ߞߐ߬ߓߊ߬ߟߏ߲ ߂߀߂߆ ߘߓߊ߬ߕߊ ߕߟߋ߬ ߁߁߸ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߞߵߊ߬ ߘߡߊߞߊ߬ߛߌ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߦߋ߫ ߞߏߞߎߘߊ߫߸ ߞߵߊ߬ ߦߌ߬ߘߊ߬ ߞߏ߫ ߝߏ߫ ߞߊ߬ ߛߌ߰ߟߊ߲߬ ߘߎߡߊߣߍ߲߫ ߝߌ߬ߟߊ߫ ߟߋ߬ ߘߌ߫ ߝߘߊ߬ߝߌ߲߬ߠߊ߫ ߜߙߋ ߡߊ߬ ߒߕߍߜߊߘߌ ߤߊߞߍ ߘߌ߫߸ ߊ߬ ߣߌ߫ ߞߊ߬ ߛߌ߰ߟߊ߲߬ ߘߎߡߓߊߟߌ߫ ߟߏ߯ߟߎ߫ ߝߣߊ߫ ߘߴߊ߬ ߡߊ߬ ߞߏߟߊߘߍ߯ ߘߐߥߙߊ߬ߣߍ߲ ߘߐ߫.

ߡߙߌߦߊ ߣߌ߲߬ ߝߐ߫ ߘߊ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߥߛߊ߬ߓߊ߰ߦߊ ߞߊ߲ߕߌ߮ ߡߊ߬ߤߑߡߎ߬ߘ ߊ߬ߟߌ߬ ߦߎ߯ߛߎߝ ߟߋ߬ ߓߟߏ߫߸ ߞߏߕߌ߯ ߟߊߘߍ ߘߐ߫߸ ߡߍ߲ ߞߎ߲߭ ߕߎ߲߬ ߦߋ߫ ߟߊ߬ߞߊ߲߬ߘߊ߬ߟߌ ߞߏߟߊߕߍ߯ߘߊ ߟߊߞߎߘߦߊ ߘߌ߫߸ ߡߍ߲ ߛߌ߲߬ߝߏ߲߬ߧߊ߬ ߘߊ߫ ߝߘߊ߬ߝߌ߲߬ߠߊ߬ ߣߌ߫ ߝߊ߬ߙߊ߲߬ߛߌ߬ ߟߊ߫ ߞߎ߲߬ߜߙߊ ߘߐ߫ ߣߊߦߌߙߏߓߌ߫߸ ߞߋߣߌߦߊ߫ ߖߡߊ߬ߣߊ ߞߊ߲߬.

ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߟߊ߫ ߞߎߡߟߊ ߣߐ߬ ߞߎߡߊ ߕߊ߬ ߟߊ߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߫ ߣߐ߬ ߞߎߡߊ ߡߍ߲ ߝߐ߫ ߟߊ߫ ߣߌ߲߬߸ <<ߊ߬ ߕߍ߫ ߕߙߍߡߍ߫ ߟߊ߫ ߡߎ߰ߡߍ߫>>߸ ߊ߬ߟߎ߬ ߟߊ߫ ߡߞߊ߬ߛߌ߬ ߞߊ߲߬ߠߊ ߣߌ߲߬ ߛߊ߲߬ ߦߙߌߞߊ ߟߋ߬ ߕߋ߲߬߸ ߊ߬ ߞߢߊ߬ߣߍ߲߫ ߕߊ߬ ߟߊ߫ ߓߊ߫ ߘߐ߫.

ߡߊ߬ߤߑߡߎ߬ߘ ߊ߬ߟߌ߬ ߦߎ߯ߛߎߝ ߞߵߊ߬ ߦߌ߬ߘߊ߬ ߞߏ߫: <<ߝߘߊ߬ߝߌ߲߬ߠߊ߬ ߕߍ߫ ߓߐߣߎߡߊ߫ ߓߟߏ ߡߊ߬ ߣߌ߲߬ ߘߋ߬߸ ߝߘߊ߬ߝߌ߲߬ߠߊ߫ ߡߊ߬ߞߏ ߦߋ߫ ߛߊߞߍߟߌ ߟߋ߬ ߟߊ߫ ߡߎ߬ߣߎ߲߬߸ ߕߋߟߋ߲ߓߊߟߌߦߊ߫ ߘߝߐ߬ߡߊ ߛߊߞߍߟߌ ߞߊ߬ߣߌ߲߬.>>

