ߘߐ߬ߓߍ߲߬ߘߊ ߓߘߊ߫ ߞߍ߫ ߓߏ߬ߙߌ߬ߝߋ߲߬ߕߌ߮ ߟߎ߬ ߡߊ߬ ߤߙߍ߫ ߘߌ߫߸ ߓߊ߯ߙߘߊ߫ ߟߋ߬ ߦߴߊ߬ ߘߌ߫ ߡߍ߲ ߣߊ߬ߝߊ ߦߋ߫ ߖߡߊ߬ߣߊ߬ߘߋ߲ ߠߎ߬ ߞߊ߲߬߸ ߊ߬ ߓߊ߯ߙߟߊ ߟߎ߬ ߦߴߊ߬ ߞߊ߲߬ ߕߌߡߌ߲ߣߊ߲ߘߌߦߊ ߣߌ߫ ߞߟߊߓߎ ߟߋ߬ ߡߊ߬߸ ߞߵߊ߬ߟߎ߫ ߣߊ߬ߝߊ ߟߊߛߋ߫ ߡߐ߱ ߟߎ߬ ߡߊ߬߸ ߕߟߋ߬ߜߍ ߣߌ߫ ߛߡߊ߬ߛߊ߲ߖߌ ߞߘߐ߫߸ ߏ߬ ߘߏ߲߬ ߣߴߊ߬ ߕߊ߫߸ ߘߏ߫ ߟߎ߫ ߦߴߊ߬ߟߎ߬ ߡߊߜߍ߲߫ ߠߊ߫ ߊ߬ߟߎ߬ ߟߊ߫ ߓߊ߯ߙߊ ߢߊߟߐ߲ ߞߏߛߐ߲߬߸ ߦߎߛߑߝߎ߬ ߝߏߣߊ߫ ߦߋ߫ ߘߐ߬ߓߍ߲߬ߠߊ߫ ߞߎ߲ߕߌ߮ ߟߋ߬ ߘߌ߫߸ ߊ߬ߟߋ ߛߋ߫ ߘߊ߫ ߘߏ߫ ߝߐ߫ ߟߴߊ߲ ߧߋ߫ ߊ߬ߟߎ߬ ߟߊ߫ ߓߊ߯ߙߊ ߞߊ߲߬߸ ߊ߬ߟߋ ߡߍ߲ ߓߘߊ߫ ߛߊ߲߬ ߁߀ ߣߌ߫ ߞߐ߫ ߞߍ߫ ߊ߬ ߦߋ߫ ߓߊ߯ߙߊ ߣߌ߲߬ ߠߊ߫߸ ߓߊߏ߬߸ ߊ߬ߟߋ ߛߊ߲߬ ߥߐߙߐ߲ߝߌ߬ߟߊ ߟߋ߬ ߡߊ߬߸ ߊ߬ ߞߊ߬ ߓߊ߯ߙߊ ߣߌ߲߬ ߘߊߡߌ߬ߣߊ߬߸ ߊ߬ ߘߏ߲߬ ߓߘߊ߫ ߛߋ߫ ߞߵߊ߬ ߣߊ߬ߝߊ ߦߴߊ߬ ߞߊ߲߬ ߝߣߊ߫߸ ߌߞߏߡߌ߲߬ ߓߊ߯ߙߊ ߓߍ߯ ߝߣߊ߫ ߣߴߊ߬ ߡߊ߲߬ߕߙߐ ߟߋ߬߸ ߛߍ߱ ߘߏ߫ ߦߴߊ߬ߟߎ߫ ߞߊ߲߬.
