ߗߍ߬ ߛߊ߲߬ ߇߀ ߣߌ߫ ߞߐ ߘߏ߫ ߟߋ߬ ߞߵߊ߬ ߖߍ߬ߘߍߝߊ߰ ߞߎߣߊ߬ߛߌߣߌ߲߬ ߞߊ߯ߙߌߟߏ߲ ߡߊ߬ ߂߀߂߆ ߥߊ߬ߛߌߥߊ߬ߙߊ ߕߟߋ߬ ߇ ߕߟߏߞߘߐ߫ ߘߐߓߍ߲߬ߣߍ߲ ߘߏ߫ ߟߊ߫ ߸ߡߊ߰ߛߎߓߊ߫ ߞߏ ߣߌ߲߬ ߞߍ߫ ߘߊ߫ ߓߊ߲ߕߡߊߦߊ߫ ߕߊ߲ߓߊ߲ ߠߋ߬ ߞߣߐ߫ ߞߎߣߎ߲߬ ߥߎ߬ߙߊ ߟߊ߫. ߓߊ߲ߕߡߊߦߊ߫ ߣߌ߲߬ ߦߋ߫ ߎߙߋߞߓߊ߫ ߞߊ߬ߝߏ߬ߙߋ߲߬ ߞߏ߲ߞߏ ߟߋ߬ ߘߐ߫ (ߞߏߡߎ߳ߣ ߙߎ߳ߙߊߟ) ߞߊ߬ߣߌ߲߬ ߸ߡߊ߯ߡߎ߲߫ ߡߙߊ߬ߘߊ߬ߓߊ ߘߐ߫،ߟߌ߬ߤߟߊ߫ ߞߎ߲߬ߝߟߐ߫ ߛߐ߬ߘߐ߲߬ߣߍ߲ ߠߎ߬ ߘߐ߫ ߸ ߓߊ߲ߕߡߊߦߊ߫ ߣߐ߬ߘߎ߮ ߞߊ߲ߕߌ߮ ߙߊߛߌߣ ߓߊߙߌ߫ ߞߵߊ߬ ߦߌ߬ߘߊ߬ ߞߏ߫ ߗߍ߬ ߣߌ߲߬ ߞߊ߬ ߕߟߏߞߘߐ ߟߋ߬ ߟߊߓߊ߯ߙߊ߫ ߞߵߊ߬ ߖߍ߬ߘߍߝߊ߰ ߸ߊ߬ ߞߴߏ߬ ߝߐ߫ ߕߊ߲߬ ߠߋ߬ <<ߞߎߣߎ߲߬ ߁߇ ߕߎߡߊ ߝߊ߲߬ ߝߍ߬ߟߊ ߘߐ߫ ߸ ߊ߲ ߠߊ߫ ߣߐ߬ߘߎ߮ ߛߓߍߘߟߊ߫ ߡߐ߮ ߘߏ߫ ߟߋ߬ ߞߊ߬ ߒ ߞߟߌ߫ ߞߏ߫ ߡߊ߰ߛߎߓߊ߫ ߞߏ ߓߘߊ߫ ߕߍ߰،ߌߞߘߐߣߌ߲߬ ߸ߒ ߕߊ߯ ߘߊ߫ ߛߴߊ߬ ߘߊߞߎ߲ ߘߐ߫ ߓߊ߬ߙߌ߬ ߝߊ߰ߓߊ߰ߕߐ ߕߎ߲߬ ߘߊߕߎ߲߯ߣߍ߲߫ ߓߏ߲ ߞߣߐ߫ ߸ߏ߬ ߛߊߓߎ߫ ߟߊ߫ ߊ߲ ߡߊ߫ ߛߋ߫ ߘߏ߲߬ ߠߊ߫ ߓߏ߲ ߞߣߐ߫. ߊ߲ ߞߊ߬ ߞߎ߲߬ߠߊ߬ߝߎ߬ߟߋ߲߬ߠߊ ߟߎ߬ ߞߟߌ߫ ߏ߬ ߟߋ ߘߐ߫ ߸ ߏ߬ ߟߎ߫ ߣߊ߬ ߞߐ ߟߋ߬ ߊ߲ ߘߏ߲߬ ߘߊ߫ ߓߏ߲ ߞߣߐ߫ ߞߵߊ߬ ߦߋ߫ ߡߎ߬ߕߎ߲߬ ߊ߬ ߣߐ߬ ߖߘߍ߬ ߓߏ߲߫ ߠߊ߫ ߕߟߏߞߘߐ ߟߋ߬ ߟߴߊ߬ ߞߎ߲߭ ߘߐ߫ >>ߙߊߛߌߣ ߓߊߙߌ߫ ߟߋ߬ ߞߴߏ߬ ߢߊߝߐ߫ ߦߙߐ ߝߊ߰ߡߊ ߟߎ߬.


