ߢߍߕߍ߮ ߣߌ߫ ߢߊߞߎߘߦߊߟߌ ߢߌ߲߬ߧߊ (ߢ߃) ߟߊ߫ ߛߙߍߘߍ߫ ߢߍߟߐ ߓߊߛߓߊ߬ߕߌ߫ ߛߘߌ߬ߓߋ߫ ߞߵߊ߬ ߟߊ߫ ߓߙߊߡߊߖߊ߲ߓߊ߲ ߘߊߡߌ߬ߣߊ߫ ߞߐ߬ߓߊ߬ߟߏ߲ ߣߌ߲߬ ߡߊ߬ ߂߀߂߆ ߘߓߊ߬ߕߊ ߕߟߋ߬ ߁߁ ߡߊ߬ ߞߊ߲ߞߊ߲߫ ߞߣߐ߫߸ ߘߓߊ߬ߕߊ ߕߟߋ߬ ߃߁ ߣߊ߬ߕߐ ߢߣߊߕߊߟߌ ߢߊߞߘߐߟߊ ߣߌ߲߬ ߘߐ߫.

ߓߙߊߡߊߖߊ߲ߓߊ߲ ߟߏ߲߫ ߝߟߐ ߣߌ߲߬ ߘߐ߫߸ ߡߊ߬ߡߌ߬ߣߊ߬ߟߌ߬ߟߊ ߣߴߊ߬ ߟߊ߫ ߛߙߍߘߍ ߛߐ߰ ߘߊ߫ ߕߊ߯ߡߊ ߟߋ߬ ߡߊ߬ ߡߐ߰ߓߊ ߟߎ߫ ߕߍ߰ߟߊ߫ ߝߏ߬ߟߌ ߣߌ߫ ߓߏ߲߬ߧߊ߬ ߘߏ߲߬ߒ߬ߘߐ ߟߊ߫ ߛߏ ߞߣߐ߫߸ ߡߊ߲߬ߘߋ߲߬ ߓߏߟߏ߲ ߝߍ߬߸ ߛߏߕߌ߯ ߗߍߡߐ߮ ߟߊ߫ ߓߏ߬ߟߏ߲ ߠߊ߫߸ ߛߙߋ߬ߝߎ߬ߟߊ߫ ߡߐ߰ߓߊ ߟߎ߫ ߝߍ߬߸ ߥߎߟߘߊ ߡߐ߰ߓߊ ߟߎ߫ ߝߍ߬߸ ߊ߬ ߣߌ߫ ߛߏ ߘߌ߲߬ߞߌ߬ߙߊ߬ ߛߌߦߊߡߊ߲߫ ߜߘߍ߫ ߟߎ߫.

<<ߊ߲ ߠߊ߫ ߕߊ߯ߡߊ ߣߌ߲߬ ߞߎ߲߭ ߕߎ߲߬ ߦߋ߫ ߡߐ߰ߓߊ ߟߎ߬ ߝߏ߬ ߟߋ߬ ߘߌ߫߸ ߊ߬ ߣߌ߫ ߊ߬ߟߎ߫ ߦߋ߫ ߘߌ߬ߢߍ߫ ߞߊ߬ ߛߌߟߊ ߘߴߊ߲ ߡߊ߬.>> ߓߊߛߓߊ߬ߕߌ߫ ߛߘߌ߬ߓߋ߫ ߟߋ߬ ߞߊ߲߫ ߕߋ߲߬߸ ߞߵߊ߬ ߦߌ߬ߘߊ߬ ߝߣߊ߫ ߞߏ߫: <<ߊ߲ ߣߊ߬ߕߐ߫ ߛߍ߬ߘߏ߲ ߡߍ߲ ߡߊ߬߸ ߣߴߊ߬ ߦߋ߫ ߞߊ߲ߞߊ߲߫ ߛߏߕߌ߯ߦߊ߫ ߢߌߣߌ߲ ߛߍ߬ߘߏ߲ ߘߌ߫߸ ߞߵߏ߬ ߛߌߟߊ ߢߌߣߌ߲߫ ߡߐ߰ߓߊ ߟߎ߫ ߝߍ߬߸ ߓߊߏ߬߸ ߌ ߓߊ߯ ߞߍ߫ ߞߏ߫-ߏ-ߞߏ߬ ߟߊ߫߸ ߣߌ߫ ߡߐ߰ߓߊ ߟߎ߬ ߡߴߌ ߓߌ߬ߟߊ߬ ߝߏ߫ ߦߴߌ ߛߊ߬ߙߊ߫ ߟߋ߬ ߊ߬ߟߎ߬ ߟߊ߫ [...] ߞߵߊ߬ߟߎ߫ ߓߏ߲߬ߧߊ ߘߏ߲߬ ߊ߬ ߘߐ߫.>>

