ߌ ߞߍ ߛߙߍߘߍ߫ ߢߍߟߐ ߘߌ߫ ߞߊ߬ߝߏ߬ߙߋ߲߬ ߢߣߊߕߊߟߌ ߣߌ߲߬ ߘߐ߫߸ ߏ߬ ߕߍ߫ ߡߐ߰ ߞߍ߫ ߟߊ߫ ߞߊ߬ߝߏ߬ߙߋ߲߬ߕߌ߮ ߘߌ߫ ߘߋ߬، ߏ߬ ߟߋ ߦߟߌߓߌߟߊߟߌ ߞߍߣߍ߲߫ ߖߋߣߊߓߎ߬ ߕߎ߬ߙߋ ߓߟߏ߫߸ ߊ߬ߟߋ ߡߍ߲ ߦߋ߫ ߢߣߊߕߊߟߌ ߝߘߏ߬ߓߊ߬ ߗߋߕߌ߮ ߘߌ߫، ߓߊߏ߬߸ ߢߌ߬ߣߌ߲߬ߞߊ߬ߟߌ ߕߎ߲߬ ߓߘߊ߫ ߛߌߦߊߦߊ߫ ߘߊߞߎ߲ ߏ߬ ߞߊ߲߬ ߞߏߛߓߍ߫.

ߊ߬ ߞߊ߬ ߘߐ߬ߞߣߍ߬ߟߌ߬ ߖߐ߲ߖߐ߲߫ ߞߍ߫ ߊ߬ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߊ߬ ߝߕߐ߫ ߡߐ߰ ߛߌ߫ ߡߊ߬ ߣߌ߲߬ ߞߏ߫ ߛߙߍߘߍ߫ ߢߍߟߐ߸ ߣߴߊ߬ߟߎ߬ ߛߎߘߊ߲ߣߍ߲߫ ߢߣߊߕߊߟߌ ߘߐ߫߸ ߏ߬ ߕߍ߫ ߡߐ߰ ߞߍ߫ ߟߊ߫ ߞߊ߬ߝߏ߬ߙߋ߲߬ߕߌ߮ ߘߌ߫ ߘߋ߬، ߢߣߊߕߊߟߌ߫ ߜߘߍ߫ ߦߋ߫ ߦߋ߲߬ ߡߎߣߎ߲߬߸ ߞߏߟߊߓߍ߯ ߜߊ߲߰ߛߊ߲ ߠߵߏ߬ ߞߍ߫ ߟߴߊ߬ߟߎ߬ ߣߌ߫ ߢߐ߲߯ ߕߍ߫߸ ߞߊ߬ߝߏ߬ߙߋ߲߬ߕߌ߮ ߦߋ߫ ߓߐ߫ ߟߊ߫ ߦߋ߲߬ ߠߋ߬ ߛߊ߫.

<<ߊ߬ ߕߍ߫ ߘߋ߬߸ ߞߏ߫ ߓߊ ߌߟߋ ߦߋ߫ ߛߙߍߘߍ߫ ߢߍߟߐ ߟߋ߬ ߘߌ߫߸ ߞߏ߫ ߌ ߞߍߣߍ߲ ߓߍ߯ ߟߋ߬ ߞߊ߬ߝߏ߬ߙߋ߲߬ߕߌ߮ ߘߌ߫ ߏ߬ ߘߌ߫، ߝߏ߫ ߡߐ߱ ߟߎ߬ ߦߴߏ߬ ߟߐ߲߫ ߠߋ߬، ߓߊߏ߬߸ ߊ߬ ߛߎ߮ ߟߋ߬ ߞߍ߫ ߘߊ߫ ߛߊߓߎ߫ ߘߌ߫ ߞߊ߬ ߞߊ߬ߛߙߊ ߟߊߛߋ߫ ߡߐ߱ ߟߎ߫ ߡߊ߬ ߂߀߁߈ ߞߊ߬ߝߏ߬ߙߋ߲߬ ߢߣߊߕߊߟߌ ߝߍ߬.>> ߊ߬ ߞߵߏ߬ ߦߟߌߓߌߟߊߟߌ ߞߍ߫߸ ߞߊ߬ ߡߊ߬ߡߌ߬ߣߊ߬ߟߌ߬ߟߊ ߟߎ߬ ߣߴߊ߬ߟߎ߬ ߞߐߓߌߟߊߘߋ߲ ߠߎ߬  ߞߟߌ߫ ߡߊ߬ߝߊ ߣߌ߫ ߖߘߍ߬ߘߐ߬ߡߌߣߊ ߡߊ߬.

