ߛߌ߬ߣߌ߲߬ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߉ ߂߂ ߕߎߡߊ ߟߋ߬ ߞߍ߫ ߘߊ߫ ߝߢߐߞߏߙߏ߲߫ ߝߊ߲߬ߞߊ߬ߡߊ ߕߍ߱ ߘߌ߫ ߝߙߊ߬ߣߍ߲ ߺ ߞߐ߫߸ ߞߎ߲ߖߊ߲߫ ߛߏ ߞߣߐ߫، ߌߓߙߊߤߌߡߊ߬ ߞߐ߲ߘߍ߫ ߡߍ߲ ߦߋ߫ ߘߎ߰ߕߌ߰ ߘߌ߫ ߝߙߊ߬ߣߍ߲ ߺ ߞߐ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߕߌߢߍߟߌ߫ ߛߌߦߊߡߊ߲߫ ߠߋ߬ ߞߍߣߍ߲߫ ߝߢߐ߫ ߝߊ߲߬ߞߊ߬ߡߊ ߣߌ߲߬ ߓߟߏ߫، ߞߊ߬ߕߎ߲߯߸ ߘߋ߲ߡߌߛߍ߲߫ ߓߏ߲ߓߊ ߡߍ߲ ߟߐ߬ߣߍ߲߫ ߞߊ߬ߝߏ߬ߙߋ߲ ߓߟߏ߫߸ ߏ߬ ߝߟߊߝߟߊ ߝߊ߲߬ ߞߋߟߋ߲ ߥߊ߫ ߘߊ߫ ߟߋ߬، ߞߊ߬ߙߊ߲߬ߘߊ ߓߏ߲߫ ߖߊ߲ ߘߏ߫ ߝߣߊ߫ ߞߊ߬ ߕߌߢߍߟߌ ߛߐ߬ߘߐ߲߬߸ ߏ߬ ߝߟߊߝߟߊ ߡߎ߰ߡߍ ߟߋ߬ ߥߊ߫ ߘߊ߫ ߝߢߐ ߓߟߏ߫.

ߡߊ߲߬ߕߙߐ ߛߋߣߍ߲߫ ߊߘߡߦߊ߫ ߝߣߊ߫ ߡߊ߬ ߝߢߐ߫ ߕߍ߮ ߣߌ߲߬ ߘߐ߫، ߞߊ߬ߕߎ߲߯߸ ߓߏ߲ ߓߋ߬ ߘߊ߫ ߟߋ߬ ߛߊ߬ߜ߭ߏ߫ ߛߊ߬ߞߐ߫ ߞߊ߲߬߸ ߏ߬ ߦߋ߫ ߘߋ߲ߣߍ߲߫ ߛߊ߲߬ ߁߀ ߠߋ߬ ߘߌ߫߸ ߏ߬ ߡߊ߫ ߛߋ߫ ߓߐ߫ ߟߴߊ߬ ߘߐ߫، ߘߋ߲ߣߍ߲ ߣߌ߲߬ ߦߋ߫ ߕߎ߲ߞߐ ߟߋ߬ ߘߌ߫߸ ߊ߬ ߝߊ߬ ߡߍ߲ ߕߐ߯ ߞߏ߫ ߝߌߟߏ߫߸ ߏ߬ ߛߊ߭ ߛߊ߲߬ ߝߌ߬ߟߊ ߟߋ߬ ߕߋ߲߬߸ ߊ߬ ߣߊ߫ ߞߏ߬ߣߌ߲߬ ߦߋ߫ ߓߊߟߏ߫ ߘߐ߫߸ ߓߌ߲ߕߎ߬ ߛߊ߬ߞߐ.

