ߡߊ߬ߛߎ߬ߓߊ߬ߞߏ߫ ߟߋ߬ ߞߍߣߍ߲߫ ߓߌ߬ ߓߌߟߏ߲ ߣߌ߲߬ ߛߐ߱ߡߊ߬ ߂߀߂߆ߞߏ߲ߞߏߘߓߌ ߕߋ߬ߟߋ߫ ߂߃ ߡߊ߬ ߖߙߊ߬ߜߍ߬ߟߊ߫ ߛߏ ߞߣߐ߫߸ ߊ߬ߟߋ ߡߍ߲ ߦߋ߫ ߞߙߎ߬ߛߊ߫ ߞߊ߬ߝߏ߬ߙߋ߲ ߘߐ߫ ߞߊ߬ߣߌ߲߬، ߗߍ߬ ߞߊ߲߬ߜߍ߫ ߛߊ߲߬ ߓߌߣߊ߯ߣߌ߲ ߘߏ߫ ߟߋ߬߸ ߊ߬ ߕߐ߯ ߞߏ߫ ߡߊ߬ߡߊ߬ߘߌ߫ ߓߊ߲߬ߓߊ߸ ߏ߬ ߛߎ߭ ߟߋ߬ ߦߋߣߍ߲߫ ߣߊߞߐ ߘߏ߫ ߘߐ߫ ߛߏ߫ ߞߐߞߊ߲߬߸ ߊ߬ ߝߊ߰ߣߍ߲߫ ߡߊ߬ߙߌ߬ߝߊ߬ ߞߌ߬ߛߍ ߟߊ߫.

ߛߙߋ߫ ߞߎ߲߬ߝߟߐ ߟߎ߬ ߟߊ߫ ߝߐߟߌ߫ ߘߐ߫߸ ߘߏ߲ߡߛߏ ߘߏ߫ ߟߋ߬ ߞߊ߬ ߛߎ߭ ߣߌ߲߬ ߦߋ߫ ߛߐ߰ߡߘߊ߬ ߖߏߣߊ ߟߊ߫߸ ߞߵߊ߬ ߛߐ߬ߘߐ߲߬ ߏ߬ ߥߊߕߐ߫ ߛߡߐ߬ߞߟߏ߬ ߕߐ߬ߡߐ߲߬ ߦߌߟߊ ߘߐ߫، ߖߙߊ߬ߜߍ߬ߟߊ߫ ߘߎ߰ߕߌ߯ ߛߏ߬ߙߌ߬ߓߊ߫ ߛߊ߬ߞߐ߫ ߞߊ߬ ߛߦߊ߬ ߞߏ ߣߌ߲߬ ߔߘߋߔߘߋߟߊߕߍ߰

 <<ߞߏߛߓߍ߫߸ ߛߐ߰ߡߊ߬ߘߊ ߟߋ߬ ߟߊ߫߸ ߊ߲ ߘߐ߯ߡߛߏ ߘߏ߫ ߥߊߕߐ߫ ߕߍ߬ߘߍ߫ ߛߡߐ߬ߞߟߏ߬ ߕߐ߬ߡߐ߲߬ ߦߌߟߊ ߘߐ߫߸ ߏ߬ ߥߊ߫ ߘߴߊ߬ ߢߊ ߟߊߕߊ߬ ߛߎ߭ ߢߌ߲߬ ߠߊ߫، ߊ߬ ߓߏ߲ߣߍ߲߫ ߡߊ߬ߙߌ߬ߝߊ ߟߊ߫ ߣߊߞߐ ߘߏ߫ ߘߐ߫ ߛߏ߫ ߞߐߝߍ߬.>> ߊ߬ ߞߵߏ߬ ߦߌ߬ߘߊ߬ ߞߎߡߊ ߘߐ߫.

