ߓߌ߬ ߞߐ߬ߟߏ߲ ߂߀߂߆ ߘߓߊ߬ߕߊ ߕߟߋ߬ ߂߀߂߆ ߣߌ߲߬ ߡߊ߬߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߣߐ߬ ߛߋ߲߬ߠߊ߬ߓߐ߬ߟߌ ߘߏ߫ ߟߋ߬ ߞߍ߫ ߟߊ߫ ߞߊ߬ ߥߊ߫ ߛߋ߫ ߞߌ߲ߘߌߦߊ߫ ߟߐ߯ߝߍߓߊ ߘߐ߫ ߞߵߊ߬ ߓߍ߲߬ ߟߐ߯ߝߍ ߖߍ߬ߘߍ ߛߌ߬ߝߊߘߌ ߟߐ߲߫ ߡߊ߬ ߘߐ߲߬ߞߌ߲߬ ߛߊߟߌ ߢߊߞߘߐߟߊ ߣߌ߲߬ ߘߐ߫
ߓߐ߬ߟߐ߲߬ߞߊ ߝߊߕߎߡߊߕߊ߬ ߞߐ߰ߦߊ߫ ߦߋ߫ ߖߍ߯ ߖߎߟߊ ߟߋ߬ ߘߌ߫ ߞߌ߲ߘߌߦߊ߫ ߟߐ߯ߝߍߓߊ ߘߐ߫ ߸ ߏ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߖߍ߯ ߞߏ ߦߋ߫ ߟߌ߬ߤߟߊ ߟߋ߬ ߘߐ߫ ߕߋ߲߬ ߡߍ߲ ߜߟߍ߬ߡߊ߲߬ ߞߏߛߓߍ߫ ߸ ߝߙߋ߬ߞߍ߬ߟߊ ߟߎ߬ ߣߌ߫ ߛߊ߲߬ߠߌ߲߬ߠߊ ߟߎ߬ ߓߍ߯ ߦߋ߫ ߘߏ߫ ߛߐ߬ߘߐ߲߬ ߠߊ߫ ߝߋ߲ ߠߎ߬ ߛߐ߲߬ߞߐ ߟߊ߫ ߜߟߍ߬ߦߊ ߣߌ߫ ߥߊߘߌ߫ ߞߏߖߊ ߣߌ߲߬ ߘߐ߫:
<< ߡߐ߰ ߛߘߍߡߊ߲߫ ߠߋ߬ ߣߊ߬ ߟߊ߫ ߟߐ߯ߝߍ ߘߐ߫ ߞߵߊ߬ ߕߘߍ߬ ߥߊ߯ ߅߀. ߀߀߀ ߣߌ߫ ߥߊ߯ ߁߀߀ ߀߀߀ ߟߋ߬ ߦߴߊ߬ߟߎ߫ ߞߎ߲߬߸ ߊ߬ߟߎ߬ ߦߴߊ߬ ߝߍ߬ ߛߍߣߍ߲߬ ߞߊ߬ ߥߊ߫ ߖߍ߯ ߞߟߊ߫ ߛߓߊ߬ ߣߌ߫ ߣߊ߯ߣߌ߲߫ ߘߴߊ߬ߟߎ߬ ߓߟߏ߫ ߸ߊ߬ ߘߏ߲߬ ߖߍ߮ ߟߎ߬ ߛߐ߲߬ߞߐ ߜߟߍ߬ߡߊ߲߬ ߸ ߖߍ߯ ߝߎߝߎ߫ ߁ ߞߋߟߋ߲ ߘߏ߫ ߟߎ߫ ߦߋ߫ ߇߂߀.߀߀߀ ߣߌ߫ ߈߀߀.߀߀߀ ߣߌ߫ ߃߀߀ ߀߀߀ ߣߌ߫ ߂߀߀.߀߀߀ ߟߎ߫ ߟߋ߬ ߘߐ߫ >>.
ߊ߬ ߛߋ߫ ߘߊ߫ ߞߵߊ߬ ߦߌ߬ߘߊ߬ ߞߏ߫ ߜߟߍ߬ߦߊ ߏ߬ ߓߍ߫ ߢߌߣߌ߲߫ ߞߊ߬ ߣߐ߭ ߛߐ߬ߘߐ߲߫ ߊ߬ߟߎ߫ ߡߊ߬ ߸ ߖߍ߯ ߞߏߖߊ ߣߌ߫ ߥߊߘߌ߫ ߞߏߖߊ ߞߏߛߐ߲߬.
