ߝߎ߬ߙߎ߲߬ߞߎ߬ߟߌ ߡߍ߲ ߘߊߡߌ߬ߣߊ߬ ߘߊ߫ ߓߊߥߎ ߥߌ߯ߣߌ߲ ߞߐ߲ߛߐߙߑߛߌߦߐߡ ߛߌߡߊ߲ߘߎ߯ ߓߊ߯ߙߊߞߍߘߋ߲ ߠߎ߬ ߓߟߏ߫ ߞߎ߲߬ߢߐ߲߯ ߕߊ߬ߡߌ߲߬ߣߍ߲ ߣߌ߲߬ ߡߊ߬ ߞߊߦߌߙߊߥߊ߯ߣߍ߲߫ ߡߙߊ߬ߘߊ߬ߓߊ ߘߐ߫߸ ߏ߬ ߛߋ߫ ߘߴߊ߬ ߞߎ߲߬ߝߊ߮ ߡߊ߬ ߞߎߣߎ߲ߟߏ߲ ߣߌ߲߬ ߡߊ߬ ߂߀߂߆ ߘߓߊ߬ߕߊ ߕߟߋ߬ ߆߸ ߞߵߏ߬ ߞߎ߲߭ ߞߍ߫ ߓߊ߯ߙߊߞߍߘߋ߲ ߠߎ߬ ߞߐߦߌߘߊ ߣߌ߫ ߥߊߟߌߘߊ ߗߋߕߌ߯ߘߊ ߟߊ߫ ߓߍ߲߬ߘߐ ߘߌ߫.

ߓߍ߲߬ߘߐ߬ ߛߓߍ ߡߍ߲ ߓߊߛߌ߰ߣߍ߲߫ ߕߏ߲ߘߋ߫ ߥߐߙߐ߲ߝߌ߬ߟߊ߫ ߞߊ߲߬߸ ߏ߬ ߘߐߢߌߡߌ߲ ߞߐߝߍ߬ ߛߘߍߞߎߘߎ߲߫ ߛߌߦߊߡߊ߲ ߢߌ߲߬ ߠߎ߬ ߓߟߏ߫߸ (ߖߌ߬ߣߍ߫ ߘߍ߲߰ߘߊ߬ ߡߎߣߎ߲ ߠߎ߬ ߣߌ߫ ߞߓߊߓߐߦߌߟߊ ߟߎ߬ ߣߌ߫ ߘߊ߬ߡߊ߲߬ߘߊ ߟߎ߫ ߕߐ߰ߕߐ߰ߟߌ߬ ߞߙߎߝߊ߸ ߓߊ߯ߙߊ ߝߘߏ߬ߓߊ߬ ߜߋ߬ߟߎ߲߬ߠߌ߲߬ߘߊ ߕߊ߬ߣߍ߲ ߞߵߊ߬ ߟߊ߫ ߥߌ߯ߣߌ߲ ߞߐ߲ߛߐߙߑߛߌߦߐߡ ߞߏߟߊߕߍ߮ ߟߎ߫ ߞߊ߲߬߸ ߡߍ߲ ߕߍߝߐ߫ ߞߏߢߌߡߊ ߞߐߡߊߓߌ߲ߓߌ߲߫ ߘߊ߫ ߡߙߊ߬ߓߊ߰ߘߊ ߞߏߟߊߕߍ߮ ߟߎ߬ ߓߟߏ߫، ߒ߬ߓߊ߬߸ ߊ߬ߟߎ߫ ߓߍ߲߬ ߘߊ߫ ߓߍ߲߬ߘߐ ߏ߬ ߡߊ߬ ߕߏ߲ߘߋ߫ ߇ ߞߊ߲߬߸ ߡߍ߲ ߠߊߥߟߌ߬ ߘߊ߫ ߓߍ߲߭ ߣߌ߫ ߖߛߎ߬ߛߎߡߊ ߟߊߘߏ߲߭ ߡߊ߬߸ ߊ߬ ߣߌ߫ ߞߊ߬ ߓߊ߯ߙߊ ߘߊߓߊ߲ ߕߍ߰ߒ߬ߞߊ߲ ߛߐ߬ߘߐ߲߬߸ ߛߊ߫ ߟߊ߬ߣߐ߯ ߞߊߣߊ߬ ߘߏ߲߬ ߏ߬ ߘߐ߫.

ߓߌߟߏ߲ ߣߌ߲߬ ߛߐ߰ߡߊ߬ߟߊ ߇ߙߋ߲߃߀ ߟߋ߬ ߡߊ߬߸ ߓߊ߯ߙߊߞߍߘߋ߲ ߓߍ߯ ߟߊߘߍ߬ߣߍ߲ ߡߊߞߟߌߣߍ߲߫߸ ߞߏ߫ ߊ߬ߟߎ߬ ߦߋ߫ ߢߐ߲߯ߓߍ߲߬ ߓߊ߯ߙߊ߫ ߦߙߐ ߘߐ߫ ߕߎ߬ߡߊ ߏ߬ ߟߊ߫، <<ߊ߲ ߥߛߊ߬ߓߊ߮ ߟߎ߫ ߞߵߊ߬ ߣߕߊ߬ ߞߏ߫ ߊ߲ ߧߋ߫ ߓߊ߯ߙߊ ߘߊߡߌ߬ߣߊ߬ ߛߌߣߌ߲߫ ߛߐ߰ߡߊ߬ߟߊ ߇ߙߋ߲߃߀ ߡߊ߬߸ ߓߊ߯ߙߊ߫ ߘߊߞߎ߲ ߓߍ߯ ߘߐ߫ ߞߊ߬ߣߌ߲߬.>> ߏ߬ ߝߐ߫ ߘߊ߫ ߓߊ߯ߙߊߘߋ߲ ߘߏ߫ ߟߋ߬ ߓߟߏ߫߸ ߊ߲ ߞߊ߬ ߡߍ߲ ߡߊߛߐ߬ߘߐ߲߬ ߜߋߟߋ߲ߜߋߟߋ߲ ߠߊ߫.

