ߟߊ߬ߛߋ߬ߟߌ ߡߍ߲ ߞߍ߫ ߘߊ߫߸ ߊ߬ ߦߌ߬ߘߊ߬ߣߍ߲߫ ߏ߬ ߞߣߐ߫ ߏ߬ ߞߏ߫ ߤߊ߬ߟߌ ߣߊ߲߬ߕߌ߮ ߟߎ߬ ߣߴߊ߬ߟߎ߬ ߞߏߟߊߘߍߢߐ߲߯ ߙߎ߬ߛߌ߫ ߣߊ߲߬ߕߌ߯ ߞߐߙ ߊߝߙߌߞߊ ߡߐ߱ ߟߎ߫ ߟߋ߬ ߞߊ߬ <<ߞߍߒߞߊ߲ߠߌ߲ ߛߎߡߊ߲ߒߘߐ ߕߎ߲߬ߕߎ߲߬ ߥߊߡߌ߲߫.>> ߞߊ߬ߕߎ߲߯߸ ߡߍ߲ ߠߎ߬ ߞߵߊ߬ߟߎ߬ ߛߎߡߊ߲߫ ߞߍߒߞߊ߲ߠߌ߲߫ ߞߏ ߘߐ߫ ߞߐߣߊ߫߸ ߊ߬ ߣߌ߫ ߛߏߡߊߘߜ߭ߎ߫߸ ߊ߬ߟߎ߬ ߡߴߊ߬ ߕߏ߫ ߊ߬ߟߎ߬ ߘߐ߫ ߝߋߎ߫، ߓߊ߰ߓߊ߰ߟߌ߬ߟߊ߫ ߡߙߊ߬ߒ߬ߡߊ߬ߝߋ߲߬ߕߌ߮ ߟߎ߬ ߛߌߦߊߡߊ߲ߓߊ ߟߋ߬ ߣߊ߬ ߘߊ߫ ߞߐߣߊ߫߸ ߏ߬ ߟߎ߬ ߛߋ߲߭ ߡߊ߫ ߘߎ߱ ߛߐ߬ߘߐ߲߫ ߦߋ߲߬߸ ߊ߬ߟߎ߫ ߕߎ߲߬ߕߎ߲߬ ߘߊ߫ ߖߏߣߊ߫، ߛߏߡߊߘߜ߭ߎ߫ ߝߣߊ߫ ߞߣߐ߫߸ ߞߙߎ ߘߏ߫ ߟߎ߫ ߥߊ߫ ߘߊ߫ ߞߏ߫ ߊ߬ߟߎ߬ ߞߍߕߐ߫ ߊ߬ߟߎ߬ ߞߍ߫ ߟߊ߫ ߛߎߝߙߎߟߊߦߌ߫ ߞߊ߲߬߸ ߖߌ ߞߍ߫ ߘߊ߫ ߏ߬ ߟߎ߬ ߝߣߊ߫ ߟߊ߫ ߡߎ߮ ߘߐ߫߸ ߓߊߏ߬ ߣߊ߲߬ߕߌ߮ ߟߎ߬ ߞߵߊ߬ߟߎ߬ ߟߊߓߍ߲߬ ߛߊ߲ߡߊ߬ ߞߵߊ߬ߟߎ߬ ߟߊߓߍ߲߬ ߘߎ߱ ߡߊ߬߸ ߞߵߊ߬ߟߎ߬ ߢߊߞߍ߫ ߔߙߏߔߊߙߌ߫. ߡߊ߬ߟߌ ߣߊ߲߬ߕߌ߮ ߟߎ߬ ߞߊ߲߫ ߞߏ߫ ߦߙߐ߫ ߝߌ߬ߟߊ ߏ߬ ߘߐ߫߸ ߊ߬ߟߎ߫ ߞߊ߬ ߜߊ߬ߟߏ ߟߊ߫ ߟߋ߬ ߓߊ߰ߓߊ߰ߟߌ߬ߟߊ ߟߎ߫ ߞߊ߲߬߸ ߞߏ߫ <<ߊ߬ ߘߌ߯ ߘߊ߫ ߟߋ߬ ߖߎ߮ ߟߎ߬ ߟߊ߫ ߢߊ ߓߍ߯ ߡߊ߬.>> ߟߊ߬ߛߋ߬ߟߌ ߞߏ߬ߣߌ߲ ߡߴߊ߬ ߦߌ߬ߘߊ߬߸ ߡߐ߰ ߖߊ߬ߕߋ ߡߍ߲ ߝߊ߰ ߘߴߊ߬ߟߎ߬ ߘߐ߫߸ ߥߟߊ߫ ߓߟߏߝߋ߲߫ ߖߊ߬ߕߋ ߡߍ߲ ߕߌߢߍߣߍ߲߫.