ߊ߬ߟߋ ߟߊ߫ ߝߐߟߌ߫ ߘߐ߫߸ ߊ߬ ߗߋ߲߰ ߕߍ߫߸ ߞߊ߬ ߝߐ߫ ߞߏ߫ ߝߘߊ߬ߝߌ߲߬ߠߊ߫ ߜߙߋ ߛߌ߰ ߦߙߐ߫ ߕߍ߫ ߟߊ߬ߞߊ߲߬ߘߊ߬ߟߌ ߞߏߟߊߕߍ߯ߘߊ ߛߌ߰ߟߊ߲߬ ߘߎߡߊߣߍ߲ ߞߊ߲߬߸ ߝߘߊ߬ߝߌ߲߬ߠߊ߫ ߖߊ߬ߡߊ ߟߊ߫ ߛߌߦߊߦߊ ߣߌ߲߬ ߓߍ߯ ߣߴߊ߬ ߕߊ߫߸ ߓߘߍ߬ߓߘߍ߬ߟߌ ߣߌ߫ ߛߐ߬ߘߐ߲ ߝߊ߲߬ߞߊ ߟߊ߫ ߥߊ߬ߙߊ ߣߴߊ߬ ߕߊ߫ ߘߎߢߊ߫ ߞߊ߲߬ ߞߊ߬ ߝߘߊ߫ ߝߘߊ߬ߝߌ߲߬ߠߊ߬ ߟߊ߫.

ߒ߬ߓߊ߬߸ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߥߛߊ߬ߓߊ߰ߦߊ ߞߊ߲ߕߌ߮ ߞߊ߬ ߦߟߌߓߌߟߊߟߌ߫ ߞߍ߫ ߌߞߐ߫߸ ߞߏ߫ ߝߘߊ߬ߝߌ߲߬ߠߊ߫ ߦߴߊ߬ ߟߊ߫ ߡߞߊ߬ߛߌ߬ߟߌ ߣߌ߲߬ ߞߍ߫ ߟߊ߫ ߞߵߊ߬ ߓߟߏߞߍߣߍ߲ ߕߏ߫ ߋߖ߭ߎߟߑߥߣߌ߫ ߓߍ߲߬ߞߊ߲ ߠߋ߬ ߟߊ߫߸ ߊ߬ ߣߌ߫ ߛߌߙߕ ߟߊ߬ߛߋ߬ߟߌߌ߸ ߞߟߏߜߍ߫ ߝߌ߬ߟߊ ߏ߬ ߡߍ߲ ߕߊ߬ߣߍ߲߫ ߝߘߊ߬ߝߌ߲߬ߠߊ߫ ߞߊ߬ߝߏ ߟߎ߬ ߓߟߏ߫ ߞߵߊ߬ ߟߊߥߟߌ߬ ߝߘߊ߬ߝߌ߲߬ߠߊ߫ ߣߌ߭ ߡߞߊߘߊ߲ ߡߊ߬ ߘߎߢߊ߫ ߞߎ߲߬ߠߊ߬ߛߌ߰ߟߌ ߛߌ߲߬ߝߏ߲߬ߘߊ ߟߎ߬ ߘߐ߫.

ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߞߵߊ߬ ߟߊߢߌߣߌ߲߫ ߝߣߊ߫߸ ߞߏ߫ ߝߘߊ߬ߝߌ߲߬ߠߊ߬ ߕߍ߫ <<ߛߌ߰ߟߊ߲߬ ߖߊߙߊ߲߫ ߝߌ߬ߟߊ ߏ߬ ߞߐ߫ ߦߋ߲߬ ߕߋ߲߬ ߘߋ߬، ߝߏ߫ ߊ߬ ߦߋ߫ ߟߊ߫ ߞߏ߫ ߘߊ߲ߘߐ߫ ߟߋ߬ ߞߊ߲߬߸ ߓߏ߲߬ߧߊ ߟߋ߬ ߞߊ߲߬߸ ߊ߬ ߣߌ߫ ߒߕߍߜߊߘߌ ߤߊߞߍߍ߸ ߝߊ߬ߣߌ߫ ߒߕߍߜߊߘߌ ߦߋ߫ ߘߎߢߊ߫ ߘߐ߫߸ ߞߵߏ߬ ߟߊ߫ ߛߌ߰ߟߊ߲߬ ߟߏ߯ߟߎ߫ ߝߣߊ߫ ߞߊ߲߬ ߞߏߟߊߕߍ߯ߘߊ߫ ߘߎߡߓߊߟߌ ߘߐ߫.>> ߣߴߊ߬ ߘߌ߫ ߝߐ߫ ߊ߬ ߡߵߊ߬ߟߎ߬ ߓߟߏ߫ ߞߏ߫ ߟߊ߬ߞߊ߲߬ߘߊ߬ߟߌ ߞߏߟߊߕߍ߯ߘߊ߫ ߟߊߞߎߘߦߊߣߍ߲ ߣߴߊ߬ ߘߐߘߎ߲߬ߧߊ߬ߣߍ߲.