<<ߒ ߓߘߊ߫ ߡߏ߬ߛߏ ߝߘߎ߫ ߊ߬ ߘߐ߫߸ ߒ ߧߋ߫ ߓߊߟߏ ߞߍ߫ ߟߴߊ߬ߟߋ ߟߋ߬ ߘߐ߫، ߒ ߓߘߊ߫ ߡߐ߱ ߡߍ߲ ߞߊ߬ߙߊ߲߬ ߢߌ߲߬ ߠߊ߫߸ ߏ߬ ߘߌ߫ ߡߐ߰ ߟߏ߯ߟߎ߫ ߢߐ߲߰ ߓߐ߫߸ ߓߊ߬ߙߌ߫߸ ߤߊ߲߯ ߕߋ߲߬ ߒߠߋ ߖߍ߬ߘߍ ߝߣߊ߫ ߦߴߊ߬ ߘߊߘߐ߫߸ ߊ߬ ߞߏ߬ߣߌ߲߸ ߡߐ߰ ߛߌ߫ ߣߴߌ ߘߌ߫ ߓߟߏߟߊ߫ ߓߊ߯ߙߊ ߞߍ߫߸ ߜߟߍ߬ߦߊ ߘߴߌ ߛߐ߬ߘߐ߲߬߸ ߦߏ߫ ߤߙߍ ߦߴߌ ߛߐ߬ߘߐ߲߬ ߠߊ߫ ߢߊ߫ ߡߍ߲ ߡߊ߬، ߓߊߏ߬߸ ߊ߲ ߧߋ߫ ߓߊ߯ߙߊ߫ ߟߊ߫ ߕߟߋ߬ߜߍ ߟߋ߬ ߞߘߐ߫ ߦߊ߲߬߸ ߣߌ߫ ߛߊ߬ߡߊ ߝߣߊ߫ ߘߏ߲߬ ߘߊ߫߸ ߊ߲ ߧߋ߫ ߛߊ߲ߖߌ ߟߋ߬ ߞߘߐ߫ ߦߊ߲߬߸ ߓߊ߬ߙߌ߫߸ ߏ߬ ߓߍ߯ ߣߴߊ߬ ߕߊ߫߸ ߊ߲ ߧߴߊ߲ ߕߌߡߌ߲ߣߊ߲ߘߌߦߊ߫ ߟߊ߫>> ߣߊ߬ߝߊ ߡߍ߲ ߦߋ߫ ߘߐ߬ߓߍ߲߬ߘߊ ߟߊ߫ ߖߡߊ߬ߣߊ߬ߘߋ߲ ߠߎ߬ ߞߊ߲߬߸ ߏ߬ ߟߋ߬ ߦߋ߫ ߊ߬ߟߎ߬ ߓߐ ߘߌ߫ ߜߟߍ߬ߦߊ ߘߐ߫߸ ߞߵߊ߬ߟߎ߫ ߛߋ߲߬ߠߊ߬ߞߊߟߌߦߊ߫߸ ߞߊ߬ߕߎ߲߯߸ ߣߌ߫ ߡߍ߲ ߠߊ߫ ߓߏ߬ߙߌ߬ߝߋ߲ ߕߌߢߍ߫ ߘߴߊ߬ ߘߌ߫ ߦߙߐ ߡߍ߲߸ ߌ ߘߌ߫ ߘߐ߬ߓߍ߲߬ߘߊ ߘߏ߫ ߦߋ߫߸ ߡߍ߲ ߘߴߌ ߟߊ߫ ߞߣߐ߬ߘߐ߬ߝߟߌ ߏ߬ ߟߊߜߊ߲߫ ߌ ߞߎ߲߬ ߠߊ߫، ߡߐ߬ߡߍߘ ߞߐ߲ߘߍ߫ ߦߋ߫ ߡߞߊ߬ߙߊ߲߬ߘߋ߲ ߠߋ߬ ߘߌ߫߸ ߓߊ߯ߙߊ ߣߌ߲߬ ߘߌߦߊ߫ ߘߴߊ߬ߟߋ ߦߋ߫ ߞߎ߲߭ ߡߍ߲ ߠߊ߫߸ ߏ߬ ߞߵߏ߬ ߢߊߝߐ߫ ߊ߲ ߧߋ߫.
