ ߝߊ߯ߘߐߞߍ߫ ߞߋߟߋ߲ ߠߋ߬ ߕߋ߲߬߸ ߣߌ߲߬ ߢߐ߲߰ ߡߐ߰ ߝߊ߰ ߘߎ߯ߦߙߍߦߙߍ߫ ߡߊ߫ ߓߋ߬ ߝ߭ߣߋߖ߭ߎߥߋߟߊ߫ ߞߊ߲߬.

ߘߎ߰ߦߙߍߦߙߍ߫ ߝߌ߬ߟߊ ߡߍ߲ ߞߍ߫ ߘߊ߫߸ ߞߋߟߋ߲ ߞߛߊߞߊ ߕߎ߲߬ ߦߋ߫ ߇،߂ ߟߋ߬ ߘߐ߫߸ ߊ߬ ߕߐ߬ ߞߋߟߋ߲ ߦߋ߫ ߇،߅ ߘߐ߫߸ ߏ߬ ߟߋ ߓߋ߬ ߘߊ߫ ߝ߭ߣߋߖ߭ߎߥߋߟߊ߫ ߞߊ߲߬ ߥߊ߬ߛߌ߬ߥߙߊ ߕߋ߬ߟߋ߫ ߂߄ ߡߊ߬، ߤߍ߲߬߸ ߘߎ߰ߦߙߍߦߙߍ ߡߍ߲ ߞߊ߬ߛߙߊ ߝߐ߫ ߞߊ߲߫ ߊߟߎ߫ ߦߋ߫ ߣߌ߲߬߸ ߏ߬ ߡߎ߰ߡߍ ߞߍߟߌ ߞߎ߲߬ߕߊ߮ ߡߊ߫ ߡߌ߬ߛߍ߲߬ ߞߋߟߋ߲ ߓߐ߫ ߓߏ߲߬، ߓߊߏ߬߸ ߝߌߟߊ߲߫ ߃߉ ߞߎ߲߬ߕߊ߮ ߟߋ߬ ߕߌߢߍߟߌ߫ ߣߐ ߦߋ߫ ߕߋ߲߬߸ ߦߙߊߞߎߦߌ߫ ߞߊ߬ߝߏ ߞߣߐ߫߸ ߝ߭ߣߋߖ߭ߎߥߋߟߊ߫ ߞߐ߰ߘߎ߮ ߘߐ߫.

ߕߌߢߍߟߌ ߞߍߣߍ߲߫ ߦߙߐ߫ ߛߌߦߊߡߊ߲߫ ߠߋ߬ ߘߐ߫߸ ߓߏ߲ ߠߎ߬ ߓߋ߬ ߘߊ߫߸ ߞߊ߬ ߕߌߢߍߟߌ ߖߍ߬ߘߍߖߍ߬ߘߍ ߟߊߘߏ߲߬߸ ߞߊ߬ ߘߋ߲ߓߦߊ߫ ߛߌߦߊߡߊ߲߫ ߓߌ߬ߟߊ߬ ߞߣߍߡߊ߬߸ ߟߊ߫ ߦߙߐ߫ ߕߴߊ߬ߟߎ߬ ߓߟߏ߫، ߘߊ߲ߘߊߟߌ߫ ߦߙߐ ߓߍ߯ ߝߊߣߍ߲߫ ߠߋ߬ ߕߋ߲߬، ߞߌߢߍ߲߫ ߜߋߙߋ߲ߜߋߙߋ߲ߧߊ ߛߌ߲߬ߝߏ߲߬ߧߊ߬ߟߌ ߓߘߴߊ߬ ߦߌ߬ߘߊ߬ ߞߏ߫ ߕߙߐߦߊ ߝߣߊ߫ ߣߐ߬ ߘߊ߲ߘߊߛߏ߫ ߛߌߦߊߡߊ߲߫ ߠߋ߬ ߛߐ߬ߘߐ߲߬ ߠߊ߫߸ ߏ߬ ߡߍ߲ ߓߘߊ߫ ߖߐߞߌߓߊ߯ߕߐ ߟߎ߬ ߝߣߊ߫ ߟߊ߫ ߞߏ ߜߟߍ߬ߦߊ߬.

ߞߊ߬ ߓߍ߲߬ ߡߊ߬ߛߎߓߊ ߣߌ߲߬ ߟߊ߲߬ߓߏ߲ ߡߊ߬ ߏ߬ ߘߐ߫߸ ߢߌߣߌ߲ߠߌ߲ߠߊ߫ ߡߞߊ߬ߘߊ߲߬ߠߌ߲߬ߠߊ ߟߎ߬ ߦߴߊ߬ ߞߊ߲߬ ߞߊ߬ ߢߌߣߌ߲ߠߌ߲ ߞߍ߫ ߜߊ߲ߜߘߊ ߞߘߐ߫߸ ߖߡߊ߬ߣߊ߬ߘߋ߲ ߠߎ߬ ߦߋ߫ ߜߊ߬ߟߏ ߕߍߡߊ߬ ߡߎ߬ߕߎ߲߬ ߛߊ߫، ߓߊߏ߬߸ ߊ߬ ߛߏ߰ߟߊ ߥߙߊ߬ߣߍ߲߬ ߞߏߛߓߍ߫.