ߝߎ߬ߙߎ߲߬ߞߎ߬ߟߌ ߟߊߟߐ߭ ߣߴߊ߬ ߕߊ߫߸ ߦߟߌߡߊߟߐ ߘߏ߫ ߟߎ߫ ߦߋ߫ ߓߊ߯ߙߟߊ ߟߎ߬ ߘߐ߫ ߡߎߣߎ߲߬ ߖߐ߫، <<ߊ߲ ߧߋ߫ ߓߍ߯ ߟߊߘߍ߬ߣߍ߲ ߝߏ߬ ߟߊ߫ ߘߏ߫ ߞߍ ߘߐ߫ ߣߌ߲߬ ߞߏ ߘߐ߫، ߓߊ߬ߙߌ߬߸ ߊ߲ ߧߋ߫ ߖߊ߲߬ߕߏ߬ߒ߬ߘߐ ߟߋ߬ ߘߐ߫ ߡߎߣߎ߲߬߸ ߓߊߏ߬ ߢߐ߲߯ߦߋ ߘߏ߫ ߞߊ߫ ߞߊ߲߫ ߞߊ߬ ߞߍ߫ ߞߐߣߊߞߙߌ߫ ߟߏ߲߫ ߣߊ߬ߕߐ ߟߎ߬ ߘߐ߫߸ ߊ߬ߟߋ߬ ߞߎߡߊ߫ ߞߋߟߋ߲ ߞߊ߲ߡߊ߬.>> ߊ߬ ߞߵߏ߬ ߝߙߊ߬ ߞߎߡߊ ߞߊ߲߬.

ߘߊߘߐߖߊߥߏ ߓߏ߬ߙߌ߬ ߘߊ߫ ߓߍ߲߬ߞߊ߲ ߡߍ߲ ߞߊ߲߬߸ ߏ߬ ߘߐߖߊ߬ߥߏ߬ ߘߊ߫ ߞߊߦߌߙߊߥߊ߯ߣߍ߲߫ ߡߙߊ߬ߘߊ߬ߓߊ ߟߋ߬ ߟߊ߫߸ ߝߊ߰ߡߊ ߟߎ߬ ߟߊ߫ ߖߊ߬ߡߊߙߌ ߞߣߐߡߊ߬߸ ߏ߬ ߡߍ߲ ߖߍ߬ߘߍ ߞߊ߬ ߕߍߝߐ ߣߐ߰ߦߊ߫ ߝߊ߲ ߝߌ߬ߟߊ ߣߌ߫ ߢߐ߲߯ ߕߍ߫، ߕߐ߰ߕߐ߰ߟߌ߬ߟߊ ߟߎ߫ ߞߵߊ߬ߟߎ߫ ߖߊ߬߸ ߞߏ߫ ߝߏ߫ ߞߊ߬ ߓߊ߯ߙߊߞߍߘߋ߲ ߠߎ߬ ߟߊ߫ ߡߞߊ߬ߛߌ߬ߟߌ ߕߊ߬ ߓߊ߫ ߘߐ߫߸ ߖߐ߲߰ߛߊ߫ ߓߊ߯ߙߊ ߘߌ߫ ߞߍ߫ ߊ߬ ߢߌ߬ߡߊ ߟߊ߫ ߢߊ ߡߍ߲ ߡߊ߬.

ߏ߬ ߘߐ߫߸ ߝߎ߬ߙߎ߲߬ߞߎ߬ߟߌ ߟߊߟߐ߭ ߣߌ߲߬ ߓߘߴߊ߬ ߦߌ߬ߘߊ߬ ߞߏ߫ ߛߌߡߊ߲ߘߎ߯ ߖߊ߬ߕߋ߬ߘߐ߬ߛߌ߮ ߓߊ߯ߙߊ ߟߎ߬ ߘߊߡߌ߬ߣߊ߬ߕߐ ߟߵߏ߬ ߘߌ߫ ߊ߬ ߢߌ߬ߡߊ ߟߊ߫߸ ߊ߬ߟߋ ߡߍ߲ ߦߋ߫ ߖߌ߬ߣߍ߫ ߖߊ߬ߕߋ߬ߘߐ߬ߛߌ߰ ߞߎ߲ߓߊ ߟߎ߬ ߘߏ߫ ߘߌ߫ ߞߊ߬ߣߌ߲߬، ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ߟߎ߬ ߦߴߊ߬ ߝߍ߬ ߟߋ߬ ߝߊ߲߬ߞߊ߬ ߦߋ߫ ߘߌ߫ ߘߊߘߐߖߊߥߏ ߟߋ߬ ߡߊ߬߸ ߖߐ߲߰ߛߊ߫ ߕߊ߲߬ߞߊ߬ ߘߌ߫ ߞߍ߫ ߣߌ߲߬ ߢߐ߲߰ ߛߎ߯ ߡߊ߬ ߖߡߊ߬ߣߊ ߣߌߡߊ߫ ߦߙߐ ߣߌ߲߬ ߘߐ߫.