ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߞߎ߲߬ߞߊ߬ߙߌ߬ߝߊ߬ߓߊ߰ߕߐ ߟߎ߬ ߟߊ߫ ߕߐ߲ߕߌ߯ߟߊ߫ ߛߊ߲ߘߐߕߊ ߣߐ߬ ߦߙߍߞߍߟߌ ߘߏ߫ ߟߋ߬ ߟߊߛߋ߫ ߟߊ߫߸ ߡߍ߲ ߞߍߣߍ߲߫ ߡߏߙߌߕߊߣߌ߫ ߞߊ߬ߙߌ߬ߝߐ ߕߟߋ߬ ߁߄ ߣߌ߫ ߁߈ ߕߍߟߊ ߘߐ߫ ߂߀߂߆.
ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߞߎ߲߬ߞߊ߬ߙߌ߬ߝߊ߬ߓߊ߰ߕߐ ߟߎ߬ ߟߊ߫ ߕߐ߲ߕߌ߯ߟߊ߫ ߛߊ߲ߘߐߕߊ ߞߊ߬ ߟߊ߬ߛߋ߬ߟߌ ߣߌ߲߬ ߞߍ߫ ߞߎߣߎ߲߬ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߁ ߠߋ߬ ߡߊ߬߸ ߞߏ߫ ߞߎ߲߬ߝߍ߬ߕߊ߰ߟߊ߫ ߡߐ߰ ߁߄߄ ߓߘߊ߫ ߕߏ߫ ߡߏߙߌߕߊߣߌ߫ ߖߌ߫ ߡߍߣߍ߲ߓߊ ߘߐ߫߸ ߞߊ߬ ߃߈߇ ߓߐ߫ ߊ߬ߟߎ߬ ߕߓߌ߫ ߖߌ ߘߐ߫.
ߞߎߟߎ߲߫ ߜߘߍ߫ ߛߋ߲߬ ߦߴߊ߬ߟߋ߬ ߡߊ߬ߛߎߓߊ ߣߌ߲߬ ߘߐ߫߸ ߡߐ߰ ߁߆߀ ߟߋ߬ ߕߎ߲߬ ߦߴߏ߬ ߞߣߐ߫߸ ߞߊ߬ ߓߐ߫ ߜ߭ߊ߲ߓߌ߫ ߞߵߊ߬ߟߎ߫ ߞߎ߲߬ߛߌ߲߫ ߞߣߊߙߌ߫ ߕߌ߲ ߠߊ߫، ߞߎߟߎ߲ ߏ߬ ߡߍ߲ ߝߘߌ߫ ߞߎ߲ ߞߍߣߍ߲߫ ߖߋ߬ߣߌ߲߬ߕߊ߬ ߞߏ߬ߖߊ ߘߌ߫ ߕߋ߬ߟߋ߫ ߂߅ ߞߎ߲߬ߕߊ߰ ߞߘߐ߫߸ ߞߊ߬ ߡߐ߰ ߁߂߂ ߕߎߣߎ߲߫ ߊ߬ߟߎ߬ ߘߐ߫ ߤߊ߲߯ ߕߋ߲߬.
ߦߙߍߞߍߟߌ߫ ߜߘߍ߫ ߘߐ߫߸ ߡߏߙߌߕߊߣߌ߫ ߞߎ߲߬ߠߊ߬ߛߌ߮ ߞߴߊ߬ ߦߌ߬ߘߊ߬ ߞߏ߫ ߊ߬ߟߎ߫ ߞߊ߬ ߡߐ߰ ߁߇߉ ߜߘߍ߫ ߟߊߞߊ߲ߘߊ߫ ߡߍ߲ ߠߎ߬ ߕߎ߲߬ ߦߋ߫ ߓߐ߫ ߟߊ߫ ߛߣߍ߬ߜ߭ߊ߬ߟߌ߫. ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߞߎ߲߬ߞߊ߬ߙߌ߬ߝߊ߬ߓߊ߰ߕߐ ߟߎ߬ ߟߊ߫ ߕߐ߲ߕߌ߯ߟߊ߫ ߛߊ߲ߘߐߕߊ ߟߎ߬ ߝߣߊ߫ ߞߵߊ߬ ߦߌ߬ߘߊ߬ ߞߏ߫ ߦߙߍߞߍߟߌ߫ ߛߌߦߊߡߊ߲߫ ߠߋ߬ ߞߍߣߍ߲߫ ߞߊ߬ߙߌ߬ߝߐ ߣߌ߲߬ ߕߟߋ߬ ߁߄ ߣߌ߫ ߁߈ ߕߍߟߊ߸ ߊ߬ ߕߌ߯ߕߌ߯ ߣߎߦߊߘߌߓߎ߫.
ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߞߎ߲߬ߞߊ߬ߙߌ߬ߝߊ߬ߓߊ߰ߕߐ ߟߎ߬ ߟߊ߫ ߕߐ߲ߕߌ߯ߟߊ߫ ߛߊ߲ߘߐߕߊ ߣߌ߫ ߕߌ߲ ߠߊߞߊ߲ߘߊߓߊ߮ ߟߎ߫ ߛߌ߰ߣߍ߲߫ ߞߏߕߐ ߟߎ߬ ߝߊ߬ߛߏ߬ߦߊ ߣߴߊ߬ ߓߐ߫ ߦߌߟߊ ߡߊߞߐ߬ߣߐ߲ ߞߊ߲߬.
ߖߌ߫ ߞߊ߲߫ ߛߌߟߊ ߟߎ߬ ߘߐ߫ ߖߎ߯ߡߊ߲ߓߊ ߟߋ߬ ߝߘߊ߬ߝߌ߲߬ߠߊ߫ ߕߟߋ߬ߓߋ ߣߌ߫ ߞߣߊߙߌ߫ ߕߌ߲ ߕߍߟߊ ߣߌ߲߬ ߘߌ߫،ߞߊ߬ߕߎ߲߯ ߊ߬ ߛߌߟߊ ߖߊ߲߬ߡߊ߲߫߸ ߕߊߞߎߟߎ߲ ߠߎ߬ ߠߊ߫ ߥߊ߲߭ ߞߊ߫ ߛߌߦߊ߫ ߞߵߏ߬ ߟߴߊ߬ߟߎ߬ ߖߛߐ߫ ߞߏߖߎ߯ߦߊ ߞߊ߲߬.
Aucun commentaire pour le moment.