ߤߙߍߡߊߞߐߣߐ߲߫ ߞߌ߲߬ߘߊ ߘߋ߲ߡߌߛߍ߲ ߠߎ߬ ߟߋ߬ ߥߟߌ߬ߣߍ߲߫ ߜߞߋߘߎ߯ ߛߏ ߞߣߐ߫߸ ߞߵߊ߬ߟߎ߬ ߟߊ߫ ߛߌߟߊ ߟߎ߬ ߘߐߓߍ߲߬ ߊ߬ߟߎ߫ ߖߘߍ߬ ߦߋ߫߸ ߞߊ߬ ߦߙߐ ߟߎ߬ ߛߊߣߌ߲ߧߊ߫.

 

ߞߊ߬ߕߎ߲߯߸ ߘߎ߰ߘߋ߲߬ߧߊ߬ ߡߙߌߦߊ ߟߋ߬ ߦߴߊ߬ ߘߌ߫ ߊ߬ߟߎ߬ ߓߟߏ߫߸ ߞߵߊ߬ߟߎ߬ ߛߋߞߏ ߞߍ߫ ߓߏ߬ߙߌ߲߬ߝߋ߲߬ߕߌ߮ ߟߎ߬ ߟߊ߫ ߓߏ߬ߙߌ ߟߊߣߐ߰ߦߊ ߘߐ߫߸ ߊ߬ ߣߌ߫ ߞߊ߬ ߞߌ߲߬ߘߊ ߛߊߣߌ߲ߧߊ߫ ߞߵߊ߬ ߦߋߝߊߘߌ ߟߊߓߘߍ߬ߦߊ߫߸ ߞߵߏ߬ ߞߍ߫ ߊ߬ߟߎ߬ ߕߊ߫ ߡߊ߬ߜߍ߲ ߘߌ߫ ߞߌ߲߬ߘߊ ߞߣߐ߫ ߡߐ߮ ߟߎ߬ ߟߊ߫ ߞߍߒߘߌߦߊ ߘߐ߫.

 

ߊ߬ߟߎ߬ ߟߊ߫ ߓߐߟߌ ߢߌ߲߬ ߘߐ߫߸ ߕߍ߬ߟߊ߲ ߠߎ߬ ߦߴߊ߬ߟߎ߬ ߓߟߏ߫߸ ߊ߬ ߣߌ߫ ߡߙߎ߬ߓߊ ߣߌ߫ ߓߊ߯ߙߊ߫ ߡߎߙߊ߲߫ ߜߘߍ߫ ߟߎ߫߸ ߘߋ߲ߡߌߛߍ߲ ߠߎ߬ ߞߏ߬ߣߌ߲ ߦߋ߫ ߣߌ߲߬ ߞߊ߬ ߓߙߍ߬ߡߊ߬ߛߍߛߍ ߟߋ߬ ߘߐ߫ ߛߌߟߊ ߝߍ߬߸ ߞߊ߬ ߘߋ߲߬ߞߊ߬ ߞߎߘߎ߲ ߏ߬ ߟߊߝߊ߰߸ ߞߊ߬ ߝߏߟߏ߲ ߠߎ߬ ߘߓߐ߫߸ ߛߌߟߊ ߦߙߐ ߡߍ߲ ߠߎ߬ ߕߌߢߍߣߍ߲߫ ߓߊߞߍ߬߸ ߞߵߏ߬ ߟߎ߬ ߞߣߐߞߍ߫ ߊ߬ ߢߊ ߡߊ߬.

 

ߊ߬ߟߎ߬ ߟߊ߫ ߓߐߟߌ ߣߌ߲߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߊ߬ߟߎ߬ ߝߣߊ߫ ߦߴߊ߬ ߝߍ߬ ߞߵߊ߬ߟߎ߬ ߛߋߞߏ ߞߍ߫ ߊ߬ߟߎ߬ ߟߊ߫ ߞߌ߲߬ߘߊ ߟߊߥߙߎߞߌ ߓߊ߯ߙߊ ߘߐ߫، ߊ߬ ߣߴߊ߬ ߦߋ߫ ߕߐ߰ߡߊ߬ߛߙߋ߫ ߟߋ߬ ߘߌ߫ ߞߌ߲߬ߘߊ߬ ߜߘߍ ߕߐ߭ ߟߎ߬ ߝߣߊ߫ ߦߋ߫߸ ߞߏ߫ ߓߍ߯ ߦߴߊ߬ ߢߡߊߟߊ߫ ߤߙߍߡߊߞߐߣߐ߲ߞߊ ߟߎ߬ ߕߊ߫ ߛߎ߮ ߣߌ߲߬ ߡߊ߬߸ ߞߊ߬ ߛߋ߫ ߓߊ߯ߙߊ߫ ߞߍ߫ ߟߊ߫߸ ߡߍ߲ ߕߐ߬ߣߐ ߘߌ߫ ߛߋ߫ ߖߊ߬ߡߊ ߡߊ߬.

 

ߏ߬ ߘߐ߫߸ ߣߌ߲߬ ߦߋ߫ ߞߏ߫ ߟߋ߬ ߘߌ߫߸ ߡߍ߲ ߞߊ߫ ߞߊ߲߫ ߞߊ߬ ߝߊ߲߬ߞߊߘߏ߲߬߸ ߞߵߊ߬ߟߎ߬ ߞߐߡߊߓߌ߲ߓߌ߲߫߸ ߖߐ߲߰ߛߊ߫ ߓߏ߬ߙߌ ߘߌ߫ ߣߐ߰ߦߊ߬ ߛߌߟߊ ߟߎ߬ ߞߊ߲߬߸ ߞߊ߬ ߞߌ߲߬ߘߊ ߞߣߐ߫ ߡߐ߮ ߟߎ߬ ߝߣߊ߫ ߕߊ߲߬ߞߊ߫ ߞߏ߫ ߛߌߦߊߡߊ߲߫ ߡߊ߬.

 

ߛߊ߭ ߣߐ߲߬ߜ߭ߐ߬ߥߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫ ߜߞߋߘߎ߯.