ߦߏߡߌ߲߬ ߊߟߎ߫ ߦߴߊ߬ ߞߊ߬ߟߊߡߊ߬ ߢߊ ߡߍ߲ ߞߏ߫ ߋߟߌ߫ ߞߡߊ߬ߣߏ߫ ߡߍ߲ ߦߋ߫ ߖߌ߬ߣߍ߫ ߖߏ߰ߛߏ߬ߖߊ߯ߛߊ߬ߟߊ ߘߏ߫ ߘߌ߫ ߸ ߞߴߏ߬ ߟߊ߫ ߞߎߡߊ ߜߊ߬ߣߍ߲߫ ߘߍ߬ߞߙߏߝߏ ߟߎ߫ ߞߊ߲߬ ߕߋ߬ߟߋߝߌ߬ߟߊ ߣߌ߲߬ ߘߐ߫߸ ߞߴߏ߬ ߞߎ߲߭ ߞߍ߫  ߓߌ߬ߟߊ߬ ߘߌ߫ ߖߌ߬ߣߍ߬ ߛߌߦߊ ߘߏ߫ ߟߎ߫ ߟߊ߫ ߞߵߊ߬߬ ߕߏ߫ ߓߙߎߞߌߣߊ߫ ߝߊ߬ߛߏ߬ ߸ ߏ߬ ߟߋ ߞߐ ߘߐ߫ ߸ ߊ߬ ߞߊ߬ ߖߌ߬ߦߊ߬ߖߟߎ ߘߏ߫ ߞߍ߫ ߸ ߊ߬ ߦߋ߫ ߦߊ߬ߝߊ ߘߋߟߌ߫ ߟߊ߫ ߖߌ߬ߣߍ߬ߞߊ ߓߍ߯ ߝߍ߬ ߡߍ߲ ߘߐ߫ ߸ ߊ߬ ߜߋ߲ߜߋ߲߫ ߡߊ߲߬ߘߋ߲߬ߞߊ ߟߎ߬ ߸ ߊ߬ ߞߴߊ߬ ߝߐ߫ ߏ߬ ߘߐ߫ ߕߊ߲߬ ߠߋ߬ :

<<ߒ ߧߋ߫ ߦߊ߬ߝߊ ߕߙߊ߫ ߟߊ߫ ߖߌ߬ߣߍ߬ߞߊ ߓߍ߯ ߝߍ߬ ߸ ߊ߬ ߜߋ߲ߜߋ߲߫ ߡߊ߲߬ߘߋ߲߬ߞߊ ߟߎ߬ ߸ߞߊ߬ ߓߊ߲߫ ߞߵߊ߬ ߦߌ߬ߘߴߊߟߎ߫ ߟߊ߫ ߞߏ߫ ߒ ߓߘߊ߫ ߒ ߠߊ߫ ߛߍ߬ ߞߍߣߍ߲ ߡߎ߰ߡߍ ߘߐߕߌߢߍ߫ ߝߊߦߌߘߊ߫ ،ߓߊߏ߬ ߸ ߒ ߠߊ߫ ߘߐ߲߬ߞߟߌ߬ ߟߊߣߍ߲ ߓߍ߯ ߦߋ߫ ߓߏ߬ߙߌ߬ ߟߊ߫ ߓߍ߲߭ ߣߌ߫ ߞߍߞߋߟߋ߲ߘߌ ߞߎߡߊ ߟߋ߬ ߞߊ߲߬ ߸ ߏ߬ ߘߐ߫ ߊߟߎ߫ ߦߋ߫ ߦߊ߬ߝߊ߫ ߒ ߡߊ߬ >>

ߊ߬ ߞߊ߫ ߞߎߡߊ߫ ߛߌߦߊߡߊ߲߫ ߝߐ߫ ߊ߬ ߟߊ߫ ߖߌ߬ߦߊ߬ߖߟߎ ߏ߬ ߘߐ߫ ߸ ߊ߬ ߦߋ߫ ߡߊ߲߬ߕߙߐ ߡߍ߲ ߘߐ߫ ߞߊ߬ ߓߍ߲߬ ߊ߬ ߟߊ߫ ߘߋ߲ߓߦߊ ߟߊ߫ ߞߏ ߡߊ߬ ، ߓߊ߸ ߞߏ߫ ߊ߬ ߟߊ߫ ߘߋ߲ߓߦߊ ߡߐ߰ ߣߊ߯ߣߌ߲߫ ߓߍ߯ ߖߊ߬ߛߏ߲߬ߣߍ߲߫ ،ߏ߬ ߞߐ߫ ߸ ߊ߬ ߞߵߊ߬ ߟߊߕߍ߰ ߝߋߎ߫ ߞߏ߫ :

