ߓߌ߬ ߞߎߣߎ߲ߟߏ߲ ߂߀߂߆ ߘߓߊ߬ߓߌߟߊ ߕߟߋ߬ ߇ ߡߊ߬߸ ߝߘߏ߬ߓߊ߬ ߞߟߊ߬ߕߌ߰ߘߊ ߡߍ߲ ߦߋ߫ ߞߊ߲ߕߌ߯ߘߊ ߟߊ߫ ߣߴߊ߬ ߘߐ߱ߘߏ߲߬ߣߍ߲߫ ߞߏ߫ ߓߟߏߡߊߞߊ߬ߣߍ߲ ߠߎ߬ ߣߌ߫ ߕߋ߰ߙߋ߬ߦߊ߬ߞߏ ߟߎ߬ ߞߍ߬ߟߍ ߟߊ߫߸ ߏ߬ ߞߊ߬ ߟߊ߬ߛߋ߬ߟߌ ߘߏ߫ ߟߋ߬ ߞߍ߫ ߓߌ߬߸ ߞߵߊ߬ ߦߌ߬ߘߊ߬ ߞߏ߫ ߕߍ߮ ߓߘߊ߫ ߞߍ߫ ߛߌߞߊߒߡߊߓߊ߯ߕߐ߫ ߡߐ߰ ߁߁ ߘߐ߫، ߛߏ߲߬ߧߊ߬ߟߌ߬ ߞߙߏߝߏ ߕߎ߲߬ ߦߋ߫ ߡߍ߲ ߠߎ߬ ߓߟߏ߫ ߞߊ߬ ߔߏߔߏ߫ ߟߎ߬ ߡߊߟߐ߲߫ ߝߙߍߕߍ ߟߎ߬ ߡߊߝߊ߬ߟߋ߲߬߸ ߕߐ߲ߕߌ߮ ߝߙߏߡߏ߫ ߛߙߏߔߏߜ߭ߌ߫ ߟߊ߫ ߝߐߟߌ߫ ߘߐ، ߞߏ߫ ߕߍ߮ ߞߍ߫ ߘߊ߫ ߛߌߞߊߒߡߊߓߊ߯ߕߐ ߟߎ߬ ߘߐ߫ ߘߓߊ߬ߓߌߟߊ ߕߋ߬ߟߋ߫ ߄ ߠߋ߬ ߡߊ߬.
ߊ߬ߟߎ߬ ߟߊ߫ ߦߙߍߞߍߟߌ ߣߌ߲߬ ߘߐ߫߸ ߊ߬ߟߎ߬ ߛߋ߫ ߘߊ߫ ߞߊ߬ ߔߏߔߏ߫ ߁߁ ߠߋ߬ ߡߌ߬ߣߊ߬ ߡߍ߲ ߠߎ߬ ߛߏ߲߬ߧߊ߬ߣߍ߲߫، ߢߊߢߌߣߌ߲ߠߌ߲ߠߊ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߔߏߔߏ߫ ߣߌ߲߬ ߠߎ߫ ߕߘߍ߬ ߟߊߟߐ߬ߣߍ߲߫ ߕߍ߬ߘߍ߫ ߟߊ߬ߟߐ߬ߟߌ߬ߘߊ(ߜ߭ߊ߬ߙߊ߯ߖ߭ߌ߬) ߘߏ߫ ߟߋ߬ ߞߣߐ߫߸ ߡߍ߲ ߠߎ߬ ߦߙߐ߫ ߛߌߦߊߡߊ߲߫ ߡߊߝߊ߬ߟߋ߲߬ߣߍ߲߫: ߥߋ߲߬ߛߋ߲߬ߓߘߊ߸ ߘߓߌ߬ߛߐ ߊ߬ ߣߌ߫ ߛߌ߰ߦߙߐ ߟߎ߬، ߏ߬ ߞߐ߫ ߞߵߊ߬ߟߎ߬ ߡߊߟߐ߲߫ ߝߙߍߕߍ ߟߎ߫ ߖߏ߬ߛߌ߫ ߞߊ߬ ߜߘߍ߫ ߟߎ߫ ߓߌ߬ߟߊ߫ ߞߘߐ߬ߡߊ߲ ߣߐ߭ ߘߐ߫.