ߘߎ߰ߕߌ߮ ߟߊ߫ ߝߐߟߌ߫ ߘߐ߫߸ ߡߊ߲߬ߞߊ߲߫ ߕߎ߲߬ ߕߍ߫ ߛߊ߬ߓߊ߰ߕߐ ߢߌ߲߬ ߣߌ߫ ߛߏ ߡߐ߰ ߛߌ߫ ߕߍ߫ ߞߘߐ߬ߡߊ߲߬، 

<<ߝߙߋߞߋ߫ ߕߎ߲߬ ߕߴߊ߬ ߣߌ߫ ߡߐ߰ ߛߌ߫ ߕߍ߫߸ ߛߣߍ߬ߞߍ߬ߟߊ ߟߋ߬، ߊ߬ ߡߏ߬ߛߏ ߓߘߊ߫ ߛߊ߬߸ ߘߋ߲ߡߛߏߣߍ߲߫ ߛߓߊ߬ ߦߴߊ߬ ߓߟߏ߫، ߊ߬ ߘߌ߫ ߛߊ߲߬ ߓߌߣߊ߯ߣߌ߲߫ ߣߌ߫ ߞߐ߫ ߓߐ߫، ߖߊ߬ߞߊߙߏ߫ ߕߎ߲߬ ߕߴߊ߬ ߟߊ߫ ߝߣߊ߫.>> ߛߏ߬ߙߌ߬ߓߊ߫ ߛߊ߬ߞߐ߫ ߞߊ߬ ߞߎߡߊ ߣߌ߲߬ ߝߐ߫ ߞߵߊ߬ ߘߐߞߣߍ߫.

ߛߊ߬ߓߊ߰ߕߐ ߣߌ߲߬ ߡߊߛߎ߬ߘߎ߲߬ߧߊ߬ ߡߐ߮ ߘߏ߫ ߞߵߊ߬ ߦߌ߬ߘߊ߫ ߒ߬ ߠߊ߫ ߜߋߟߋ߲ߜߋߟߋ߲ ߠߊ߫߸ ߞߏ߫ ߖߌ߰ߕߍ߮ ߛߋ߲߬ ߦߋ߫ ߗߍ߭ ߟߊ߫ ߖߘߍ߬ߝߊ߮ ߣߌ߲߬ ߘߐ߫: <<ߖߌ߰ߕߍ߮ ߟߋ߬ ߥߙߊ߬ߣߴߊ߬ ߡߊ߬ ߞߵߊ߬ ߟߐ߬ ߊ߬ ߖߍ߬ߘߍ߫ ߝߊ߰ ߟߊ߫ ߣߌ߲߬ ߢߊ، ߓߊߏ߬߸ ߊ߬ ߡߏ߬ߛߏ ߓߘߊ߫ ߛߊ߬߸ ߡߛߏ߬ ߜߘߍ߫ ߕߎ߲߬ ߕߴߊ߬ ߞߎ߲߬߸ ߘߋ߲ ߠߎ߬ ߘߏ߲߬ ߕߎ߲߬ ߦߴߊ߬ ߓߟߏ߫ [...] ߊ߬ ߡߏ߬ߛߏ ߟߊ߫ ߛߊ߬ߦߊ ߞߍ ߛߊ߲߭ ߝߌ߬ߟߊ߬ ߣߌ߫ ߕߟߊ ߟߋ߬ ߕߋ߲߬.>> ߊ߬ ߞߊ߬ ߗߍ߭ ߣߌ߲߬ ߡߊ߬ߞߕߎ߫ ߡߐ߰ ߡߝߊߣߍ߲߫ ߣߌ߫ ߡߐ߰ ߡߊߛߎߡߊߣߍ߲߫ ߠߊ߫ <<ߊ߬ ߕߎ߲߬ ߕߍ߫ ߡߊ߲߬ߞߊ߲߫ ߝߍ߬ [...] ߊ߬ ߟߊ߫ ߞߎߡߊ ߝߣߊ߫ ߕߎ߲߬ ߡߊ߲߫ ߛߌߦߊ߫.>>

ߛߏ ߣߌ߲߬ ߡߐ߰ ߛߌߦߊߡߊ߲߫ ߦߴߊ߬ ߦߌ߬ߘߊ߬ ߟߊ߫ ߒ߬ ߠߊ߫߸ ߞߏ߫ ߗߍ߭ ߞߊ߬ ߡߊ߬ߙߌ߬ߝߊ ߟߋ߬ ߞߍ߫ ߞߵߊ߬ ߖߍ߬ߘߍ߫ ߝߊ߰، ߡߊ߬ߙߌ߬ߝߊ߬ ߞߎ߬ߘߎ߲߬ߣߍ߲ ߛߎ߯ߦߊ ߘߏ߫ ߟߋ߬ ߦߴߊ߬ ߘߌ߫߸ ߡߍ߲ ߦߋ߫ ߒ߬ ߓߘߊ߫ ߡߊ߬ߙߌ߬ߝߊ ߘߌ߫، 

