ߛߌ߲ߡߌ߲ߞߊ߲ ߠߎ߬ ߛߘߊߟߊߟߌ ߞߙߎߝߊ (ߛߛߞ) ߓߘߊ߫ ߟߊ߬ߛߋ߬ߟߌ߬ ߞߟߊߒߞߋ߫ ߞߍ߫ ߞߐ߬ߟߏ߲ ߣߌ߲߬ ߡߊ߬ ߞߐߣߊߞߙߌ߫߸ ߂߀߂߆ ߞߏ߲ߞߏߘߓߌ ߕߋ߬ߟߋ߫ ߂߁ ߡߊ߬߸ ߞߵߊ߬ߟߎ߬ ߟߊ߫ ߛߍߥߊ ߣߴߊ߬ߟߎ߬ ߟߊ߫ ߥߊ߬ߛߊ ߦߌ߬ߘߊ߫ ߞߊ߬ ߓߍ߲߬ ߞߊ߲ߕߌ߯ߘߊ ߟߊ߫ ߟߊ߬ߕߍ߰ߦߊ ߘߏ߫ ߡߊ߬߸ ߡߍ߲ ߦߋ߫ ߞߎߡߊ߫ ߟߊ߫ ߞߊ߲ߕߌ߯ߘߊ ߟߊ߬ߟߐ߲߬ߠߌ߲߬ߠߌ߲ ߗߋߕߌ߯ߘߊ ߛߌ߲߬ߝߏ߲߬ߢߊ߬ ߢߊ ߟߎ߬ ߞߊ߲߬ ߞߊ߲ߕߌ߯ߘߊ ߟߊ߫ ߟߊ߬ߛߋ߬ߟߌ߬ ߞߏ ߟߎ߬ ߘߐ߫، ߊ߬ߟߎ߬ ߞߊ߲߫ ߞߏ߫ ߡߍ߲ ߘߌߦߊߣߴߊ߬ߟߎ߬ ߦߋ߫ ߣߌ߲߬ ߓߍ߯ ߘߌ߫߸ ߊ߬ ߝߐ ߞߏ߫ ߞߊ߬ ߞߊ߲ߕߌ߯ߘߊ ߟߊ߫ ߟߊ߬ߛߋ߬ߟߌ ߟߎ߬ ߣߴߊ߬ ߟߊ߫ ߗߋߛߓߍ ߟߎ߬ ߓߍ߯ ߟߊߛߋ߫ ߝߊ߬ߛߏ߬ ߞߊ߲ ߠߎ߬ ߘߐ߫ ߡߎ߬ߕߎ߲߬߸ ߏ߬ ߦߋ߫ ߘߝߐ߬ߡߊ߬ߓߊ߫ ߟߋ߬ ߘߌ߫߸ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߖߡߊ߬ߣߊ߬ߘߋ߲ ߠߎ߬ ߝߣߊ߫ ߞߍߕߐ߫ ߟߋ߬ ߞߏ ߓߍ߯ ߞߊ߬ߟߊߡߊ߬ ߏ߬ ߘߌ߫.

ߊ߬ߟߎ߬ ߟߊ߫ ߟߊ߬ߛߋ߬ߟߌ ߣߌ߲߬ ߘߐ߫߸ ߛߌ߲ߡߌ߲ߞߊ߲ ߠߎ߬ ߞߐߡߊߓߌ߲ߓߌ߲߫ ߕߐ߲ ߢߌ߲߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ <<ߞߎߟߎ߲ߖߋߟߌ߫ ߡߐ߬ߟߐ߲߬ߡߊ ߦߋ߫ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߯ߘߊ ߦߋ߫߸ ߊ߬ ߕߌ߯ߕߌ߯ ߞߊ߲ߕߌ߯ ߡߊ߬ߓߏ߲߬ߧߊ߬ߕߊ߫ [...] ߡߊ߬ߡߊ߬ߘߌ߬ ߘߎ߲ߓߎߦߊ߫.>> ߞߊ߬ ߓߍ߲߬ ߊ߬ ߟߊ߫ ߂߀߂߆ ߞߏ߲ߞߏߘߓߌ ߕߟߋ߬ ߁߇ ߟߊ߬ߕߍ߰ߦߊ ߘߌ߫߸ ߡߍ߲ ߟߐ߬ߣߍ߲߫ ߞߊ߲ߕߌ߯ߘߊ ߓߌ߬ߟߊ߬ߢߐ߲߰ߡߊ ߛߌ߲߬ߝߏ߲߬ߧߊ ߡߊ߬.

ߊ߬ߟߋ߬ ߘߍ߬ ߞߋߟߋ߲ ߣߌ߲߬ ߞߵߊ߬ ߦߌ߬ߘߊ߬ ߞߏ߫ ߣߌ߲߬ ߞߍߣߍ߲߫ <<ߡߙߌߘߐ߫ ߘߝߐ߬ߡߊ߬ߓߊ߫ ߟߋ߬ ߘߌ߫߸ ߡߍ߲ ߞߍߕߐ߫ ߕߙߎ߬ ߘߌ߫ ߞߊ߬ ߞߊ߲ߕߌ߮ ߟߊ߫ ߗߋߛߓߍ ߟߎ߬ ߘߟߊߡߌ߬ߣߊ߫ ߝߊ߬ߛߏ߬ ߞߊ߲ ߠߎ߬ ߘߐ߫߸ ߞߵߊ߬ߟߎ߬ ߛߓߍ߫ ߝߊ߬ߛߏ ߛߓߍߟߌ ߟߎ߬ ߘߐ߫߸ ߦߏ߫ ߒߞߏ߸ ߊߘߑߟߊߡ߸ ߊ߬ ߣߌ߫ ߘߏ߫ ߜߘߍ߫ ߟߎ߫.>> ߊ߬ߟߎ߬ ߟߊ߫ ߟߊ߬ߛߋ߬ߟߌ߬ ߞߋߟߋ߲ ߣߌ߲߬ ߘߐ߫߸ ߊ߬ߟߎ߬ ߞߊ߲߫ ߞߏ߫ ߡߙߌߘߐ ߣߌ߲߬ ߦߋ߫ <<ߖߡߊ߬ߣߊ ߟߐ߲ߠߌ߲ߦߊ ߣߴߊ߬ ߞߊ߲ ߠߎ߬ ߡߐ߬ߟߐ߲ ߦߌ߬ߘߊ߬ߞߏ߬ ߞߍ߲ߘߍ ߟߋ߬>> ߘߌ߫ ߖߡߊ߬ߣߊ ߞߣߐ߫.

