ߡߊ߬ߟߌ ߘߐ߬ߕߊߡߌ߲ ߞߊ߲ߕߌ߮߸ ߣߊ߲߬ߕߌ߰ߘߊ ߞߟߍ߬ߕߌ߮ ߊߛߡߌ߫ ߜ߭ߏ߬ߦߌ߬ߕߊ߫ ߞߵߊ߬ ߦߌ߬ߘߊ߫ ߞߐ߬ߟߏ߲ ߣߌ߲߬ ߡߊ߬߸ ߞߏ߫ ߟߊ߬ߞߊ߲߬ߘߊ߬ߟߌ ߣߌ߫ ߡߊ߬ߞߊ߲߬ߞߊ߲߬ߠߌ߲ ߝߊ߲߬ߞߊ ߓߘߊ߫ ߞߏ ߟߎ߬ ߡߊߣߐ߬߸ ߡߙߊ߬ߒ߬ߡߊ߬ߟߌ߬ ߛߌߦߊߡߊ߲ ߞߐ ߘߐ߫ ߦߙߐ߫ ߛߌߦߊߡߊ߲߫ ߘߐ߫: ߓߡߊ߬ߞߐ߫߸ ߡߐߔߑߕߌ߬߸ ߛߋߝ߭ߊߙߋ߫߸ ߞߊ߬ߕߌ߬߸ ߞߏߣߊ߫߸ ߜ߭ߊ߬ߥߏ߬߸ ߊ߬ ߣߌ߫ ߞߌ߬ߘߊߟ.

ߊ߬ ߞߵߊ߬ ߦߌ߬ߘߊ߬ ߞߏ߫ ߣߌ߲߬ ߟߏ߲ ߡߊ߫ ߘߌߦߊ߫ ߡߊ߬ߟߌ ߞߣߐ߫ ߢߊ߫ ߛߌ߫ ߟߋ߬ ߡߊ߬، ߓߊߏ߬߸ <<ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߟߊ߬ߢߌߣߌ߲ ߕߎ߲߬ ߦߋ߫ ߖߡߊ߬ߣߊ ߟߊߛߌ߱ ߟߋ߬ ߘߴߊ߬ ߞߎ߲ߓߋߙߋ߲ ߞߊ߲߬.>> ߊ߬ ߞߊ߬ ߞߎߟߎ߲ߖߋߟߌ ߟߊߛߋ߫ ߖߡߊ߬ߣߊ ߣߊ߲߬ߕߌ߮ ߟߎ߬ ߡߊ߬ ߦߋ߲߬ ߠߋ߬، ߓߊߏ߬߸ ߏ߬ ߟߎ߬ ߟߊ߫ <<ߕߍߛߘߌ߸ ߣߴߊ߬ߟߎ߬ ߟߊ߫ ߝߊ߬ߛߏ߬ ߞߊߣߌ߲ ߞߏߛߐ߲߬߸>> ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߟߊ߬ߢߌߣߌ߲ ߡߊ߫ ߛߋ߫ ߛߌߟߊ߫ ߛߐ߬ߘߐ߲߬ ߠߊ߫.

