ߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߦߴߊ߬ ߟߊ߫ ߢߣߊߕߊߟߌ ߞߐߝߟߌ߫ ߘߍ߲߬ߞߍ߬ߕߎ߬ߣߍ߲ ߘߐ߬ߣߍ߲߬ߘߐ߬ߣߍ߲߬ ߠߊ߬ߓߐ ߡߍ߲ ߞߊ߲߬߸ ߞߊ߬ ߓߍ߲߬ ߂߀߂߆ ߘߓߊ߬ߕߊ ߕߟߋ߬ ߃߁ ߢߣߊߕߊߟߌ ߡߊ߬߸ ߊ߬ ߦߴߏ߬ ߞߊ߲߬ ߖߐ߫، ߞߊ߬ߕߎ߲߯߸ ߞߊ߲ߞߊ߲߫ ߞߣߐ߫߸ ߞߊ߬ ߓߍ߲߬ ߘߊߘߐߛߓߍ߫ ߛߐ߬ߘߐ߲߬ߣߍ߲ ߠߎ߬ ߡߊ߬ ߞߊ߬ ߝߘߊ߫ ߢߣߊߕߊߟߌ ߕߊ߲ߓߊ߲ߘߐߦߊߟߌ ߟߎ߬ ߟߊ߫߸ ߣߴߊ߬ ߞߊ߬ߙߊ߲߬ ߘߊ߫ ߓߐ߬ߟߐ߲߬ߞߊ߫ ߞߊ߬ߡߊߙߊ߬ ߖߋߣߊߓߎ߬ ߕߎ߬ߙߋ ߓߟߏ߫߸ ߊ߬ߟߋ ߡߍߍ߲ ߦߋ߫ ߢߣߊߕߊߟߌ ߝߘߏ߬ߓߊ߬ ߗߋߕߌ߮ ߘߌ߫، ߛߙߍߘߍ ߏ߬ ߞߣߐ߫߸ ߖ߭ߋߍߡߑߘߋ ߟߋ߬ ߢߍ ߘߐ߫߸ ߏ߬ ߞߊ߬ ߞߊ߲ߢߊ߫ ߄߃ ߄߁߆ ߟߋ߬ ߛߐ߬ߘߐ߲߬߸ ߏ߬ ߟߋ ߞߊ߬ ߛߌ߰ߟߊ߲߫ ߂߅ ߘߴߊ߬ߟߋ ߡߊ߬ ߄߅ ߘߐ߫߸ ߞߊ߬ߝߏ߬ߙߋ߲ ߞߏߟߊߕߍ߮ ߟߎ߬ ߘߐ߫.

ߓߊߛߓߊ߬ߕߌ߫ ߛߘߌ߬ߓߋ߬ ߡߍ߲ ߦߋ߫ ߢ߃ ߞߙߎߞߊ ߡߊ߬ߡߌ߬ߘߊ߬ߟߌ߬ߟߊ ߘߌ߫߸ ߏ߬ ߣߊ߬ߣߍ߲߫ ߝߌߟߊߣߊ߲ߦߊ ߟߋ߬ ߘߐ߫߸ ߞߊ߲ߢߊ߫ ߁߆ ߆߅߉߸ ߏ߬ ߡߍ߲ ߞߍߣߍ߲߫ ߕߙߎ߬ ߘߌ߫ ߞߊ߬ ߛߌ߰ߟߊ߲߫ ߉ ߘߴߊ߬ ߡߊ߬، ߊ߬ߟߋ ߝߣߊ߫ ߕߊ߬ߡߌ߲߬ ߘߊ߫ ߟߋ߬ ߡߎߛߊ߫ ߞߊ߬ߓߊ ߟߊ߫߸ ߔߊߘߍߛ ߟߊ߫ ߡߊ߬ߡߌ߬ߘߊ߬ߟߌ߬ߟߊ ߟߵߏ߬ ߘߌ߫߸ ߏ߬ ߞߊ߬ ߞߊ߲ߢߊ߫ ߁߀ ߉߉߂ ߟߋ߬ ߛߐ߬ߘߐ߲߬߸ ߛߌ߰ߟߊ߲߬ ߆ ߦߴߊ߬ ߓߟߏ߫، ߣߴߌ ߘߏ߲߬ ߞߊ߬ ߡߊ߲߬ߖߎ߫ ߡߐ߬ߙߐ߫ ߛߘߌ߬ߓߋ߫ ߓߊ߬߸ ߏ߬ ߞߊ߬ ߞߊ߲ߢߊ߫ ߉ ߂߅߆ ߟߋ߬ ߛߐ߬ߘߐ߲߬߸ ߞߊ߬ ߛߌ߰ߟߊ߲߬ ߅ ߟߊ߫ ߏ߬ ߘߟߊ߫.

ߞߊ߲ߞߊ߲߫ ߞߊ߬ߝߏ߬ߙߋ߲ ߢߣߊߕߊߟߌ߫ ߛߓߍߘߊ ߞߙߎߞߍ߬ߙߍ ߦߋ߫ ߅߅߈ ߠߋ߬ ߘߌ߫߸ ߅߄߂ ߟߋ߬ ߕߊ߬ ߘߊ߫ ߏ߬ ߟߎ߬ ߘߐ߫، ߢߣߊߕߊߟߌߟߊ ߞߙߎߞߍ߬ߙߍ ߦߋ߫ ߈߄ ߉߅߆ ߟߋ߬ ߘߌ߫߸ ߢߣߊߕߊߟߌ߫ ߕߍ߯ߟߍ߲߫ ߝߎ߫ ߇ ߄߈߂߸ ߢߣߊߕߊߟߌ߫ ߓߍ߲߬ߣߍ߲ ߞߙߎߞߍ߬ߙߍ ߦߋ߫ ߇߇ ߄߇߄ ߠߋ߬ ߘߌ߫، ߕߘߍ߬ߒ߬ߘߐ߬ߟߌ ߞߙߎߞߍ߬ߙߍ ߛߊ߫߸ ߏ߬ ߟߋ ߓߍ߲߬ ߘߊ߫ %߉߄ ߡߊ߬.