ߥߙߏ߬ߘߎ߰ ߊߝߙߌߞߌ߬ ߞߣߐ߫߸ ߛߌߞߊ߫ ߞߍߣߍ߲߫ ߓߊ߲߬ߓߊ ߘߏ߫ ߟߋ߬ ߡߊ߬ ߞߏ߫ ߊ߬ ߓߘߊ߫ ߗߍ߭ ߘߏ߫ ߘߊߥߎ߲߫، ߒ߬ߓߊ߬߸ ߦߙߍߞߍߟߌ ߟߋ߬ ߛߌ߰ߘߊ߫ ߛߋ߲߬ߠߊ߫ ߓߊ߲߬ߓߊ ߣߌ߲߬ ߡߌ߬ߣߊ߬ ߞߊ߲ߡߊ߬ ߞߐߡߊߕߌ߫ ߞߐ߭ ߞߎ߲߬ߠߊ߫، ߓߊ߸ ߛߌߞߊ߫ ߞߍߣߍ߲߫ ߞߏ߫ ߓߊ߲߬ߓߊ ߞߊ߬ ߡߐ߰ ߘߊߥߎ߲ ߞߍ߫ ߦߋ߲߬ ߠߋ߬.

ߗߍ߭ ߘߏ߫ ߟߋ߬ ߕߎߣߎ߲ߣߍ߲߫߸ ߊ߬ ߦߋ߫ ߞߏߢߊߓߐߟߊ ߟߋ߬ ߘߌ߫߸ ߡߍ߲ ߛߊ߲߬ ߅߉ ߦߋ߫ ߕߋ߲߬߸ ߖߌ߰ߦߊ߬ߓߏ߲ ߘߏ߫ ߕߌ߱ ߟߋ߬ ߦߴߊ߬ ߘߌ߫߸ ߊ߬ ߣߌ߫ ߝߊ߬ߘߌ߬ߡߊ߬ߞߟߏ߬ ߡߌ߲ߓߏ߲ ߘߏ߫߸ ߏ߬ ߦߋ߫ ߞߐߡߊߕߌߔߐߙ ߘߊߝߍ߬ ߟߋ߬، ߂߀߂߆ ߞߏ߲ߞߏߘߓߌ ߟߊߓߊ߲ ߠߋ߬ ߟߊ߫߸ ߛߊ߲ߓߊ ߘߏ߫ ߣߊ߬ ߘߊ߫߸ ߝߏ߫ ߞߊ߬ ߖߌ ߓߐ߫ ߕߌ߲߬ߞߎߘߎ߲ ߏ߬ ߞߣߐ߫ ߦߋ߲߬، ߏ߬ ߟߏ߲ ߠߋ߬ ߛߊ߫߸ ߗߍ߭ ߓߐ߫ ߘߴߊ߬ ߟߊ߫ ߟߎ ߞߣߐ߫ ߞߐ߲߬ߛߏ߫ ߝߐߙߘ ߙߊ߲ߖ߭ߍߙ ߘߏ߫ ߞߣߐ߫߸ ߞߊ߬ ߕߊ߬ߡߌ߲߬ ߛߍ߲ ߘߏ߫ ߞߊ߲߬ ߞߐߡߊߕߌ߫ ߞߐ߭ ߞߎ߲߬ߘߐ߫، ߛߍ߲ ߡߍ߲ ߏ߬ ߘߌ߫߸ ߖߌ ߕߎ߲߬ ߓߘߊ߫ ߟߊ߫ ߏ߬ ߝߣߊ߫ ߟߊ߫߸ ߘߎ߰ߙߋ߲ ߠߎ߬ ߞߏ߬ߣߌ߲ ߕߎ߲߬ ߘߌ߫ ߛߋ߫ ߕߊ߬ߡߌ߲߬ ߠߴߊ߬ ߞߊ߲߬.

