ߞߋߣߌߦߊ߫ ߞߊ߲ߕߌ߮ ߟߋ߬ ߕߘߍ߬ ߓߐߒߡߊߟߌ ߘߏ߫ ߟߊ߫ ߌߕߊߟߌ߫߸ ߊ߬ ߣߌ߫ ߞߋߣߌߦߞߊ߫ ߌߕߊߟߌ߫ ߛߌ߰ߓߊ߮ ߟߎ߬ ߟߊ߫ ߘߊߘߐߖߊߥߏ ߝߍ߬ ߞߏ߲ߞߏߘߓߌ ߕߋ߬ߟߋ߫ ߂߀ ߡߊ߬ ߛߊ߫߸ ߊ߬ ߞߊ߬ ߓߐ߬ߘߍ߬ߓߐ߬ ߞߎߡߊ ߟߐ߬ ߖߋ߬ߟߌ߬ߓߟߊ߬ߞߊ ߟߎ߬ ߟߊ߫ ߊ߲߬ߜ߭ߌ߬ߟߋ߬ ߞߊ߲߬ ߝߐ߬ ߢߊ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߕߎ߬ߡߊ ߘߏ߫ ߟߎ߫ ߟߊ߫߸ ߝߏ߫ ߡߐ߱ ߦߋ߫ <<ߘߟߊߡߌߣߊߟߊ߲>> ߠߋ߬ ߢߌߣߌ߲߫ ߞߊ߬ ߖߋ߬ߟߌ߬ߓߟߊ߬ߞߊ ߟߎ߬ ߟߊ߫ ߊ߲߬ߜ߭ߌ߬ߟߋ߬ ߞߊ߲߬ ߝߐߣߍ߲ ߢߊߦߋ߫، <<ߊ߲ߠߎ߬ ߟߊ߫ ߞߊ߬ߙߊ߲ ߥߊ߫ ߢߊ ߞߊ߫ ߢߌ߲߬، ߊ߲ ߠߊ߫ ߊ߲߬ߜ߭ߌ߬ߟߋ߬ ߞߊ߲ ߛߊߣߌ߲ߡߊ߲߫ (...) ߌ ߓߴߌ ߕߟߏߡߊߟߐ߬ ߖߋ߬ߟߌ߬ߓߟߊ߬ߞߊ ߞߎߡߊߕߐ ߟߊ߫߸ ߌ ߕߍ߫ ߝߏߦߌ߬ ߢߊߦߋ߫ ߟߴߊ߬ ߟߊ߫ ߞߎߡߊ ߘߐ߫.>> ߊ߬ ߞߵߏ߬ ߝߐ߫.

ߊ߬ ߟߊ߫ ߞߎߡߊ ߏ߬ ߓߘߊ߫ ߦߍ߬ߟߍ߫ ߖߋ߬ߟߌ߬ߓߟߊ߬ߞߊ ߟߎ߬ ߖߎ߬ߛߎ ߟߊ߫ ߌߞߘߐ߫߸ ߞߊ߬ ߞߎߡߊ߫ ߛߌߦߊߡߊ߲ ߠߎ߬ ߘߊߡߌ߬ߣߊ߫ ߘߍ߬ߞߙߏߝߏ ߟߎ߫ ߞߊ߲߬߸ ߝߊ߲߬ߓߊ߬ߦߊ ߣߐ߬ ߊ߬ ߟߊ߫ ߞߎߡߊ ߏ߬ ߡߍ߲ ߦߋ߫ ߟߊ߫ ߓߐ߬ߘߍ߬ߓߐ߬ ߞߎߡߊ ߘߌ߫ ߞߵߊ߬ ߟߐ߬ ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߡߊ߬.