ߛߛߞ ߞߊ߬ ߦߟߌߓߌߟߊߟߌ߫ ߞߟߊߒߞߋ߫ ߞߍ߫ ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫߸ ߞߏ߫ ߛߌ߰ߞߊ߲ ߕߐ߲ߛߋ߲ ߅߲ ߞߣߐ߫ ߞߎߡߊ ߣߙߐ߬ ߢߌߡߊ ߟߋ߬ ߣߌ߲߬ ߓߍ߯ ߘߌ߫، ߊ߬ߟߎ߫ ߘߏ߲߬ ߟߊߣߴߊ߬ ߟߊ߫ ߛߎߋ߫߸ ߊ߬ ߘߌ߫ ߞߍ߫ ߕߙߎ߬ ߘߌ߫ ߞߊ߬ <<ߖߡߊ߬ߣߊ ߝߘߏ߬ߓߊ߬ ߟߌߤߟߊ ߟߎ߬ ߟߊߛߋ ߛߌߟߊ ߟߊߞߊ߬ ߞߊ߲߫ ߘߐ߫߸ ߡߍ߲ ߦߋ߫ ߢߊߦߋ߫ ߟߊ߫ ߓߍ߯ ߟߊߘߍ߬ߣߍ߲ ߓߟߏ߫ ߞߐߘߍ߫.>> ߏ߬ ߟߋ ߘߐ߫߸ ߖߡߊ߬ߣߊ ߡߊ߬ߙߊ ߘߌ߫ ߞߍ߫ ߓߍ߯ ߘߍ߭ ߘߌ߫߸ ߊ߬ ߕߍ߫ ߞߍ߫ ߖߡߊ߬ߣߊ߬ߘߋ߲ ߘߏ߫ ߢߌ߬ߣߊߡߊ߬.

ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߞߊ߲ߕߌ߮ ߟߊ߫ ߡߙߌߦߊ߫ ߛߊߣߌ߲ ߢߌ߲߬ ߕߊ߬ߣߍ߲ ߞߐߝߍ߬߸ ߊ߬ߟߎ߬ ߦߟߌ߫ ߦߋ߫ ߦߟߍ߬ߡߊ߲߬ ߛߌߦߊߡߊ߲߫ ߠߋ߬ ߟߊ߫߸ ߖߡߊ߬ߣߊ ߛߌ߰ ߢߊ ߘߌ߫ ߟߐ߲߫ ߖߡߊ߬ߣߊ߬ߘߋ߲ ߠߎ߬ ߓߟߏ߫߸ ߞߊ߬ ߓߍ߯ ߟߊߞߍ߫ ߓߍ߯ߦߊ ߟߊߕߊ߯ߡߊ߫ ߢߊ߫ ߓߘߍ ߟߎ߫ ߞߊ߬ߟߊߡߊ߬߸ ߞߊ߬ ߝߊ߬ߛߏ߬ ߞߊ߲ ߠߎ߬ ߡߐ߬ߟߐ߲ ߞߘߐߕߊ߬߸ ߞߊ߬ ߞߊ߲ߕߌ߮ ߡߙߌߦߊ ߞߍ߫ ߢߊߦߋ߫ ߝߋ߲ ߘߌ߫.

ߟߊ߬ߓߊ߲ ߘߐ߫߸ ߛߛߞ ߞߵߊ߬ ߦߌ߬ߘߊ߬ ߞߊ߲ߕߌ߮ ߟߊ߫ ߡߙߌߦߊ ߣߌ߲߬ ߦߋ߫ <<ߞߏ߫ ߕߣߐ߬ߡߊ߬ߓߊ߫ ߟߋ߬ ߘߌ߫ ߞߎ߲߬ߠߊ߬ߛߌ߮ ߟߊ߫ ߟߊ߬ߛߋ߬ߟߌ ߟߎ߬ ߘߐ߫߸ ߡߍ߲ ߦߋ߫ ߣߊ߬ ߟߊ߫ ߜߍߦߊ ߘߌ߫ ߞߏ ߟߎ߬ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߖߡߊ߬ߣߊ ߟߊ߫ ߞߏ ߦߋ߫ ߓߍ߯ ߟߋ߬ ߕߊ߫ ߘߌ߫.>> ߊ߬ ߣߴߊ߬ ߦߋ߫ ߕߐ߰ߡߊ߬ߛߙߋ߬ ߢߌߡߊ߫ ߟߋ߬ ߝߣߊ߫ ߘߌ߫߸ ߞߊ߬ ߞߎ߲߬ߠߊ߬ߛߌ߮ ߟߎ߫ ߖߍ߬ߘߍ ߡߊߘߍ߬ߡߍ߲߫ ߊ߬ߟߎ߬ ߟߊ߫ ߓߊ߯ߙߊ ߟߎ߬ ߘߐ߫.