ߌߞߏߡߌ߲߬ ߖߌ ߕߎ߲߬ ߓߘߊ߫ ߟߊ߫ ߛߍ߲ ߢߍߡߊ߬ ߢߊ ߏ߬ ߡߊ߬ ߛߊ߫߸ ߞߐ߲߬ߛߏ ߓߙߊ߬ߣߍ߲߫ ߜߊ߬ߟߊ߲߬ߞߌ߬ ߟߊ߫ ߕߋ߲߬ ߠߋ߬߸ ߞߊ߬ ߖߌ߰ ߝߏ߲ߝߊ߲ ߞߣߐ߫، ߕߟߋ߬ ߘߊ߲ߘߐ߫ ߕߊ߬ߡߌ߲ ߞߐߝߍ߬ ߏ߬ ߘߐ߫߸ ߕߐ߲ߓߟߏߡߊ ߟߎ߫ ߞߊ߬ ߞߐ߲߬ߛߏ ߏ߬ ߟߋ ߘߐߞߏߟߏ߲ ߦߋ߫ ߛߍ߲ ߘߊߝߍ߬ ߦߋ߲߬، ߢߊߢߌߣߌ߲ߠߌ߲ߠߊ ߟߎ߬ ߞߵߊ߬ ߖߌ߰ ߞߏ߫ ߗߍ߭ ߖߌ߰ߣߍ߲߫ ߠ߬ߋ ߘߌ߫ ߞߍ߫ ߊ߬ ߖߘߍ߬ ߦߋ߫߸ ߦߊ߬ߣߌ߫ ߖߌ ߦߋ߫ ߦߴߊ߬ ߡߌ߬ߣߊ߬.

ߞߎ߲߬ߢߐ߲߰ ߞߋߟߋ߲߫ ߠߋ߬ ߞߍ߫ ߘߊ߫ ߏ߬ ߘߐ߫ ߛߊ߫߸ ߡߞߊ߬ߘߊ߲߬ߠߌ߲߬ߠߊ ߟߎ߬߸ ߣߊߥߎ߲ߠߌ߲ߠߊ ߟߎ߬߸ ߊ߬ ߣߌ߫ ߕߐ߲ߓߟߏߡߊ ߟߎ߬߸ ߓߍ߯ ߦߋ߫ ߞߐ߭ ߣߌ߲߬ ߝߊ߲߭ ߠߎ߬ ߘߐߞߏ߬ߙߏ߲߬ߞߊߙߊ߲ ߞߊ߲߬߸ ߞߎߟߎ߲ߞߎߟߎ߲ ߠߎ߬ ߟߊ߫߸ ߊ߬ ߣߌ߫ ߣߊ߫ߣߊ߮، ߒ߬ߓߊ߬߸ ߞߊ߬ ߛߊ߲ߡߊߞߎߟߎ߲߫ ߣߊ߯ߣߊ߮ ߕߏ߫ ߛߊ߲ߡߊ߬ ߏ߬ ߘߐ߫߸ ߝߊ߰ߡߊ ߟߎ߫ ߞߊ߬ ߓߊ߲߬ߓߊ߬ ߓߟߋߓߟߋ ߘߏ߫ ߟߊߞߙߐ߬ߛߌ߬߸ ߡߍ߲ ߟߐ߭ ߘߌ߫ ߜߟߊ߬ߜߟߊ߬ ߟߏ߯ߟߎ߫ ߓߐ߫߸ ߊ߬ ߖߌߘߊ߲ ߦߋ߫ ߞߌߘߊ߫ ߅߀߀ ߘߌ߫، ߊ߬ ߞߢߊ߬ߣߍ߲ ߦߴߊ߬ ߣߐ߭ ߘߐ߫ ߦߋ߲߬ ߞߐ߬ ߕߍߡߊ߬، ߊ߬ ߞߣߐ ߕߴߊ߬ ߢߊ ߡߊ߬߸ ߏ߬ ߝߊߣߍ߲߫ ߕߘߍ߬ ߞߵߊ߬ ߝߍ߫ ߊ߬ ߟߊ߫.