ߞߊ߬ ߓߍ߲߬ ߡߊ߬ߛߎߓߊ ߏ߬ ߟߋ ߡߊ߬ ߛߊ߫߸ ߞߎ߲ߖߊ߲߫ ߘߌ߲߬ߞߌߙߊ ߝߊ߰ߡߊ ߓߍ߯ ߟߋ߬ ߓߐ߫ ߞߊ߬ ߣߊ߬ ߝߏ߬ߟߌ ߟߊ߫ ߟߎ ߞߣߐ߫߸ ߡߊ߲߬ߕߙߐ ߣߐ߬ ߡߍ߲ ߠߎ߬ ߛߐ߬ߘߐ߲߬ ߠߊ߫، ߌߓߙߊߤߌߡߊ߬ ߞߐ߲ߘߍ߫ ߟߊ߫ ߝߐߟߌ߫ ߘߐ߫߸ <<ߏߕߏߙߑߕߋ߫ ߡߊ߫ ߕߏ߫ ߦߋ߲߬ ߓߌ߬ ߞߎ߲ߖߊ߲߫ ߡߙߊ ߘߐ߫߸ ߡߍ߲ ߡߊ߫ ߣߊ߬ ߘߋ߲ߣߍ߲߫ ߣߌ߲߬ ߛߎ߬ߞߏ ߘߐ߫>> ߊ߬ ߟߊ߫ ߝߐߟߌ߫ ߘߐ߫߸ ߡߙߊ߬ߓߊ߰ߘߎ߯ߟߊ ߓߊ߬߸ ߟߊ߬ߞߟߏ߬ߞߟߏ߬ߟߌ ߘߏ߲߬ߞߏ ߟߎ߬߸ ߞߍ߲ߘߍߦߊ ߞߏߟߊߕߍ߮ ߟߎ߬߸ ߕߐ߲ߕߌ߮ ߕߊ߬ߣߍ߲ ߞߵߊ߬ ߟߊ߫ ߞߟߍ߬ߡߐ߰ߟߊ߫ ߣߌ߫ ߣߊ߲߬ߕߌ߮ ߟߎ߫ ߞߊ߲߬߸ ߏ߬ ߟߎ߬ ߓߍ߯ ߟߋ߬ ߢߊ ߕߘߍ߬ ߜߍ ߘߐ߫. ߊ߬ ߞߵߊ߬ ߟߊ߫ ߞߎߡߊ ߞߊ߲߬ ߞߏ߫ <<ߖߊ߬ߡߊ ߞߍߣߍ߲߫ ߠߋ߬ ߞߊ߬ ߟߎ ߝߊ߫߸ ߞߵߊ߬ ߦߌߘߊߞߊ߬ ߞߏ߫ ߟߊ߬ߕߍ߮ ߡߍ߲ ߞߊ߬ ߘߋ߲ ߠߊ߫ ߞߐߙߍ ߛߐ߬ߘߐ߲߫߸ ߊ߬ ߞߊ߬ ߖߊ߬ߡߊ ߟߋ߬ ߛߐ߬ߘߐ߲߫.>> ߊ߬ ߞߵߏ߬ ߦߌ߬ߘߊ߬.

ߛߎ߬ߣߎ߲ ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߞߣߐ߬ߘߐ߬ߝߟߌ߬ ߜߘߍ߫ ߝߣߊ߫ ߦߋ߫ ߛߏ ߞߊ߲߬߸ ߏ߬ ߟߋ ߦߙߐ߫ ߕߌߢߍߣߍ߲ ߠߎ߬ ߘߐߓߍ߲߬ ߞߏ ߘߌ߫߸ ߏ߬ ߓߊ߬ߟߌ ߦߴߊ߬ߟߎ߬ ߟߊ߫ ߞߏߛߓߍ߫. ߞߊ߬ߕߎ߲߯߸ ߊ߬ߟߎ߬ ߟߊ߫ ߛߏ ߞߣߐ߫ ߕߋ߲߬߸ ߞߊ߬ߝߏ߬ߙߋ߲ ߓߙߐߕߐߣߍ߲߫ ߠߋ߬߸ ߞߵߊ߬ ߞߍ߫ ߡߎ߬ߕߎ߲߬ ߛߊ߫߸ ߞߊ߬ߝߏ߬ߙߋ߲߬ߕߌ߯ ߕߴߦߋ߲߬߸ ߞߏߟߊߕߍ߯ ߕߴߦߋ߲߬߸ ߡߍ߲ ߘߌ߫ ߛߋ߫ ߡߊ߬ߘߍߡߍ߲߫ ߞߍ߫ ߟߊ߫ ߣߌ߲߬ ߞߏ ߘߐ߫، ߊ߬ ߞߵߊ߬ ߝߐ߫ ߏ߬ ߟߋ ߘߐ߫ ߞߏ߫: <<ߡߊ߲߬ߕߙߐ ߣߊ߬ ߘߴߊ߲ ߛߐ߬ߘߐ߲߬ ߜߟߍ߬ߦߊ ߟߋ߬ ߞߣߐ߫߸ ߊ߲ ߠߊ߫ ߞߊ߬ߝߏ߬ߙߋ߲ ߓߘߊ߫ ߓߙߐߕߐ߫߸ ߏ߬ ߡߊ߫ ߘߊߘߐߓߍ߲߬ ߝߟߐ߫.>> ߊ߬ ߞߴߏ߬ ߦߌ߬ߘߊ߬.