ߊ߬ ߣߴߊ߬ ߓߘߊ߫ ߕߐ߬ߣߐ ߡߍ߲ ߠߊߛߴߊ߬ ߡߊ߬ << ߣߴߌ ߞߵߊ߬ ߦߋ߫ ߒߠߋ ߡߊ߫ ߓߊ߯ߙߊ߫ ߜߘߍ߫ ߦߋ߫ ߝߏ߫ ߣߌ߲߬߸ ߊ߬ߟߋ ߟߋ߬ ߘߌߦߊߣߍ߲߫ ߒ ߧߋ߫߸ ߊ߬ ߘߏ߲߬ ߓߘߊ߫ ߕߐ߬ߣߐ ߟߊߛߋ߫ ߒ ߡߊ߬߸ ߒ ߧߋ߫ ߓߊ߯ߙߊ߫ ߟߊ߫ ߞߵߊ߬ ߥߊߘߌ ߓߌ߬ߟߊ߬ ߒ ߞߎ߲߬߸ ߏ߬ ߘߏ߲߬ ߦߋ߫ ߒ ߡߊ߬ߞߏ ߢߊ߬ ߟߊ߫، ߒ ߠߊ߫ ߓߊ߯ߙߊ ߣߌ߲߬ ߘߊߡߌ߬ߣߊ ߣߌ߫ ߛߌߛߍ߲߬ ߕߍ ߘߐ߫߸ ߏ߬ ߘߌ߫ ߛߊ߲߬ ߛߊ߬ߓߊ߫ ߢߐ߲߬ ߓߐ߫>> ߘߐ߬ߓߍ߲߬ߠߌ߲ ߦߋ߫ ߓߊ߯ߙߊ ߟߋ߬ ߘߌ߫ ߓߌ߬߸ ߡߍ߲ ߓߘߊ߫ ߞߍ߫ ߘߋ߲ߡߌߛߍ߲ ߠߎ߬ ߞߎ߲߬ߞߊ߬ߙߌ߬ߝߊ߬ ߦߙߐ ߘߌ߫߸ ߓߊ߬ߙߌ߫߸ ߘߋ߲ߡߌߛߍ߲߫ ߛߌߦߊߡߊ߲߫ ߜߘߍ߫ ߟߎ߫ ߟߋ߬ ߝߣߊ߫ ߦߋ߫ ߦߋ߲߬߸ ߡߍ߲ ߠߎ߬ ߦߋ߫ ߡߊ߬ߟߏ߬ߦߊ߬ ߟߊ߫ ߊ߬ߟߎ߬ ߟߊ߫ ߓߊ߯ߙߊ ߟߊߥߊ߲߬ߞߊ ߘߐ߫߸ ߒ߬ߓߊ߬߸ ߓߊ߲߬ߞߊߟ ߞߏ߬ߣߊ߬ߕߋ߫ ߞߎߡߊ߫ ߘߴߊ߲ ߧߋ߫ ߏ߬ ߞߊ߲߬߸ ߊ߬ߟߋ ߡߍ߲ ߦߋ߫ ߡߞߊ߬ߙߊ߲߬ߘߋ߲߬ ߘߌ߫߸ ߊ߬ ߓߘߊ߫ ߕߐ߬ߣߐ ߟߊߛߋ߫ ߊ߬ߟߋ ߡߊ߬߸ ߊ߬ ߘߏ߲߬ ߞߵߊ߬ ߦߋ߫ ߓߊ߯ߙߊ߫ ߟߋ߬ ߘߌ߫߸ ߡߐ߬ ߘߴߊ߬ ߛߌ߰ ߡߍ߲ ߡߊ߬ << ߒߠߋ ߘߴߊ߬ ߝߐ߫ ߞߏ߫ ߘߐ߬ߓߍ߲߬ߠߌ߲ ߦߋ߫ ߓߊ߯ߙߊ߫ ߟߋ߬ ߘߌ߫߸ ߡߐ߰ ߘߴߊ߬ ߛߌ߰ ߡߍ߲ ߡߊ߬߸ ߓߍ߯ ߤߊߞߟߌߣߊ߲ ߕߍ߫ ߞߋߟߋ߲ߘߌ߫߸ ߘߏ߫ ߟ߫ߎ ߦߋ߫ ߡߊ߬ߟߏ߬ߦߊ߬ ߟߊ߫ ߊ߬ߟߎ߬ ߓߊ߯ߙߊ ߟߊ߫߸ ߒߠߋ ߞߏ߬ߣߌ߲ ߕߍ߫ ߡߊ߬ߟߏ߬ߦߊ߬ ߟߊ߫ ߒ ߠߊ߫ ߓߊ߯ߙߊ ߟߊ߫߸ ߡߍ߲ ߠߎ߬ ߦߋ߫ ߡߊ߬ߟߏ߬ߦߊ߬ ߟߊ߫ ߏ߬ߘߌ߫߸ ߒߠߋ ߘߴߊ߬ ߝߐ߫ ߊ߬ߟߎ߬ ߢߣߊ߫ ߒ ߞߏ߫ ߡߐ߱ ߡߊ߲߫ ߞߊ߲߫ ߞߊ߬ ߡߊ߬ߟߏ߬ߦߊ߫ ߌ ߓߊ߯ߙߘߊ ߟߊ߫>>.
