߂߀߂߆ ߥߊ߬ߛߌ߬ߥߙߊ ߕߟߋ߬ ߁߈ ߣߌ߲߬ ߡߊ߬߸ ߜߍߢߟߋ ߞߘߐߓߐߟߌ ߘߊߡߌ߬ߣߊ߬ ߘߊ߫ ߖߌ߬ߣߍ߫ ߝߊ߲߭ ߓߍ߯ ߘߐ߫، ߞߊ߲ߞߊ߲߫ ߡߙߊ߬ߘߊ߬ߓߊ ߞߣߐ߫ ߏ߬ ߘߐ߫߸ ߞߊ߬ߙߊ߲߬ߕߊ ߘߙߊ߬ߡߋ ߎߡߊߙ ߟߋ߬ ߤߊ߬ߙߌ߬ߖߍ߰ ߘߊ߫ ߞߎ߲߬ߠߊ߬ߛߌ߮ ߟߎ߬ ߟߊ߫ ߘߊߦߟߍߟߌ ߟߊ߫߸ ߞߊ߬ ߞߘߐߓߐߟߊ߲߫ ߝߟߐ ߛߓߍߝߙߏߞߏ ߘߊߦߟߍ߬ ߓߏ߲ߓߊ ߄߲ ߠߊ߫.

ߞߊ߬ߙߊ߲߬ߕߊ ߏ߬ ߦߋ߫ ߞߊ߬ߙߊ߲߬ߕߊ߫ ߟߋ߬ ߘߌ߫߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߟߊ߫ ߞߊ߬ߙߊ߲ ߞߍ߫ ߦߙߐ ߡߍ߲ ߘߐ߫.

ߡߙߊ߬ߓߊ߮ ߛߐ߰ ߘߴߊ߬ ߟߊ߫ ߛߍߥߊ ߟߋ߬ ߦߌ߬ߘߊ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߓߍ߯ ߦߴߊ߬ ߘߐߖߊ߬߸ ߞߊ߬ ߞߟߊߓߎ ߕߊ߬، ߞߊ߬ߕߎ߲߯߸ ߞߏ߫ ߤߊ߬ߙߌ߬ߖߍ߰ߓߊ߫ ߦߴߊ߬ߟߎ߬ ߦߋ߫߸ ߊ߬ߟߎ߬ ߦߴߏ߬ ߟߊߒߡߊ ߕߊ߬ ߞߊ߲ߕߌ߮ ߡߊ߬ ߘߐߙߐ߲߫، ߏ߬ ߞߏߛߐ߲߬߸ ߊ߬ ߞߵߊ߬ ߦߌ߬ߘߊ߬ ߞߏ߫ "ߒ ߧߋ߫ ߘߎߓߊ߫ ߟߴߊߟߎ߫ ߦߋ߫߸ ߊߟߊߓߍ߫ ߞߊ߬ߝߏ߬ ߞߎ߲ߕߌ߮ ߟߎ߬ ߦߋ߫ ߓߐ߫ ߊߟߎ߫ ߘߐ߫߸ ߞߟߍ߬ߡߐ߮ ߟߎ߬߸ ߕߐ߲ߓߟߏߡߊ ߟߎ߬߸ ߗߋߕߌ߮ ߟߎ߬.." ߊ߬ ߞߵߏ߬ ߦߌ߬ߘߊ߬.

ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߛߍߥߊߣߍ߲߫ ߝߣߊ߫߸ ߞߵߏ߬ ߞߎ߲߭ ߞߍ߫߸ <<ߛߌߟߊ߲߫ ߕߴߊ߬ ߘߐ߫ ߡߎ߬ߕߎ߲߬ ߝߟߐ߫ ߕߊ ߕߘߍ߬ ߢߊ ߡߍ߲ ߡߊ߬، ߘߋ߲ߣߍ߲ ߠߎ߬ ߦߴߊ߬ߟߎ߫ ߛߊ߬ߥߏ߬ ߘߐ߫ ߘߐߝߎߟߋ߲ ߘߐ߫߸ ߞߵߊ߬ߟߎ߬ ߟߊ߫ ߞߘߐߓߐߟߌ ߞߍ߫ ߊ߬ ߢߌ߬ߡߊ ߟߊ߫." ߊ߬ ߞߵߏ߬ ߟߊ߫ ߞߎߡߊ ߞߊ߲߬.

ߔߌߦߍߙ ߕߎ߬ߙߋ ߡߍ߲ ߝߘߊ߫ ߘߊ߫ ߟߊ߬ߞߟߏ߬ߞߟߏ߬ߟߌ ߞߏߕߌ߯ߘߊ ߟߊ߫߸ ߞߊ߬ ߣߊ߬ ߞߊ߲ߞߊ߲߫ ߞߘߐߓߐߟߌ ߞߎ߲߬ߠߊ߬ߛߌ߰ ߞߊ߲ߡߊ߬߸ ߊ߬ߟߋ ߞߵߊ߬ ߦߌ߬ߘߊ߬ ߞߏ߫ <<ߗߋߘߋ߲ ߡߍ߲ ߠߎ߬ ߟߊߕߊ߯ߣߍ߲߫ ߞߘߐߓߐߟߌ߫ ߕߊ߲ߓߊ߲߫ ߓߐߣߍ߲߫ ߢߐ߲߰ ߡߊ ߟߎ߬ ߞߣߐ߫߸ ߊ߬ߟߎ߬ ߓߍ߯ ߛߏ߬ߓߌ߬ߟߊ߬ߞߎߣߎ߲߫ ߘߊ߫ ߟߋ߬߸ ߞߊ߬ ߓߍ߲߬ ߝߊ߬ߛߏ ߞߘߐߓߐߟߌ ߟߊߕߊ߯ߡߊ߫ ߢߊ ߡߊ߬.>> ߊ߬ ߞߵߏ߬ ߝߐ߫. 