ߝߘߏ߬ߓߊ߬ ߗߋߕߌ߮ ߣߌ߲߬ ߞߊ߲߫ ߌߞߐ߫߸ ߞߏ߫ ߞߊ߬ ߛߐ߰ ߛߍߥߊ ߡߊ߬ ߦߋ߲߬ ߕߋ߲߬߸ ߥߟߊ߫ ߞߵߌ ߖߘߍ߬ ߞߍ߫ ߞߊ߬ߝߏ߬ߙߋ߲߬ߕߌ߮ ߘߌ߫߸ ߊ߬ ߢߊ߫ ߕߴߏ߬ ߘߌ߫ ߘߋ߬، ߊ߬ ߞߊ߲߫ ߠߋ߬ ߞߏ߫ ߡߊ߬ߡߌ߬ߣߊ߬ߟߌ߬ߟߊ߬ ߝߏߦߌ߬ ߕߴߦߋ߲߬ ߡߎߣߎ߲߬߸ ߡߍ߲ ߓߘߊ߫ ߞߍ߫ ߞߊ߬ߝߏ߬ߙߋ߲߬ߕߌ߮ ߘߌ߫߸ ߝߏ߫ ߊ߬ߟߎ߫ ߜߊ߲߰ߛߊ߲ ߓߊ߯ ߓߊ߲߫ ߛߎߥߊ߲ߘߟߌ ߟߴߊ߬ߟߎ߬ ߣߌ߫ ߢߐ߲߯ ߕߍ߫ ߕߎ߬ߡߊ ߡߍ߲ ߠߊ߫ ߖߐ߫߸ ߦߏ߫ ߛߊ߬ߙߌ߬ߦߊ߫ ߞߵߊ߬ ߝߐ߫ ߢߊ ߡߍ߲ ߡߊ߬.

ߖߋߣߊߓߎ߬ ߕߎ߬ߙߋ ߞߊ߲߫ ߞߏ߫: <<ߡߊ߬ߡߌ߬ߣߊ߬ߟߌ߬ߟߊ ߡߍ߲ ߦߋ߫ ߛߙߍߘߍ߫ ߢߍߟߐ ߘߌ߫߸ ߥߟߊ߫ ߡߍ߲ ߛߎߘߊ߲ߣߍ߲߫ ߓߊߞߍ߬ ߦߙߐ ߘߏ߫ ߘߐ߫߸ ߏ߬ ߦߴߊ߬ ߛߌ߰ ߊ߬ ߟߊ߫ ߞߐ߲߬ߛߏ ߞߣߐ߫ ߕߋ߲߬߸ ߞߊ߬ ߓߐ߫ ߛߌߟߊ ߞߊ߲߬ ߞߏ߫: "ߒ ߓߘߊ߫ ߛߎߘߊ߲߫߸ ߒߠߋ ߟߋ߬ ߞߍߣߍ߲߫ ߞߊ߬ߝߏ߬ߙߋ߲߬ߕߌ߮ ߘߌ߫" ߞߊ߯ߙߌ߫߸ ߌ ߦߋ߫ ߛߙߍߘߍ ߟߋ߬ ߢߍߝߍ߬ (ߌ ߟߊ߫ ߖߊ߬ߡߊ)߸ ߓߊ߬ߙߵߌ ߡߊ߫ ߞߍ߫ ߞߊ߬ߝߏ߬ߙߋ߲ ߏ߬ ߞߊ߬ߝߏ߬ߙߋ߲߬ߕߌ߯ ߘߌ߫ ߡߎߣߎ߲߬ ߘߋ߬.>> ߊ߬ ߞߵߏ߬ ߝߐ߫ ߞߵߊ߬ ߟߊߕߍ߰.