ߊ߲ ߛߋ߫ ߘߊ߫ ߞߟߌߦߊ߲ ߘߏ߫ ߝߣߊ߫ ߡߊߛߐ߬ߘߐ߲߬ ߠߊ߫ ߦߋ߲߬߸ ߣߴߊ߬ ߦߋ߫ ߓߊ߲߬ߞߊߟ ߞߋߕߊ߬ ߘߌ߫߸ ߊ߬ߟߋ ߦߋ߫ ߞߎߡߊ߫ ߊ߲ ߧߋ߫ ߊ߬ ߣߊ߬ߞߎ߲߬ߧߊ ߞߊ߲߬߸ ߊ߬ ߣߴߊ߬ ߟߊ߫ ߟߊ߬ߞߙߐ߬ߛߌ߬ߟߌ ߛߋ߫ ߘߊ߫ ߞߏ ߡߍ߲ ߠߎ߬ ߡߊ߬ ߘߐ߬ߓߍ߲߬ߘߊ ߟߊ߫ ߦߋ߲߬ << ߒ ߣߊ߬ߣߍ߲߫ ߒ ߠߊ߫ ߡߕߏ ߟߋ߬ ߘߌ߫ ߞߵߊ߬ ߘߐߓߍ߲߬߸ ߒߠߋ ߘߌ߫ ߛߋ߫ ߡߍ߲ ߝߐ߫ ߟߊ߫ ߘߐ߬ߓߍ߲߬ߘߊ ߣߌ߲߬ ߠߊ߫ ߞߏ ߞߊ߲߬߸ ߞߊ߬ߦߌ߯ ߒߠߋ ߞߊ߬ ߦߊ߲߬ ߣߊ߬ߟߌ ߘߊߓߐ߫߸ ߒ ߡߊ߫ ߝߍ߬ ߦߴߊ߬ߟߎ߬ ߟߊ߫ ߓߊ߯ ߟߊ߫ ߝߟߐ߫߸ ߒ ߠߊ߫ ߡߕߏ ߓߊ߯ ߕߌߢߍ߫߸ ߡߐ߰ ߛߌ߫ ߓߊ߯ ߊ߬ ߓߟߏ ߓߌ߬ߟߴߊ߬ ߘߐ߫߸ ߣߴߊ߬ߟߋ ߡߴߊ߬ ߓߟߏ ߓߌ߬ߟߵߊ߬ ߘߐ߫߸ ߊ߬ ߕߍ߫ ߓߍ߲߬ ߠߊ߫߸ ߒ ߘߴߊ߬ ߝߐ߫ ߒ ߞߏ߫ ߡߐ߱ ߡߍ߲ ߦߴߊ߬ ߘߌ߫߸ ߊ߬ ߟߊ߫ ߟߐ߲ߠߌ߲ ߦߴߊ߬ ߞߊ߬ߙߊ߲߬ߡߐ߰ ߕߊ ߢߍ߫، ߏ߬ ߟߋ߬ ߞߏߛߐ߲߬ ߒ ߠߊ߫ ߡߕߏ ߓߊ߯ ߕߌߢߍ߫ ߝߊ߲߬ ߛߌ߫ ߘߐ߫߸ ߒ ߧߋ߫ ߒ ߓߏ߬ߙߌ߬ ߟߊ߫ ߞߊ߬ ߦߊ߲߬ ߡߊߜߍ߲߫>> ߣߌ߲߬ ߠߋ߬ ߕߘߍ߬ ߦߋ߫ ߘߐ߬ߓߍ߲߬ߠߊ ߟߎ߬ ߡߙߌߦߊ ߘߌ߫߸ ߞߵߊ߬ ߦߌߘߊߞߊ߬ ߊ߲ ߠߊ߫.
Aucun commentaire pour le moment.