ߒ߬ߓߊ߬߸ ߊ߬ ߟߊ߫ ߞߎߡߊ ߘߐ߫ ߡߌ߬ߙߌ߲߬ߘߌ ߝߍ߬ ߖߌ߬ߦߊ߬ߞߊ߲߬ߛߏ߬ߓߊ ߟߊ߫߸ ߞߏ߫ ߊ߬ߟߎ߬ ߟߊ߫ ߣߊ߲߬ߕߌ߮ ߟߎ߫ ߣߐ߬ ߡߙߊ߬ߒ߬ߡߊ߬ߟߌ ߢߌ߲߬ ߠߊߓߍ߲߬ ߠߊ߫ <<ߞߎ߲߬ߞߍ߲ߘߍߦߊ ߣߌ߫ ߢߊߟߐ߲>> ߘߝߊߣߍ߲ ߠߋ߬ ߟߊ߫، ߝߏ߫ ߊ߬ߟߎ߬ ߛߋ߫ ߘߊ߫ ߘߊ߲߭ߛߌ߰ ߟߊ߫ ߖߡߊ߬ߣߊ ߟߊߟߏ߲߬ߓߏ߲߬ߟߊ߲߬ߓߊ߲߬ ߢߍߥߟߊ߫ ߘߍ߬ߜߍ ߢߌ߲߬ ߠߊ߫، <<ߞߍߒߞߊ߲ߓߊ߯ߕߐ ߟߎ߫ ߜߊ߬ߙߊ߲߬ߞߕߊ߬ ߘߊ߫ ߞߊߟߌߦߊ ߘߝߊߣߍ߲ ߠߋ߬ ߘߐ߫>> ߊ߬ ߞߵߊ߬ ߦߌ߬ߘߊ߬ ߞߏ߫ ߟߊߞߊ߲ߘߊ ߞߣߐ ߓߘߊ߫ ߘߐߘߎ߲߬ߧߊ߫ ߖߡߊ߬ߣߊ ߞߣߐ߫߸ ߊ߬ߟߎ߬ ߦߋ߫ ߓߍߘߍ߲ߛߍߟߌ߫ ߦߙߍߞߍߟߌ ߞߊ߲߬ ߝߊ߲߬ ߓߍ߯ ߝߍ߬߸ ߊ߬ ߣߌ߫ ߟߊ߬ߛߏ߬ߓߌ߬ߟߌ ߢߍߥߟߊ ߟߎ߬ ߝߣߊ߫ ߓߘߊ߫ ߝߊ߲߬ߞߊߘߏ߲߬.

ߡߊ߬ߟߌ ߞߊ߲ߕߌ߮ ߞߵߊ߬ ߦߌ߬ߘߊ߬ ߞߏ߫ ߡߙߊ߬ߒ߬ߡߊ߬ߟߌ ߡߍ߲ ߞߍߣߍ߲߫ ߣߌ߲߬߸ ߊ߬ ߟߊߥߟߌ߬ߣߍ߲߫ ߥߊ߬ߥߎߟߋ ߟߋ߬ ߕߍ߰ ߞߊ߲ߡߊ߬ ߖߡߊ߬ߣߊ ߞߣߐ߫ ߝߋߝߋ߫، ߓߊ߬ߙߵߊ߬ ߞߵߊ߬ ߦߌ߬ߘߊ߬ ߞߏ߫ ߖߎ߯ ߛߌߦߊߡߊ߲߫ ߠߋ߬ ߞߍ߫ ߘߊ߫ ߛߎ߭ ߘߌ߫߸ ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ ߊ߬ ߡߊ߫ ߦߙߌߞߊ߫ ߟߊߕߍ߰ߣߍ߲߬ ߞߋߟߋ߲߫ ߝߐ߫ ߏ߬ ߞߏߢߊ ߘߐ߫.

