ߢ߃ ߞߙߎߞߊ ߛߙߍߘߍ߫ ߢߍߟߐ ߣߌ߫ ߡߊ߬ߡߌ߬ߘߊ߬ߟߌ߬ߟߊ ߞߊ߲ߞߊ߲߫ ߞߊ߬ߝߏ߬ߙߋ߲߬ ߛߎߥߊ߲ߘߟߌ߫ ߣߊ߬ߕߐ ߘߐ߫߸ ߓߊߛߓߊ߬ߕߌ߫ ߛߘߌ߬ߓߋ߬ ߓߘߊ߫ ߞߟߌߟߌ ߞߍ߫ ߖߡߊ߬ ߟߊ߬ߓߐ߫ ߘߍ߬ߜߍ߫ ߡߵߊ߬ ߟߊ߫ ߝߍߛߑߓߎߞ ߖߊ߬ߕߋ߬ߘߊ ߟߊ߫߸ ߞߵߊ߬ ߞߊ߲ߠߊߘߌ߫ ߊ߬ ߞߐߡߊߓߌ߲ߓߌ߲ߓߊ߮ ߟߎ߫ ߡߊ߬߸ ߊ߬ ߣߌ߫ ߒߞߏ ߞߊ߬ߣߌ߲߬ߓߊ߮ ߓߍ߯ ߟߊߘߍ߬ߣߍ߲߸ ߞߏ߫ ߓߍ߯ ߦߋ߫ ߓߐ߫ ߞߊ߬ ߛߐ߬ߘߐ߲߬ ߢߐ߲߯ߓߍ߲ߓߊ ߣߌ߲߬ ߘߐ߫ ߛߌ߬ߣߌ߲߬ߟߏ߲ ߘߓߊ߬ߕߊ ߕߟߋ߬ ߁߅߸ ߞߊ߲ߞߊ߲߫ ߘߋ߲ߡߌߛߍ߲߫ ߓߏ߲ߓߊ ߟߊ߫.

ߡߊ߬ߡߌ߬ߘߊ߬ߟߌ߬ߟߊ ߟߊ߫ ߝߐߟߌ߫ ߘߐ߫߸ ߖߊ߲߬ߖߏ߲ ߏ߬ ߞߎ߲߭ ߦߴߊ߬ ߞߎ߲߬ߠߊ߬ߦߋߙߋ߲ ߠߋ߬ ߘߌ߫ ߖߊ߬ߡߊ ߟߊ߫߸ ߞߊ߬ ߓߊ߲߫ ߞߵߊ߬ ߟߊ߫ ߘߍ߭ ߖߊ߬ߕߋ߬ߘߐ߬ߛߌ߮ ߦߌߘߊߞߊ߬، ߏ߬ ߟߋ ߘߐ߫߸ ߊ߬ ߞߵߊ߬ ߝߐ߫ ߞߏ߫: <<ߒ ߧߋ߫ ߒ ߢߌ߲߭ ߠߎ߬ ߣߌ߫ ߒߞߏ ߣߌ߫ ߝߘߊ߬ߝߌ߲߬ߧߊ ߟߊߘߌߦߊߢߍߓߊ߮ ߓߍ߯ ߡߊߞߟߌ߫ ߟߊ߫ ߖߎߡߊ߫ ߟߏ߲ ߘߓߊ߬ߕߊ ߕߟߋ߬ ߁߅ ߞߊ߲ߞߊ߲߫ ߘߋ߲ߡߌߛߍ߲߫ ߓߏ߲ߓߊ ߟߊ߫.>> ߊ߬ ߞߵߏ߬ ߛߓߍ߫ ߞߵߊ߬ ߞߊ߲ߠߊߘߌ߫ ߓߍ߯ ߟߊ߫ ߓߐߟߌ ߡߊ߬߸ ߡߍ߲ ߺ ߍ ߺ ߡߍ߲߫ ߞߵߊ߬ ߟߐ߲߫ ߞߏ߫ ߊ߬ <<ߘߌ߫ ߛߋ߫ ߞߏ ߘߏ߫ ߞߍ߫ ߟߊ߫ ߝߊ߬ߛߏ ߦߋ߫>>

