ߛߌ߬ߛߍ߬ ߖߎߟߊ ߟߎ߬ ߦߋ߫ ߓߊ߯ߙߓߊ ߖߍ߬ߘߍߖߍ߬ߘߍ ߟߋ߬ ߞߍ߫ ߟߊ߫ ߕߋ߲߬ ߤߊߟߌ߬ ߣߴߊ߬ ߞߵߊ߬ ߕߘߍ߬ ߞߏ߫ ߊ߬ ߜߟߍ߬ߡߊ߲߬ ߞߵߊ߬ ߓߍ߲߬ ߘߐ߲߬ߞߌ߬ ߛߊߟߌ ߢߊߞߘߐߟߊ ߝߋ߲ ߠߎ߬ ߠߎ߬ ߛߐ߲߬ߞߐ ߦߍ߬ߟߍ ߡߊ߬.

ߓߐ߬ߟߐ߲߬ߞߊ߬ ߛߎߡߊ߬ ߖߍ߬ߘߍ ߏ߬ ߟߊߛߙߋߦߊߓߊ߮ ߘߏ߫ ߘߌ߫ ߞߌ߲ߘߌߦߊ߫ ߟߐ߯ߝߍߓߊ ߘߐ߫߸ ߊ߬ߟߋ ߡߍ߲ ߦߋ߫ ߛߌ߬ߛߍ߬ ߖߎߟߊ ߘߏ߫ ߘߌ߫.

<< ߊ߲ߠߎ߬ ߘߴߊ߬ ߝߐ߫ ߞߏ߫ ߊߟߊ߫ ߕߊ߲ߘߏ߫ ߓߊߏ߬ ߛߊ߲߬ߠߌ߲ ߦߋ߫ ߞߍ߫ ߟߊ߫ ߘߏ߯ߣߍ߲߫-ߘߏ߯ߣߍ߲߫ ߸ ߤߊߟߌ߬ ߣߴߊ߬ ߞߵߊ߬ ߕߘߍ߬ ߞߏ߫ ߕߣߐ߬ߓߊ ߕߴߊ߬ ߟߴߊ߬ ߛߐ߲߬ߞߐ ߜߟߍ߬ߦߊ ߞߏߛߐ߲߬߸ߓߊ߬ߙߌ߬ ߊ߲ ߕߴߛߋ߫ ߕߏ߫ ߟߊ߫ ߕߋ߲߬ ߝߏ߫ ߊ߲ ߧߋ߫ ߘߎ߰ߘߋ߲ ߠߎ߬ ߝߣߊ߫ ߡߊߛߐ߫ ߛߌ߬ߛߍ ߟߎ߬ ߟߊ߫ ߸ ߏ߬ ߟߋ߬ ߓߍ߯ ߟߊߘߍ߬ߣߍ߲ ߞߏߛߐ߲߬ ߊ߲ ߧߵߊ߲ ߖߘߍ߬ ߛߘߊߞߊ߫ ߟߴߊ߬ߟߎ߬ ߦߋ߫>>

ߖߍ߯ ߖߎߟߊ ߣߌ߲߬ ߞߵߊ߬ ߦߌ߬ߘߊ߬ ߞߏ߫ ߖߍ߮ ߟߎ߬ ߟߊ߫ ߛߐ߲߬ߞߐ ߟߊ߫ ߜߟߍ߬ߦߊ ߣߌ߲߬ ߕߴߊ߬ߟߎ߬ ߛߋߞߏ ߘߌ߫ ߞߵߊ߬ ߓߍ߲߬ ߛߌ߬ߛߍ ߟߎ߬ ߛߐ߬ߘߐ߲߬ ߢߊ ߡߴߊ߬ߟߎ߬ ߓߟߏ߫  ߕߙߐߦߊ ߖߍ߬ߘߍߖߍ߬ߘߍ ߘߐ߫.