<<ߒ ߕߍ߫ ߖߌ߬ߦߊ߬ߖߟߎ߬ ߞߍ߫ ߟߊ߫ ߏ߬ ߞߐ߫ ߸ ߛߌߦߊߥߟߏߡߊ߫ ߞߎߡߊ ߘߌ߫ ߦߋ߫ ߡߍ߲ ߞߣߐ߫ ߸ߊ߬ ߡߎ߰ߡߍ ߓߏ߬ߙߌ߬ߕߐ߫ ߒ ߘߋ߲ ߠߎ߬ ߟߊ߫ ߛߍ߰ߘߏ߲ ߠߋ߬ ߡߊ߬ ߏ߬ ߞߐ߫ >> ߋߟߌ߫ ߞߡߊ߬ߣߏ߫ ߟߋ߬ ߞߊ߲߫ ߕߋ߲߬. ߒ߬ߓߊ߬ ߸ ߡߐ߰ߛߓߍ߫ ߞߋߕߊ߬ ߝߣߊ߫ ߣߐ߬ ߟߊ߬ߖߍ߲߬ߛߍ߲߬ߠߌ߲ ߘߏ߫ ߟߋ߬ ߞߍ߫ ߟߊ߫ ߓߌ߬ ߊ߬ ߟߊ߫ ߞߐߜߍ ߞߊ߲߬ ߞߊ߬ ߓߍ߲߬ ߦߝߊ߬ ߕߙߊ ߡߊ߬ ߡߊ߲߬ߘߋ߲߬ߞߊ ߟߎ߬ ߝߍ߬ ߋߟߌ߫ ߞߡߊ߬ߣߏ߫ ߟߊ߫ ߞߏߢߊ ߞߊ߲߬ ߸ ߊ߬ ߞߵߊ߬ ߦߌ߬ߘߊ߫ ߞߏ߫ :

<<ߊ߲ ߕߴߊ߬ ߢߌߣߌ߲߫ ߠߴߊߟߎ߫ ߝߍ߬ ߸ ߞߏ߫ ߊߟߎ߫ ߦߋ߫ ߢߌ߬ߣߊ߬ ߞߍߣߍ߲ ߠߊ߫ ،ߓߊ߬ߙߌ߬ ߸ ߊ߲ ߧߋ߫ ߦߊ߬ߝߊ ߟߋ߬ ߘߐߙߐ߲߫ ߕߙߊ߫ ߟߴߊߟߎ߫ ߝߍ߬. ߊߟߎ߫ ߦߴߊ߬ ߟߐ߲߫ ߞߏ߫ ߡߐ߰ ߛߌ߫ ߘߝߊߣߍ߲߫ ߕߍ߫ ߸ ߓߍ߯ ߘߏ߲߬ ߘߌ߫ ߛߋ߫ ߝߟߌ߬ ߟߊ߫ ߘߎߢߊ߫ ߘߐ߫ ، ߒߠߋ ߓߊ߬ ߸ ߊߟߎ ߓߊ߬߸ߊߟߊ߫ ߡߍ߲ ߖߍ߬ߘߍ ߞߵߊ߲ ߓߍ߯ ߘߊ߲߫ ߸ ߏ߬ ߦߋ߫ ߣߊ߬ߣߌ߲߬ ߠߊ߫ ߛߎ ߣߌ߫ ߕߋ߬ߟߋ ߡߐ߱ ߟߎ߬ ߓߟߏ߫ ،ߓߊ߬ߙߌ߬ ߸ ߏ߬ ߓߍ߯ ߣߴߊ߬ ߕߊ߫ ߊ߬ ߘߴߌ ߦߊ߬ߝߴߊ߬ߟߎ߫ ߡߊ߬ ߸ ߊ߲ ߕߴߊ߬ ߢߌߣߌ߲߫ ߠߴߊߟߎ߫ ߝߍ߬ ߞߊ߬ ߢߌ߬ߣߊ߬ ߞߍߣߍ߲ ߠߊ߫ ߞߏ߬ߣߌ߲߬ ߓߍ߯ ߦߋ߫ ߘߌ߬ߢߍ߫>>

ߊ߬ ߞߵߊ߬ ߦߌ߬ߘߴߊ߬ ߟߊ߫ ߞߎߡߊ ߘߐ߫ ߝߣߊ߫ ߞߏ߫ ߋߟߌ߫ ߞߡߊ߬ߣߏ߫ ߦߋ߫ ߡߐ߰ ߟߋ߬ ߘߌ߫ ߸ ߡߍ߲ ߣߴߊ߬  ߘߋ߲߫  ߡߐ߰ ߛߊ߬ߓߊ ߕߍ߫ ߦߙߐ߫ ߞߋߟߋ߲߫ ߸ ߏ߬ ߘߌ߫ ߞߊߙߏ߫ ߛߌߦߊߡߊ߲߫ ߓߐ߫ ߸ ߞߴߏ߬ ߓߍ߯ ߘߌ߫ ߛߋ߫ ߡߐ߰ ߓߌ߬ߟߊ߬ ߟߊ߫ ߝߌ߬ߟߌ ߘߐ߫ ، ߊ߬ ߞߵߊ߬ ߦߌ߬ߘߴߊ߬ ߟߊ߫ ߞߎߡߊ߫ ߟߊߓߊ߲ ߘߐ߫ ߞߏ߫ :