ߓߊߛߓߊ߬ߕߌ߫ ߛߘߌ߬ߓߋ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߊ߬ߟߎ߬ ߟߊ߫ ߢ߃ ߞߙߎߞߊ ߞߊ߲ߕߌ߮ ߢߊ ߓߕߐ߫ ߟߋ߬ ߜߍ ߘߐ߫߸ ߡߏ߬ߤߊ߬ߡߍߘ ߣߊ߬ߓߋ߸ ߞߊ߬ ߣߵߊ߬ ߟߊ߫ ߞߐߡߊߓߌ߲ߓߌ߲ߠߌ߲ ߦߌ߬ߘߊ߬ ߢߣߊߕߊߟߌ ߡߊ߬ߡߌ߬ߘߊ߬ߟߌ ߣߌ߲߬ ߘߐ߫، <<ߞߙߎߞߊ ߡߍ߲ ߞߊ߬ ߒ ߛߎߥߊ߲ߘߌ߫ ߞߊ߬ ߒ ߠߊߟߐ߬ ߞߊ߬ߝߏ߬ߙߋ߲߬ ߢߣߊߕߊߟߌ ߡߊ߬ߡߌ߬ߘߊ߬ߟߌ ߘߐ߫ ߏ߬ ߞߊ߲ߕߌ߮ (ߡߐ߰ߡߍߘ ߣߊ߰ߓߋ߫ ߟߋ߬ ߣߊ߬ߕߐ߫.>> ߊ߬ ߞߵߏ߬ ߦߌ߬ߘߊ߬.

ߖߡߊ߬ ߟߊ߬ߓߐ߬ߓߊ ߣߌ߲߬ ߘߐ߫߸ ߁߄ߕߎߡߊ߃߀ ߟߋ߬ ߝߐߣߍ߲߫߸ ߡߊ߬ߡߌ߬ߘߊ߬ߟߌ߬ߟߊ ߞߍߕߐ߫ ߊ߬ ߟߊ߫ ߢߍߥߟߊ ߞߎ߲߬ߕߋߟߋ߲ ߢߊߝߐ߫ ߟߊ߫ ߖߊ߬ߡߊ ߦߋ߫ ߏ߬ ߕߎߡߊ ߟߋ߬. <<،ߊ߬ ߣߌ߫ ߒ ߓߍߣߊ߬ ߒ ߠߊ߫ ߘߍ߭ ߖߊ߬ߕߋ߬ߘߐ߬ߛߌ߮ projet de société ߞߊ߲ߝߌߟߡߊ ߛߊߙߌ߫ ߘߊ߲߬ߘߊ߲ ߞߊ߲߬ ߣߌ߲߬ ߟߏ߲.>>

ߢߣߊߕߊߟߌ ߓߙߊߡߊߖߊ߲ߓߊ߲ ߕߎ߬ߡߊ ߟߎ߬ ߟߊ߫߸ ߡߊ߬ߡߌ߬ߣߊ߬ߟߌ߬ߟߊ ߟߎ߬ ߦߋ߫ ߖߡߊ߬ ߟߊ߬ߓߐ߬ ߛߎ߮ ߢߌ߲߬ ߠߎ߬ ߟߊߥߟߌ߬ ߟߴߊ߬ߟߎ߬ ߣߌ߫ ߡߌ߬ߙߌ߲߬ߘߌ ߡߊߘߏ߲߭ ߠߋ߬ ߡߊ߬ ߢߐ߲߮ ߠߊ߫߸ ߞߊ߬ ߞߎߡߴߊ߬ߟߎ߬ ߦߋ߫ ߣߌ߫ ߛߐ߲ߞߐߟߐ߲߫ ߕߍ߫߸ ߞߵߊ߬ߟߎ߬ ߡߙߌߦߊ ߟߎ߬ ߢߊߝߐ߫ ߊ߬ߟߎ߬ ߦߋ߫߸ ߞߵߊ߬ߟߎ߬ ߟߊߛߐ߲߬ ߛߴߊ߬ߟߎ߬ ߘߴߊ߬ߟߎ߬ ߞߐߡߊߓߌ߲ߓߌ߲߫ ߞߵߊ߬ߟߎ߬ ߛߎߥߊ߲ߘߌ߫.