<< ߊ߲ ߧߋ߫ ߡߍ߲ ߝߐ߫ ߟߊ߫ ߖߊ߬ߡߊ ߦߋ߫ ߞߏ߫߸ ߛߌ߬ߛߍ ߘߊ ߜߟߍ߬ߡߊ߲߫ ߘߋ߬ ߸ ߓߊ߬ߙߌ߬ ߏ߬ ߕߴߊ߲ߠߎ߬ ߝߣߊ߫ ߟߊ߫ ߝߍ߭ ߘߌ߫ ߘߋ߬ ߸ ߊ߬ߟߎ߬ ߡߊߛߐ߬ߘߐ߲߬ ߢߊ ߟߋ߬ ߦߴߊ߬ ߞߍ߫ ߟߊ߫ ߛߐ߲߬߸ ߏ߬ ߘߐ߫ ߊ߬ߟߎ߬ ߦߋ߫ ߘߌ߬ߢߍ߬ ߊ߲ ߡߊ߬ >>

ߛߊߣߌ߲߬ ߊ߬ ߦߴߊ߬ ߟߊ߫ ߛߙߊ߬ߣߎ߲ ߞߎ߲߭ ߝߊ߰߸ ߊ߬ ߞߵߊ߬ ߦߌ߬ߘߊ߬ ߞߏ߫ ߘߏ߫ ߘߌ߫ ߛߋ߫ ߓߐ߫ ߟߴߊ߬ߟߎ߬ ߟߊ߫ ߕߙߐߦߊ ߣߌ߲߬ ߠߊ߫ ߣߌ߫ ߞߎ߲߬ߠߊ߬ߛߌ߮ ߣߌ߫ ߘߍ߬ߡߍ߲߬ߠߌ߲߬ߠߊ ߟߎ߬ ߞߵߊ߬ߟߎ߬ ߛߋߞߏ ߘߏ߫ ߞߍ߫ ߊ߬ߟߎ߬ ߦߋ߫ ߞߊ߬ߣߌ߲߬ :

<< ߊ߲ ߧߋ߫ ߡߍ߲ ߢߌߣߌ߲߫ ߠߊ߫ ߸ ߊ߬ߟߎ߬ ߦߴߊ߲ ߘߍ߬ߡߍ߲߬ ߊ߲ ߧߋ߫ ߛߋ߫ ߞߊ߬ ߛߌ߬ߛߍ߬ ߕߏ߯ߘߊ ߘߏ߫ ߛߐ߬ߘߐ߲߬ ߞߌ߲ߘߌߦߊ߫ ߟߐ߯ߝߍߓߊ ߞߣߐ߫ ߦߊ߲߬߸ ߏ߬ ߓߊ߯ ߞߍ߫ ߛߊߟߌ ߓߊ߫ ߛߋ߫ ߊ߲ ߕߍߣߊ߬ ߕߙߐ߫ ߟߊ߫،ߛߌ߬ߛߍ ߟߎ߬ ߘߊ ߘߌ߫ ߣߐ߰ߦߊ߫ ߌߞߐ߫>>

ߞߌ߲ߘߌߦߊ߫  ߡߊ߬ߞߏ ߦߋ߫ ߛߌ߬ߛߍ߬ ߕߏ߯ߘߊ ߘߏ߫ ߟߊ߫ ߕߋ߲߬ ߞߏߛߓߍ߫:

<< ߞߌ߲ߘߌߦߊ߫ ߦߋ߫ ߘߎ߰ ߓߙߊߞߊߣߍ߲ ߠߋ߬ ߘߌ߫ ߞߊ߬ߕߎ߲߰ ، ߛߏ߫ ߛߘߍߡߊ߲߫ ߠߋ߬ ߦߋ߫ ߣߊ߬ ߟߊ߫ ߞߌ߲ߘߌߦߊ߫ ߛߌ߬ߛߍ߬ ߕߊ߬ ߦߌߟߊ ߘߐ߫ ߦߏ߫ : ߞߐߣߊߞߙߌ߫߸ ߞߐ߰ߦߊ߫ ߣߌ߫ ߘߎ߬ߓߙߋߞߊ߬  ߊ߬ ߣߌ߫ ߓߏߝߊ߬߸ ߏ߬ ߘߐ߫ ߞߌ߲ߘߌߦߊ߫ ߣߌ߫ ߛߌ߬ߛߍ߬ ߕߏ߯ߘߊ ߓߟߋߓߟߋ ߘߏ߫ ߛߐ߬ߘߐ߲ ߞߊ߫ ߞߊ߲߫ ߕߋ߲߬ ߝߋߎ߫߸ ߞߊ߬ ߘߏ߫ ߟߴߊ߬ ߦߙߌߞߊ߫ ߟߎ߬ ߝߣߊ߫ ߞߊ߲߬ >>

ߓߐ߬ߟߐ߲߬ߞߊ ߛߎߡߊ߬ ߟߋ߬ ߞߊ߲߫ ߕߋ߲߬ ߞߌ߲ߘߌߦߊ߫ ߟߐ߯ߝߍߓߊ ߛߌ߬ߛߍ߬ ߖߎߟߊ ߘߏ߫