ߊ߬ ߞߵߊ߬ ߟߊ߫ ߞߎߡߊ ߞߊ߲߬߸ ߞߏ߫: <<ߞߊ߬ߙߊ߲߬ߕߊ ߝߟߊߝߟߊ ߓߘߊ߫ ߝߙߊ߫߸ ߘߋ߲ߡߌߛߍ߲߫ ߓߏ߲ߓߊ ߓߘߊ߫ ߝߙߊ߫߸ ߊ߲ ߧߋ߫ ߘߍ߬ߡߍ߲ ߢߌߣߌ߲߫ ߠߊ߫ ߡߐ߱ ߟߎ߫ ߝߍ߬߸ ߊ߬ߟߎ߬ ߦߴߊ߲ ߓߐ߫ ߜߟߍ߬ߦߊ ߣߌ߲߬ ߘߐ߫، ߡߍ߲ ߓߍ߲߬ߣߍ߲߫ ߘߋ߲ ߠߊ߫ ߛߊ߬ߦߊ ߡߊ߬߸ ߝߊ߰ߡߊ ߟߎ߬ ߓߘߴߏ߬ ߞߍ߫ ߊ߬ߟߎ߬ ߛߋߞߏ ߟߊ߫߸ ߏ߬ ߘߴߏ߬ ߞߏ ߓߊ߲߫ ߒ߬ ߧߋ߫.>> ߞߵߊ߬ ߦߌ߬ߘߊ߬ ߞߏ߫ ߓߏ߲ ߏ߬ ߟߎ߬ ߘߐߓߍ߲߬ ߞߏ ߡߎ߬ߕߎ߲߬ ߛߊ߫߸ ߖߐ߲߰ߛߊ߫ ߘߋ߲ߣߍ߲ ߠߎ߬ ߟߊ߫ ߛߊ߲߭ ߣߊ߬ߕߐ ߞߊ߬ߙߊ߲߬ ߞߏ ߞߊߣߊ߬ ߝߍ߬ ߛߐ߬ߘߐ߲߬߸ ߏ߬ ߟߋ ߤߊߡߌ߲ ߖߍ߬ߘߍߖߍ߬ߘߍ ߦߴߊ߬ߟߎ߬ ߟߊ߫.

ߏ߬ ߘߐ߫߸ ߝߙߊ߬ߣߍ߲ ߺ ߞߐ߫ ߡߎ߰ߡߍ ߕߐ߯ ߘߐ߫߸ ߌߓߙߊߤߌߡߊ߬ ߞߐ߲ߘߍ߫ ߞߵߊ߬ ߞߊ߲ߠߊߘߌ߫ ߥߊ߬ߣߌ߲߬ߞߋ߬ ߢߌ߬ߡߊ߬ߕߌ߮ ߓߍ߯ ߟߊߘߍ߬ߣߍ߲ ߡߊ߬߸ ߊ߬ ߣߌ߫ ߝߊ߰ߡߊ ߡߍ߲ ߠߎ߬ ߛߋߞߏ ߦߴߊ߬ ߘߐ߫߸ ߛߴߊ߬ߟߎ߬ ߘߌ߫ ߣߊ߬ ߡߊ߬ߜߍ߲ ߘߌ߫.