ߡߊ߬ߡߌ߬ߘߊ߬ߟߌ߬ߟߊ ߞߵߊ߬ ߢߌߣߌ߲ߞߏ ߟߎ߬ ߢߊߝߐ߫߸ ߏ߬ ߡߍ߲ ߓߎ߲ߓߎ߲ߣߍ߲߫ <<ߞߊ߲ߞߊ߲߫ ߠߊߥߙߎߞߌ ߡߊ߬ ߞߊ߲ߞߊ߲ߞߊߘߋ߲ ߠߎ߫ ߖߍ߬ߘߍ ߓߟߏ߫>> ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߛߊ߲߬ ߦߙߌߞߊ ߟߋ߬ ߘߍ߬ߘߐ߬ߞߏ ߟߎ߬ ߘߐ߫ ߕߋ߲߬߸ ߟߞߊ߬ߙߊ߲߬ߠߌ߲ ߡߊ߬ߘߎ߮ ߘߐ߫߸ ߛߊߣߌ߲ߧߊ ߡߊ߬ߘߎ߮ ߘߐ߫߸ ߖߛߎ߬ߛߎߡߊ ߣߌ߫ ߓߟߏ߫ ߘߏ߲߫ ߢߐ߲߰ ߓߟߏ ߟߊߛߓߊ߬ߕߌ ߡߊ߬ߘߎ߮ ߘߐ߫߸ ߊ߬ ߣߌ߫ ߝߊ߬ߛߏ߬ ߞߊ߲ ߠߎ߬ ߛߊ߲ߞߘߐߕߊ߭ ߡߊ߬ߘߎ߮ ߘߐ߫. ߊ߬ ߞߵߊ߬ ߦߌ߬ߘߊ߬ ߞߏ߫ <<ߞߍߞߌߦߊ߫ ߛߌߦߊߡߊ߲ߓߊ ߟߋ߬ ߊ߲ ߓߟߏ߫ ߞߵߊ߬ ߓߍ߲߬ ߞߊ߲ߞߊ߲߫ ߞߊ߬ߝߏ߬ߙߋ߲ ߠߊߥߙߎߞߌ߫ ߞߏ ߡߊ߬.>> ߞߵߊ߬ ߟߴߊ߬ ߞߊ߲߬ ߞߏ߫ ߊ߬ ߓߘߊ߫ ߞߏߟߊߘߍߢߐ߲߯ߦߊ ߢߌߣߌ߲߫ ߞߐߞߊ߲߫ ߞߊߝߏߙߋ߲ ߘߏ߫ ߟߎ߫ ߝߍ߬߸ ߣߌߦߐߙߞ ߞߣߐ߫߸ ߊ߬ ߣߌ߫ ߓߐ߬ߓߐߖߎ߬ߟߊ߬ߛߏ߫߸ ߛߊ߫ ߓߊ߯ߙߊߢߐ߲߯ߦߊ ߘߌ߫ ߘߏ߲߬ ߊ߬ߟߎ߬ ߣߌ߫ ߏ߬ ߟߎ߬ ߕߍ߫ ߢߊ ߡߍ߲߸ ߞߊ߬ߝߏ߬ߙߋ߲ ߢߍߟߐߦߊ ߛߐ߬ߘߐ߲ ߞߐߝߍ߬.

ߊ߬ߟߎ߬ ߛߋ ߡߊ߲߬ߘߋ߲߬ ߓߏߟߏ߲ ߠߊ߫߸ ߡߐ߰ߓߊ ߟߎ߫ ߞߊ߬ ߡߊ߬ߡߌ߬ߘߊ߬ߟߌ߬ߟߊ ߕߊ߲߬ߘߏ߬߸ <<ߣߴߊߟߎ߫ ߞߵߊߟߎ߫ ߓߌ߬ߟߊ߬ ߢߐ߲߯ ߞߐ߫ ߞߊ߬ ߣߵߊ߲ ߛߐ߬ߘߐ߲߫ ߦߊ߲߬߸ ߊ߲ ߘߴߊ߬ ߦߌ߬ߘߴߊߟߎ߫ ߟߊ߫ ߞߏ߫ ߊ߲ ߛߍߥߊߣߍ߲߫ ߠߋ߬، [...] ߊߟߎ߫ ߓߘߊ߫ ߣߊ߬ ߡߐ߰ ߦߌ߬ߘߊ߬ߕߊ ߦߌ߬ߘߴߊ߲ ߠߊ߫ ߘߋ߬، ߘߋ߲ ߡߍ߲ ߛߌ߰ߣߍ߲߫ ߣߌ߲߬߸ ߊ߬ ߖߍ߬ߘߍ ߕߍ߫ ߞߍ߬ߟߍ߫ ߝߍ߬.>> ߡߐ߰ߓߊ ߞߵߏ߬ ߦߌ߬ߘߊ߬߸ ߞߊ߬ ߓߊ߲߫ ߞߵߊ߬ ߝߐ߫ ߞߏ߫ ߊ߬ߟߎ߬ ߟߊ߫ ߞߐߡߊߓߌ߲ߓߌ߲ߠߌ߲ ߦߴߊ߬ ߦߋ߫ ߕߎ߬ߡߊ߬ ߓߍ߯.

ߓߙߊߡߊߖߊ߲ ߖߊ߬ߟߐ ߘߊߡߌ߬ߣߊ߬ߣߍ߲߫ ߓߊߛߓߊ߬ߕߌ߫ ߛߘߌ߬ߓߋ߬ ߣߴߊ߬ ߟߊ߫ ߖߊ߬ߡߊ ߓߟߏ߫ ߘߎ߬ߥߊ߬ߥߎ߬ ߢߌߣߌ߲ ߠߋ߬ ߟߊ߫߸ ߞߵߏ߬ ߞߍ߫ ߖߡߊ߬ ߟߊ߬ߘߍ ߕߐ߰ߡߊ߬ߛߙߋ ߘߌ߫߸ ߖߐ ߕߐ߰ߡߊ߬ߛߙߋ ߘߌ߫߸ ߛߏ ߟߊߥߙߎߞߌ ߕߐ߰ߡߊ߬ߛߙߋ ߘߌ߫ ߖߛߎ߬ߛߎߡߊ ߞߣߐ߫.