ߝߘߊ߬ߝߌ߲߬ߠߊ߫ ߝߊ߬ ߛߌߦߊߡߊ߲߫ ߜߘߍ߫ ߟߎ߫ ߝߣߊ߫ ߞߵߊ߬ ߟߊ߫ ߞߎߡߊ ߣߌ߲߬ ߡߊߞߕߌ߫ ߟߋ߬، ߖ߭ߌ߲ߓߊߓߎߥߋ߫ ߝߐ߰ߓߍ߬ߦߊ߬ߟߊ߫ ߤߏߔߋߥߍߟ ߦߴߏ߬ ߟߋ ߘߐ߫߸ ߏ߬ ߡߍ߲ ߞߵߊ߬ ߦߌ߬ߘߊ߬ ߞߏ߫ <<ߊ߲߬ߜ߭ߌ߬ߟߋ߬ ߞߊ߲ ߦߋ߫ ߥߙߎߣߍߦߊ߫ ߞߊ߲ ߠߋ߬ ߘߌ߫߸ ߤߊ߲ߞߟߌߡߦߊ ߕߐ߰ߡߊ߬ߛߙߋ߬ ߕߍ߫ ߘߋ߬.>> ߖߋ߬ߟߌ߬ߓߊ߬ߟߊ߫ ߞߊ߲߬ߜߍ߬ ߞߘߐ߸ ߛ߭ߋߤߎ߫ ߛߊߣߌ߫ ߞߵߊ߬ ߦߌ߬ߘߊ߬ ߞߏ߫ ߖߋ߬ߟߌ߬ߓߊ߬ߟߊ߫ ߦߋ߫ ߖߊߙߌߒߕߋ߫ ߖߢߊߣߊ ߣߌ߫ ߡߟߋߞߎߦߊ߫ ߖߡߊߣߊ ߟߋ߬ ߘߌ߫߸ ߏ߬ ߞߊ߬ ߖߋ߬ߟߌ߬ߓߊ߬ߟߊ߫ ߡߐ߰ߘߐ߬ߜߍ ߘߏ߫ ߟߎ߫ ߕߐ߮ ߡߊߘߊ߲߫߸ ߦߏ߫ ߥߏߟߋ ߛߏߦߌ߲ߞߊ߫߸ ߏ߬ ߡߍ߲ ߞߍ߫ ߘߊ߫ ߝߘߊ߬ߝߌ߲߬ ߝߟߐߝߟߐ ߘߌ߫ ߞߊ߬ ߣߏߓߍߟ ߟߊ߫ ߡߟߋߞߎߦߊ ߞߐ߲ߘߐ߲ ߛߐ߬ߘߐ߲߬، ߊ߬ ߣߌ߫ ߛ߭ߌߣߎߥߊ ߊߛ߭ߓߋ߫߸ ߏ߬ ߦߋ߫ ߞߝߊ߬ ߛߓߍ߬ߟߊ߬ߓߊ߫ ߟߋ߬ ߝߣߊ߫ ߘߌ߫، ߞߵߏ߬ ߟߊ߫ ߓߐ߬ߟߐ߲߬ߞߊ߫ ߛ߭ߌߡߊߡߊ߲ߘߊ ߒߖ߭ߏߖ߭ߌ ߊߘߛ߭ߌ߫ ߞߊ߲߬߸ ߏ߬ ߦߋ߫ ߡߏ߬ߛߏ߫ ߞߟߊ߬ߘߏ߲ߛߏ ߟߋ߬ ߘߌ߫߸ ߘߎߢߊ߫ ߝߊ߲߬ ߛߌߦߊߡߊ߲߫ ߞߊ߬ ߡߍ߲ ߟߐ߲߫.

ߝߐߢߐ߲߯ߞߐ ߣߌ߲߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߛߌ߬ߣߊ߬ߦߊ ߦߋ߫ ߖߋ߬ߟߌ߬ߓߊ߬ߟߊ߫ ߣߌ߫ ߞߋߣߌߦߊ߫ ߕߍ߫ ߘߍ߬ߞߙߏߝߏ ߞߊ߲߬ ߓߊߟߋ߬߸ ߛߐ߬ߘߐ߲ ߛߌߟߊ ߝߍ߬ ߛߐ߲߬߸ ߊ߬ ߣߌ߫ ߝߊ߬ߘߌ߬ߡߊ߬ߞߟߏ ߣߌ߫ ߟߐ߲ߠߌ߲ߦߊ߸ ߊ߬ߟߎ߬ ߦߋ߫ ߢߐ߲߯ ߡߊߓߏ߲߫ ߠߴߏ߬ ߞߎߡߊ߫ ߛߌߦߊߡߊ߲߫ ߠߋ߬ ߟߊ߫ ߛߐ߲߬، ߟߊ߬ߞߙߐ߬ߛߟߌ߬ߟߊ ߘߏ߫ ߟߎ߫ ߦߋ߫ ߞߋߣߌߦߊ߫ ߞߊ߲ߕߌ߮ ߟߊ߫ ߞߎߡߊ ߣߌ߲߬ ߦߋ߫ ߖߋ߬ߟߌ߬ߓߟߊ߬ ߞߊ߲ߕߌ߯ ߊߤߑߡߍߘ ߓߏ߬ߟߊ ߕߌ߬ߣߓߎ߬ ߟߊ߫ ߞߎߡߊ߫ ߞߘߐ ߘߏ߫ ߟߋ߬ ߖߋ߬ߓߌ ߘߌ߫߸ ߏ߬ ߡߍ߲ ߞߵߊ߬ ߝߐ߫ ߞߏ߫ ߖߋ߬ߟߌ߬ߓߟߊ߬ ߦߴߊ߬ ߘߌߦߊ߫ ߞߋߣߌߦߊ߫ ߘߌ߫.

