ߞߊ߲ߞߊ߲߫ ߞߣߐ߫߸ ߢߣߊߕߊߟߌ ߓߊ߯ߙߊ ߟߎ߬ ߡߊ߫ ߘߊߡߌ߬ߣߊ߬ ߖߏߣߊ߫ ߢߣߊߕߊߟߌ߫ ߛߓߍߘߊ ߛߌߦߊߡߊ߲߫ ߞߣߐߐ߫، ߘߊߦߟߍߟߌ ߟߐ߯ߟߊ߫ ߘߊ߫ ߞߵߊ߬ ߕߏ߫ ߆ߕߎߡߊ ߡߍ߲ ߠߊ߫߸ ߊ߬ ߝߊ߲߬ߓߊ ߡߴߊ߬ ߘߊߡߌ߬ߣߊ߬ ߝߏ߫ ߈ߕߎߡߊ ߞߐߝߍ߬߸ ߞߊ߬ ߓߍ߲߬ ߟߊ߬ߞߙߐ߬ߛߟߌ߬ ߞߍߣߍ߲ ߠߎ߬ ߡߊ߬ ߜߍ ߘߐ߫.

ߊߟߛߊߣ ߖߟߊߥߛߊ߫ ߞߊ߲ߕߍ߫ ߡߍ߲ ߦߋ߫ ߡߊ߬ߡߌ߬ߣߊ߬ߟߌ߬ߟߊ߫ ߘߌ߫ ߞߊ߬ߝߏ߬ߙߋ߲߬ ߢߣߊߕߊߟߌ ߘߐ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߛߌ߲߬ߝߏ߲߬ߧߊ߬ߟߌ ߡߴߊ߬ ߘߓߐ߫ ߓߊߞߍ߫، <<ߢߣߊߕߊߟߌ߫ ߛߓߍߘߊ߫ ߛߌߦߊߡߊ߲߫ ߠߋ߬ ߦߋ߲߬߸ ߡߍ߲ ߠߎ߬ ߛߌ߲߬ߝߏ߲ ߠߎ߬ ߡߊ߫ ߘߝߊ߫، ߛߓߍߘߊ ߘߏ߫ ߟߎ߫ ߓߍ߫߸ ߡߐ߰ ߝߌ߬ߟߊ߫߸ ߡߐ߰ ߛߓߊ߬߸ ߥߟߊ߫ ߡߐ߰ ߣߊ߯ߣߌ߲߫߸ ߡߍ߲ ߠߎ߬ ߢߊ ߦߋ߫ ߞߍ߫ ߟߊ߫ ߜߍ ߘߐ߫.>> ߊ߬ ߞߵߏ߬ ߦߌ߬ߘߊ߬.

ߊ߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߟߊ߬ߛߌ߲߬ߠߌ߲߬ ߞߏ ߝߙߋߞߋ ߕߎ߲߬ ߦߋ߫ ߢߣߊߕߊߟߌ ߣߌ߲߬ ߘߐ߫ ߞߎ߲߬ߝߟߐ ߘߐ߫، ߓߊߏ߬߸ ߕߋ߬ߟߋ ߖߊ߲߬ߝߊ߬ߣߍ߲ ߞߐ ߘߐ߫߸ ߢߣߊߕߊߟߌ߫ ߛߓߍߘߊ ߛߌ߲߬ߝߏ߲ ߘߏ߫ ߟߎ߫ ߕߎ߲߬ ߡߴߊ߬ ߟߐ߲߫߸ ߊ߬ߟߎ߬ ߟߊ߫ ߕߊ߲ߓߊ߲ ߦߋ߫ ߦߙߐ߫ ߞߋߟߋ߲ ߡߍ߲ ߘߐ߫߸ ߊ߬ ߞߵߏ߬ ߝߣߊ߫ ߝߙߊ߬ ߞߎߡߊ ߞߊ߲߬.

ߘߎ߰ߘߋ߲ ߠߎ߬ ߞߊ߫ ߞߊ߲߫ ߞߊ߬ ߛߎߥߊ߲ߘߟߌ߫ ߛߊ߬ߓߊ߫ ߟߋ߬ ߞߍ߫ ߢߣߊߕߊߟߌ ߣߌ߲߬ ߘߐ߫߸ ߥߛߊ߬ߘߋ߲߬ߧߊ߬ ߢߣߊߕߊߟߌ ߛߙߍߘߍ߫ ߝߊ߬ߛߏ߬ߟߊ߬ߞߊ߸ ߊ߬ ߣߌ߫ ߛߌ߰ ߘߌ߲ߞߌߙߊ ߟߎ߬ ߛߙߍߘߍ߸ ߞߵߏ߬ ߟߊ߫ ߞߊ߬ߝߏ߬ߙߋ߬ ߢߣߊߕߊߟߌ ߞߊ߲߬، ߓߊ߬ߙߌ߬߸ ߊ߬ ߟߊߞߙߐ߬ߛߌ߬ ߘߊ߫ ߞߏ߫ ߡߐ߰ ߛߌߦߊߡߊ߲߫ ߡߊ߫ ߦߙߐ ߏ߬ ߢߊߦߋ߫.

ߛߋߞߎ߬ ߞߐ߲ߘߍ߫ ߓߊ߲ ߞߐ ߊ߬ ߟߊ߫ ߛߎߥߊ߲ߘߟߌ ߟߊ߫߸ ߊ߬ߟߋ ߡߍ߲ ߦߋ߫ ߞߍ߲ߘߍߦߊ ߞߊ߬ߙߊ߲߬ߡߐ߯ ߘߌ߫߸ ߊ߬ ߣߌ߫ ߜ߭ߊ߯ߙ ߞߌ߲߬ߘߊ ߛߌ߰ߓߊ߮߸ ߏ߬ ߞߵߊ߬ ߦߌ߬ߘߊ߬ ߞߏ߫ ߡߐ߱ ߟߎ߬ ߡߊ߫ ߛߏ߬ߓߌ߬ߟߊ߬ߞߎߣߎ߲߫ ߊ߬ ߢߊ ߡߊ߬.