ߢߍߡߌߘߊ߫ ߖ߭ߏߤߊ߲ ߔߏߘߌ ߔߏߕߑߖ߭ߌߦߋ߫ ߞߵߊ߬ ߦߌ߬ߘߊ߬߸ ߞߏ߫ ߛߊ߲ߡߊߞߎߟߎ߲ ߠߎ߬ ߕߍ߬ߘߍ߫ ߦߋ߲߬߸ ߞߵߏ߬ ߟߊ߫ ߞߎߟߎ߲ߞߎߟߎ߲ ߏ߬ ߞߊ߲߬߸ ߏ߬ ߟߎ߫ ߡߊ߲߬ߞߊ߲ ߡߊ߫ ߓߊ߲߬ߓߊ ߣߌ߲߬ ߟߐ߬ ߓߐ߫ ߟߴߊ߬ ߣߐ߭ ߘߐ߫ ߝߋߎ߫، ߏ߬ ߟߋ ߞߵߊ߬ ߞߍ߫߸ ߝߊ߰ߡߊ ߟߎ߬ ߝߣߊ߫ ߞߎ߲ߝߊ߲߫ ߘߴߊ߬ ߟߊ߫ ߞߏ ߟߊ߫߸ ߞߏ߫ ߝߏ߫ ߞߵߊ߬ ߟߐ߲߫ ߡߎߣߎ߲߬߸ ߊ߬ ߣߐ ߡߍ߲ ߘߊߥߎ߲߫ ߠߊ߫، ߓߊߏ߬߸ ߏ߬ ߛߎ߮ ߦߴߊ߬ ߛߐ߬ߘߐ߲߬ ߠߊ߫ ߟߋ߬߸ ߊ߬ ߓߘߊ߫ ߝߋ߲߫ ߕߣߐ߬ߡߊ ߘߏ߫ ߘߊߥߎ߲߫ ߝߋߎ߫.

ߏ߬ ߞߍ߸ ߊ߬ߟߎ߬ ߟߊ߫ ߡߐ߰ ߞߋߟߋ߲߫ ߞߵߊ߬ ߛߌ߰ ߊ߬ߟߋ߬ ߓߊ߲߬ߓߊ ߞߎ߲߬ ߞߵߊ߬ ߝߊ߰، ߓߊ߬ߙߌ߬߸ ߊ߬ ߕߊ߬ ߘߴߊ߬ߟߎ߬ ߓߟߏ߫ ߢߊ ߡߍ߲߸ ߏ߬ ߡߊߞߓߊߣߍ߲߫ ߕߘߍ߬ ߞߏߛߓߍ߫، ߞߊ߬ߕߎ߲߯߸ ߓߊ߲߬ߓߊ߬ ߞߋߟߋ߲ ߏ߬ ߕߎ߲߬ ߕߴߦߋ߲߬ ߘߋ߬߸ ߓߊ߲߬ߓߊ߬ ߜߘߍ߫ ߟߎ߫ ߝߣߊ߫ ߕߍ߬ߘߍ߫ ߞߐ߭  ߘߐ߫ ߦߋ߲߬ ߝߋߝߋ߫، ߡߎ߲߬ ߞߍ߫ ߘߊ߫ ߏ߬ ߘߐ߫߸ ߊ߬ߟߎ߫ ߞߊ߬ ߡߐ߰ ߞߋߟߋ߲߫ ߠߋ߬ ߟߊߖߌ߰ ߣߍ߰ߡߟߊߡߟߊ ߡߊ߬߸ ߖߎ߬ߟߎ ߏ߬ ߡߍ߲ ߞߎ߲߭ ߕߘߍ߬ ߛߊ߲ߡߊߞߎߟߎ߲߫ ߣߊ߯ߣߊ߮ ߞߣߐ߫ ߞߊ߬ߣߍ߲߬، ߢߍߡߌߘߊ߫ ߔߏߕߑߖ߭ߌߦߕߋ߫ ߖߌ߰ ߢߊ ߟߋ߬ ߞߍߣߴߏ߬ ߘߌ߫ ߖߎ߬ߟߎ ߡߊ߬ ߖߌ ߞߎ߲߬ߠߊ߫߸ ߞߊ߬ ߓߊ߲߬ߓߊ ߣߌ߲߬ ߛߌ߬ߘߌ߫ ߖߎ߬ߟߎ ߟߊ߫߸ ߞߣߊ߬ߕߏ߫ ߦߟߍ߬ ߟߊ߫.