<<ߡߊ߬ߙߌ߬ߝߊ߬ ߞߘߐ ߘߏ߫ ߟߋ߬ ߕߋ߲߬ ߕߍ߬ߘߍ߫ ߊ߬ ߓߟߏ߫ ߞߊ߬ߦߌ߯ ߕߎ߬ߡߊ߬ ߖߊ߲߫߸ ߊ߬ ߥߊ߫ ߘߊ߫ ߛߏ߫ ߞߐߞߊ߲߬ ߞߵߏ߬ ߟߋ ߕߊ߬ ߞߵߊ߬ ߖߘߍ߬ ߓߏ߲߫ ߊ߬ ߞߊ߬ߓߊ ߞߘߐ߫߸ ߞߵߏ߬ ߞߍ߫ ߊ߬ ߛߊ߬ߣߍ߲ ߘߴߊ߬ ߣߐ߭ ߘߐ߫ ߦߋ߲߬ ߌߞߘߐ߫.>> ߘߎ߰ߘߋ߲߬ ߜߘߍ߫ ߟߋ߬ ߞߊ߬ ߣߌ߲߬ ߦߌ߬ߘߊ߬.

ߛߏ ߞߏߟߊߕߍ߮ ߟߎ߬ ߣߌ߫ ߕߐ߲ߓߟߏߡߊ ߟߎ߬ ߟߊߛߏ߬ߓߌ ߡߍ߲ ߞߍ߫ ߘߊ߫߸ ߏ߬ ߟߎ߬ ߕߊ߯ ߘߊ߫ ߘߌ߲߬ߞߌߙߊ ߣߌ߲߬ ߘߐ߫. <<ߞߟߍ߬ߡߐ߮ ߟߎ߫ ߣߊ߬ ߘߊ߫ ߞߊ߬ ߣߊ߬ ߛߎ߭ ߕߊ߬ ߞߊ߬ ߥߴߊ߬ ߘߌ߫ ߞߙߎ߬ߛߊ߫ ߡߙߊ߬ߓߊ߰ߘߊ ߘߊ߲ߘߊߛߏ ߟߊ߫ ߘߐ߬ߛߏ߰ߙߋ߬ߟߌ ߞߊ߲ߡߊ߬.>> ߘߎ߰ߕߌ߮ ߟߋ߬ ߞߊ߲߫ ߕߋ߲߬.

ߒ߬ߓߊ߬߸ ߛߎ߭ ߓߘߊ߫ ߛߋ߫ ߘߊ߲ߘߊߛߏ ߟߊ߫ ߦߋ߲߬߸ ߊ߬ ߞߏ ߘߐߛߏ߯ߙߋ߫ ߞߊ߲ߡߊ߬، ߛߊ߫ ߛߊ߬ߦߊ ߞߍߢߊ߫ ߖߐ߲ߖߐ߲ ߘߌ߫ ߟߐ߲߫ ߢߊߊ ߡߍ߲ ߡߊ߬.

ߕߋ߲߭ߕߋ߲߭ ߣߌ߲߬ ߞߏ߬ߣߌ߲ ߘߐ߫߸ ߊ߬ ߟߊ߫ ߛߊ߬ߦߊ ߘߌ߫ ߛߋ߫ ߟߊ߫ ߟߊ߫ ߡߍ߲ ߞߎ߲߬ ߞߊ߬ ߓߍ߲߬ ߞߙߍ߬ߝߍ߬ ߡߐ߮ ߟߎ߬ ߟߊ߫ ߞߎߡߊ ߡߊ߬߸ ߏ߬ ߟߋ ߖߌ߰ߕߍ߮ ߘߌ߫، ߊ߲ ߞߏ߬ߣߌ߲ ߦߋ߫ ߝߊ߰ߡߊ ߟߎ߬ ߟߊ߫ ߢߊߢߌߣߌ߲ߠߌ߲ ߞߐߝߟߌ ߘߐߞߐ߬ߣߐ߲ ߛߌ߱ ߘߐ߫.