ߊߛߡߌ߫ ߜ߭ߏ߬ߦߌ߬ߕߊ߬ ߟߊ߫ ߓߋߟߋ߲ߠߊ ߘߐ߫߸ ߣߊ߲߬ߕߌ߮ ߣߌ߫ ߣߌ߫ ߣߊ߬ߒ߬ߕߊ߲ ߡߍ߲ ߠߎ߬ ߣߐ߬ ߛߏ߰ߟߊ ߛߐ߬ߘߐ߲߬ ߠߊ߫߸ ߊ߬ ߞߵߏ߬ ߟߎ߫ <<ߡߊ߬ߤߌ߬ߣߊ߬ ߟߊߡߌ߬ߣߊ߬>>߸ ߞߊ߬ ߛߊ߲߬ߞߊ߬ ߝߏߟߌ ߟߊߛߋ߫ ߛߊ߬ߓߊ߰ߕߐ ߟߎ߫ ߡߊ߬، <<ߊ߲ ߧߴߊߟߊ߫ ߕߙߊ߫ ߟߊ߫߸ ߊߟߊ߫ ߤߌߣߴߊ߬ߟߎ߬ ߟߊ߫، ߞߵߊ߬ߟߎ߬ ߟߊ߫ ߦߙߐ ߛߎߡߊ߫.>> ߊ߬ ߞߵߏ߬ ߝߐ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ ߟߊ߫ ߛߦߊ߬ ߝߏߟߌ ߦߋ߫ ߛߋ߫ ߟߊ߫ ߞߐߙߍ߫ ߛߎ߬ߣߎ߲߬ߣߍ߲ ߠߎ߫ ߡߊ߬߸ ߊ߬ ߣߌ߫ ߞߊ߬ ߞߍ߲ߘߍߦߊ ߢߌߣߌ߲߫ ߖߐߞߌߓߊ߯ߕߐ ߟߎ߬ ߝߣߊ߫ ߦߋ߫ <<ߡߍ߲ ߠߎ߬ ߖߐߞߌߣߍ߲߫߸ ߞߵߊߟߊ߫ ߘߊߟߌ߫߸ ߊߟߊ߫ ߣߐ߰ߦߊ߬ ߞߍ߫ ߏ߬ ߟߎ߬ ߦߋ߫.>>

ߞߊ߬ߝߏ߬ ߞߎ߲ߕߌ߮ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߊ߬ ߦߋ߫ ߘߎ߬ߥߊ߬ߥߎ߬ ߓߟߋߓߟߋ߫ ߞߍ߫ ߟߊ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߦߋ߫߸ <<ߞߵߊߟߊ߫ ߘߊߟߌ߫߸ ߊߟߊ߫ ߦߴߊ߬ ߟߊ߫ ߦߙߐ ߛߎߡߊ߫߸ ߞߵߊ߬ ߝߊ߬ߙߊ߫ ߛߌ߬ߟߡߊ߬ ߝߎߙߋ ߟߎ߫ ߞߊ߲߬،>> ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߣߌ߫ ߛߊ߯ߖߐ߬ ߘߍ߬ ߘߊ߫߸ ߞߊ߬ߦߌ߯ ߊ߬ߟߎ߫ <<ߛߊ߲߬ ߁߂>>߸ ߊ߬ߟߎ߬ ߦߋ߫ ߢߐ߲߯ ߝߍ߬، ߊ߬ ߞߵߊ߬ ߕߊ߲߬ߘߏ߫ ߞߵߊ߬ ߦߌ߬ߘߊ߬ ߞߏ߫ ߛߊ߯ߖߐ߬ <<ߛߊ߬ ߘߊ߫ ߡߊ߬ߟߌ߬ ߞߏ ߟߋ߬ ߘߐ߫.>> ߊ߬ ߞߊ߬ ߞߟߍ߬ߕߌ߮ ߕߊ߲߬ߘߏ߫ ߞߵߊ߬ ߞߙߊߖߏ߮ ߘߏ߫ ߟߎ߫ ߡߊߘߊ߲߫ <<ߝߊ߬ߛߏ߬ ߞߊߣߌ߲߸ ߖߡߊ߬ߣߊ߬ ߞߊߣߌ߲߸ ߖߡߊ߬ߣߊ߬ ߘߍߡߍ߲>> ߞߵߊ߬ ߟߴߊ߬ ߞߊ߲߬߸ ߞߏ߫ ߊ߬ ߡߍ߲ ߞߍ߫ ߘߊ߫ <<ߝߊ߬ߛߏ߬ ߡߞߊ߬ߘߊ߲߬ߠߊ ߘߌ߫߸ ߊ߬ ߣߌ߫ ߞߟߊߓߎߡߊ ߣߌ߫ ߤߙߐߓߘߍ>> ߘߌ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߛߊ߯ߖߐ߫ ߛߦߊ ߞߍߣߍ߲߫ ߊ߬ߟߎ߬ ߞߟߊߓߎߘߏ߲߬ ߝߋ߲ ߠߋ߬ ߘߌ߫، ߓߊߏ߬߸ ߛߊ߯ߖߐ߬ ߣߴߊ߬ ߢߐ߱ ߡߍ߲ ߠߎ߬ ߛߊ߬ ߘߊ߫߸ ߣߴߊ߬ߟߎ߬ ߡߴߊ߬ߟߎ߬ ߘߐߖߊ߬ ߓߊ߰ߓߊ߰ߟߌ߬ߟߊ ߟߎ߫ ߞߍ߬ߟߍ ߘߐ߫߸ <<ߊ߬ ߓߍߣߊ߬ ߝߐ߫ ߞߏ߫ ߊ߲ ߓߘߴߊ߬ߟߎ߫ ߖߊ߲߬ߝߊ߬.>>