ߊ߬ ߞߊ߲߫ ߞߏ߫ ߞߊ߬ߝߏ߬ߙߋ߲߬ߕߌ߮ ߦߋ߫ ߛߎߥߊ߲ߘߌ߫ ߟߊ߫ ߞߊ߬ߝߏ߬ߙߋ߲ ߞߏߟߊߕߍ߮ ߟߎ߫ ߟߋ߬ ߓߟߏ߫߸ ߡߍ߲ ߦߙߌߞߊ ߓߐߣߍ߲߫ ߢߐ߲߮ ߡߊ߬ ߞߊ߬ ߓߍ߲߬ ߛߏ ߛߌ߰ߓߊ߮ ߟߎ߬ ߦߙߌߞߊ ߡߊ߬، ߓߊߏ߬߸ ߞߊ߬ߝߏ߬ߙߋ߲߬ ߞߋߟߋ߲ ߘߌ߫ ߛߋ߫ ߞߏߟߊߕߍ߯ ߁߇ ߤߊ߲߯ ߄߅ ߛߐ߬ߘߐ߲߬ ߠߊ߫، ߒ߬ߓߊ߬߸ ߏ߬ ߟߎ߫ ߟߋ߬ ߞߍߕߐ߫ ߊ߬ߟߎ߬ ߢߣߊ ߟߊߛߌ߰ ߟߊ߫ ߡߎ߬ߕߎ߲߬ ߛߊ߫߸ ߞߵߏ߬ ߞߍ߫ ߞߊ߬ߝߏ߬ߙߋ߲߬ߕߌ߮ ߘߌ߫.

<<ߓߏ߲ߞߣߐ߫ ߢߣߊߕߊߟߌ߫ ߜߘߍ߫ ߟߋ߬ ߞߍߕߐ߫߸ ߣߌ߫ ߞߏߟߊߕߍ߮ ߟߎ߬ ߓߊ߲߫ ߘߊ߫ ߟߊߛߌ߰ ߟߊ߫ ߕߎ߬ߡߊ ߡߍ߲ ߠߊ߫، ߏ߬ ߘߐ߫߸ ߛߙߍߘߍ߫ ߢߍߟߐ ߘߌ߫ ߛߋ߫ ߘߊ߬ߘߌ߬ ߟߊ߫ ߓߏ߲ߞߣߐ߫ ߢߣߊߕߊߟߌ ߏ߬ ߘߐ߫ ߘߋ߬߸ ߞߊ߬ ߡߐ߰ ߜߘߍ߫ ߟߊߛߌ߰.>> ߊ߬ ߞߵߏ߬ ߝߐ߫ ߞߵߊ߬ ߟߊߕߍ߰.

ߛߊ߫ ߡߐ߱ ߟߎ߬ ߘߌ߫ ߣߌ߲߬ ߢߊߦߋ߫ ߢߊ ߡߍ߲ ߞߊ߲߬߸ ߖߋߣߊߓߎ߬ ߕߎ߬ߙߋ ߞߊ߲߫ ߞߏ߫ ߣߌ߲߬ ߦߋ߫ ߟߋ߬ ߦߏ߫ ߖߊ߰ߟߋ߬ ߝߌߟߊߣߊ߲߸ ߡߍ߲ ߦߋ߫ ߞߍ߫ ߟߊ߫ ߓߏ߲ ߞߣߐ߫߸ ߛߏ߫ ߞߣߐ߫ ߡߐ߮ ߟߎ߬ ߕߊ߫ ߕߴߏ߬ ߘߐ߫߸ ߞߊ߬ߝߏ߬ߙߋ߲ ߞߏߟߊߕߍ߮ ߟߎ߬ ߘߐߙߐ߲߫ ߘߎ߲߬ߘߎ߬ߡߊ ߟߵߏ߬ ߘߌ߫، ߊ߬ߟߋ ߘߐ߫߸ ߡߐ߰ ߛߌߦߊߡߊ߲߫ ߘߌ߫ ߛߋ߫ ߞߍ߫ ߟߴߊ߬ ߡߊ߬ߡߌ߬ߣߊ߬ߟߌ߬ߟߊ ߘߌ߫߸ ߤߊߟߌ߬ ߣߌ߫ ߞߊ߬ ߛߐ߬ߘߐ߲߬ ߞߏ߫ ߘߏ߫ ߦߴߊ߬ߟߎ߬ ߘߐ߫ ߦߋ߲߬߸ ߡߍ߲ ߣߴߊ߬ ߟߊ߫ ߛߙߍߘߍ߫ ߢߍߟߐ ߣߊ߬ߣߍ߲߬.

