ߡߊ߬ߟߌ ߓߌߦߊ߲ߜߍ߲ߘߋ߲߫ ߡߐ߰ ߝߌ߬ߟߊ߫ ߟߋ߬ ߓߌ߬ߟߊ߬ߣߍ߲߬ ߢߐ߲߮ ߠߊ߫߸ ߡߍ߲ ߠߎ߬ ߦߋ߫ ߣߛߌ߬ߜߍ߲ ߠߊ߫ ߛߎߡߊ߲ߞߐ߬ߦߌ߬ ߛߏ ߞߣߐ߫߸ ߞߎߘߍ߫ ߁߂ ߢߐ߲߰ ߠߊ߫ ߞߊ߬ߙߌ߬ߝߊ߬ߡߘߎ߬ߦߊ߫ ߡߊ߬ߙߊ ߘߐ߫، ߞߍߒߞߊ߲ߠߌ߲ ߏ߬ ߟߋ ߟߊߓߊ߲ߣߍ߲߫ ߥߊ߬ߥߎߟߋ ߡߊ߬ ߞߐ߬ߓߊ߬ߟߏ߲ ߂߀߂߆ ߘߓߊ߬ߕߊ ߕߟߋ߬ ߄، ߓߌ߬ߟߊ߬ߒ߬ߘߐ ߣߌ߲߬ ߞߍ߫ ߘߊ߫ ߕߟߋ߬ ߞߎߣߊ ߟߋ߬ ߘߐ߫߸ ߁߃ߙߋ߲ ߝߊ߲߭ ߝߍ߬.

ߛߎߡߊ߲ߞߐ߬ߦߌ߫ ߘߎ߰ߕߌ߰ ߛߓߍߘߊ ߝߘߏ߬ߓߊ߬ ߞߟߊ߬ߕߌ߮ ߦߛߎߝ ߝߏߝߣߊ߫ ߟߊ߫ ߝߐߟߌ߫ ߘߐ߫߸ ߞߏ߫ ߡߐ߰ ߝߌ߬ߟߊ ߢߌ߲߬ ߠߎ߬ ߦߋ߫ ߛߌ߱ ߘߐ߫ ߢߐ߲߯ ߝߍ߬ ߟߋ߬߸ ߓߊߏ߬ ߊ߬ߟߎ߬ ߓߍ߯ ߦߋ߫ ߛߎߡߊ߲ߞߐߦߌߞߊ ߘߏ߫ ߟߎ߫ ߟߋ߬ ߟߊ߫ ߣߛߌ߬ߜߍ߲ ߠߊ߫ ߦߋ߲߬.

<<ߡߐ߰ ߝߌ߬ߟߊ߫ ߟߋ߬ ߓߌ߬ߟߊ߬ߣߍ߲߬ ߢߐ߲߮ ߠߊ߫߸ ߞߵߊ߬ ߛߐ߬ߘߐ߲߬ ߡߐ߱ ߟߎ߬ ߓߘߊ߫ ߥߊ߫ ߥߊ߭ ߘߐ߫߸ ߡߐ߰ ߕߍ߫ ߛߏ ߞߣߐ߫ ߝߊߦߌߘߊ߫، ߞߋߟߋ߲ ߞߊ߬ ߘߐ ߜߊ߬ߛߌ߫ ߞߵߊ߬ ߡߊߕߍ߰ߕߍ߰ ߡߙߎ߬ߓߊ ߟߊ߫.>> ߞߏߟߊߕߍ߮ ߣߌ߲߬ ߞߵߏ߬ ߦߌ߬ߘߊ߬.

ߡߍ߲ ߡߊߘߌߡߌ߲ߣߍ߲߫ ߏ߬ ߘߌ߫߸ ߊ߬ ߟߊ߫ ߖߐߞߟߌ ߖߎ߯ߦߊ߫ ߘߊ߫ ߞߏߛߓߍ߫߸ ߞߵߏ߬ ߞߎ߲߭ ߞߍ߫ ߊ߬ ߕߍ߱ ߘߌ߫ ߡߙߎ߬ߓߊ ߟߊ߫߸ ߊ߬ ߞߊ߲ ߞߊ߲߬، ߞߵߊ߬ ߓߟߏ߫ ߞߎ߲߬ߞߙߎ߬ߓߊ ߕߍ߰ ߊ߬ ߟߊ߫߸ ߞߵߊ߬ ߛߋ߲߭ ߝߣߊ߫ ߖߐߞߌ߫، ߡߐ߰ ߝߟߐ ߡߍ߲ ߠߎ߬ ߣߊ߬ ߘߊ߫߸ ߏ߬ ߟߎ߫ ߟߋ߬ ߞߊ߬ ߛߏ ߕߐ߭ ߟߊߟߐ߲ߠߌ߲߫ ߡߎ߬ߕߎ߲߬ ߛߊ߫.