ߡߊ߬ߤߑߡߎ߬ߘ ߊ߬ߟߌ߬ ߦߎ߯ߛߎߝ ߞߊ߬ ߕߊ߲߬ߘߏ߬ߟߌ ߟߊߛߋ߫ ߝߊ߬ߙߊ߲߬ߛߌ߫ ߡߊ߬߸ ߞߋߣߌߦߊ߫ ߡߊ߬߸ ߊ߬ ߣߌ߫ ߛߙߊ߬ߟߏ߲߫ ߡߊ߬߸ ߏ߬ ߟߎ߬ ߡߍ߲ ߠߎ߬ ߞߊ߬ ߝߘߊ߬ߝߌ߲߬ ߠߎ߬ ߟߊ߫ ߛߍ߬ߘߏ߲ ߣߌ߲߬ ߞߐߡߊߓߌ߲ߓߌ߲߫. ߊ߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߝߘߊ߬ߝߌ߲߬ߠߊ߫ ߖߡߊ߬ߣߊ ߟߎ߬߸ ߊ߬ ߣߴߊ߬ߟߎ߬ ߕߋߙߌ ߟߎ߬߸ ߓߍ߯ ߦߋ߫ ߘߍ߬ ߞߵߊ߬ߟߎ߬ ߓߟߏ ߟߎ߬ ߘߌ߫ ߢߐ߲߮ ߡߊ߬߸ ߖߐ߲߰ߛߊ߫ ߟߊ߬ߤߟߌ ߡߍ߲ ߠߎ߬ ߦߋ߫ ߕߊ߬ ߟߊ߫ ߘߎߢߊ߫ ߘߐ߫ ߞߊ߬ ߓߍ߲߬ ߓߍ߲߬ߡߊ߬ߞߊ߲ ߠߎ߬ ߓߐߢߟߊ ߡߊ߬߸ ߏ߬ ߟߎ߬ ߦߋ߫ ߛߋ߫ ߞߍ߫ ߟߊ߫ ߜߍߘߐߞߏ ߘߌ߫.

ߊ߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫: <<ߟߊߒߠߦߊ ߟߊ ߟߊ߬ߞߊ߲߬ߘߊ߬ߟߌ ߞߏߟߊߕߍ߯ߘߊ ߘߐ߫߸ ߊ߬ߟߎ߬ ߞߍ ߛߊ߬ߙߌ߬ߦߊ߬ ߟߓߊ߬ߕߏ߬ߟߊ ߘߌ߫߸ ߏ߬ ߦߋ߫ ߓߐ߫ ߟߴߊ߬ߟߎ߬ ߟߌ߬ߤߟߊ ߓߍ߲߭ ߠߋ߬ ߡߊ߬ ߘߎߢߊ߫ ߝߊ߬ߘߌ߬ ߞߎߘߊ ߡߊ߬߸ ߓߊ߬ߙߌ߬ ߁߉߄߅ ߘߎ߰ߓߘߍ߬ߓߘߍ߬ߟߌ ߞߏ߫ ߕߍ߫ ߘߋ߬.>> ߏ߬ ߡߍ߲ ߞߘߐ ߦߋ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߊ߫ ߟߊ߬ߞߊ߲߬ߘߊ߬ߟߌ ߞߏߟߊߕߍ߯ߘߊ ߞߊ߫ ߞߊ߲߫ ߞߊ߬ ߞߏ ߟߎ߬ ߟߊߕߊ߯ߡߊ߫ ߞߊ߬ ߓߍ߲߬ ߥߊ߯ߕߌ ߟߌ߬ߤߟߊ ߟߋ߬ ߡߊ߬߸ ߊ߬ ߞߊߣߵߊ߬ ߖߌ߰ ߞߏ߫ ߘߎߢߊ߫ ߦߋ߫ ߖߐ߲߬ߧߊ߬ ߕߟߋ ߟߋ߬ ߘߐ߫ ߡߎߣߎ߲߬.

ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߥߛߊ߬ߓߊ߰ߦߊ ߞߎ߲߬ߕߌ߮ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߣߌ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߛߐ߬ߘߐ߲߬ ߘߊ߫ ߞ߂߀ ߛߌ߲߬ߝߏ߲߬ ߘߎߡߊߣߍ߲ ߠߎ߬ ߛߙߍߘߍ ߘߐ߫߸ ߏ߬ ߘߴߊ߬ ߦߌ߬ߘߊ߬ ߞߏ߫ ߘߎߢߊ߫ ߡߊ߬ߙߊ ߓߘߊ߫ ߞߍ߫ ߢߣߊߕߐߡߐ߲ߓߊߟߌ ߘߌ߫.