<< ߏ߬ ߟߋ߬ ߞߏߛߐ߲߬ ߊ߲ ߧߴߊ߬ ߝߍ߬ ߞߎ߲߬ߠߊ߬ߛߌ߮ ߦߴߊ߲ ߘߍ߬ߡߍ߲߬ ߸ߓߊߏ߬ ߥߊߘߌ߫ ߞߏߖߊ ߦߋ߫ ߡߐ߱ ߞߊ߲߬،ߖߍ߮ ߕߴߦߋ߲߬ ߝߣߊ߫߸ߣߌ߫ ߖߍ߮ ߘߏ߲߬ ߦߴߊ߲ ߓߟߏߞߘߐ߫ ߏ߬ ߘߌ߫ ߘߏ߫ ߓߐ߫ ߜߟߍ߬ߦߊ ߟߊ߫߸ ߣߊߛߐ߲ߞߐ ߓߍ߯ ߘߌ߫ ߣߐ߰ߦߊ߫.
ߊ߬ ߟߊ߫ ߞߎߡߊ߫ ߞߎ߲߬ߘߏ߲ ߘߐ߫ ߛߊ߫ ߸ߊ߬ ߞߵߊ߬ ߦߌ߬ߘߊ߬ ߌߞߐ߫ ߞߏ߫ ߤߊߟߌ߬ ߛߊ߲߬ߠߌ߲߬ߠߊ ߟߎ߬ ߟߊ߫ ߛߊ߲߬ߠߌ߲ ߓߍ߯ ߓߘߊ߫ ߞߍ߫ ߝߙߋߞߋ߫ ߘߌ߫ ߕߋ߲߬.
<< ߛߊ߲߬ߠߌ߲ ߞߐ߬ߣߌ߬ ߦߋ߫ ߞߍ߫ ߟߊ߫ ߘߏ߯ߣߍ߲߫-ߘߏ߯ߣߍ߲߫ ߤߊߟߌ߬ ߣߴߊ߬ ߞߵߊ߬ ߕߘߍ߬ ߞߏ߫ ߊ߬ ߜߟߍ߬ߡߊ߲߬ ߣߍ߲ߞߍ߫.
ߥߊߘߌ߫ ߕߍ߫ ߡߐ߱ ߟߎ߬ ߓߟߏ߫ ߸ ߛߊߣߌ߲߬ ߛߊ߲߬ߠߌ߲߬ߠߊ ߦߋ߫ ߖߍ߮ ߛߐ߬ߘߐ߲߬ ߞߋ ߓߍ߫߸ߝߏ߬ߣߴߊ߬ ߕߌ߱ ߞߵߊ߬ ߥߞߊ߬ߟߌ߬ ߞߊ߬ ߞߋߟߋ߲߫ ߛߊ߲߬ ߛߴߊ߬ ߟߊ߫ ߞߐߙߍ ߞߊߣߊ߬ ߕߏ߫ ߕߋ߲߬ >>
ߓߐ߬ߟߐ߲߬ߞߊ ߝߊߕߎߡߊߕߊ߬ ߞߐ߰ߦߊ߫ ߟߋ߬ ߞߊ߲߫ ߕߋ߲߬ ߞߵߊ߬ ߓߍ߲߬ ߞߌ߲ߘߌߦߊ߫ ߟߐ߯ߝߍߓߊ ߖߍ߯ ߞߏߖߊ ߣߌ߫ ߥߊߘߌ߫ ߞߏߖߊ ߡߊ߬߸ ߣߌ߲߬ ߘߏ߲߬ ߓߐߘߊ ߦߋ߫ ߞߎ߲߬ߠߊ߬ߛߌ߮ ߟߊ߫ ߘߍ߬ߡߍ߲߬ߠߌ߲ ߠߋ߬ ߘߌ߫ ߏ߬ ߣߌ߫ ߡߐ߰ ߢߌߡߊ߫ ߟߎ߬.
Aucun commentaire pour le moment.