ߞߘߐߓߐߟߌ߫ ߕߊ߬ߡߌ߲߬ߣߍ߲ ߠߎ߬ ߣߌ߫ ߢߌ߬ߣߊ߲߬ ߕߊ ߓߍ߯ ߓߏ߬ߙߌ߬ߣߍ߲߫ ߕߐ߲߫ ߞߋߟߋ߲߫ ߠߋ߬ ߞߊ߲߬، ߞߎߘߊ߫ ߜߘߍ߫ ߡߊ߫ ߟߊߘߏ߲߬ ߊ߬ ߘߐ߫ ߓߊߞߍ߫، ߞߊ߬ߕߎ߲߯߸ ߞߎ߬ߙߎ߲߬ߘߎ ߟߎ߬ ߟߐ߲ߣߍ߲߫ ߞߘߐ ߟߋ߬߸ <<ߜߋߟߋ߲ߜߋߟߋ߲ ߕߍ߫ ߘߏ߲߬ ߠߊ߫ ߞߘߐߓߐߟߌ߫ ߕߊ߲ߓߊ߲ ߠߎ߬ ߞߣߐ߫߸ ߞߎߡߊߕߍ߫ ߞߘߐߓߐߟߌ߫ ߝߏ߮ ߟߎ߫ ߡߊ߬، ߓߍ߯ ߦߴߌ ߓߊ߫ ߓߟߏ߫.>> ߊ߬ ߞߵߏ߬ ߦߌ߬ߘߊ߬. 

ߛߟߊߕߌ߯ ߛߎ߬ߟߋ߬ߡߊߣ ߘߊ߬ߝߋ ߡߍ߲ ߦߋ߫ ߞߊ߲ߞߊ߲߫ ߡߟߗ ߘߌ߫߸ ߏ߬ ߛߙߊ߬ߣߎ߲߬ ߘߊ߫ ߞߘߐߓߐߓߊ߯ߕߐ ߟߎ߫ ߖߊ߬ߕߋ߬ߛߎ ߞߊ߲߬߸ ߊ߬ ߣߌ߫ ߥߟߊ߬ߘߊ߬ ߞߍߕߊ ߟߎ߬، ߖߊ߬ߕߋ߬ߛߎ ߡߊ߬ߝߊ߲ ߝߍ߬߸ ߊ߬ ߦߌ߬ߘߊ߬ ߘߴߊ߬ ߓߟߏ߫ ߞߏ߫ <<ߞߊ߲ߞߊ߲߫ ߡߙߊ߬ߘߊ߬ߓߊ ߞߣߐ߫ ߢߌ߬ߣߊ߲߬߸ ߡߊ߬ߡߌ߬ߘߊ߬ߟߌ߬ߟߊ߫ ߁߆ ߉߅߃ ߟߋ߬ ߒ߬ ߓߟߏ߫߸ ߝߊߦߌߘߊ߫ ߡߐ߰ ߁߇߀߀߀߸ ߡߍ߲ ߠߎ߬ ߞߘߐߓߕߐ߫ ߞߊ߬ ߓߍ߲߬ ߦߌߟߡߊ ߇߲ ߖߐ߲߫ ߠߊߛߌ߮ ߡߊ߬߸ ߝߘߏ߬ߓߊ߬ ߟߞߊ߬ߙߊ߲߬ߠߌ߲ ߣߌ߫ ߊߙߊߓߎ ߕߊ ߓߍ߯ ߟߊߞߊ߬ߝߏ߬ߣߍ߲ ߠߵߏ߬ ߘߌ߫.>>

ߞߊ߬ ߓߍ߲߬ ߥߟߊ߬ߘߊ߬ ߢߊߓߐߕߊ ߟߎ߫ ߡߊ߬ ߏ߬ ߘߐ߫߸ ߛߐ߰ ߞߍ߫ ߘߊ߫ "ߛߍߝߍ߲ߠߌ߲" ߠߋ߬ ߡߊ߬، ߥߟߊ߬ߘߊ ߟߎ߬ ߓߟߏߟߊߕߎ߲߰ߕߐ߫ ߕߊ߲߬ ߠߋ߬ ߛߍߣߍ߲߬߸ ߤߊ߲߯ ߕߋ߬ߟߋ߫ ߛߊ߬ߓߊ ߦߋ߫ ߓߊ߲߫.

ߞߘߐߓߐߟߌ ߘߊߡߌ߬ߣߊ߬ ߘߊ߫ ߡߊ߬ߝߊ ߟߋ߬ ߘߐ߫߸ ߡߊ߲߬ߞߊ߲߬ ߣߌ߫ ߞߊ߬ߙߏ߲߬ ߡߊ߫ ߟߊߞߙߐ߬ߛߌ߬ ߦߙߐ߫ ߛߌ߫ ߘߐ߫ ߒ߬ ߓߐ߫ ߕߎߡߊ ߟߊ߫ ߦߋ߲߬.