<< ߋߟߌ߫ ߞߡߊ߬ߣߏ߫ ߞߊ߬  ߓߍ߲߭ ߣߌ߫ ߦߝߊ߬ ߕߙߊ߫ ߟߋ߬ ߢߌߣߌ߲߫ ߖߌ߬ߣߍ߬ߞߊ ߟߎ߫ ߝߍ߬ ߊ߬ ߟߊ߫ ߘߐ߲߬ߞߟߌ ߟߎ߬ ߘߐ߫ ߖߌ߬ߣߍ߬ ߞߣߐ߫ ߞߊ߬ߦߌ߯ ߛߊ߲߬ߖߊ߲߫ ߕߊ߬ߡߌ߲߬ߣߍ߲ ߠߎ߬ ߘߐ߫ ،ߏ߬ ߓߍ߯ ߞߐ߫߸ ߊ߬ ߟߊ߫ ߘߐ߲߬ߞߟߌ ߝߊ߲߬ߓߊ  ߟߊߣߍ߲߫ "ߡߊ߬ߣߌ߲߬ߞߊ߬ߞߊ߲" ߠߋ߬ ߘߐ߫ ߸ ߏ߬ ߓߍ߯ ߘߴߊ߬ ߟߊ߫ ߜߊ߲߬ߞߎ߲߬ߢߐ߲߰ߠߊ ߣߴߊ߬ ߟߊ߫ ߓߏ߲߬ߧߊ ߦߌ߬ߘߊ߬ ߞߊ߲ ߏ߬ ߣߴߊ߬ ߛߌߦߊ ߟߎ߬ ߟߊ߫ ߸ ߊ߬ ߘߏ߲߬ ߦߴߊ߬ ߕߊ߫ ߡߊ߬ߜߍ߲ ߞߍ߫ ߟߊ߫ ߝߣߊ߫ ߝߊ߬ߛߏ߬ ߞߊ߲ ߠߎ߫ ߡߐ߬ߟߐ߲߬ߡߊ߬ߦߊ ߣߴߊ߬ߟߎ߬ ߛߌߦߊ ߡߊߘߏ߲߭ ߘߐ߫ ߢߐ߲߮ ߠߊ߫ ،ߏ߬ ߘߐ߫ ߸ ߊ߲ ߝߣߊ߫ ߣߌ߫ ߦߊ߬ߝߊ ߟߋ߬ ߞߢߊߡߊ߲߫ ߏ߬ ߘߐ߫ ߊ߬ ߡߊ߬ ߸ ߣߊ߬ߣߌ߲߬ߠߌ߲ ߓߍ߯ ߣߴߊ߬ ߕߊ߫ ߸ ߏ߬ ߡߍ߲ ߘߌ߯ ߘߊ߫ ߖߌ߬ߣߍ߬ߞߊ ߓߍ߯ ߟߊ߫ ߸ ߊ߬ ߜߋ߲ߜߋ߲߫ ߡߊ߲߬ߘߋ߲߬ߞߊ ߟߎ߬. ߊߟߎ߫ ߦߴߊ߬ ߟߐ߲߫ ߞߏ߫ ߖߎ߯ߡߊ߲ ߦߋ߫ ߘߊ߲ߘߊ߫ ߟߊ߫ ߦߝߊ߬ ߘߋߟߌ ߞߐ ߟߋ߬ ، ߏ߬ ߘߐ߫ ߸ ߊߟߎ߫ ߦߋ߫ ߘߌ߬ߢߍ߫ ߖߊ߱ߣߌ߲߬>> ߡߐ߰ߛߓߍ߫ ߞߋߕߊ߬ ߟߋ߬ ߞߊ߲߫ ߕߋ߲߬.  

ߐ߲߸ ߊ߬ ߞߏ ߞߏ߬ߣߌ߲ ߞߎߡߊ ߜߊ߬ߣߍ߲߫ ߕߋ߲߬ ߞߏߛߓߍ߫ ߸ ߋߟߌ߫ ߞߡߊ߬ߣߏ߫ ߞߏ߬ߣߌ߲ ߓߘߊ߫ ߦߝߊ߬ ߕߙߊ ߞߍ߫ ،ߦߊ߯ߟߊ߫ ߸ ߊ߬ ߕߏߕߐ߫ ߦߊ߬ߝߊ ߟߋ߬ ߡߴߊ߬ ߡߊ߬ ߓߊ߬ ߥߟߊ߫ ߣߐ߬ߝߍ߬ߜߍ߲߬ߠߌ ؟ ߣߴߊ߬ ߞߏ ߕߊ߬ߡߌ߲߬ ߘߊ߫ ߢߊ ߡߍ߲ ߸ ߊ߲ ߘߴߊߟߎ߫ ߟߊߟߐ߲ߠߌ߲߫ ߏ߬ ߟߊ߫. 

ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ߟߐ߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.