ߊ߬ ߞߵߊ߬ ߦߌ߬ߘߊ߬ ߞߏ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߣߌ߲߬ ߕߍ߫ ߡߙߊ߬ߒ߬ߡߊ߬ߟߌ߬ ߜߊ߲ߛߊ߲߫ ߘߌ߫߸ ߊ߬ ߟߊߥߟߌ߬ߣߍ߲߫ ߖߡߊ߬ߣߊ ߟߊߡߊ߱ ߟߋ߬ ߡߊ߬، ߊ߬ߟߎ߫ ߘߍ߬ߡߍ߲߬ߣߍ߲߫ ߡߐ߰ ߟߎ߫ ߟߋ߬ ߓߟߏ߫߸ ߡߍ߲ ߘߏ߫ ߟߎ߫ ߦߋ߫ ߖߡߊ߬ߣߊ ߞߣߐ߫߸ ߘߏ߫ ߦߴߊ߬ ߞߐߞߊ߲߬، ߊ߬ ߞߏ߬ߣߌ߱߸ ߞߏ߫ ߊ߬ߟߎ߫ ߣߐ߬ ߛߌߟߊ߫ ߟߋ߬ ߕߊ߬ ߟߊ߫ <<ߛߌ߰ ߕߍ߫ ߛߌߟߊ ߡߍ߲ ߕߊ߯ߡߊ ߘߐ߫>>

ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߓߊ߰ߓߊ߰ߟߌ߬ߟߊ ߟߎ߬ ߦߴߊ߬ ߝߍ߬ ߟߋ߬ ߞߵߊ߬ߟߎ߬ ߡߊߣߐ߯߸ ߞߵߊ߬ ߦߌ߬ߘߊ߬ ߞߏ߫ <<ߡߊ߬ߟߌ߬ ߞߎ߬ߙߊ߬ ߞߏ>> ߡߍ߲ ߟߐ߯ ߦߴߊ߬ߟߎ߬ ߟߊ߫߸ ߊ߬ߟߎ߬ ߦߴߏ߬ ߟߋ ߕߌߢߍ߫ ߞߏ ߘߐ߫.

ߊ߬ ߞߊ߬ ߞߞߢ ߣߊ߲߬ߕߌ߰ ߝߊ߲ߞߊ ߟߎ߫ ߝߏ߬߸ ߊ߬ߟߎ߬ ߣߴߏ߬ ߟߎ߬ ߡߍ߲ ߠߎ߬ ߦߋ߫ ߕߍߛߘߌ ߟߊ߫ ߓߊ߰ߓߊ߰ߟߌ ߞߍ߬ߟߍ ߘߐ߫߸ ߊ߬ ߞߊ߬ ߖߡߊ߬ߣߊ߫ ߝߌ߬ߟߊ ߞߏߝߐ߫ <<ߓߙߎߞߌߣߊ߫ ߝߊ߬ߛߏ߬ ߣߌ߫ ߖߋ߬ߟߌ߬ߓߊ߬ߘߎ߯>> ߞߵߏ߬ ߞߎߟߎ߲ߖߋߟߌ߫ ߞߋߟߋ߲ ߠߊߛߋ߫ <<ߙߎ߬ߛߌ߫>> ߖߡߊ߬ߣߊ ߡߊ߬.