ߊ߬ߟߋ߬ ߞߎߡߊ߫ ߞߋߟߋ߲ ߓߘߊ߫ ߞߍ߫ ߕߙߎ߬ ߘߌ߫߸ ߤߊ߲߯ ߞߊ߬ ߣߊ߬ ߡߐ߱ ߟߎ߬ ߘߊ ߛߋ߫ ߝߘߊ߬ߝߌ߲߬ߠߊ߫ ߞߊ߲߫ ߛߌߦߊߡߊ߲߫ ߞߏ ߝߣߊ߫ ߘߐ߫، ߓߊߏ߬߸ ߞߊ߲߫ ߞߏ ߞߟߊ߬ߡߊ߬ߓߊ߮ ߟߎ߬ ߞߊ߲߫ ߞߏ߫ ߖߋ߬ߟߌ߬ߓߊ߬ߟߊ߫ ߊ߲߬ߜ߭ߌ߬ߟߋ߬ ߞߊ߲ ߦߋ߫ ߖߡߊ߬ߣߊ ߞߊ߲߫ ߅߀߀ ߟߋ߬ ߕߍߡߊ߬، ߏ߬ ߘߐ߫߸ ߘߌߦߊߜߏߦߊ ߟߋ߬߸ ߏ߬ ߟߎ߬ ߘߴߊ߬ߟߎ߫ ߣߐ߭ ߟߴߊ߬ ߞߊ߲߬، ߊ߬ߟߎ ߝߍ߬ ߏ߬ ߘߐ߫߸ ߞߊ߲ ߠߎ߬ ߟߊ߫ ߛߌߦߊߦߊ ߏ߬ ߟߋ ߣߐ߬ ߊ߬ ߝߏ߲߬ߝߏ߲߬ߠߊ ߟߊ߫ ߟߊ߫ ߖߋ߬ߟߌ߬ߓߊ߬ߟߊ߫ ߊ߲߬ߜ߭ߌ߬ߟߋ߬ ߞߊ߲ ߞߊ߲߬، ߊ߬ߟߎ߫ ߞߵߊ߬ ߟߴߊ߬ ߞߊ߲߬߸ ߞߏ߫ ߖߋ߬ߟߌ߬ߓߊ߬ߟߊ߫ ߊ߲߬ߜ߭ߌߟߋ ߞߏ߬ߣߌ߲ ߦߋ߫ ߞߊ߬ߙߊ߲߬ ߠߊ߫ ߘߎߢߊ߫ ߢߊߝߍ߬ ߓߌ߬߸ ߡߐ߬ߟߐ߲ ߦߴߊ߬ ߟߊ߫ ߝߣߊ߫.

ߞߵߊ߬ ߛߐ߬ߘߐ߲߬߸ ߞߋߣߌߦߊ߫ ߞߊ߲ߕߌ߮ ߟߊߘߌߦߊߢߍߓߊ߮ ߟߎ߬ ߞߊ߲߫ ߠߋ߬ ߞߏ߫ ߊ߬ ߣߐ߬ ߕߏߟߏ߲߫ ߞߎߡߊ ߟߋ߬ ߝߐ߫ ߟߊ߫، ߘߏ߫ ߟߎ߫ ߝߣߊ߫ ߞߊ߲߫ ߞߏ߫ ߊ߬ ߣߊ߬ߡߊߣߵߊ߬ ߘߊ ߜߊ߬ߟߌ߬ߜߊߟߌ߫ ߖߋ߬ߟߌ߬ߓߟߊ߬ ߞߊ߲߫ ߞߏ ߘߐ߫߸ ߞߏ߫ ߜߟߍ߬ߦߊ ߡߍ߲ ߠߎ߬ ߦߋ߫ ߞߋߣߌߦߊ߫ ߞߊ߲߬߸ ߊ߬ ߦߴߊ߬ ߖߍ߬ߘߍ߫ ߛߐ߬ߘߐ߲߫ ߏ߬ ߟߎ߬ ߟߊ߫ ߡߎߣߎ߲߬، ߦߏ߫ ߖߡߊ߬ߣߊ ߖߊ߬ߣߍ߲߬ ߢߊ ߡߍ߲߸ ߖߊ߯ߓߊߕߐߦߊ ߥߙߊ߬ߣߍ߲߬ ߢߊ ߡߍ߲.

ߢߌ߲߬ ߠߋ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߝߘߊ߬ߝߌ߲߬ߠߊ߬ ߡߊ߫ ߕߟߊ߫ ߞߊ߲߫ ߞߏ ߖߐ߬ ߥߏ ߟߊ߫ ߤߊߟߌ߬ߛߊ߫، ߊ߬ ߟߊߡߊ߰ ߘߊ߫ ߕߋ߲߬ ߌߞߘߐ߫߸ ߌ ߘߴߊ߬ ߟߐ߲߫ ߞߏ߫ ߞߏ߫ ߘߋ߲ߣߍ߲߫ ߕߍ߫ ߞߊ߲߫ ߞߏ ߘߌ߫ ߦߊ߲߬.