ߊߟߎ߫ ߦߴߊ߬ ߟߐ߲߫߸ ߛߐ߰ߡߊ߬ߘߊ ߟߋ߬ ߟߊ߫ ߡߎߣߎ߲߬߸ ߊ߬ߟߋ߬ ߡߙߊ߬ߒ߬ߡߊ߬ߝߋ߲߬ߕߌ߮ ߟߎ߬ ߥߊ߫ ߘߴߊ߬ߟߎ߬ ߞߍ߫ ߡߊ߬ߟߌ ߣߊ߲߬ߕߌ߮ ߟߎ߬ ߡߊߞߍ߫ ߦߌߟߊ ߘߏ߫ ߟߎ߫ ߞߊ߲߬߸ ߦߏ߫ ߜߊ߬ߥߏ߬߸ ߊߜ߭ߍߟߑߤߐߞ߸ ߊߣߋߝߌߛ߸ ߛߋߝ߭ߊߙߋ߫߸ ߞߌ߬ߢߍ߬ߙߏ߬ߓߊ߫، ߦߋ߲߬ ߠߎ߬ ߝߣߊ߫ ߘߐ߫߸ ߙߎ߬ߛߌ߬ ߟߊ߫ ߗߍ߬ߘߋ߲߫ ߊߝߙߌߞߊ߫ ߞߐߙ ߞߊ߲߫ ߞߏ߫ ߊ߬ߟߎ߫ ߞߊ߬ ߥߊ߬ߟߏ߲߬ߠߌ߲ ߖߍ߬ߘߍ߬ߖߍߘߍ ߟߋ߬ ߞߍ߫ ߦߋ߲߬ ߠߎ߬ ߘߐ߫߸ ߞߊ߬ ߖߎ߮ ߟߎ߬ ߡߊߕߊ߯.

ߡߊ߬ߟߌ ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߞߊ߬ ߕߊ߲߬ߘߏ߬ߟߌ߬ ߞߙߍߞߙߍߣߍ߲߫ ߠߊߛߋ߫ ߊ߬ߟߎ߬ ߟߊ߫ ߞߐ߬ߡߐ߲߬ߞߐߡߐ߲ ߡߊ߬ ߦߋ߲߬߸ ߊ߬ߟߎ߬ ߟߊ߫ ߢߊߟߐ߲ ߠߊ߫߸ ߞߎ߬ߛߊ߲߬ߧߊ ߟߊ߫، ߞߵߊ߬ ߦߌ߬ߘߊ߬ ߌߞߐ߫߸ ߞߏ߫ ߝߊ߰ߡߊ ߟߎ߬ ߟߊ߫ ߓߊ߯ߙߊ ߕߍ߫ ߘߏ߫ ߜߘߍ߫ ߘߌ߫߸ ߞߊ߬ ߖߡߊ߬ߣߊ ߟߊߞߊ߲ߘߊ߫߸ ߊ߬ ߣߌ߫ ߖߡߊ߬ߣߊ ߞߣߐ߫ ߡߐ߮ ߣߴߊ߬ ߞߣߐ߫ ߝߋ߲ ߓߍ߯ ߟߊߘߍ߬ߣߍ߲ ߞߐߘߍ߫، ߊ߬ߟߎ߬ ߟߊ߫ ߞߎߡߊ ߟߋ߬ ߘߏ߲߬ ߦߋ߫ ߞߘߊߎ߫߸ ߞߏ߫ <<ߣߴߊ߲ ߘߍ߬ ߘߊ߫߸ ߊ߲ ߘߌ߫ ߛߋ߫.>> ߏ߬ ߟߋ ߞߍ߫ ߟߴߊ߬ߟߎ߬ ߟߊ߫ ߟߊ߬ߛߋ߬ߟߌ ߓߍ߯ ߞߎ߲߬ߘߏ߲ ߘߌ߫ ߞߘߊߎ߫.

ߞߞߢ ߖߡߊߣߊ߫ ߛߊ߬ߓߊ ߟߊ߫ ߛߎߘߊ߲ ߡߍ߲ ߦߋ߫ ߣߌ߲߬ ߓߊ߰ߓߊ߰ߟߌ߬ߟߊ ߟߎ߫ ߞߊ߲߬߸ ߊ߬ߟߎ߫ ߖߘߍ߬ߞߊߣߌ߲ ߠߊ߫ ߣߊ߲߬ߕߌ߮ ߟߎ߬ ߦߴߊ߬ߟߎ߬ ߞߍߕߊ ߞߍ߫ ߟߊ߫߸ ߞߵߏ߬ ߟߴߊ߬ߟߎ߬ ߞߏߟߊߘߍߢߐ߲߯ ߙߎ߬ߛߌ߬ߞߊ ߟߎ߫ ߞߊ߲߬߸ ߞߐߙ ߊߝߙߌߞߊ߬، ߞߵߊ߬ߟߎ߬ ߟߊ߫ ߖߡߊ߬ߣߊ ߟߊߞߊ߲ߘߊ߫߸ ߞߵߊ߬ ߛߐ߬ߘߐ߲߬ ߊ߬ߟߎ߫ ߡߊ߬ߞߏ߬ ߕߍ߫ ߝߙߍߞߎߡߍ߫ ߕߟߋ߬ߖߌ߰ߞߊ ߟߎ߬ ߟߊ߫.