<<ߖߊ߬ߡߊ ߛߋ߫ ߘߊ߫ ߡߊ߬ߘߌ߬ߡߌ߲߬ߠߌ߲߬ߠߊ ߡߌ߬ߣߊ߬ ߟߊ߫ ߞߵߊ߬ ߞߍ߫ ߖߎ߬ߟߎ ߘߐ߫߸ ߞߵߊ߲ߠߎ߬ ߟߊߟߐ߲ߠߌ߲߫ ߡߎ߬ߕߎ߲߬ ߛߊ߫، ߊ߲ ߝߣߊ߫ ߞߊ߬ ߖߐߞߌߓߊ߯ߕߐ ߟߊߕߊ߯ ߞߊ߲ߞߊ߲߫ ߕߌ߲߬ߞߎߘߎ߲ ߘߊ߲ߘߊߛߏ ߟߊ߫߸ ߞߊ߬ ߞߟߍ߬ߡߐ߰ߘߊ ߝߣߊ߫ ߟߊߟߐ߲ߠߌ߲߫ ߏ߬ ߥߊ߯ߕߌ߫ ߞߋߟߋ߲ ߠߊ߫>> ߦߛߎߝߎ߬ ߝߏߝߣߊ߫ ߞߵߏ߬ ߝߙߊ߬ ߞߎߡߊ ߞߊ߲߬.

ߊ߬ ߢߌ߬ߣߌ߲߬ߞߊ߬ߣߍ߲ ߡߊ߬ߘߌ߬ߡߌ߲߬ߠߌ߲ ߞߍ߫ ߞߎ߲ ߡߊ߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߡߛߏ߬ ߞߏ߬ ߡߊ߲ߞߊ߲ ߠߋ߬ ߦߴߊ߬ߟߎ߬ ߕߍ߫، ߓߊߏ߬߸ ߞߏ߫ ߊ߬ ߕߎ߲߬ ߓߘߴߊ߬ ߝߐ߫ ߊ߬ ߦߋ߫ ߞߏ߫ ߊ߬ ߦߴߊ߬ ߓߐ߫ ߊ߬ ߡߏ߬ߛߏ ߞߐ߫، ߞߊ߬ߕߎ߲߯߸ ߘߎ߰ߕߌ߰ߘߊ ߝߘߏ߬ߓߊ߬ ߞߟߊ߬ߕߌ߮ ߟߊ߫ ߝߐߟߌ߫ ߘߐ߫߸ ߞߏ߫ ߞߊ߲ߡߋߙߋ߲ ߞߊ߬ ߞߊ߲ ߡߍ߲ ߝߐ߫ ߊ߬ߟߎ߬ ߦߋ߫ ߊ߬ ߡߌ߬ߣߊ ߞߐ ߘߐ߫߸ ߞߏ߫ ߊ߬ ߣߐ߬ ߡߍ߲ ߡߊߘߌߡߌ߲߫ ߠߊ߫߸ ߏ߬ ߓߌ߬ߝߊ߬ߣߍ߲߫ ߕߍ߬ߘߍ߫ ߊ߬ ߡߏ߬ߛߏ ߟߋ߬ ߞߐ߫߸ ߊ߬ ߓߘߴߊ߬ ߖߊ߬ߛߙߋ߬ߡߊ߬ߟߴߊ߬ ߦߋ߫ ߕߎ߬ߡߊ߬ ߛߌߦߊߡߊ߲߫.

ߖߐߞߌߓߊ߯ߕߐ ߛߌ߬ߞߛߊߓߌ ߦߋ߫ ߛߊ߲߬ ߃߅ ߟߋ߬ ߘߐ߫߸ ߊ߬ ߦߋ߫ ߘߊ߲ߘߊߟߌ ߘߊߞߘߐ߫ ߞߊ߲ߞߊ߲߫ ߘߊ߲ߘߊߛߏߓߊ ߟߊ߫، ߊ߬ ߝߊ߬ߘߌ ߞߊ߫ ߝߌ߬ߛߊ߬ ߝߛߊߦߌ߫، ߛߎߡߊ߲ߞߐ߬ߦߌ߬ ߞߏߟߊߕߍ߮ ߟߎ߬ ߟߊ߫ ߝߐߟߌ߫ ߘߐ߫.

ߛߌߞߊߒߡߊߓߊ߯ߕߐ ߘߌ߫ ߞߍ߫ ߛߊ߲߬ ߃߀ ߖߊ߬ߕߋ߫ ߟߋ߬ ߘߐ߫߸ ߏ߬ ߓߘߊ߫ ߛߋ߫ ߞߟߍ߬ߡߐ߮ ߟߎ߬ ߓߟߏߞߘߐ߫ ߢߊߢߌߣߌ߲ߠߌ߲ ߘߊߓߊ߲߫ ߞߊ߲ߡߊ߬.