ߕߍ߮ ߞߍߣߍ߲߫ ߡߐ߱ ߡߍ߲ ߠߎ߬ ߘߐ߫ ߕߋ߲߬߸ ߘߏ߫ ߟߎ߫ ߛߌ߬ߞߛߊߓߌ ߦߋ߫ ߛߊ߲߬ ߂߇ ߣߌ߫ ߄߄ ߕߍߟߊ ߟߋ߬ ߘߐ߫، ߘߐ߬ߓߍ߲߬ߠߌ߲߬ߠߊ ߣߌ߫ ߢߎߡߍߦߟߊ ߦߴߊ߬ߟߎ߬ ߘߐ߫߸ ߢߊߢߌߣߌ߲ߠߌ߲ߠߊ߫ ߓߟߏߡߊߞߊ߬ߣߍ߲ ߠߎ߬ ߞߵߊ߬ ߦߌ߬ߘߊ߬ ߕߎ߲߯ߣߌ߲߫߸ ߞߏ߫ ߕߍ߯ߓߦߊ ߘߏ߫ ߘߌ߫ ߛߐ߬ߘߐ߲߬ ߛߌߞߊߒߡߊߓߊ߯ߕߐ߫ ߡߌ߬ߘߊ߬ߣߍ߲ ߢߌ߲߬ ߠߎ߫ ߣߌ߫ ߘߎ߰ߘߐ߬ߛߙߋ߬ߦߊ߬ߟߊ ߘߏ߫ ߟߎ߫ ߕߍ߫߸ ߞߊ߬ ߕߏ߫ ߘߐ߬ߛߙߋ߫ ߥߎߦߡߊ ߟߎ߬ ߣߌ߫ ߝߟߊ ߟߎ߬ ߟߊߘߊ߲߫ ߠߊ߫.
ߓߌ߬ߟߊ߬ ߞߍߣߍ߲߫ ߛߌߞߊߒߡߊߓߊ߯ߕߐ ߢߌ߲߬ ߠߎ߬ ߞߐ߫ ߛߏ߲߬ߧߊ߬ߟߌ ߣߌ߫ ߕߌߢߍߟߌ߫ ߘߊ߲߬ߠߊߕߊ߬ߡߌ߲߬ߣߍ߲ ߠߋ߬ ߞߏߛߐ߲߬߸ ߊ߬ߟߎ߫ ߞߵߊ߬ߟߎ߫ ߛߐ߬ߛߐ߫ ߟߋ߬ ߊ߬ ߞߏ ߟߊ߫، ߏ߬ ߟߋ߬ ߞߏߛߐ߲߬߸ ߊ߬ߟߎ߬ ߦߋ߫ ߛߌߞߊߒߡߊߓߊ߯ߕߐ ߟߋ߬ ߘߌ߫ ߡߎߣߎ߲߬ ߤߊ߲߯ ߊ߬ ߞߏ ߦߋ߫ ߟߊߜߍ߫.
ߛߌߞߊߒߡߊߓߊ߯ߕߐ߫ ߡߐ߰ ߁߁ ߠߎ߬ ߟߊߓߐ߫ ߞߐ ߘߐ߫ ߝߐ߰ߓߍ߬ߘߊ ߢߊߞߘߐ߫߸ ߊ߬ߟߎ߬ ߟߊߕߊ߯ ߘߊ߫ ߡߊ߬ߝߊ߲߬ߞߏ߫ ߞߕߌߘߊ ߦߌߟߡߊ߫ ߝߟߐ ߟߊ߫ ߊ߬ ߣߌ߫ ߔߏߔߏ߫ ߡߌ߬ߘߊ߬ߣߍ߲ ߠߎ߬߸ ߏ߬ ߟߎ߬ ߓߍ߯ ߟߋ߬ ߕߊ߯ ߘߴߊ߬ߟߎ߫ ߝߍ߬ ߦߋ߲߬.
Aucun commentaire pour le moment.