<<ߘߎ߰ߘߋ߲߬ ߛߌߦߊߡߊ߲߫ ߓߍ߫ ߦߋ߲߬߸ ߡߍ߲ ߠߎ߬ ߡߴߊ߬ ߟߐ߲߫ ߊ߬ߟߎ߬ ߞߊ߫ ߞߊ߲߫ ߞߊ߬ ߛߎߥߊ߲ߘߟߌ ߞߍ߫ ߢߊ ߡߍ߲ ߡߊ߬، ߢߣߊߕߊߟߌ߫ ߕߍ߯ߟߍ߲߫ ߛߊ߬ߓߊ߫ ߟߋ߬ ߘߏ߲߬ ߦߋ߫ ߦߋ߲߬ ߓߌ߬߸ ߣߌ߫ ߢߊߝߐߟߌ߫ ߖߐ߲ߖߐ߲߫ ߡߊ߫ ߞߍ߫ ߊ߬ ߞߊ߲߬߸ ߊ߬ ߘߌ߫ ߡߐ߰ ߛߌߦߊߡߊ߲߫ ߞߣߐ߬ߘߐߝߟߌ߬.>> ߊ߬ ߞߵߊ߬ ߖߊ߬ߕߋ߫ ߕߋ߲߬ ߠߋ߬.

ߊ߬ߟߋ ߟߊ߫ ߝߐߟߌ߫ ߘߐ߫߸ ߊ߬ ߘߌߡߊ߲߫ ߘߏ߫ ߟߎ߫ ߦߋ߫ ߞߊ߬ ߕߏ߫ ߟߎ ߡߊ߬߸ ߞߊ߬ ߕߊ߬ߡߌ߲߬ ߞߏ߫ ߊ߬ߟߎ߬ ߦߋ߫ ߥߊ߫ ߛߎߥߊ߲ߘߟߌ߫ ߞߍ߫߸ ߊ߬ߟߎ߬ ߕߍ߫ ߡߍ߲ ߢߊ ߞߊ߬ߟߊߡߊ߬.

ߊߡߙߊ߫ ߞߊ߲ߕߍ߫ ߝߣߊ߫ ߓߊ߲ ߞߐ ߛߎߥߊ߲ߘߟߌ ߟߊ߫߸ ߊ߲ ߞߵߏ߬ ߝߣߊ߫ ߓߊ߬ߘߏ߬ߢߐ߲߰ߦߊ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߢߣߊߕߊߟߌ ߕߊ߬ߡߌ߲߬ ߘߴߊ߬ ߢߌ߬ߡߊ ߟߴߊ߬ߟߋ ߟߊ߫ ߢߣߊߕߊߟߌ߫ ߘߌ߲ߞߌߙߊ ߘߐ߫. <<ߊ߲ ߞߊ߬ ߛߎߥߊ߲ߘߟߌ ߞߍ߫ ߡߊ߬ߝߊ ߟߋ߬ ߘߐ߫، ߟߊ߬ߕߎ߲߬ߕߎ߲߬ߠߌ߲߬ ߣߌ߫ ߘߐ߬ߜߍ߬ߘߍ߲߬ ߛߌ߫ ߡߊ߫ ߛߐ߬ߘߐ߲߫ ߊ߬ ߘߐ߫.>> ߊ߬ߟߋ߫ ߞߵߏ߬ ߦߌ߬ߘߊ߬. ߛߎߥߊ߲ߘߟߌߟߊ ߞߏ߬ߣߌ߲ ߞߵߊ߬ ߦߌ߬ߘߊ߬ ߞߏ߫ ߖߡߊ߬ ߛߌߦߊߡߊ߲߫ ߡߊ߫ ߓߐ߫، <<ߊ߬ ߝߐ ߞߏ߫ ߡߐ߰ ߛߌߦߊߡߊ߲߫ ߕߍ߫ ߢߣߊߕߊߟߌ߫ ߕߊ߲ߓߊ߲ ߠߎ߬ ߟߊ߫߸ ߏ߬ ߡߊߡߊ߬ߟߏ߬ߦߊ߬ߣߍ߲߬ ߣߍ߲ߞߍ߫.>>

ߕߌߢߍߟߌ߫ ߣߌ߫ ߡߊ߲߬ߞߊ߲߬ ߡߊ߫ ߟߊߞߙߐ߬ߛߌ߬ ߊ߲ ߠߊ߫ ߢߣߊߕߊߟߌ߫ ߕߊ߲ߓߊ߲߫ ߞߎ߲ߝߊ߲ߓߐߣߍ߲ ߠߎ߬ ߟߊ߫، ߢߊ ߦߋ߫ ߡߌ߲߫ ߘߐ߫ ߡߎ߬ߕߎ߲߬ ߛߊ߫߸ ߏ߬ ߟߋ ߞߏ ߕߐ߭ ߞߎ߲߭ߘߏ߲߬ ߢߊ ߘߌ߫߸ ߊ߬ ߣߌ߫ ߛߊߛߊߓߐߟߌ ߣߌ߫ ߢߣߊߕߊߟߌ ߖߍ߬ߘߍ ߞߐߝߟߌ ߟߎ߬.