ߊ߬ ߞߵߊ߬ ߦߌ߬ߘߊ߬ ߞߏ߫ ߡߊ߬ߟߌ ߣߐ߬ ߛߌߟߊ ߡߍ߲ ߕߊ߬ ߟߊ߫߸ ߣߴߏ߬ ߦߋ߫ <<ߖߘߍ߬ߕߌ߰ߦߊ ߛߌߟߊ>> ߘߌ߫߸ ߊ߬ ߕߊ߯ߡߊ ߜߍ߬ߟߍ߲߬ߡߊ߲߫ ߠߋ߬ ߞߏߛߓߍ߫، ߊ߬ ߕߍ߫ ߥߊ߫ ߖߘߍ߬ߡߊ߬ ߛߘߊߞߊ ߞߐ߫، ߞߏ߬ߣߌ߲߬߸ ߞߏ߫ ߛߌߟߊ ߏ߬ ߣߴߊ߬ ߟߊ߫ ߜߟߍ߬ߦߊ߸ ߊ߬ߟߋ ߟߋ߬ ߞߊ߲ߠߊߓߌߟߊ ߣߌ߫ ߞߍߒߘߌߦߊ ߛߌߟߊ ߘߌ߫.

ߊ߬ ߞߵߊ߬ ߞߊ߲ߠߊߘߌ߫ ߖߡߊ߬ߣߊ߬ߘߋ߲ ߠߎ߬ ߡߊ߬߸ ߞߊ߬ ߝߘߊߝߘߊߟߌ ߓߌ߬ߟߊ߬߸ ߞߊ߬ ߞߍ߫ ߞߋߟߋ߲߫ ߘߌ߫، ߞߊ߬ ߛߋ߫ ߟߌ߬ߤߟߊ߬ ߞߍ߲ߘߍ ߟߎ߬ ߟߊߕߊ߬ߡߌ߲߬ ߠߊ߫ ߖߡߊ߬ߣߊ ߝߊ߰ߡߊ ߟߎ߫ ߡߊ߬߸ ߛߌߞߊ߫ ߓߊ߯ ߞߍ߫ ߦߙߐ߫ ߛߌ߫ ߘߐ߫، ߝߣߊ߫߸ ߟߌ߬ߤߟߊ߬ ߛߌ߫߸ ߣߴߊ߬ ߡߊ߫ ߕߊ߬ߡߌ߲߬ ߞߎ߲߬ߠߊ߬ߛߌ߮ ߟߊ߫ ߛߌߟߊ ߝߍ߬߸ ߡߐ߰ ߞߊߣߵߊ߬ ߓߟߏߞߍ߫ ߏ߬ ߟߊ߫، ߓߊߏ߬߸ <<ߡߐ߱ ߟߎ߬ ߤߊ߲ߞߟߌ ߘߐߞߍ ߦߋ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߛߌߟߊ ߘߏ߫ ߟߋ߬ ߘߌ߫.>>

ߞߎ߲߬ߝߊ߮ ߘߐ߫߸ ߊߛߡߌ߫ ߞߵߊ߬ ߦߌ߬ߘߊ߬ ߞߏ߫ ߣߊ߲߬ߕߌ߮ ߟߎ߬ ߕߴߊ߬ߟߎ߬ ߟߊ߫ ߓߊ߯ߙߊ ߟߊߟߐ߬ ߝߋߎ߫߸ <<ߝߏ߫ ߓߊ߰ߓߊ߰ߟߌ߬ߟߊ ߓߍ߯ ߓߊ߯ ߛߌߟߊߛߊ߬ ߕߎ߬ߡߊ ߡߍ߲ ߠߊ߫>> ߞߊ߬ ߖߛߎ߬ߛߎߡߊ ߣߌ߫ ߟߊߞߊ߲ߘߊ ߘߏ߲߬ ߖߡߊ߬ߣߊ ߞߣߐ߫ ߞߘߊߎ߫ ߓߟߏ ߡߊ߬.