ߊ߬ ߞߵߊ߬ ߦߌ߬ߘߊ߫ ߏ߬ ߟߋ ߘߐ߫߸ ߞߏ߫: <<ߣߌ߫ ߞߏߟߊߕߍ߯ ߡߐ߰ ߄߅ ߓߍ߯ ߞߵߌߟߋ ߛߎߥߊ߲ߘߌ߫߸ ߏ߬ ߞߊ߫ ߢߌ߲߬ ߞߍ߬، ߣߴߌ ߞߋߟߋ߲߫ ߞߍ߫ ߘߊ߫ ߡߊ߬ߡߌ߬ߣߊ߬ߟߌ߬ߟߊ ߘߌ߫߸ ߏ߬ ߝߣߊ߫ ߞߊ߫ ߢߌ߲߬ ߞߍ߰، ߓߊ߬ߙߌ߬߸ ߝߏ߫ ߡߐ߰ ߛߓߊ߬ ߜߘߍ߫ ߟߋ߬ ߣߴߌߟߋ ߦߋ߫ ߘߍ߬ ߖߐ߫߸ ߞߊ߬ ߛߎߥߊ߲ߘߟߌ ߣߌ߲߬ ߞߍ߫، ߒ ߧߴߊ߬ ߝߐ߫ ߟߊ߫ ߏ߬ ߟߋ ߡߊ߬ ߛߐ߲߬ ߞߘߊߎ߫߸ ߒ ߞߏ߫ "ߖߊ߰ߟߋ߬ ߝߌߟߊߣߊ߲"، ߏ߬ ߦߋ߫ ߞߍ߫ ߟߊ߫ ߞߏߟߊߕߍ߯ ߛߎߥߊ߲ߘߌߣߍ߲ ߠߎ߬ ߟߋ߬ ߓߟߏ߫.>> ߊ߬ ߞߵߏ߬ ߝߣߊ߫ ߢߊߝߐ߫.

ߢߊߝߐߟߌ ߢߌ߲߬ ߠߋ߬ ߦߋ߫ ߣߊ߬ ߟߊ߫ ߞߟߊߦߊ ߓߐ߫ ߟߊ߫ ߝߌ߬ߘߌ ߘߐ߫߸ ߞߊ߬ ߓߍ߯ ߖߊ߲߭ߓߌ߬ߟߊ߬߸ ߞߏ߫ ߡߊ߲߬ߞߊ߲߬ ߘߐ߫ ߞߏ߫ ߕߍ߫ ߡߎߣߎ߲߬، ߖߡߊ߬ߣߊ߬ߘߋ߲ ߠߎ߬ ߓߘߊ߫ ߓߊ߲߫ ߊ߬ߟߎ߬ ߕߊ ߟߊ߫߸ ߊ߬ ߕߐ߭ ߓߘߊ߫ ߕߏ߫ ߞߏߟߊߕߍ߮ ߟߎ߫ ߜߊ߲߰ߛߊ߲ ߠߋ߬ ߡߊ߬ ߛߍߣߍ߲߬، ߏ߬ ߘߐ߫߸ ߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߞߵߊ߬ ߞߊ߲ߠߊߘߌ߫ ߓߍ߯ ߡߊ߬߸ ߞߏ߫ ߓߍ߯ ߦߋ߫ ߕߏ߫ ߞߎߡߊ ߣߌ߲߬ ߞߐߝߍ߬߸ ߡߐ߰ ߞߊߣߵߊ߬ ߝߐ߫ ߊ߬ ߖߍ߬ߘߍ߫ ߡߊ߬ ߡߎߣߎ߲߬ ߞߏ߫ ߞߊ߬ߝߏ߬ߙߋ߲߬ߕߌ߮߸ ߝߊ߬ߣߌ߫ ߢߣߊߕߊߟߌ ߡߊ߫ ߞߍ߫ ߞߵߌ ߟߊߛߌ߰ ߞߏߟߊߕߍ߮ ߕߐ߭ ߟߎ߬ ߟߊ߫ ߛߎߥߊ߲ߘߟߌ ߟߊ߫.