ߊ߬ ߞߊ߲߫ ߞߏ߫ ߊߟߌߝߊ߫ ߡߊߡߊߘߎ߬ ߖߊ߬ߞߌ߬ߕߋ߬ ߡߍ߲ ߣߐ߬ ߊ߬ ߖߍ߬ߘߍߝߊ߰ ߟߊ߫ ߕߋ߲߬ ߸ߞߵߊ߬ ߛߌ߬ߞߛߊߓߌ ߕߏ߫ ߛߊ߲߬ ߇߃ ߘߐ߫ ߞߏ߫ ߞߎ߲߬ߥߟߌ߫ ߓߣߊ ߘߏ߲߬ ߕߴߊ߬ ߟߊ߫ ߝߋߎ߫ ߸ߤߊߟߌ߬ ߣߌ߫ ߞߊ߬ߕߘߍ߬ ߞߏ߫ ߊ߬ ߝߊ߬ߘߌ ߕߎ߲߬ ߓߍ߲߬ߣߍ߲߫ ߕߍ߫ ،ߓߊ߸ ߞߏ߫ ߊ߬ ߞߊ߬ ߛߎ߲ߞߊߙߏ߫ ߕߊ߬ߡߌ߬ߣߍ߲ ߡߎ߰ߡߍ ߛߎ߲߫ ߠߋ߬ ߸ߊ߬ ߘߋ߲ߡߛߏ߫ ߘߏ߫ ߖߍ߬ߘߍ ߟߊ߫ ߘߋ߲ߠߊߓߐ ߞߍ߫ ߘߊ߫ ߞߍ߲ߘߍߟߏ߲߫ ߕߊ߬ߡߌ߲߬ߣߍ߲ ߸ ߏ߬ ߕߐ߯ߟߊ߫ ߘߴߊ߬ߟߋ ߟߋ߬ ߟߊ߫. ߝߊ߰ߡߊ ߟߎ߬ ߞߏ߬ߣߌ߲ ߞߊ߬ ߡߊ߬ߝߟߍ߬ߟߌ ߞߍ߫ ߸ߞߊ߬ ߖߌ߬ߦߊ ߟߎ߬ ߕߊ߬ ߸ߞߟߍ߬ߡߐ߰ߘߊ ߣߌ߫ ߕߐ߲ߓߟߏߡߊ ߟߎ߬ ߣߌ߫ ߞߍ߲ߘߍߦߊ ߥߛߊ߬ߘߊ߬ߕߌ߮ ߓߍ߯ ߕߎ߲߬ ߦߋ߫ ߞߣߍ ߞߊ߲߬ ߸ߌߞߏߡߌ߲߬ ߛߎ ߕߎ߲߬ ߓߘߊ߫ ߞߏ߬ ߸ߊ߬ߟߎ߫ ߞߵߊ߬ ߝߐ߫ ߞߏ߫ ߞߵߊ߬ ߕߏ߫ ߞߎߣߎ߲߬ ߞߐ߬ߓߊ߬ߟߏ߲ ߛߐ߰ߡߊ߬ߟߊ ߞߵߊ߬ ߖߏߕߌ߮ ߖߏ߫ ߸ߛߎ߭ ߞߏ߬ߣߌ߲ ߠߊߕߊ߬ߡߌ߲߬ ߘߊ߫ ߞߐߙߍ ߡߊ߬ ߞߎߣߎ߲߬ ߁߂ ߕߎߡߊ ߞߊ߬ ߛߎ߬ߘߏ߲ ߞߍ߫ ߓߊ߲ߕߡߊߦߊ߫ ߞߊߓߙߎߝߍ ߘߐ߫ ߦߋ߲߬. ߙߊߛߌߣ ߓߊߙߌ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߞߏ ߞߏ߬ߣߌ߲ ߞߎ߲߬ ߖߐ߲ߖߐ߲ ߡߊ߫ ߟߐ߲߫ ߡߎߣߎ߲߬.

Commentaires 0

Aucun commentaire pour le moment.

ߛߓߍߦߟߊ

ߊߓߎߓߞߊߙ ߞߊ߬ߟߐ

ߛߌ߯ߙߌ߲߫ ߞߐߦߌߘߊߓߊ߮