ߊ߬ ߡߌ߬ߣߊ ߞߐ ߟߋ߬ ߘߐ߫߸ ߓߊ߲߬ߓߊ ߕߊ߬ ߘߴߊ߬ߟߎ߬ ߓߟߏ߫ ߞߊ߬ ߥߴߊ߬ ߘߌ߫߸ ߞߏ߫ ߝߏ߫ ߞߵߊ߬ ߟߊ߫ ߞߏ ߢߊߢߌߣߌ߲߫ ߞߵߊ߬ ߟߐ߲߫ ߣߴߊ߬ߟߋ ߟߋ߬ ߣߐ߬ ߗߍ߭ ߘߊߥߎ߲߫ ߠߊ߫، ߏ߬ ߞߍ߸ ߊ߬ߟߎ߫ ߞߊ߬ ߓߊ߲߬ߓߊ ߣߌ߲߬ ߞߣߐ ߟߊߕߋ߬߸ ߊ߬ߟߎ߫ ߞߵߊ߬ ߛߐ߬ߘߐ߲߬ ߡߐ߰ ߛߓߏ߬ ߕߐ ߘߏ߫ ߟߎ߫ ߦߴߊ߬ ߞߣߐ߫߸ ߓߟߏ߫ ߝߌ߬ߟߊ߬߸ ߊ߬ ߣߌ߫ ߓߙߊߛߊ߫ ߞߟߏ ߘߏ߫ ߟߎ߫߸ ߏ߬ ߟߎ߬ ߦߋ߫ ߘߴߊ߬ ߞߣߐ߫، ߞߊ߬ߕߎ߲߯߸ ߓߟߏ߫ ߟߊ߫ ߞߐߦߌߣߊ߲ ߘߏ߫ ߝߣߊ߫ ߦߋ߫ ߘߴߊ߬ ߞߣߐ߫߸ ߏ߬ ߦߋ߫ ߗߍ߬ ߕߎߣߎ߲ߓߊ߯ߕߐ ߏ߬ ߕߊ ߟߋ߬ ߘߌ߫߸ ߏ߬ ߦߋ߫ ߘߊ߫ ߓߟߏߞߏ߬ߦߋ߬ߣߍ߲ ߘߏ߫ ߟߴߊ߬ ߞߣߐ߫ ߦߋ߲߬.

ߊ߬ߟߎ߬ ߓߊ߲߫ ߘߊ߫ ߌߞߐ߫߸ ߞߊ߬ ߗߍߕߦߊߟߐ߲ߘߐߦߊ ߡߊ߬ߝߟߍ߬ߟߌ ߞߍ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߗߍ߭ ߡߍ߲ ߢߌߣߌ߲ ߦߴߌߘߐ߫߸ ߏ߬ ߟߋ ߦߋ߫ ߛߎߋ߫.

ߢߊߢߌߣߌ߲ߠߌ߲ ߠߎ߬ ߞߐߝߟߌ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߛߊ߬ߡߘߊ߬ ߛߌߦߊߡߊ߲߫ ߕߍ߬ߘߍ߫ ߓߊ߲߬ߓߊ ߣߌ߲߬ ߝߎ߬ߘߎ ߘߐ߫، ߏ߬ ߝߣߊ߫ ߕߊ߬ߡߌ߲߬ ߘߊ߫ ߕߐ߲ߓߟߏߡߊ ߟߎ߬ ߟߐ߬ ߟߊ߫ ߢߊߢߌߣߌ߲ߠߌ߲ ߞߣߐ ߘߐߘߎ߲߬ߧߊ߬ ߟߊ߫ ߓߘߍߞߍ߭߸ ߞߵߊ߬ ߟߐ߲߫ ߣߌ߫ ߓߊ߲߬ߓߊ ߣߌ߲߬ ߣߐ߬ ߞߊ߫ ߘߊ߫ ߡߐ߰ ߜߘߍ߫ ߟߎ߫ ߝߣߊ߫ ߘߊߥߎ߲߫ ߠߊ߫ ߝߊ߲߬ߞߣߐ ߏ߬ ߟߎ߬ ߘߐ߫ ߦߋ߲߬.

ߥߙߏ߬ߘߎ߰ ߊߝߙߌߞߌ߬ ߕߐ߲ߓߟߏߡߊ ߟߎ߬ ߞߊ߬ ߢߍߡߌߘߊ߫ ߔߐߕߑߖ߭ߌߦߕߋ߫ ߝߏ߬ ߊ߬ ߟߊ߫ ߞߟߊߓߎ ߟߊ߫߸ ߊ߬ߟߋ ߡߍ߲ ߞߵߊ߬ ߣߌ ߘߌ߫ ߞߊ߬ ߖߌ߰ ߖߎ߬ߟߎ ߡߊ߬߸ ߞߊ߬ ߥߊ߫ ߓߊ߲߬ߓߊ ߣߌ߲߬ ߞߍ߫ ߖߎ߬ߟߎ ߘߐ߫.